Sky726

平時食西餐都鐘意揀返啲比較有氣氛，環境悠美的餐廳，同朋友傾開有咩西餐好食，搵到係旺角的呢間Sky726, 就趁放假黎試下，建議一定要訂位，好满座。餐廳地點方便，在地鐵站出黎行幾分鐘就到，在25樓居高臨下，望到街外的景觀一流。一入面見到天花的满天閃閃燈光，昏暗的環境令氣氛倍增浪漫，餐廳中間是一個酒吧，裝修高格調。晚餐套餐有多款選擇，每款都有成6個course. 今晚想同朋友食下其他野，就決定散叫。Baffalo Mozzarella Tomato Salad, $128, 水牛芝士的質感好軟稔煙韌，芝士味香濃，蕃茄好新鮮爽甜，好多汁，夾芝士一齊食的味道富有層次感，火腿夠薄夠咸香，少少脂肪的油香味，味濃而煙韌。Pan-fried Chorizo, $138, 用熱pan 裝上剛炒熟的辣肉腸配多士，加入好多新鮮洋蔥一齊炒，味道爽口清甜，吸收晒香腸同醬汁的香味，辣肉腸肉質夠淋，味道少少偏辣，肥瘦適中，咬落啖啖肉汁。Escargot a la Bourguigonne, $178, 用濃郁的香草醬混入蝸牛一齊焗，味道好鮮甜，蝸牛肉質彈牙，焗得入味，底係軟綿綿的薯蓉，質感緊密，入口即溶。Scall

🎉今晚老公帶我嚟呢間餐廳慶祝生日🎉餐廳悉心安排窗邊枱 落地玻璃能夠望到旺角夜景!而且餐廳不大所以不會有太多客人環境不錯✨餐廳中間有個bar area ,提供各式各樣cocktail 🥂食物方面頭盤我們叫左法式田螺 這道菜很特別 因為田螺殼改用了脆皮 所以都可以吃的 而且薯蓉好香好滑👍另外叫了士多啤梨焦糖鵝肝 鵝肝用焦糖燒過 所以食落去脆脆的甜甜的 好開胃😋除咗鵝肝同法式田螺之外 另外再叫了半打生蠔 當晚有紐西蘭同澳洲 個人比較喜歡澳洲生蠔 主菜我同老公叫左黑松露意大利飯 超級好食 遠遠就聞到黑松露嘅香味 一流😋😋另外再叫了一份肉眼扒五成熟剛剛好 肉質好林而且份量好大 十分抵食 讚讚讚👍👍👍很滿意的生日飯 🎂

今日同男朋友去左旺角食飯，假期都想搵個地方休息下食餐飯，上網搵左一間西餐廳，環境好開揚又舒服。小食：西班牙辣肉腸。咸香辣肉腸加上洋蔥炒香，焗出香口咸香味道。辣肉腸入口唔油膩，好滋味！我地好快食哂啦！主菜我叫左蜆肉白酒意粉。意粉炒香，蜆肉無沙啖啖肉，入口爽嫩鮮甜，份量足夠女仔岩岩好！男朋友好鐘意白酒香！男朋友叫左西班牙黑毛豬！豬肉鮮甜唔鞋口，外層煎得香脆，中間好粉嫩！調味咸香，旁邊加上黑醋夠平衡肉膩感！

父親節約了老豆等5個人去午餐，因為老豆夜晚要睇世界杯，唯有系咁。open rice訂位的話有不少食品有7折，這點不錯。然後點了一份肉眼、海鮮意大利飯、蜆肉天使面、和牛漢堡、xx手打面、加點了cocktail、egg Benedict、半打生蠔(正價)…食物點評:生蠔新鮮。配送的醬汁有心思。值得鼓勵。牛扒要了五成熟，風味不錯。配菜簡單而不濫。忌廉薯蓉中上。跟餐的即打白湯吃得出有心思可惜本人覺得太濃奶味過重。請加油。咖啡有點炒燶了。天使面的部分老媽覺得口味太淡。本人反而覺得配海鮮蜆肉是真的不宜太搶味掩蓋海鮮原本的味道。就是說，味道雖然不驚艷卻是ok的。面質處理上和味道特色如能再下苦工的話將會更讓人回味。手打和牛漢堡的話，中規中矩。始終不是專業漢堡，要體諒備料的難度。切身處地，我不會標榜“和牛”。如用美牛或歐洲牛風味更佳。這次醬汁和配料要再加油喲~女友點的辣肉腸手打卷面是家人普遍合口味的一道菜。手刨parmesan cheese給得很大方。負責廚師大概跟老闆處得不怎麼樣。面質彈牙。辣肉腸的微辣幫忙預防這頓飯變得沉悶。老爸海鮮意大利飯因為一個事故最後才上場(後話)。這個沒有帶來驚喜。大概老爸抱

近排返工真係好辛苦男朋友知道咗之後，就話要好好咁去令我放鬆一下！所以今晚一於食好啲，真心多謝男朋友為我嘅付出餐廳位處係25樓，好好彩，我地有得坐窗口位成程可以望住個咁靚嘅景色食飯！開心而且餐廳入面掛咗好多燈飾，感覺好浪漫先嚟個意式蕃茄水牛芝士沙律$128，蕃茄同水牛芝士永遠都係咁夾配埋Parma Ham 一齊食，味道更加豐富，我地兩個都好鍾意呢個前菜之後係香草炸原粒蘑菇$78! 蘑菇大大粒，睇落以為會乾，點知食落外脆內軟沾少少蕃茄醬一齊食，仲好味湯我揀咗南瓜蟹肉湯$78顏色靚之餘，南瓜味都夠晒濃，飲落仲會寫到少少蟹肉，唔錯主菜我揀咗銀雪魚伴木魚湯$298，湯底鮮得嚟帶啲甜味！配埋滑嫩嘅銀雪魚一齊食，呢個配搭新鮮得嚟都好夾男朋友就揀咗芝士釀珍寶貝殼粉$188，咁大個女都係第一次食咁大隻貝殻粉食落唔會膩之餘，口感仲好好添，真正嘅好睇又好食甜品方面，我地最後㨂咗半熟流心芝士撻$68！甜度適中，而且流心效果唔錯，質地好軟滑，加埋旁邊嘅雪葩一齊食，一冷一熱嘅口感，正最後當然要一人叫杯cocktail 慢慢傾計啦成餐飯由頭到尾都好滿足，多謝男朋友

香港日落有幾靚?估唔旺角彌敦道呢間餐廳喺25樓居然可以睇到咁靚嘅景色，唔單止日落，連夜景都一樣殺食，冇得輸。今晚頭盤喺生牛肉芝士碎粉，生牛肉切片夠薄，面上一層芝士碎粉味道濃郁。跟著喺𧐢湯，雖然冇一隻隻完整嘅𧐢，但入口喺濃濃嘅𧐢嘅味道，廚師心思同功力唔錯。另一款係黑松露湯，唔似外面好多餐廳啲湯本身已經勁咸，再加埋黑松露就咸上加咸，慘不忍睹，呢度呢款湯就冇呢個問題，飲落口唔覺得會話得個咸字。當然有熱辣辣麵包連兩份牛油。第一款主菜喺和牛釀珍寶貝殼粉伴羅勒丶意大利蕃茄醬及意大利乳清芝士，第二款喺無骨黃油鷄肶伴薯蓉及蟲草花，我個人喜歡第二款，因為鷄肉夠滑。甜品喺火焰朱古力球，侍應即場表演朱古力球點火，色香味俱全。有美食靚景在前，特別要兩杯特飲：Sangria (red) 及Kaffir Lime Collin (London Dry Gin丶lime丶soda and etc)。

星期六食午餐，OpenRice訂枱有7折，但坐低侍應就話每人點à la carte滿$200先有折，即二人$400，餐湯飲品另計。點了蝦凱撒沙律、蟹餅和海鮮飯。凱撒沙律只有少少沙律醬，竟然沒有芝士; 蟹餅算是足料; 海鮮飯明顯用味精罐頭湯煮，竟然看不到半點香草，食完超口渴。水是tap water... 侍應捧著的水樽內連半片檸檬也沒有。衛生欠佳，深啡色的餐墊掩蓋不了污垢，椅子及地板不太清潔。點解咁多好評? 中哂伏!

在openrice 已留心很耐的法國餐廳，終於可以今晚品嚐一下，店鋪位旺角鬧市中心，居高臨下望到日落，感覺不錯，店員也很友善和有禮，雖然坐window seat享用時間比較短，但也不覺得急速，出菜時間也剛好，至於食物方面，味道也不錯，可以下次去試其他款

今日下午去旺角行街真係好熱，有成30幾度，好辛苦！所以我地去搵間餐廳坐低飲杯野順便食埋晚飯先返屋企！我哋去到餐廳大約6點幾,坐係冷氣嘅地方望出去有陽光真係好舒服，仲可以睇埋日落726 sangria (white): 開頭我無認真睇下係咩，我以為係檸檬之類嗰啲嘢飲,但原來係有酒精嘅飲品，真係錯有錯着，都幾好飲Chico Chip:老公叫左呢杯，我試飲咗一啖，甜甜地好濃味，唔錯坐係度飲野睇日野真係好舒服今晚想早d返屋企，所以提早食晚飯。Niscoise Salad: 呢個沙律有好多款沙律菜，食落去好新鮮，吞拿魚上面放咗黑椒，有少少辣辣地幾開胃Beef carpaccio: 呢個賣相真係好靚，有好多花係上面，牛肉片好簿，上面有一粒粒咸咸地嘅配料，我地無唔知係乜，但配埋一齊食幾好食Pumpkin soup whit crab meat: 呢個湯好甜吖，南南味好濃好滑Mushroom & black truffle soup: 茹味同黑松露味都係好濃，好好飲！兩個湯都好夠熱仲配埋兩個餐包，拎上手仲係熱架Sea bream: 魚皮煎到好脆，而魚肉仲係好滑，岀色！Wagyu beef conchi

今日520 ,老公好有興致，打算今晚食餐好慶祝一番。朋友介紹旺角鬧市中，有間餐廳好有情調，有靚景，六點半左右去，仲可以睇到日落，非常浪漫。「意式番茄水牛芝士沙律伴帕爾馬火腿」番茄與水牛芝士一向都是絕配，加上意大利醋及 Parma Ham， 十分醒胃！「香煎蟹餅伴藜麥蒜泥蛋黃醬」勁多蟹肉，大大塊，外面煎得胞卜卜。「野菌黑松露忌廉湯」&「燒焗南瓜湯伴蟹肉」兩個湯都好 creamy ,非常濃味，飲到真材實料。「銀雪魚西京燒伴大根木魚湯」好喜歡食這個銀雪魚，西京燒所以甜甜的，魚好滑，加上大大塊白蘿蔔，my favourite ！「墨魚汁意粉伴茄燴海鮮及虎蝦」欣賞佢配料認真，有魚塊、魷魚、蝦、青口等材料，絕對不會只有蝦米兩三隻或蟹柳一兩粒就算。「Cookies’n Cream」本人好喜歡飲 Bailey’s 。加上有 Oreo 嘅配搭，成為這個浪漫晚餐嘅一個開心甜品。「Far-East Highball」喜歡菠蘿嘅朋友，可以一試，冰凍得來， 十分 fresh ,充滿夏日色彩。餐廳會提供兒童餐具， 十分細心。

位於旺角中心既一間 sky726，無論位置，環境，食物質素都非常之好，值得推介。 由於樓層有25樓之高，可以遠眺旺角開揚景觀，高樓大廈美景， 盡顯眼簾，甚有情調。 餐廳漂亮嘅裝修佈置，令到餐廳內在環境別樹一格之餘 又不失情調，完全適合情侶拍拖用餐。 當然一大班朋友食完嘢嚟飲酒吹水，亦不失為一個好地方，不過就欣賞唔到呢度嘅美食啦。 依度除左欣賞嘅裝修佈置之外，食物質素亦值得讚賞。 凱撒沙律賣相好靚，沙律菜好新鮮，全部都係青綠色。口感好脆口，再加上芝士薄脆，芝士粉，煙肉等等嘅配料同埋醬汁，令人食到停唔到口。 小食藍青口配薯條。薯條炸得好香脆， 好明顯係新薯炸出嚟 。鹽既份量落得適宜， 令到口感味道得宜。 藍青口都好有鮮味，有嚼勁，青口有大有細， 分量頗多。 prime肉眼牛扒好大塊，烤得好靚。五成熟牛扒，熟到恰宜，切落去淋身，又唔會太生。牛扒有烤蕉味， 又有濃郁嘅牛味， 真係值得一讚㗎。啲配料翠玉瓜都燒烤好好食，薯蓉好嫩滑 好軟熟，散出牛油香。 蜆肉天使麵 做得好惹味，天使麵好幼身， 食落冇意粉咁有質感。個汁有蒜香味，好正。蜆肉熟度剛好唔會韌， 而且算幾大隻，分量亦夠多。 朱古力心太軟配雲

如果有外國朋友黎香港，想睇醉人夜色，我一定會推介佢去尖沙咀 北京道x號裏面嘅餐廳, 當然我都會捨命陪君子，豪一豪， 體現香港人好客之道。但係平日嘅夜晚， 同自己身邊相熟嘅人食飯 ， 當然要顧一下荷包，總不能打腫臉充胖子。係兩者平衡之下 ，今次同好姊妹就選擇了旺角區中相當出名嘅意大利餐廳，前提係經open rice 訂座有折,另外打電話confirm左有窗邊位是日專登彈閘放工， 趕頭趕命咁呢到好彩天還未黑，可以影到相。叫咗杯同環境相當吻合嘅 mocktail, Paradise Punch。餐廳座位之間隔空間感不夠， 歸根究底都係土地供應問題， 可以理解，中間位置有水吧區， 感覺非常摩登。頭盤點了吞拿魚尼斯沙律， 吞拿魚厚切，邊位有烤過，加上欖油及新鮮沙律菜，口感很清新。湯方面我點了蟹肉南瓜湯，很香濃，好味。朋友點的蠔湯我有嘗了一口，還不錯。主菜方面點了油封鴨，貝殼粉。油封鴨餐廳給了鴨胸及鴨脾，份量很多， 皮酥肉嫩 ，伴菜的粟米很甜。珍寶貝殼粉原來真係好巨形， 做法係將和牛釀入貝殼粉， 上面加上乳清芝士。 乳清芝士的芝士味道比較淡，亦相對健康一點，脂肪同鈉質含量比較低。當中我最欣賞的是底

很久沒有來sky726, 今次與好姊妹們聚會再來臨sky726重拾美味回憶。我們試了牛油白酒煮藍青口伴法式薯條，味道不錯，可惜青口肉比較細粒，唔夠啖啖肉的感覺，至於法式薯條是熱辣辣的，香脆美味。 燒慢煮16小時辣豬肋骨，肉質嫩滑非常入味好惹味，用刀輕輕一切肉就可以容易分開， 口感很淋似入口即融。好驚喜的是意大利手捲意粉伴野菌，辣肉腸及巴馬臣芝士，食不停口， 美味誘人，必食之選價錢方面比較貴少一點，但服務員態度友善。環境舒適，不會覺得枱貼枱，沒有壓迫感。

今日我終於去到呢間野到食喇....之前上openrice一直都想試...但冇人陪我黎囉.....一去到已經比個景吸引左...超靚...仲要有得睇日落...之後睇下個menu 見到有【蟲草花瓖無骨雞翼】$198我二話不說就嗌左喇....咬第一啖會心心眼架...因為佢地煎到個皮好脆呀....入面果D蟲草好入味呀....索哂D雞汁....同埋佢超滑D肉.....之後我再嗌左個蟹餅~~~一切開我就心心眼喇...超級多蟹肉...個重點仲要佢夾埋D紅椒呀...青椒呀.....再配埋佢底下個沙律醬..勁回味.....到而家打緊食評都仲諗起佢陣味...之後最後嗌左個辣肉腸配多士.....又係好鐘意...辣肉腸加佢本身整個汁...又辣又酸咁....我係厭佢...比得太小包....配料仲有洋蔥呀....好腍身呀....呢間野要番兜呀...

Great service with top quality food and drinks.. worth its money... We ordered passion fruit n classic mojitos... it did take a while but definitely worth the wait... yummy cocktails... a must try.. Thank you for the amazing experience... For sure will visit again👍🏼