SUKIYA すき家 (亞皆老街)

營業中

休息中

今日約了朋友一齊去旺角分店 試下堂食 等了約40分鐘就有位了 唔趕時間其實可以等既 我地叫了二個set 一個係雙重蛋牛丼 加炸雞連飲品 另外一個係熱溶三式芝士牛丼 加炸雞連飲品 另加一隻溫泉蛋 我試果個係芝士牛丼 芝士味好濃 而且芝士好軟 唔硬身 同牛丼好夾 另加了附上既辣椒仔 更加好味 好夾同無咁油膩 我朋友試既係雙重蛋牛丼 好足料 佢都覺得好好食 炸雞凍左少少 但仍然好味 女仔食M size已經好夠 好飽肚 我覺得值得排隊堂食 因之前食外賣 凍左少少無咁好食 另見佢有新菜式 蘑菇蜜醬牛丼 下次要試

旺角人氣牛丼SUKIYA すき家，開業到而家已經有一段時間，但人氣依然冇減退，每次都大排長龍，當天等咗半小時先有位。喺排隊嘅期間已經諗好食咩😆😆超級肚餓坐低即刻點菜。溫泉蛋燒肉飯(M)$44烤鯖魚套餐 加$30燒牛肉份量唔算多，肉質尚算嫩，牛肉汁甜甜地味道濃郁，但略嫌醬汁唔夠多，如果可以額外加碗牛肉汁就完美啦，M size 飯量正常，日本米粒粒飯香，撈埋溫泉蛋食一流🤤🤤額外可以加$10轉套餐，有飲品同沙律或青菜，亦可配搭小食，有鯖魚，三文魚，炸雞等等。食完呢個套餐相當滿足😌

最近都係成日出旺角大角咀。Sukiyaki 位於旺角街市附近，馬路邊。仲開24小時。次次經過Sukiyaki 長期都排長龍，到而家先第一次香港食佢，竟然係食早餐😛而佢既選擇十分多。佢個早餐好抵呀，有牛有魚有湯😉返學食個豐富早餐😆最後簡個有牛肉三文魚湯同菜既。香港人我諗都唔太習慣早餐食飯。佢個飯係珍珠米呀。今日食到個早餐超級豐富😁朝早食有啲飽，總結黎講好正，食得出日本味道。而價錢都好實惠抵食。對於近期無得旅行，都可以頂下日本癮。

剛開的那陣子很多人排隊，因為不想等，所以一直沒來試。 今天6:30pm左右到，排了20min就到了。 叫了一個香蔥溫泉蛋牛肉飯套餐(三塊炸雞和麵豉湯)，一個燒肉(牛肉)飯，還有一杯抹茶珍珠。 整體感覺有點一般，可能期待值太高了吧，有點失望。 加溫泉蛋的牛肉飯還好，有汁，燒肉那個就太乾了，感覺還不如吉野家好吃。 炸雞和抹茶珍珠還不錯。

SUKIYA - Mong KokOpening 24 hours per day Okra & half-boiled egg breakfast combo with beef (牛肉元氣早餐)-牛肉和洋蔥🥩🧅口感淋，唔韌，入味，香口。-秋葵 濕潤，清淡，配飯一流。整體📝咸道適中，有足夠湯汁，重牛香味🤍牛丼配秋葵同温泉蛋，增加清爽同濕潤口感，使口味層次感提升❣️-秋葵牛肉飯🤩推薦度:😋😋😋😋(5個😋為滿分)-麵豉湯🤩過鹹，平時沖粉嘅味👻推薦度:😋(5個😋為滿分)

今日終於試到呢間啦！之前聽聞要排幾個鐘先食到，今日我中午去到，排左10分鐘度就入座啦！牛肉飯都有幾多味道選擇，仲有得揀份量㖭！我就叫左M size既溫泉蛋牛肉飯（$34），份量都唔小架！味道真係唔錯，牛肉調味幾好，飯又煮得夠煙韌，呢個價錢CP值算高！不過如果佢有多D牛肉汁黎撈飯就更好了😁呢間絕對可以encore!

之前在日本食過,見佢在旺角開業,一直都好多人排隊,所以未有機會食,趁依家疫情少人排隊,終於一試。這店裝修風格與日本一樣,餐牌同樣有招牌牛肉飯、串燒、火鍋等,而且價錢合理。熱溶三式芝士牛丼啲芝士加落啲牛度一齊食口感好好,牛味肥瘦適中, 味道又濃, 撈飯食再加配沙律, 沙律材料有:生菜、洋蔥、粟米、店員仲會比成支胡麻醬任落。至於杯秘製紅茶, 味道偏淡。

工作後經過，之前一直想試這店，但都排長隊未有機會試到！今次又趁機看看～竟然只有少數人在排！當然要等等去試吧！但看來是好彩～隔左陣又是排得長長！我既好彩時間係2:30左右吃了份量正常的M size，燒肉丼，起初吃會有少許咸，不過都還可以接受的，好味肉質柔軟唔乾另外超欣賞的是只需加10元就有菜和飲品，因為普遍外出用餐太缺乏菜類，這個菜似通菜而且還是濃濃的蒜蓉，極好味！一定會再有下次！而且價錢相當合理！比起某某牛丼店～我喜歡這間吧

呢間野去親日本間中都會食下，質素算係比較好既快餐，而家思鄉病發作都想試下香港呢間只能夠講大約做到日本既6-7成左右，首先飯只係微暖，肉比較鞋，香味都不足都明既，點左餐唔使1分鐘上到菜，出面又有長長人龍... 預左會係粗製濫造d只係食完反而令我更懷念日本，既使係食快餐，都可以享受比較高質既食物同令人放鬆既進食環境...

又係宵夜時間！身邊嗰位芝士牛丼想試芝士牛丼好多日，今日一嘗佢心願啦。夜晚11點幾外賣自取，唔洗排隊，等幾分鐘就有得攞。Poster係咁既樣，現實就...😂熱熔三式芝士牛丼（M)｜$46其實望落賣相都唔算好差，係d芝士無咁震撼，芝士味唔太濃，撈埋一齊幾好味，不會太膩，咁既價錢，都唔好期待有拉絲效果喇。咖喱牛丼（S）｜$45我的最愛咖喱牛丼，今次手多多將d咖喱撈埋芝士牛丼食，好夾，好好味😂！不過次次食都覺得d飯太軟，未必人人鐘意。五件炸雞｜$25炸雞味道幾好，但次次都腍晒。都係嗰句，半夜可以食到炸雞同咖哩牛肉飯，我都係會繼續私心俾好評。

見到廚房職員，竟然要同時處理埋，食客用餐之後嘅碗筷，然後又再繼續處理食物呢個時候咁樣好容易出現病毒交叉感染，希望可以改善下，同埋外邊嘅職員都係，收完食客嘅碗筷俾廚房職員，又攞餐俾其他食客.....其實幾好食，水準比吉野家好，尤其喺燒肉，同埋鰻魚，但真係希望喺衛生方面，管理層可以作出改善，唔想SUKIYAKA喺其中一間出現確診病例嘅食肆，職員普遍有禮，同埋好helpful，另外，有冇人知旺角另外一間分店幾時開張呢？

每次經過都好多人排隊，見佢寫住開24今日早起去食個早餐。紅磚嘅外牆，門囗有食物嘅模型，清潔嘅地方，播住日文歌，按鐘點餐，真係好有日本嘅感覺🎎。地方唔大，晨早已坐咗8成人，真厲害，睇返menu 又真係幾抵食，平過茶記💪。筷子係即棄嘅，好唔環保😓點咗個人氣No.1,有椰菜，湯，秋葵，牛肉同白飯。首先飲個湯，其實只得海苔同蔥，係無豆腐嘅，秋葵份量都唔少，無調味嘅，旁邊配隻蛋，牛肉份量都少，有洋蔥配味淋汁，味道同吉野家差唔多, 飯好大碗，日本米係好食啲。👍埋單自己出去cashier 埋overall 其實就唔係話好高質，不過29蚊嚟講性價比係高嘅，但如果要排長龍食個咁嘅餐我就唔會囉😅

日式料理餐廳香葱温泉蛋牛丼 M $29蛋分上，自己打，有蛋香味，加上葱同珍珠米，味道唔錯，分量岩岩好。三式芝士牛丼 M $38芝士味唔夠濃，冇拉絲效果，少d牛汁令牛比較乾身。配炸雞套餐+$20炸雞正常，唔會好乾，加上自家品牌麻醬，想像到既味。特製冰紅茶少甜少冰之後，都冰涼解渴配沙律套餐+$10。。📍食飯時間排長龍，早少少去排15分鐘內。📍抵食，唔食吉記下既選擇，亦都有邊爐餐📍冇得去日本既時候，食下都可以止下渴既。

呢間野係二十四小時營業㗎，幾時去食都得！加$10可以有個套餐，包炸雞/沙律/青菜同埋紅茶/可樂/味增湯，丼分為S/M/L/LL，照顧晒細食同大食嘅人😆.🥩溫泉蛋牛丼 （M:$34) 牛肉正正常常，唔韌，入味，調味唔錯，洋蔥幾甜🧅，溫泉蛋係另外上嘅要自己打落去，啲飯有啲黏，份量方面飯就好多啦，牛肉就有啲少。好食程度：🌕🌕🌕🌑🌑.🥩溫泉蛋燒肉丼（M:44)燒肉丼同牛丼嘅分別就係佢啲牛會有陣炭烤味，同埋個醬汁係用燒汁，洋蔥幾甜🧅，溫泉蛋水嫩，都係飯有啲黏，飯份量多，燒肉就有啲少，完全鋪唔晒成個飯面。好食程度：🌕🌕🌕🌗🌑.📍SUKIYA すき家 旺角亞皆老街31號地舖紅磡黃埔天地時尚坊(第2期)地下G6B號舖

Everytimes the shop is lining up with many people, cause this time no need waiting, and we go and try for teatime Their signture dishes Gyudon, we ordered medium size, the bowl is really like a high tea portion, lol, not much, good for a girl.Adding up with chicken combo set, I like the crispy chicken nedgets, yummy though it's so evil, I done with three pieces of themmenu:The food quality is normal like other fast food chain, I may come if no need lining up, thought the space is a bit crowded