SUKIYA すき家 (亞皆老街)

營業中

休息中

🥢旺角 來自日本的牛肉丼飯🥢一直人龍不斷的すき家牛肉飯，由開張到而家都是人龍不斷，經過次次都是大排長龍，今次終於的起心肝去排隊食返一次🥢排隊大約等了半小時都還ok,入到去有日本店員用廣東話招待"歡迎光臨"感覺良好，檯面有提供獨立包裝的筷子匙羹，感覺衛生🥢（M)三式芝士燒肉丼沙律套餐$58沙律菜很新鮮食落爽脆感覺，附上一支就來用完的胡麻醬，三式芝士丼賣相跟張圖片相差太遠，圖片芝士很多切一條條，現實是碎濕濕一粒粒的，燒牛肉很香口，但肉量不多，每條肉都有燒肉汁的味道，因為肉不是很熱，芝士不能做拉絲感覺，M size,的飯量對我來說不夠飽，宵夜食剛剛好🥢（L)蔥溫泉蛋燒肉丼炸雞套餐$71炸雞味道很日式超市買到微波翻熱感覺，好唔好食見人見智，L size 的飯量目測同M 差唔多，食完都係唔飽的，所以問了店員有無誤會搞錯左，佢地表示L 比M 多飯， 如果唔飽要下次叫LL size🥢如果要一個女仔去食飯要我去叫LL size 會有點難受，你地如果食完可以下面留言話我知飽唔飽啦，定係我大食

都明白大家貪新鮮，難得有間唔係吉野家既牛肉飯，個個都想試下。但老實講，真係唔值得排隊。唔係話個牛飯唔好味，但請千萬唔好試其他野，最多加隻溫泉蛋就算。叫左個香蔥牛飯，啲蔥完全無處理過，淨係切碎擺上個飯度。我唔知咁係咪就係正宗，亦唔知係咪有人特別好呢味，我個人黎講就覺得好辣、好生、一啲都唔香。簡直破壞埋個牛飯。另外叫左個燒肉加大。呢度既加大同啲肉量無關，淨係多左飯。咁其實都無咩，但你可唔可以！起碼！擺靚啲呢？唔好呢度一達個度一達，好似俾人抄過黎咁呢？望下我影既相（上台就係咁無掂過），同店裡面個張，邊度似？睇見都唔開胃。食落口，仲有一大陣燒燶味。你話我知呢啲係燒肉味，我真係見識少，淨係知我試過好多地方日式燒肉，無一間覺得係燶。個服務自然係唔好啦（快餐店啊嘛），入座安排又混亂，問嘢佢會答：呢樣答唔到你啦。大佬，做戲都話幫你問問啦，係嘛。同佢反映個飯好似俾人抄過，無話唔好意思。唯一好處係加10蚊有菜同汽水，算係咁。成餐一啲享受既感覺都無，淨係想快啲倒曬落口快啲走。食平嘢，口痕，都可以食既。排隊？真係唔使。

這家日本過江龍，剛在香港開叢的時候，由早餐時段開始，每天都大排長龍，現在很多人都盡量減少外出進食，人龍才短了一點。點了牛肉咖喱飯和燒肉丼，兩者都改成套餐，一個加了炒菜和飲品，另一個加了沙律和飲品。牛肉咖喱飯：傳統日式咖喱的味道，不太辣，略帶甜，咖喱香味十足，很好下飯，牛肉的味道也不錯。燒肉丼：這牛肉燒得很香，很惹味，好吃，下次會再點。這兩個飯用的都是日本產月光米，質感和味道都好。炒菜是油麥菜，炒得很香，沙律的主要材料是粟米、洋蔥和生菜，附上一樽胡麻汁，由顧客自行添加。菜和沙律的份量都很足夠。食物有水準，可惜店子面積不大，桌椅之間的距離較近，有點擠迫的感覺。服務方面和所有日本食店一樣很不錯，店員工作效率很高，要小碗或是什麼的，都很快送上。要扣點分的是有送餐的店員沒戴口罩，在現時的環境似乎不太好。

近期因疫症影響，街上少了很多人外出用膳，即管到旺角試吓排隊，人流比以前少咗，但都需要排隊，不過最耐的一次都只係等咗15分鐘左右就有位，幫襯了好幾次，食極都唔厭，烤雞丼，肉鮮嫩，醬汁味道適中，不會太濃味，泡菜溫泉蛋牛肉丼，泡菜有微辣，啱我呢啲不能吃太辣的人，牛肉配搭洋蔥好味味，跟吉x家簡直冇得比，還有值得推介牛奶布甸士多啤梨特飲，入面有鮮奶加香濃布甸配搭士多啤梨肉和藍莓，酸酸甜甜好好飲。以後一定會繼續去幫襯。

今日一早來到旺角去體檢，一早出來旺角一小時完成，剛好午餐時間到，本身這時候還是回家休息好，但去巴士站時經過看到排隊人數不多於十個，可以一試～這店在日本有好多分店，也是24小時的，但香港的不是，明白的！剛開業每次經過大排長龍！嚇死寶寶～在門口先看看入面裝修大概和日本店相同～坐底先看餐牌，丼種類也多～鰻魚也好吸引～但這次來，主要是試一下牛肉丼，因為在9月份時在京都也食這個，是宵夜時間的😂，也想真正對比一下！溫泉蛋牛肉丼套餐，先看牛肉的份量可說正常，但細片沙律菜也夠新鮮，另跟醬可自己加！ 麵豉湯一般，味道編淡，湯也不夠熱～整個套餐份量也足夠午餐的，如果真的要排太耐我就覺得不值，價錢上可以說便宜～如果和日本店對比，可以有進步空間，價錢也和日本店差不多！我也希望這公司能夠多開分店～因為味道價錢也比得上某家牛肉飯店～

SUKIYA すき家 #旺角曾經開24小時🏪連凌晨都大排長龍嘅日本過江龍牛肉飯🍱呢排條街少啲人，但當日下晝三點幾去到都要排5至10分鐘，果然深受大家歡迎！主打食牛肉飯🥩分別有普通牛肉飯同埋燒肉飯，其實兩隻飯都係用肥牛，不過燒肉就會再多咗佢哋特製嘅腌料，令到成個牛嘅味道再濃郁啲，不過就比普通牛肉飯貴$10。第一次嚟就嗌咗個溫泉蛋🥚牛肉🥩燒肉🥓雙拼丼$63 (medium size) ，望落去完全分唔出邊啲打邊啲🙈。。。所以其實食返普通牛肉丼就夠，味道差別唔算大，而且抵食好多！難得嚟到加咗$40要多個烤🐓雞肉味道同牛肉嘅有少少分別，冇咁濃亦都冇咁鹹，不過$40來講份量就唔多。另外佢哋啲飯其實仲有分特大、大、中、細size🍚不過正常女仔可能都要食中size先夠飽，另外係要加到去特大size先會有多啲牛肉㗎，其他只係多啲飯🙈除咗最普通嘅嗰個牛肉丼$25/S $29/M $39/L $45/LL比較平之外，其他都唔算真係特別平，不過勝在味道都唔錯嘅，可以取替吉野家！味道: 3.6/5性價比: 3.5/5

開業一段時間，看到人龍終於有減退的跡象就決定排隊趕上sukayi 熱潮的尾班車沒想到排了10分鐘就可以入座了喜歡多蔥的我當然選了香蔥溫泉蛋燒肉丼店家有分到M size ,L size，細心處理到不同人的食量，減少浪費！溫泉蛋分開上需自己打，加上飯上拌飯一起食，彌補了牛肉汁不夠的問題但是燒肉丼有一種怪怪的‘𤓓味’，問過店員說是燒肉丼是點單後馬上用火槍燒所以是有這種’𤓓味‘，小妹就不太欣賞了，可能下次不用排隊再來試一下普通的牛丼吧

我知我知我知, 你哋想講而家唔使排咁耐 😅 但我喺開業第5日去嘅時候的而且確排咗兩個幾三個鐘😪... 香港人就係咁奇怪, 去日本旅行嘅時候明明唔使排又唔食, 係要等佢嚟到香港排幾粒鐘先齊齊走去食! 😂七點幾嚟到餐廳附近, 分兩條隊, 內圍排堂食, 外圍排外賣, 外圍嗰條隊長三倍左右... 排咗大半個鐘前面有幾個食客已經決定放棄, 留低嘅意志更堅決, 仲有一家大細推住BB車! 香港人真係好想食牛肉飯咁喎 🤤🐮排住隊又望吓食邊款牛肉飯好呢.. 🤤終於見到門口喇! 😭已經係兩個半鐘之後.. 我揀咗個三式芝士牛丼沙律餐, 大中細三款我揀咗中size, 份量啱啱好, 配特製冰紅茶~ 食沙律嗰陣舉手問待應要沙律醬, 佢好認真咁問廚房攞咗支全新嘅芝麻醬 嚇到唔敢開.. 望多兩望發現係自家品牌, 超級認真! 非常出色嘅燒肉丼! 男朋友大讚~ 牛肉新鮮, 燒肉汁惹味!呢份係M size牛丼, 有溫泉蛋同炸雞, 炸雞麻麻, 凍嘅... 牛丼保持水準~ 喺等食嘅過程, 我哋留意到店員有一半都係日本人, 包括一位斟茶抹枱呀姐, 不得不驚訝日本人做事嘅認真, 睇得出佢哋有幾重視喺海外開分店, 帶幾位日本員工

呢間鋪開既時候我已經好想試，但啲人真係多到要排成差唔多2個鍾所以就唔會想去排黎食，今次就係因為無咩人出街既關係，所以我今次見人咁少，所以就去排一排我只係排左半個鐘就入得去食野啦話說間鋪本來係開24小時既而家改左時間啦大家都要留意番企係門口既時候係會有個好大既外賣餐牌，大家可以諗定食咩好見到咁多野食，搞到我乜都好想食入到去坐低睇個餐牌原來堂食餐牌仲多選擇仲可打邊爐tim架不過賣相就無吉xx咁好，所以我就無叫打邊爐啦牛肉燒肉雙拼丼加溫泉蛋跟餐加炸雞同野飲一到即刻試下個牛肉飯既味度似唔似吉xx先我食牛肉係有啲似既但個燒牛肉個味就唔似啦，個炸雞好滑都好好食本人覺得燒牛肉好食啲豪華三重奏咖哩佢地既咖哩唔會辣係甜既普通牛肉同吉xx差唔多，而炸雞都講左係滑既，撈埋咖哩食都好好食唔錯既整體黎講同吉xx，本人覺得唔多似，因為呢到種類比較多直得一試

相信好多人去日本既時候都有食過すき家, 我呢個日本旅行愛好者都唔例外。當佢話會進軍香港既時候有一絲興奮的感覺。知道開業以黎都排長龍, 但今晚好想食牛肉飯, 但因為唔可以食吉XX, 所以決定黎拜訪一下!況且一個人, 應該會快一點吧!大約等左20分鐘入座, 都唔算太耐既, 一個人冇咩所謂喇~安排坐係吧枱位置, 我揀左香蔥溫泉蛋牛丼M size+炸雞、味噌湯食物好快黎到, 我都急不及待要食喇, 因為真係好耐冇食過LU!溫泉蛋質地剛好, 正!!蔥都好新鮮, 好香~牛肉就比較碎一D, 但好入味!!飯加上醬汁、牛肉、蔥、蛋漿一齊食, 簡直係完美既配搭!!!!至於炸雞, 發揮正常! 想食飽D可以一試!味噌湯就普通喇~總括黎講呢一餐係平靚正!!唯一不足係店員忘記左比杯水我(留意到入坐既時候, 店員係會擺底一杯水比客人)

Came here during CNY, the queue wasn't too long so we only waited for 15 minutes to be seated. Ordered a medium spring onion soft boiled egg with beef rice, a  curry with beef rice set with  salad and iced tea, and also a serving of pickled vegetables. Both beef rice tasted good, there was an adequate amount of beef, the curry was very flavourful and had a rich consistency, the soft boiled egg was perfectly cooked, however, the spring onion didn't taste as fresh as expected. The pickled vegetabl

喺日本設有多間分店大受人氣嘅24小時，係吉野家、松屋嘅朋友😂雖然香港唔係開24但都算開得夜價錢亦算經濟有火鍋食，朝早有牛肉元氣早餐 。日本野始終都係受大家歡迎，小編琴晚7:30排到8:30都幾多人排隊下所以足足排左一個鐘🤧.👓香蔥溫泉蛋燒肉丼 M $48老實講係冇吉野家咁好食少失望，飯粒用日本產的越光米但食落唔似日本米好黏口唔係粒粒分明；話100%美國牛，牛肉冇乜特別都係正正常常吾韌，其實唔太清楚牛肉丼同燒肉有咩分別，但見餐牌燒肉張相吸引啲😂香蔥係多嘅；溫泉蛋普普通通正常，成隻蛋係已經定型左偏實所以蛋白唔係偏液態嘅水狀，不過成碗飯都係靠隻蛋起死回生😗唔可以話難食但又唔可以話好好食值得我排成粒鐘，如果唔使排隊嘅話我都會再幫襯嘅，我都覺得大家可以試一次😗話晒係日本咁紅，好過食吉野家嘅～評分：7/10👓三色芝士燒肉丼 M $48芝士量都幾多，芝士黐住晒啲燒肉兩者融為一體，鍾意食芝士嘅我覺得幾正😀但依個丼冇溫泉蛋，食食吓少dry，同香蔥丼各有優劣。評分：7/10👓珍珠宇治牛奶抹茶 $32聲稱使用100%黑糖，所以飲嘅時候明顯比較甜係黑糖味！但黑糖味未重到出面台飲黑糖珍奶咁，大家唔好咁大期望，杯

話說，呢個肺炎搞到人心徨徨，連出街都唔夠膽出，屈左成個新年係屋企，決定要出去食返餐，最後行過一間成日都見到排晒長龍嘅一間日本快餐，於是就跟着人龍一齊排隊，大約排左45分鐘到就到到我啦未入到去就已經聞到好香嘅牛肉味，一打開餐牌款款都好吸引最後我揀咗蕃茄芝士牛丼，而老公就揀左LL雙倍牛肉飯上菜啦，幾好賣相，好香噴噴，蕃茄芝士牛丼上面既芝士係一粒粒，有輕微融化中，之後將啲芝士撈落啲飯攪伴，濃濃的芝士配合新鮮熱辣辣牛肉，好好味喔，女仔我建議揀L，因為L係一個正常份量因為m會再細d佢地仲有外賣添，五想堂食，外賣走人都得，最正的是員工全是日本人呢，好有身處喺日本感覺

我自從光顧過在旺角「亞皆老街」新開張營業，在日本被譽為三大牛肉飯食店之一「すき家」，中文店名被稱呼叫做「食其家」的「牛丼」專門店之後，我亦發現自己頗為喜歡「すき家」的「牛肉飯」。因為「すき家」裡面廚房製造的「牛肉飯」，分別有兩款不同甜味濃度的版本，包括有原味牛肉飯的「牛丼」，還有加入了甜味燒烤醬汁，變成燒烤甜味版本的「牛肉飯」，名稱叫做「燒肉丼」。我最初排隊光顧「すき家」的時候，還一直以為「すき家」的「燒肉丼」，真的會好像中式燒臘飯店裡面係燒臘廚房師傅一樣，製造出來的豬肉「燒肉」。但是「すき家」實際上的「燒肉丼」，有點教我出乎意料之外。因為「すき家」的「燒肉」，真的名副其實地，在燒牛肉的表面上，塗抹一層比「牛肉」更濃厚更多的甜味燒烤醬汁，然後加熱製作變成甜味燒烤醬牛肉，絕對不是中式燒味飯裡面見到，半肥瘦豬肉的「燒肉」。「すき家」把兩款甜味程度濃淡有別的燒牛肉，原味甜醬油作調味料的「牛肉」，跟塗抹濃厚版本甜醬油作調味料的「燒肉」，在「すき家」頗大的丼碗跟白飯表面上，各據一方變成了「牛肉燒肉雙併丼」。「すき家」的「牛肉燒肉雙併丼」食品價錢其實不算便宜，單單中等份量「M」的「牛肉燒肉雙併丼」

之前冇特別留意日本食店， 不過見各媒體爭相報道，我都唔執輸 24小時營業，早上十點幾已經有唔少人排隊，過江龍嘅威力。。。等咗半個鐘左右就到我哋，店舖比選想像中寬敞，不過舖面得兩個員工，所以慢啲，唔怪佢哋。落單可以撳鐘，咁就揀個普通牛肉飯，同埋特別啲嘅咖哩飯試下啦。味道我覺得比吉野家豐富啲，牛肉入味啲，醬汁亦都濃啲，後來聽隔離枱講，原來燒肉丼都係牛肉嚟 另外咖哩飯，唔錯不過不失。整體屬於滿意有多。等冇咁多人嘅時候都想試下打邊爐，睇落比吉野家吸引。佢最好係有唔同分量，適合唔同胃口嘅人士，價錢都會相應減少，很貼心很公平，希望佢開多幾間分店~