SUKIYA すき家 (亞皆老街)

營業中

休息中

日本人氣牛丼Sukiya，上年年尾終於係旺角開店，人龍到而家都無減退過🚶🏼‍♀️。我係5月中嗰陣，都排咗差唔多45分鐘先入到餐廳💁🏼‍♀️。除咗最岀名嘅牛肉飯，仲食咗烤雞丼，加咗我最愛嘅芝士，呢度嘅芝士都有唔少人推薦的。🧀泡菜牛丼(M) $38 (6.5/10)🐮肥牛唔算多，肉質尚算鮮嫩😋，飯係日本米，粒粒飯香，牛丼汁甜甜地👍🏻，味道濃郁，如果可以額外比多一碗牛肉汁，會滿足好多😌。三式芝士炸烤雞丼(M) $54 (6/10)🐔對於芝士控嚟講係有啲失望😕，首先芝士真係唔多，芝士味唔濃郁🤐，至於烤雞係嫩滑，烤雞無過火，仲保留到肉汁👍🏻。另外，額外加$10就有飲品同沙律或青菜，想食小食嘅可以加炸雞、鯖魚，M size飯餐份量正常。以呢個平民價錢，質素唔算差，確實係性價比高，所以，食牛丼飯姐，唔一定要吉野家嘅！

之前見成日夜麻麻十點幾都有十幾廿人去排隊，因為疫情關係轉了外賣見唔多人就去食吓先，普通沒有驚喜 今次見咗2個大飯同1個細飯和飲品，飲品再加5件炸雞，價錢約$230 飲品三十幾有少貴但見抹茶珍珠就試吓，點知有驚喜好味，夠濃抺茶又不太甜，珍珠口感都可以 大飯都有碗半，十分飽肚但飯比較濕少少。細飯做午餐份量不錯 飯類叫了牛肉和鰻魚，牛肉有點偏碎，烤肉比較大片同口感都比較好，配多不多。鰻魚比心目中細咗啲，味道普通。炸雞5件皮有點淋身，雞肉比較細，整體以二百多元來講試一次都可以，未至於特別驚喜或要等幾十人去買來吃

旺角Sukiya 牛丼係疫情錢無論早午晚都係排長龍，所以一直都未有機會試到。但由於第三波疫情爆發，所有食肆都少咗好多人，Sukiya都一樣，所以經過就買咗外賣返去食啦。買外賣唔使特別排隊，大概5至10分鐘就有外賣拎👍🏻 叫咗幾個牛丼試吓，全部都叫M size, 個人認為份量啱啱好《三色芝士燒肉丼》$48芝士可以拉絲，不過買外賣凍咗少少，燒肉好味過牛肉，幾野味，唔錯！《溫泉蛋牛丼》$34個溫泉蛋真係冇得頂，生熟程度簡直係完美！《山藥泥牛丼》$38 初初諗住叫個健康山藥泥，但係個人對於山藥泥一般，其實冇乜味，但個感覺有啲怪。

宜家喺香港既日本連鎖牛肉飯餐廳，就係得番sukiya。冇一次經過係冇人排隊，但暫時都係得旺角分店。但佢既味道，佢既menu係值得黎排。想食牛肉飯既癮一起，都真係會走黎食番碗，不過我每次黎都係外賣，今次都唔係例外。佢既menu以牛肉飯/燒肉飯/鰻魚飯果d做底，然後配上溫泉蛋、秋葵、等等既配料。其中一個我鍾意食既配料係喺香港少見，甚至可能香港人都唔會點食既，就係日本人就鍾意食既山藥泥。山藥泥係一pat白色，杰撻撻，黏糊糊既野。可能有人見到就覺得突核，但係就係有人鍾意佢呢個獨特既口感同味道。然後再加埋秋葵，就會令佢既黏稠程度更上一層樓。日本人仲會加埋其他更黏既野，例如納豆果d，整成黏糊糊三兄弟飯，夠哂過癮。牛肉飯既味道當然好食，但洋蔥好似可以再煮林少少，好似唔夠入味。點山藥泥，佢會送埋醬油同wasabi，令到個山藥泥既味道變化多d。又抵食又好食，快d開多幾間，大把生意做。

自從無食吉野家之後就試加藤屋 但覺得加藤屋好難食之後😫終於提起心肝🤣去排好耐先有得食既日本牛肉飯 雖然吉野家入味d好味d但都無話太大分別👋可以取代佢始終新屎坑有新鮮感d嘛😙同埋服務態度都好d==============================🌟W溫泉蛋牛丼炸雞套餐($58/M set).對於蛋咪🥚1粒溫泉蛋係唔夠喉 所以簡左兩粒既🤣聽說係用日本靚蛋 所以蛋味真係超級濃😍撈埋飯一齊食真係超級juicy～記得記得 一定要同佢拿牛汁 成碗倒曬落去都唔覺鹹🤭(重口味者)味道更升一個層次喔！👍 - - - - - - - - - - - - - - - - - - - - - - - - - - - - - - - - - - - - -🌟牛肉咖喱烤鯖魚套餐($78/M set)牛肉飯既咖喱汁就覺得少少偏鹹 不過餸飯一流🤤拼左個奢侈烤鯖魚套餐+$30😂鯖魚都算大塊 不過唔鍾意個皮淋既 同埋有少少腥 不過味道都算正常既😬==============================⚠️排隊頗耐 對比牛肉飯少少貴 不過之後想食牛肉飯都會去⚠️ 至於小食個炸雞內層好多脂肪 口感好核突🤢⚠️ 另外杯秘製

原本以為終於有比吉野家更好選擇嘅牛肉飯餐廳，所以就算住香港區都特登黎試下呢間すき家，本人去日本大多數選擇幫襯松屋，因為佢哋有燒牛肉飯食，而すき家我在日本都有幫襯過不過主要食鰻魚牛肉飯, 點知去咗之後先發現佢嘅燒肉飯非常之韌，成碗飯都好乾，想問服務員攞啲牛肉汁佢話燒肉唔俾汁，我話碗飯好乾所以想加多啲汁，叫我用枱上嘅豉油撈飯!? 態度極差！好似想同你死過咁！啲蒽得幾粒，同餐牌相差太遠。我連影相嘅心情都冇！如果你叫咗燒肉飯你就會發覺點解燒肉飯同普通嘅牛肉飯啲肉好似冇乜分別?? 食咗少少已經起身走人。只此一次下不為例！

今日早起身落黎食個飯一入門口見到有店員拎住支消毒劑係咁抹Menu因為近排冇得出國只能留係香港食個日本早餐當去左日本旅行啦🇯🇵其實係日本住左一排 自己都經常食Sukiya 平靚正日本實在太多牛丼 最愛都係Sukiya$3️⃣9️⃣菜、三文魚、牛肉、味噌湯推薦大家黎食一定要叫佢地加碗汁比你，因為就咁食會太乾鯖魚早餐係可以換返做三文魚呢個又係幾貼心既菜單黎早餐個飯冇得選擇size 其實都唔太大 食唔到大多早餐既人 記住叫佢少飯 💜P.s. 排隊食就唔好喇 但係你話早餐黎食個飯我個人幾推薦

晏晝2點幾行過見到依間竟然冇人排隊，我當然要去朝聖下打下卡啦。咁我同朋友就分別叫咗泡菜牛+泡茶燒肉丼食，再加咗青菜同炸雞套餐，分別俾加$10同$20。咁講個飯，其實我真係覺得好麻麻，可能係啲牛汁唔太濃，燒肉嘅醬汁又唔太夠，所以成個飯都係泡菜調起個味。不過除咗個飯，青菜同炸雞我覺得幾好食，炸雞都算大舊但係就唔會鞋口，就算我最後先食個炸雞，入面都係有肉汁同滑嘅。青菜就入係蒜油炒通菜，但佢蒜味唔太重唔會太搶味所以都唔錯。個人都幾鐘意佢杯紅茶，好似混咗幾種唔同嘅紅茶調出嚟，唔甜又香茶味，所以幾正。下次會想試佢嘅打邊爐！

日本過江龍牛丼飯黎到香港喇日日都大排長龍呀！唔係得吉野家先有好食又平既牛丼🤨呢間係日本好出名簡直係平民飯堂🤣有日行過lunch唔算好多人等左30分鐘左右就有位😆其實款式唔算多只係唔同配菜咁解😂香葱溫泉蛋牛丼 $48食日本野要溫泉蛋真係basic😂葱花好香加埋滑滑既蛋漿同非常濃味既牛丼汁😍好耐冇食過咁正既牛丼飯喇！😂😂其實開多d分店唔係咁多人要排長龍一定成日食🤣🤣如果唔想等位都可以買外賣外賣快好多😂😂

晚市早段來到店舖門口已見排長龍等堂食，唯有買外賣，落單排隊5分鐘、等食物5分鐘，速度夠快💨雖然心理上預備了外賣一定比不上堂食的味道與溫度，但一打開人氣牛丼依然令人期待，「香蔥溫泉蛋牛丼」(M-size) $39 (外賣價）溫泉蛋原隻另上，要自行打蛋，牛丼賣相沒有餐牌圖片般精美，蔥粒份量並非蓋飯😆，牛肉細小散亂，但肉質算嫩，反而牛汁似燒汁，味道鹹到一個點😳醬汁黏着香蔥，總之就是鹹😖🧂送白飯仍是鹹，是我不夠幸運今天質素有異嗎💔？反而溫泉蛋水汪汪，流心質地做得不錯👍🏻5件炸雞 $25，一心預了「炸雞」外賣不會皮脆，炸漿過厚，但雞肉比預期嫩滑，相信堂食味道更佳🐓是日「青菜 $10」是蒜蓉炒通菜🥬，網上評價是過鹹😅，對我來說的確是過鹹但還可接受，如果這個是少鹹，牛丼醬汁絕對是大鹹🙄💔，但蒜蓉是炒得夠香口的。日本人氣牛丼專門店價錢是取勝，但第一次的試食結果令我失望🙍🏻‍♀️😞⋯⋯應該再給予機會再去試個堂食或吃個原味牛丼嗎？

來自日本的牛肉丼，米飯是日本的越光米，口感及味道都一流。這裡的牛肉不是產自日本卻是來自美國，但依然可口，有很濃的牛味。這裡的丼飯可跟餐，不過跟餐的沙律及面豉湯卻不對我的胃口所以没有order，打開Menu你會發現有好多選擇，即使是牛丼也有好幾種。除了主打牛肉外，還有雞肉飯，壽喜燒。雙温泉玉子飯，用了日本的蛋，呈流質感，把雞蛋破開，蛋汁流至米飯上，令每顆飯粒都變得金黃。牛肉軟稔，易入口，配上蛋汁一流。還點了個香蔥牛肉飯，除了蛋汁外，香蔥是另一種跟牛肉最搭配的食物。丼飯的份量因應尺寸而收不同的價錢，適合不同胃口的人士。

由開鋪到宜家，呢間真係無時無刻經過見到好多人排隊，一直想試未試到。今日難得見到個龍尾，就決定排隊食下。最後等左差不多一個鐘，我諗都算係快。可能以前成日食劣食吉野家，所以覺得呢個性價比高好多。而加埋泡菜更加開胃，而且份量真係好足。

由於一些原因，筆者已經很久沒光顧「吉X家牛肉飯」。這一天筆者經過旺角，便順道拜訪SUKIYA。 或者是時間尚早的關係（早上11時），完全不用排隊，可以直接入座！筆者點了牛肉元氣早餐；男朋友點了三色芝士燒肉丼套餐。先說牛肉元氣早餐：也許是價錢便宜的關係，牛肉（主角）又薄又碎，沒有牛肉應有的口感，醬汁更有點過咸；白飯不是一般的泰國米，比想像中好；但秋葵的焯燙時間太久，變得軟軟的，不太好吃；而味噌湯的份量及味道屬正常。至於三色芝士燒肉丼餐，牛肉同樣較薄和碎，醬汁同樣有點過咸；通菜已放涼，但味道正常，可接受。總括而言，SUKIYA的食物質素及份量實在比不上吉X家，價錢卻不是特別便宜，也許這是筆者最後一次光顧SUKIYA。

行過好多次，無論幾多點門口都有十幾二十人排隊，咁啱中午時候又經過，門口得5個人排咁咪走埋去排囉，今次排咗15-20分鐘就入到去。其實呢間牛丼店喺日本只係一間普通快餐店，去日本咁多平靚正嘅餐廳，輪都未輪到食佢，所以一次都未食過，見嚟到香港d人咁瘋狂排隊，都諗住應該唔錯。坐低點咗個香蔥溫泉蛋燒肉飯M Size，盛惠$48，份量一般大，男仔應該要叫大先飽。溫泉蛋都ok, d牛其實真係好一般，但個燒肉豉油真係咸咗d，個飯完全十分普通。其實如果當係一間超級普通嘅快餐食，又趕時間嘅，都可以去一次，但係如果要排隊，仲要如果前面有十幾廿人排緊隊，就會超級呻笨囉。我就一定無下次。

近來香港啲酒店真心平， 想畀機會自己休息一下~ 就book咗一間喺旺角嘅酒店， 畀返少少空間自己~又去嘆下酒，不過第二日都係要返工㗎， 難得晨早流流係旺角~梗係揾個早餐食下啦~ 呢個過江龍牛肉飯一直都想試， 但次次見到條隊在已經唔想食啦，又曾經夜晚過去 仲有半個鐘頭先close~佢都已經唔做生意， anyway食早餐嘅好處係價錢唔算太貴~入門口探熱~ 唔係好多人靚女waitress叫我坐喺窗邊位， 叫咗個~牛肉元氣早餐~因為就係想試佢啲牛嘛，一個傳統嘅日本早餐~跟咗啲秋葵~呃下自己健康啲， 講真味道唔錯~牛肉好濃味， 但感覺未到喺日本食嘅水， 咁我覺得係吉字頭以外嘅一個好選擇嚟嘅~個人感覺好過吉記 不過我未試過佢嘅燒肉， 因為個次冇得食嘅時候入嚟問到嗰陣燒牛味好香， 我諗都要試埋燒肉先可以決定佢係咪物有所值~