SUKIYA すき家 (亞皆老街)

營業中

休息中

唔知道大家試過等你食飯用咗幾耐時間，呢間餐廳啱啱開業初期我哋已經請咗半日假去試. 諗住平日會少啲人去排，但都用咗差唔多兩個鐘頭嘅時間先可以安排到入座😨😨😨冇辦法啦，大家都因為牛肉飯而忍咗好耐!🤬🤬雖然等嘅時間係好長，但係睇得出呢日本人做事係好認真嘅，佢哋係安排晒所有每一個人做唔同嘅崗位，係會謹守崗位！😙😙我哋叫咗一個係鰻魚牛肉飯，可以一個飯滿足晒兩個願望！好好味既牛肉飯，啲飯係來自日本㗎，起碼有信心保證. 另外叫咗一碗係燒牛肉飯，其實同普通牛肉飯差唔多，係重味d. 總結排咗兩個鐘頭都值得！

價錢同落單order都搞錯 我一次又一次咁來來回回而得到嘅只係一句「唔好意思」大佬呀正常你講單號幾多就照去拎㗎啦仲要係你遞俾我喎我不疑有炸好正常姐偏偏就係有講句「唔好意思」大哂咩一啲誠意都冇一般人可能硬食，反正，都返到屋企（我仲要係特登過海）但係「換返嚟」嘅飯係啲我唔會食嘅嘢各位巴絲打你係我你會點

半夜肚餓，終於唔使再食7-11肉醬意粉或者叮叮燒賣，依家有牛肉飯食喇woohoo～！開返24小時營業，對貓頭鷹一族真係天大既喜訊。凌晨2點幾，門口大概有十個人排隊，外賣唔使排隊，等五分鐘左右就有得攞。外賣要每樣餐點加$1香蔥溫泉蛋牛丼(M)｜$38標榜用既係美國肥牛，同埋日本越光米。溫泉蛋另外用膠盒放，攞到返屋企打出嚟都好流心。蛋味香濃，拌飯一流。牛丼(M)｜$29兩個丼飯牛肉份量尚可，M size飯量都唔少，我就食唔晒。飯偏軟，未必個個鍾意。五件炸雞｜$25可能係個盒度焗住，食既時候已經唔脆，不過重熱，味道唔錯，都算滿足到半夜食炸雞既慾望。

响失業率升至5.9%十五年新高嘅艱難時間之下，原本打算食個平平下午茶餐就算；不過難得今日經口過旺角，就一於試開業至今都未食過嘅 すき家 牛肉飯下午2點過後，本以為過晒午飯時間唔洗等，點知都要排大約5分鐘，好在落咗單之後一眨眼就有得食。以 $40有找嘅正價午餐，有飯有菜有涷飲今時今日真係唔易搵。碟通菜份量都唔算細，不過就真係鹹咗啲用來送多碗白飯都唔係問題，牛肉食得出係新鮮嘅，不過味道與連鎖橙色牛肉飯分別唔算太大，特式冰紅茶唔甜尚可以。唔易搵嘅飽肚嘢自然唔可以要求多多，如果下次有機會再食，希望燒牛肉或雞肉會有多少少驚喜。

難得今日收早，見依間過江龍門外只有幾個人，一於試一試。服務生安排入座前都會先量體溫，可於坐bar台，感覺更私隱。Menu既選擇都好多，有丼有咖哩有烏冬，價錢亦都好相宜。加錢仲可以轉為套餐，分3款，更加喜歡既係丼飯有唔同size，大家可以按照自己既大食指數點餐，唔會浪費食物👍🍚溫泉蛋牛丼M($34) +$20炸雞套餐餐廳寫明100%日本產越光米，米飯品質一定有保證，不過可能當日米水多左dd，小妹覺得淋左d有些少糊。牛肉份量ok，唔乾，炸雞有3件，不過唔似即炸，食既時候只係微暖，而且炸粉有d厚，雞同炸粉已經分開左。餐飲點了凍既紅茶，大大杯，紅茶唔幾濃！🥚鰻魚溫泉蛋丼M($66) +$10青菜套餐溫泉蛋係分開上的，而且未剝殼的，要考考大家用適當既力度敲裂再剝，都幾好玩😉 溫泉蛋加飯真係無得輸，蛋黃味好香。鰻魚味道都ok，不過有點淋身同多幼骨絲，特別食琴邊位時要留神！青菜炒得唔錯，蒜蓉炒帶有少許咸醬油，唔錯👌

每次去旺角諗唔到食咩好，就會想去Sukiya食牛肉飯，又平又好食😋 今次和朋友行街後，冇咩特別想食，決定再去這裏食，等了大概15分鐘就進去～～——————————🔹 鰻魚牛肉丼 $82之前食過燒肉丼和牛肉丼，今次就想食特別啲，叫了鰻魚牛肉丼。一上菜，看到半條鰻魚，而牛肉的份量都很多😍 鰻魚上淋滿醬汁，醬汁鮮甜入味，甜度剛好，拌飯一流。還有鰻魚沒有碎骨，大啖食都唔怕☺️牛肉很新鮮，是半肥瘦肥牛，配上甜甜的洋蔥和濃郁的牛肉汁，每啖都很滿足😋-🔸 牛肉咖哩L $58 +$20炸雞套餐咖哩都是另一樣很想食😋 首先飯上有一半是牛肉，另一半是咖喱汁，未食就知好濃郁～ 果然咖喱和牛肉很搭，甜而不辣的咖喱汁，令牛肉味道變得更加豐富！但可能味道太濃，食到最後會有點膩😖另外，加$20會有三件炸雞和特製冰紅茶，炸雞的外皮有點厚，味道也普通，可以不叫～

香港人真係好鍾意食牛肉飯🤪排咗兩個鐘隊，已經最少有半年冇食過牛肉飯😭終於食到喇！最平嘅牛肉飯(S size)都係$25喳，我就嗌咗溫泉蛋燒肉丼（$44 M size）Sukiya標榜用咗日本嘅越光米同埋美國嘅牛肉，飯係幾有咬口既😋 撈埋溫泉蛋同燒汁都幾正😙牛肉比吉野家厚身啲 不過略嫌有少少乾另外加$25就有一份炸雞（5粒），啱啱炸起外層夠脆，肉質都算嫩滑👍雖然牛肉飯都係大同小異，但多個選擇，冇晒藉口食吉野家啦！不過建議過咗熱潮先去食，就唔使排咁耐隊🤣見到佢有壽喜燒鍋，都係$60喳！下次要去試!!!😋

食牛丼不用吃吉*家(´˘`*)SUKIYA すき家在旺角開張了🥳日本知名牛丼連鎖店👅其實人唔係好多，但都要排隊🙄🥺🤧點了一客温泉蛋燒牛丼加青菜坦白說，我已經個重口味的人但都覺得青菜略嫌咸左小小🙈但係，個日本温泉蛋和燒牛真心做得很好温泉蛋用日本蛋，所以味道非常好熟既程度都剛好，唔會太生，唔會太熟重點係價格十分十分十分親民ᐡ ߹𖥦߹ ᐡ唔會賣好貴很適合我這位窮學生去吃🤧🤣會再去的🌝🌝🌝🌝

難得出到旺角，梗係要試下日本人氣牛丼過江龍🎌上網搵過資料，發現佢採用美國牛肉，所以食落牛味幾濃溫泉蛋牛丼嘅牛肥瘦程度岩岩好，一個人食曬都唔會太漏而內裏嘅洋蔥炒到好腍，吸曬啲牛汁配合埋撈左溫泉蛋的越光米一齊食真係好夾✨.三色芝士燒肉丼就相對比較濃味燒肉食落有一陣焦香味，加上秘製醬汁，味道十分惹味，岩曬食開濃味的人但亦因為咁，芝士嘅味道反而唔太突出但整體上都唔影響丼飯嘅好味程度👍🏻.以唔洗$40就可以食到一個唔錯的牛丼來講，性價比真係幾高。

好耐未食過牛肉飯，所以決定今次去旺角呢間試吓,我哋差唔多排左九個字就入去了，叫咗兩個牛肉飯，一個加溫泉蛋，同埋加咗炸雞，牛肉飯都唔差，但係炸雞就太冧，不過我覺得要排九個字就可以唔使試luuu

平時呢間野多人到爆，今天星期六，早上9:50到，就一入去就有位坐啦。早餐時段是6-11點，但早餐無得外賣嫁，外賣有專用外賣餐單。選左個牛肉早餐，除左牛肉同日本米飯外，仲有麵豉湯，秋葵配半生蛋，配菜。好豐富喔~呢間野用日本米， 好食好多，牛肉又濃味，但牛肉汁會比較咸，怕太咸，可以留低d汁。半生熟蛋連秋葵拌混，再加小許豉油，淋上白飯來食。覺得自己真的係日本人呢個價食飽飽，好抵食。希望快d開多幾間 ，等多d朋友仔可以一起品嚐。唯一不喜歡係場地環境，我覺得可以再加強清潔，香港比較潮濕，唔似日本，清潔唔夠，就會有小飛蟲。

黎到人氣既牛丼飯專門店，sukiya, 喺外面雖然有一堆工人喺度鑽地，非常吵耳。但都係同樣有咁多人排隊。等左around15mins, 終於入得 有位坐了。睇睇佢地個menu 先order 左杯布甸牛奶紅茶 $29, 都幾足料，喺杯底有番好多布甸，甜甜地，牛奶紅茶味道都幾夾，加埋好好味！！！！！同時都order 左溫泉蛋烤雞丼 Medium size $50, 打番隻溫泉蛋落去就這樣了，想講用蛋撈飯真係好正好好食！推介！！

套餐無得買走，只有散叫，連登仔最愛既薑亦都無獨立包裝，淨係可以現場夾。除左最basic既牛丼之外，其餘丼飯都無細，一律由中起跳🤷🏻‍♀️ 點解？山藥泥牛丼依然係GG既最愛💕加埋wasabi簡直好食到飛起💘母上既燒雞丼都唔錯，個汁無吉你媽咁重口味而且我地都一致認為雞肉すき家無咁硬實；而且無論係🐮定🐔都無左果陣飛機餐特有既雪藏味同蘇味！👍🏻

上年sukiya以過江龍姿態登陸MK , 以24小時營業作為綽頭招徠 , 為日本三大牛肉飯專門店之一 , 成功吸引一眾老女老幼排餐死都要食到由於港燦羊群心理太強 , 早午晚曾到訪10次均排長龍未能品嘗 , 有幸於某日下午茶只有三數人排隊才可一試用餐地方約容納45-50人 , 擺設環境乾淨餐牌簡潔 , 以牛肉及咖喱聞名 , 小試M SIZE 牛丼外加溫泉蛋 , 服務態度勉強尚算殷勤儘管M size , 但一般成人絕不會飽腹 , 選用珍珠米 , 飯偏呈少許黏糊狀牛肉方面偏韌及鞋身, 似較為過熟 , 有機會選用了較下價牛肉 , 薄切不是問題 , 但份量也略嫌少就是問題了洋蔥切絲而上 , 不夠淋 , 明顯烹煮時間不夠牛肉汁雖有但少得可憐 , 幸可額外免費添加較為正常只有溫泉蛋 , 內裡流心得宜 , 時間掌握較佳其實要排隊食就不必了 , 味道名大於實 , 價錢較吉野家進取少許

日本三大牛肉飯店，除左松屋，就緊係すき家。香港開左すき家咁耐，條隊都好似keep住咁長，所以兩次都係買外賣。🍚泡菜燒肉丼（大）$52泡菜唔會太酸，同燒肉汁撈埋，甜甜地勁好送飯。大size比中size飯量多左，感覺肉量差唔多，女仔叫中size都好夠飽。簡單的美味，加上食物溫度夠熱，無得輸。如果すき家再開多幾間就好，畢竟你明的。