Sky726

我和朋友們最喜歡周圍試新嘢，今次朋友生日，當然要搵間夠情調，又高貴的餐廳試吓啦！在OpenRice 訂坐，店員會whatsapp confirm, 好貼心嘅服務。先來杯飲品，是夜飲品8折：Far East HighballVery Berry留意：窗外景色很美！頭盤：湯：Mushroom & Black Truffle Soup主菜：Angel Hair with ClamsSpare RibsTiger Prawn RisottoPeri Peri ChickenPancetta Fettuccine款款都好滋味😋最後唔少得當然係甜品，這個Lady in Red，賣相已經夠吸引，味道都好特別，從未試過！朋友生日，order了Vanilla Chocolate Mousse，可以寫上「Happy Birthday!」，因有朋友名，所以唔post出來了！還有，生日有8折的，記得訂坐時說明。總的來說，很令人滿意的一餐！

週六晚六点人不多，服務好，調了窗邊位，落日美。提前慶祝母亲节，母亲小朋友都開心，适合帶家人一起。前菜不錯，龍蝦湯很鹹，主菜的魚小朋友很喜歡吃，牛肋骨也不錯，甜品中規中矩。

一年前的一個週末，我曾到過旺角彌敦道724-726號25樓的 <Sky726> 食 Brunch，卻未嚐過這裡的晚餐，亦未見過這裡的夜景！ 既然如此，一於約一位在7月26日生日的好姊妹來，豈不是更有意義！ 好讓她知道這間餐廳，如果，日後她找到男朋友，也可以跟他來為她慶祝生日呢！餐廳佔地一層，我們大約在晚上 6:30到，幸好當時仍是黃昏，太陽仍未下山，讓我們有幸見到美麗的黃昏景色， 原來入夜後的旺角夜景並非想像中的吸引醉人呢！全部店員殷勤有禮，最記得調酒師也幫忙落單，熱情招待！值得一讚！ 法式晚餐 Dinner set由$488∼$588 不等， 設加一服務費包括：精緻小食、頭盤、沙律、湯、主菜 (四選一)哈密瓜巴馬火腿新鮮爽甜的哈密瓜與鹹鮮的巴馬火腿是最佳拍檔，鹹甜交集，帶出滋味！ 為這初夏的晚上，先打開我們的味蕾！牛油果伴沙甸魚廚師巧妙地把茄汁沙甸魚配上淋了黑醋汁的沙律菜及牛油果，會有出奇不意的效果呀！ 保留茄汁沙甸魚原有的味道，新鮮即切的牛油果，才可保持翠綠，這一點店方也做到！這道變奏版的沙甸魚，討人喜歡！八爪魚沙律伴薰衣草蜜糖醬除了色彩繽紛之外，特別配上薰衣草蜜糖

去完旅行回來，當然要派發手信給老友們。於是，約了朋友去旺角餐廳吃晚飯，講講旅行的有趣事😻撘𨋢上嚟，有點呆了😻 估不到這𥚃景觀那麼開暢🤩透明玻璃設計的廚房，可看到廚師們正努力工作👻洗手間門外的畫很有特色😻👍🏻難怪成個餐廳都有象徵法國的裝飾品，原來它是法國五月美食薈其中一間餐廳😻😋晚餐的小吃：火腿蜜瓜，味道不錯！牛油果伴沙甸魚：不得了！現在才知道牛油果和沙甸魚再加黑醋，原來是那麼好吃，份量很多，有差不多半個牛油果，沙甸魚份量相信有成罐沙甸魚😋八爪魚沙律伴薰衣草糖醬：厚切八爪魚有咬口、沙律菜清甜爽脆😻法式海龍皇湯：湯內有鮮蝦、青口和肉蜆，湯非常鮮甜，好喝😻👍🏻原板海膽伴蕃紅花意大利飯：當侍應送來時，真是好興奮，真係好大的原板！海膽好鮮甜美味，意大利飯飯粒軟硬適中，好creamy!仲啖啖鮮菇，好正呀😻😻😻這間餐廳成晚Happy hour 飲品有8折，所以，我同朋友每人都叫咗杯mocktail 飲🤩🤩🤩原價$78的moctail ，8折後約$62，大大杯，好味又抵飲😻我朋友好叻仲識得用openrice 訂枱，成張單有8折優惠🤩🤩🤩以後約朋友去旺角食飯，又多個好選擇了😻😻😻👏🏻👏🏻👏🏻

為了籌備打波「好隊友」30大壽的生日派對，真的有很多事情要張羅。。。今日，就和一班好朋友 秘密來到這裏，看看今次「三十而立 party」的「proposed venue ( 特撰場地)」。25樓的小天地， 浦進去已經感到場地很開揚。 可以看到彌敦道的街景和西九龍一帶的樓景，還有獅子山的輪廓。由於到達時已差不多是吃午餐的時間， 我們便順道試了它的精選午餐！ 你知道嗎？？他們正在做優惠，只要like 了他們的facebook專頁，即可以享受以下特選午餐menu的七折優惠。我和朋友分別試了它的 slow cook牛扒和西式煎魚套餐。套餐包括：餐湯、沙律、麵包、主菜和飲品 ，加上限時七折Facebook 優惠和 無敵開揚, 靚景 ，性價比頗高， 是吃午飯的精明之選。餐湯和沙律餐湯是clam chowder 濃湯， 味道濃郁，用料豐富。。。目測湯裏面起碼有十隻小蜆。。。 湯比較濃厚，喝下去質感豐盈，口感良好。。。值得一讚！！沙律是 Caesar salad 菜沙律。菜很新鮮，伴以橄欖油和一點點陳醋，感覺比較清新和健康。慢煮澳洲草飼西冷牛配紅酒汁這份牛扒是今天整個午餐的亮點， 牛肉很新鮮，肉質細緻

Sky726是旺角區少有無論食物、餐廳環境和景觀都不俗的西餐廳，因為在銀座式商廈的頂樓，所以可以從高空俯瞰整個旺角，餐廳燈光亦很有情調，所以都吸引不少情侶食客。不過今次我卻是跟媽媽來，當是提前慶祝母親節吧。＊＊＊＊＊＊＊＊＊＊因為媽媽晚飯吃得早，所以我們預訂了六點鐘的枱，這時天還未黑，但想不到已經有幾枱食客已經入座。現在經openrice訂座，食物有九折，飲料更加有Happy Hour八折優惠，所以我今每人各點了一杯mocktail先。Frozen Berry Punch ($62)由紅桑子、藍莓、士多啤梨、菠蘿汁、橙汁和青檸汁製成的特飲，紫紅色的沙冰上有雜莓串和香橙片，賣相吸引，味道酸酸甜甜很開胃。Choco Chip ($62)朱古力飲料上有一大球忌廉，原本我還擔心朱古力味會很淡，誰不知朱古力味還蠻重，飲料內還有粟米片，但建議盡早吃，否則會變腍。煙三文魚沙律 ($124)煙三文魚砌成玫瑰花形，再以青瓜片和沙律菜包裹著，擺盤明顯花過心思，抵讚。煙三文魚都幾多片，不會過薄仍能保持口感，鹹度亦適中，但沙律菜調味不多，所以我會建議另加黑醋，增加食味。墨西哥燒粟米 ($61)粟米表面灑上辣粉

之前生日黎食過一次，叫咗個300幾蚊嘅牛排，嗰時覺得好好食，好易入口，就算筋都唔使點咬就食到。而今次見到有個Main course買一送一優惠，即刻book位，諗住同女朋友食返呢款牛排。點知一食就知唔同咗，誇張啲講就係好似食緊擦膠咁。最後唔想再食就叫侍應收咗佢，好失望，唔會再黎。

今天過來旺角尋找奇珍異寶，碰巧需要遊走幾個地區出勤工作的好友，剛在附近下班，於是相約一起午飯，談談近況。小妹很怕人多擠逼，喧鬧嘈吵，因此揀了這間樓上餐廳。原來好友對這個地方並不陌生，但表示已好一段時間沒有光顧，這次正好讓她重遊舊地。餐廳座落於25樓高層，環境開揚，透過窗戶遠眺，旺角繁盛的景色盡收眼底。可惜今天有點煙霞，否則視野應更廣闊。此時此刻，優哉游哉地在嘆午飯，動作也自自然然慢起來；這份悠閒，與外面熙來攘往的鬧市，成好正為強烈對比。周末假期，能讓自己完全放鬆，是何其愉快的美事。餐廳在周末推出Brunch，順應飲食潮流。食物就列印在一張硬卡餐牌上，分門別類，包括：沙律、前菜、三文治、飯麵、漢堡、扒類、甜品等，連兒童餐亦有供應。以主菜為例，只售$168至$298，價錢合理。現時使用openrice訂座及於早午餐時段光顧滿$400，可享7折優惠。經過辛勞的一周，想好好慰勞自己，於是便將主菜升級，加上麵包、餐湯、迷你沙律、咖啡或茶($48)。暖笠笠的餐包入口鬆軟，充滿香草芬芳，塗上牛油更為潤澤。迷你沙律簡單清新，拌入柚子醋後帶酸，醒神開胃。椰菜花忌廉湯奶香極濃，攪拌得很滑溜，味道略為稍淡。

今晚嚟到sky 726慶祝anniversary ❤️ 因爲都幾full就坐左入面d嘅高枱，希望下次坐到睇景位啦😀 夜晚有dinner set 🐥都幾扺食，我地就點左其他啦！先要左個oyster set($178)🤤 有3隻係比較淡味，但都幾fresh🍽下面d嘅3隻味道比較濃，海水味重，加d檸檬汁可以調番🍋🍋 配撘嘅番茄醬酸酸地都幾match🍅 湯分別要左蠔湯($90) & 松露菇湯($85)🐥蠔湯非常足料，好濃嘅蠔味👅 松露菇湯亦好creamy 🤤🤤 最surprise係個餐包，熱辣辣所以揸上牛油後會溶哂，味道一流👨🏻‍🍳👨🏻‍🍳 Main先要左西冷($288, medium) 肉汁豐富，肉質夠腍，扒面燒得惹味🐄🐄 薯蓉好重牛油味🤤 另外要左咸牛肉南瓜闊麵($168)🍝🍝 麵質彈牙有咬口，同咸牛肉幾夾🍯 甜品要左心太軟，甜度適中，雪糕重香草味，好夾朱古力🍨🍨 Cookies n cream($88)係cocktail 🥂 小小Bailey 所以唔重酒精，加左豐富嘅Oreo & chocolate 一齊mix好邪惡但好幸福🍪 另外要左very berry ($70)🍹🍹🍒🍇🍓 味道比較清

旺角旺區好方便，一出B2出口就係，完全唔使搵！一到步店員好helpful, 態度超好有效率。今次坐係靠窗位置，感覺好舒服。環境好悠閒，燈光微暗加埋啲音樂，氣氛勁正，好啱情侶dating <3。我哋叫咗一個white sangria, red sangria 😋我和朋友點了黒松露蘑菇湯同蕃茄湯，超級香，飲落好鮮甜。跟著就上牛排，看起來擺盤很靚，而且好新鮮，熟度啱啱好。仲要很大塊，口感很好，吃起來很好順口。另外，我們都點了南瓜意粉，上菜時已嗅到陣香味，好快清哂。個特製醬油完全係第二度食唔到，令意粉的鮮味更突出。最後，想推介它的心太軟，味道好香濃，正！

今次呢間餐廳位於25樓，一走入餐廳已經覺得餐廳氣氛特別岩情侶慶祝節日，餐廳的開揚玻璃可以睇到城市景。 餐廳食物種類及飲品相當多，呢到有SET DINNER，我地今次就選擇左散叫。 前菜方面，呢個<田園沙津>份量不少，蔬菜非常新鮮，好鮮甜，醬汁味道恰到好處，是一個好醒胃沙津。 友人品嚐左呢個湯第一啖之後已經讚 ，<濃郁奶油蠔湯伴魚子醬> 很濃郁的蠔味，非常甜，湯質地好滑，如果鍾意蠔的朋友推介你試下。 我本身鍾意蕃茄酸酸甜甜，所以點左呢個<燒蕃茄大茴香雞絲濃湯>，蕃茄配大茴香味道原來幾夾，香料味突出但又唔會蓋過蕃茄酸甜味道，雞絲肉質嫩滑。 主菜係 <意大利咸肉南瓜闊條麵>，咸肉中的咸香令平平無奇的闊條麵增添了一番風味，闊條麵爽口彈牙，再配埋南瓜的甜一齊食，配搭唔錯。 甜品方面，<雲呢拿朱古力慕絲伴焦糖棒子> 賣相好靚，朱古力慕絲入口好滑溜，朱古力香味好濃，味道唔會好甜，作為飯後甜品好完滿。

今午朋友請我上旺角半空中食飯，唔係講笑㗎，上到25樓，坐響落地玻璃側，面對開揚見天嘅環境，遠眺香港島，可惜今午有煙𣌊，能見度不足，但已可令我心曠神怡。餐廳是全層，無柱位，正方型酒bar好似個島咁放左向中間，四邊餐枱圍住，能近距離與客人接觸；廚房做左兩邊大玻璃，可清清楚楚見到廚房內乾淨企理，令食客放心，亦可欣賞廚師們嘅烹飪手勢。Set lunch 包括沙律及餐湯餐包，三樣已令我口與胃都大滿足，沙律菜新鮮不在話下，而粒車厘茄都係焗過㗎，配上點到即止式沙律汁，唔會搶左蔬菜嘅鮮味；而個大蒜薯仔湯，creamy非常，單係個湯我會俾90分，同埋有rosemary 味嘅熱餐包都好特別喔。我朋友叫嘅慢煮紐西蘭牛柳配紅酒汁，牛柳夠腍，有濃郁牛香味；我就叫左手打和牛漢堡包，平時我唔鍾意食片酸瓜，因為實在酸，但呢片酸瓜帶甜，啱我口味；全個漢堡夠熱，包夠脆，肉夠香，紫洋蔥夠甜，菜夠新鮮；最後用即磨咖啡做句號。

臨時開App搵地方食飯，見到新餐廳推出主菜單買一送一優惠並可馬上透過App訂座，決定一試。由於對環境食物甚感失望，請恕沒有拍下照片記錄。首先講下環境：地點位於新大廈，地點便利，開始有少量餐廳進駐。一出lift已看到餐廳如旺角樓上cafe般的燈飾環境設計及現場音樂，可惜無緣坐到窗邊座位一覽旺角樓景。價錢：優惠只適用於主菜，不適用於set dinner及其他。當日嘗鮮的選擇為 Sirloin Steak ($288) 及 Mushroom Strozzapreti ($188)，主菜每樣正價$200-$300與TST一般fine dinning相約，但食物質素卻相差一大截。Cocktail：客人可以從餐廳提供有點反應遲鈍的Android pad中查看圖片點餐，從略帶點MK設計的圖片中瞭解到每杯Cocktail的似乎略花心思設計的造型及成分。即刻點咗杯與餐廳名字相似的signature飲品 726 Sangria ($88)  和  Kaffir Lame Collin ($98)726 Sangria ：味道似藥水，勉強亦不能飲用，最後飲剩大半杯Kaffir Lame Collin： 裝酒

若要在旺角食精緻高質精緻高質的西餐，位於彌敦道726號的Sky726是個不錯的選擇。餐廳在大廈頂樓，燈光較為昏暗，營造富情調效果；冰坐在吧枱旁，主要靠變色燈照明，現場感覺良好，但非常不利拍照，令這篇文章相片主色千變萬化，在此先是致歉。這夜一嚐其set dinner。餐牌已貼在升降機內，可以一邊乘電梯一邊選主菜。首先出現的是菠蘿燒雞絲沙律。菠蘿數量不是太多，輕輕點綴；雞絲和蔬菜更加多，整體而言，算是份量豐富，不是那種 美其名有個前菜沙律，然後只得寥寥幾棵小菜的敷衍之作。是日餐湯意大利菜湯，味道清淡，蔬菜極多，滿滿的一碗，喜歡菜湯的話，應該非常滿足。當然不能缺少餐包。麵包內夾雜著香草， 令味道更香，可惜燈光問題，未能拍攝內裏模樣。精緻小吃是迷你酥皮撻，bite size，一口搞定，非常鬆化，有點入口即溶的感覺。主菜揀了板燒安格斯T骨牛扒伴羊肚菌汁。十分巨型的一塊，比手掌更大。亦有相當厚度，不是面積增加就在厚度偷工的招數。七成熟的牛扒，鮮嫩幼滑；加上羊肚菌汁也沒有蓋過肉香，而是令牛扒香味發揮得淋漓盡致。甜品是流心芝士撻。暖暖的，full size的一件，而且是確切的流心，芝士令齒頰留香。點了

Sky726今晚約咗好姊妹去食飯，想搵間靚景嘅餐廳，同埋唔想過去港島，喺openrice 搵左一輪，終於搵到呢間。雖然係26樓，但係附近嘅環境都好靚，落地嘅玻璃望出去，令人感覺舒暢。 田園沙律＄108首先叫咗個沙律，火箭菜，超級新鮮，仲有白蘑菇，配上酸嘅沙律醋，感覺清新又健康。黑松露忌廉湯$85番茄雞絲湯$78兩個湯之中,我哋都比較喜歡黑松露蘑菇忌廉湯,上堂嘅時候,個湯亦都漂來黑松露嘅味道,每一啖都有好濃郁嘅蘑菇味，絕對真材實料。意大利鹹肉南瓜闊條麵$168呢款麵最特別之處就係鹹肉，鹹肉比一般嘅爽口，亦都唔算太油膩，兩邊經過煎香，非常可口。日本麵豉三文魚配魚高湯茄子＄188三文魚經過慢煮，非常嫩滑，入口飛有大有一點甜味，慢煮處理之前，經麵豉調味，所以有一份清甜。這個菜式係一個非常有特色嘅fusion菜，面試湯底，配上嫩滑三文魚，呢一個配搭新奇又好味。Mocktail Frozen Berry Punch $78紅莓、藍莓、士多啤梨、菠蘿汁、橙汁加上青檸汁賣相非常靚，味道帶點甜味，一點都不酸。Paradise punch $78椰子糖漿、熱情果糖漿、橙汁、菠蘿汁、同梳打水，朋友大贊，因為