Sodam Chicken (已結業)

Sodam Chicken 已漸漸成為我倆吃韓式炸雞的老地方，一想要吃韓式炸雞就不會去想的去了Sodam Chicken。而這家餐廳也在中環開多了一家分店，基於銅鑼灣店晚飯大多都需要排隊，這一次就決定試試中環分店。沿著M&S再上就會看到餐廳在馬路角。有別於銅鑼灣分店，這間中環分店有兩層。許是位於蘭桂坊這個區域，地下這層的裝潢感覺像是酒吧，第一眼難以猜想原來是韓式炸雞店。第二層比第一層多了餐廳的感覺，但同樣很有氣氛。點了兩杯飲品，一個是餐廳其中一樣Signature Drink –Apple Cider Rita，大大枝Apple Cider倒轉在杯內，外表分已經無得輸；另一杯選了Draught Beer – 1664，以啤酒來說我倆都偏愛這個牌子，而且炸雞配啤酒亦是很韓式的配搭。食物方面，先點了一客凱撒沙律，吃那麼多煎炸食物前感覺先吃點菜會好一點。凱撒沙律止有很多芝士粉，而最喜歡的是蕃茄仔，又多又甜，令這客凱撒沙律生色不少！然後的點了一客小食過過口癮，選了炸紫菜卷串。本來還在猜想紫菜卷僧是包著什麼，吃下去才發現原來是包著粉絲，皮薄外脆內彈牙，挺特別的小食。接著當炙是是晚的主打──炸雞。

經過蘭桂芳突然想食炸雞! 一search之下原來sodam kitchen係呢度開左分店!!行到上頂終於見到佢啦! 地方唔算大唯有向上發展上下兩層都夠坐既一入門口，係酒吧既格調，只有一張靠門口既小枱，其餘都係圍住水吧坐地方唔算大，同一兩個朋友坐係度飲下酒吹水岩哂因為我地有3個人，走上樓上坐算了樓上都有水吧位，落地玻璃睇到街景，而且燈光配搭比較鮮明，感覺上比較開揚，最鍾意呢啲感覺我同朋友們坐窗邊，睇下街景吹下水menu入邊有烤，焗，炸，煮既雞，真係花多眼亂!朋友比較鍾意芝士，所以點左一份太陽芝士炸雞!呢一款仲可以選擇去骨，懶人緊係揀無骨吧!滿滿既芝士醬加上鬆脆嫩滑既雞肉，perfect!!!炸雞本身既粉比較多，食落更香脆，但又唔會覺得食緊粉咁。芝士醬係無敵既，因為佢係芝士另外個大包不得不提，烤得裏裏外外都非常之鬆脆，好似多士咁但一定好熱氣因為唔夠喉，要多左一份水原焗雞!外皮已經焗到啲油出哂黎，食既時候無哂油膩感覺，真正既皮薄肉嫩又多汁而且呢份雞配左一個蒜蓉芥茉醬，味道超香!!一齊食好香蒜味韓式涼拌水冷麵，個汁唔太夠味，酸多少少應該好啲，可能我重口味冷麵夠滑夠煙韌，蕎麥麵口感係唔錯仲有一杯

在Openrice 見到原來sodam chicken 在中環開咗分店，於是約了兩個妹妹去吃，因為她們都很懷念在韓國吃的炸雞。這間位於蘭桂坊上的分店，設計似酒吧多一點，和銅鑼灣總店的格局有些不同，地下是廚房，一樓才是進餐和吧枱，至於洗手間就隱藏在上一樓的轉角中。我要了peach soju highball ($65)，老婆要了Kornenbourg1664，妹妹叫了Apple cider Rita($78)兩份飲。我們點了蕃茄沙律($55)，配上洋蔥及沙律汁，味道都幾開胃，用來當前菜都不錯。上次在銅鑼灣店吃了有骨的太陽的炸雞，今次點了無骨的，跟上次擺盤一樣，由八件炸雞和一個農夫包組成，至於味道同上次一樣，外皮都係脆，只是因為無骨，所以雞件看起來好像細了，不過肉質保持嫩滑，另外我覺得在農夫包內的芝士味比上次濃郁。我們仲點了一個四式芝士薄餅($145)，芝士好豐富呀，而且又香，我們都覺得薄底的薄餅是最香脆，四個人分享就剛好。我覺得新店的裝修似酒吧多一點，舊店就舒服多些，而價錢差不多一樣，各有各的特色。

原來sodam chicken已經開到去中環啦!我認為一大班人最適合去吃韓國菜, 因為可以點好幾道主菜然後一起分享。我和幾位好友到了中環這間餐廳吃晚飯 , 這裏比銅鑼灣那間分店小, 但坐得也算舒適。我們點了太陽芝士炸雞、韓式涼拌水冷麵、魚串湯來分享。大概等了十五分鐘, 食物便陸續送到 。太陽芝士炸雞的分量很多. 適合3-4人分享。麵包質感非常脆, 麵包裏面有芝士醬, 芝士醬的芝士味非常濃郁突出. 很creamy, 芝士味香濃得來又不會太膩。旁邊的炸雞炸得非常脆, 即使放久了. 也能保持脆卜卜的質感。魚串湯裡有魚片、娃娃菜、金菇。韓式涼拌水冷麵非常適合炎炎夏日吃, 冰冷的冷麵很解渴, 很惹味, 不錯。

因星星一劇在香港興起了韓式炸雞熱潮，事隔兩、三年，此間韓式炸雞店依然屹立，還開設了分店，以香港現時經營環境來說，實在殊不簡單。餐廳位處蘭桂坊，格局跟四周的酒吧非常配合，地下一層有些外藉人士圍在吧枱happy hour。我們到樓上用餐區，樓上幾乎爆滿，剛剛只剩吧枱兩個座位，服務生便安排我們入座。從地鐵站走過來，已熱得滿頭大汗，急不及待要點杯飲品解解渴。餐廳的酒精飲品選擇也很多，除了不同果味的韓國啤酒，還有Soju、手工啤酒、Cocktail、Whisky及Wine，難怪吸引到那麼多外藉客。他和我分別點了咖啡味的手工啤酒和Apple Cider Rita。他的手工啤酒果然有淡淡的咖啡香味，口味頗特別。而我的Apple Cider Rita就賣相突出又大杯，消暑解渴又抵飲餐廳有多款不同口味的炸雞，目測大部分客人都是點大陽芝士炸雞，而賣相與餐牌上顯示同樣吸引。除炸雞外，餐廳還有供應焗雞、沙律、薄餅、韓式冷麵、烏冬、燒豬仔骨、豆腐湯等韓式料理，菜式選擇頗多。我們倆怕芝士太膩，最後點了蜜糖茶末香蔥炸雞，點菜時發現可選擇要有骨或無骨炸雞，我們異口同聲點了無骨的雞件外層又薄又脆，蜜糖芥末著稠度及味道皆

囝囝囡囡好鍾意食 Sodam Chicken 的蜜糖芥末香蔥炸雞 為食囡囡知道她興趣班的附近開了分店後 就叫我們等她興趣班下課後一起去食韓式炸雞 中環新店位於蘭桂坊，樓高兩層 位於寫字樓林立的中環，外賣也較多，炸雞外賣盒好可愛呢 !!! 我們就上了一樓的用餐區 大熱天時，一坐下先點了兩杯無酒精的冰凍的飲品與小朋友一起飲，降下溫 飲品一上枱，兩個小朋友都 ... 嘩 ... 嘩 ... 聲 ... 除了因為超大杯外，這兩杯飲品都有他們的至愛做裝飾，賣相又吸睛，仲好啱食呢 !!! 提子特飲 Passionate Love HK$58 提子味梳打配上七彩繽粉的果汁雪條，好啱現在悶熱的天氣，消暑又解渴 !!! 蘋果特飲 Seoul Sweet HK$58 青蘋果梳打配上不同形狀的糖果串，啱哂糖果控的囝囝 !!! 當然不少得我們全家都愛吃的 ... 蜜糖芥末香蔥炸雞 HK$155 最愛味道甜甜，帶點芥末辛辣味的炸雞，儍媽鍾意連埋香蔥一起食 我們幾隻為食怪，一客炸雞不多夠喉，多點了客 ... 雙重芝士炸雞 HK$148 炸雞灑滿芝士粉，一邊是巴馬臣芝士粉，另一邊是車打芝士粉 外面炸到香

Don't come for lunch if you want to order takeaway because you'll get no service. I walked in and was ignored by 2 staff for several minutes until I just loudly announced I would like to order takeaway. I was then told to wait. 2 other groups of people came in after me and were seated immediately and given menus while I continued to stand and wait without a menu even. 1 staff disappeared upstairs, the other stood around a while before taking the order of 1 of the tables. I continued to wait. Whe

因為今日要去中環蘭桂芳個野，所以諗住去食平時食開個間蟹麵，點知蟹麵居然執左笠，於是就沿住大斜路行上去，行到頂又俾我地見到呢間韓國炸雞，其實之前係銅鑼灣宦有見過架，不過就無入去食，既然又見到就去試下啦！飲品無咩特別，係加左個大花花，影相打卡都幾得意既，味道就同平時一樣正正常常啦。食炸雞咁熱氣，叫定一個沙律菜打打底，一上到黎見到咁大盤都有少少嚇親。呢度的菜都好清爽同脆口，而且好在已經切到細細件，女仔食起上黎都唔會好尷尬。同想像中布少少唔同的水冷麵，估唔到會有蟹柳XD 個麵偏向Q軟，唔係咁易咬得斷個種，同韓國食個種係一樣，個湯就清新酸甜，涼浸浸好適合夏天，好似有少少水果清香咁。之後黎一個太陽炸雞，我見個個都有叫，應該就係招牌菜式啦XD 個炸雞完全唔會油膩，炸到外脆內嫩，入口咬落去會咔嚓一聲，無骨食落啖啖肉，非常滿足。個汁收埋係個農夫包，係偏稀的芝士汁，加埋個麵包一齊食超好味，就算飽到食唔落都好想KEEP住食，呢個建議可以4個人Share，我地今次得兩個人太失策，飽到差d要滾落地鐵站呀！

之前去過銅鑼灣店，現在中環開了舖更多機會經過，今日趁得閒，約朋友齊來食炸雞，位於蘭桂芳，樓下酒吧形式，樓上雅座。始終招牌蜜糖芥末炸雞最好，$155/份，炸漿內外都充滿蜜糖香，炸至非常酥脆，皮超好口感，但就唔多覺有芥末的辛辣，不妨重手一些。唸住自己食得辣，侍應話勁辣照點，噴火焗雞，表面看來同酸甜汁分別不大，點知真係勁辣，極度灼舌頭，食了一件投降，同伴食到三件，剩下打包，我相信適合估伴麵食。番茄沙律汁豐富。看來煙肉年糕會幾好味，組合是成功的，一串三件的小吃，鹹味加埋煙韌年糕幾好𡁻頭。荔枝啤酒，極香茘枝味，甜味啱女仔，夠哂大杯。我飲檸檬梳打，冰涼。

放工之後約埋朋友仔一齊去食炸雞，今次就去左中環既Sodam Chicken近朋友放工。炸雞可以講我地最愛既食物，無聊就會諗起不如食炸雞又可以吹下水中環的Sodam Chicken有2層，樓上的座位比較多。首先就叫左個凱撒沙律，有新既的蔬菜和小蕃茄，加上大量的芝士。泡菜豬骨湯烏冬，豬骨湯夠哂味道加上泡菜令到湯底有少少的辣味，烏冬又彈牙~主角炸雞出場啦~原味的韓式炸雞，外層炸得香脆肉質夠哂嫩滑，岩岩炸起即刻食真係超美配埋甜酸醬食味道就勁惹味啦~~~雙重芝士炸雞，面層灑滿大量的芝士，味道濃郁，朋友身為芝士控又點會錯過呢，食落口除左啖啖的嫩滑雞肉仲有香濃的芝士味，食完一件又一件呀唔會少得既飲品，檸檬梳打和金枯綠荼

朋友仔話帶我食好野，本來話帶我食麥記😾，俾我鬧到佢死死下，之後原來係想帶我去食韓國炸雞，好彩佢book左枱，但都要等，去到地方細細，有上下兩層，我地就坐左係二樓，其實都幾迫Order左個凱薩沙拉，味道唔錯之後仲order左兩款雞（雙重芝士炸雞 及甜酸炸雞）其實啲雞係一樣，只係睇你鐘意咩醬汁之後仲order左個熱嘅柚子綠茶同柚子梳打，講起飲品有啲火滾，個熱柚子綠茶都唔熱，又無咩柚子味，寧願飲水，但佢啲水都唔平，要$18。後記：唔知d服務生係咪太新，去食炸雞佢地連雞骨筒都無唸住俾我地

呢間炸雞店睇住佢裝修，整好一段時間都未有機會嚟，今日終於有得試下🙆🏻呢個menu.... 個顏色好唔吸引要左個首爾風味焗雞，味道一般，普通燒烤味咁，有皮嘅咪有味，胸位冇皮就純粹咸咸地，同埋都斬得好細件下。雙重芝士炸雞，即兩款芝士粉灑喺個炸雞上。個雞即刻炸，做到外脆內滑嘅，但芝士味唔算好濃，同埋個粉完全係韓國個芝士公仔麵嗰包味粉咁。宜家叫一份炸雞或焗雞就送兩杯飲品，咁你推出個咁嘅優惠我assume份量係預兩個人啦，但一上菜真係好鬼失望，得好少，應該一個人都食得哂。講真收得$148都唔算平，份量我諗半隻左右，味道又唔impressed，咁點解唔去Goobne chicken俾夠兩舊水但有一隻雞？喺嗰邊又好食啲又飽啲🤦🏻‍♀️未至於劣評，但都唔會考慮再嚟。

聽說這家本身在銅鑼灣的韓式炸雞開了分店，我和友人這個炸雞粉絲當然要來支持一下這家新分店位於蘭桂芳最上的位置，有很好的景觀，但是不知是不是因為新開張，所以客人的數量並不多店內的燈光比較幽暗，感覺上很有情調我們叫了蜜糖芥末香蔥炸雞、韓風燒豬仔骨、甜酸炸雞，飲品方面我地則叫了柚子燒酒、水蜜桃燒酒先說說很好吃的炸雞蜜糖芥末香蔥炸雞($155)💛首先要說因為我平日是很怕吃蜜糖的人，總是覺得蜜糖太過甜了但是這一個熱辣辣的炸糖配上蜜糖來吃，反倒讓人覺得很夾，再加上芥末來配著，就不會顯得太過的甜了韓風燒豬仔骨($140)🐷這個BBQ Ribs配上BBQ醬，味道不會重得只有醬，還可以好好的帶出豬本身的香味甜酸炸雞($148)💛這個也是不得不說呢！它的煮法和蜜糖芥末香蔥炸雞並不一樣，它是在炸雞的面上灑上粉的雖然比起把醬和炸雞一起炸的方法相比味道沒有那麼濃但是粉本身比較重味，所以剛好可以帶出到粉的味道，而且分量也很多的說！柚子燒酒、水蜜桃燒酒($88)這燒酒的價錢有點太貴了，而且水蜜桃味的飲品是真的很容易伏這個水蜜桃燒酒只有一個苦字，完全沒有水蜜桃的味道耶而柚子燒酒則是好太多了，柚子本身的甜配上燒酒很好～

朋友中環放工，諗住夜晚到蘭桂芳玩下🙈，經過雲咸街新開左 sodam chicken 分店，之前食過銅鑼灣店已經好回味，所以即興入去食雞雞。呢道裝修好型格，店內有吧檯，好有酒吧feel，坐窗邊仲有靚景睇，超relax。同銅鑼灣分店一樣，枱上有一盒手套，食雞時唔怕弄污雙手，夠哂貼心。太陽芝士炸雞一定要叫，叫左無骨，炸雞幾大件，雞肉嫩滑多汁，中間用農夫包盛裝住滿滿既芝士，可以方便用作點炸雞，仲有食完炸雞成個包都食得，麵包完全吸收曬融化既芝士，一啖咬落去D芝士咇曬出黎，芝味濃郁，包既外皮仲係好脆口，外脆內軟，令人回味無窮！首爾風味焗雞，焗完出黎雞都仲好滑👍🏻，因為焗既關係，感覺健康d🙈。雞皮焗得乾脆，雞件外表金黃，焗得出色，香脆肉嫩，調味剛好，醬汁蒜蓉芝士味濃，但個人感覺唔沾醬原汁原味更加好食。蜜糖芥末味炸雞，都係叫無骨（個人比較懶🤣），甜甜地，帶淡淡芥末味，非常惹味。雞件juicy 到不得了。煙肉年糕串，煙肉脆卜卜，煙肉既咸香味配上煙煙韌韌既年糕，口感特別，非常好吃。水冷麵份量唔少，，味道較為清淡，麵既質地彈牙，加上蟹柳青瓜作配菜，重口味大餐後清清腸胃唔錯🙌🏻

今天與豆丁來個中上環深度遊。在這區遊走，穿街過巷，好讓豆丁了解英國殖民時期多個歷史建築物，自己也可感受一下這區悠閒的感覺。來到這棟建於１８９Ｘ年維多利亞時期的一級歷史建築，剛好肚餓了。看到對面有家餐廳，為求方便，大家就在此午餐了。　原來是一家韓國炸雞餐廳，我們選擇樓上雅座。在窗邊的位置，正正可以看到這個＜香港一級歷史建築＞。下單後，豆丁很專心看著街道上駛過的車輛。反而讓我們可以休息一下。炸雞先上來。韓式炸雞（帶骨）剛炸起的炸雞會比較好味。而韓國炸雞是即點即炸的，保証肉質嫩滑。先戴起膠手套，將雞脾分給豆丁，再拆肉，方便豆丁以叉食雞肉。自己就食較多骨的炸雞，但有骨的雞件，肉質才嫩滑呢！而雞胸肉也不乾柴，証明炸雞火喉剛剛好！　雞骨，就放在這個鐵桶吧！凱撒沙律　嚐過美味的炸雞，總有點罪惡感，就來一份沙律吧！有了膳食纖維，呵呵，炸雞，洗咩驚呀！四色芝士薄餅　豆丁看到這個圖片，就要來一份。豆丁就是喜歡很多的芝士，然後取出時，拉出長長的芝士絲。　用豆丁的語言：我鐘意拉薄餅出來果陣，D芝士變到好似有好多條線呀！仲變得好長好長。這薄餅有四款芝士，加上熱辣辣，怎會拉不成絲！各款芝士都有其特色呢！MOZZA