Sky726

今日同朋友慶祝生日。揀咗呢度因為OpenRice好多好評，這裏景觀無敵，居高臨下，落地玻璃，可說是煩囂的旺角的靜中帶旺，環境優美的一個好地方。我們點了一些食物一齊share. 朋友愛好牛扒所以叫了《香煎美國頂級安格斯西冷扒》。牛扒肉質鮮嫩多汁。油分充足。肉味濃郁，非常juicy. 牛扒上佈滿炭燒痕跡特別香口。質素高。我個人尤其喜歡此道菜。《燒原隻慢煮墨西哥春雞》由於是慢煮，春雞肉質特別嫩滑，不會太乾或太鞋。味道原汁原味，只要輕輕落晒調味料已經有很不錯的味道！《虎蝦意大利飯伴龍蝦牛油汁》虎蝦香煎兩面，非常香口，肉質彈牙爽口，很好吃。龍蝦牛油汁非常濃郁，很香龍蝦味亦很creamy。意大利飯軟硬適中煮得剛好，咬落去煙煙un un 口感十足，朋友對此菜式讚不絕口。《香煎帶子闊條麵伴煙紅椒汁》雖然只有三粒帶子，但是十分大粒，而且十分新鮮。略為醃過再煎香兩邊，味道十分鮮甜可口。闊條麵處理得剛好。麵質彈牙不會太淋。個紅椒汁很creamy,另外有大量菇菌，口感十分豐富。整體來說質素頗高。

趁著Happy Friday，而且我又考埋試完sem，今晚要同男朋友好好慶祝一下😆😆餐廳位於高層23樓，可以飽覽鬧市夜景🌃 不過餐廳坐場full house，我無幸，坐唔到窗口位，所以靚景就同我無緣了😭😭晚上燈光較暗，播著英文流行曲，加上滿天星星，走浪漫路線，非常適合情侶朋友聚腳😽😽🔸香煎煙薰慢煮北海道帶子 $178帶子新鮮大粒，好滿足😆 下面仲有小小菇🔸虎蝦意大利飯伴龍蝦牛油汁 $198龍蝦汁調得偏鹼，而且啲飯好硬！呢個唔推薦💔 🔸Orange Cinnamon $80Cocktail意外地出色！橙味十足，甜甜地易入口，岩曬唔太飲得酒既女仔😽😽

最初打算訂這間餐廳，是因為聽說這裡有落地大玻璃，旺角區的市景可盡收眼底。但也有網友指出這裡的食物性價比不高，所以心想試試吧，如果食物唔得，就睇靚景搭夠。與朋友上來一看，那個景觀簡直是不得了，真的好正呀！然後我們叫了食物，其實質素也不錯，對得起那個價錢，特別是和牛漢堡真的很美味，而那個蛋白炸彈甜品也很有趣，大家吃了都很飽足。結果是這餐都未食完，朋友們已盤算下次再約在這裡食晚飯，順便飽覽旺角市區的夜景……

位於旺角彌敦道實在是少有的好地方，位置方便，環境舒適，食物有準，最欣賞男侍應專業的招待，對酒的介紹也有足夠的了解，會再來的，炸芋頭片，軟殼法式蝸牛好特別，豬肋骨味道也很好，夠軟

周末梗係要舒舒服服去食番個brunch! 近近地就選左呢間位於彌敦道726號25/F 嘅sky 726!一出Lift 口就會見到個好搶眼會變色嘅招牌。餐廳以木、黑，白色為主色調。餐牌均以單點形式顯示，要升級套餐就加$48我同男友就決定選其中一份加套餐就足夠。有沙律～餐湯：薯仔忌廉湯都幾creamy!手打和牛漢堡 $168 用上和牛嘅肉眼部分，覆蓋牛肉嘅芝士呈半溶狀態，而且粗薯條炸得通透唔油膩。加左一個班尼迪蛋 $48 中意呢道可以有一件甘order, 唔洗因爲班尼迪要食成個all day breakfast 英式鬆餅夾心有塊火腿再加上班尼迪蛋嘅組合，將蛋黃慢慢流出，逐層吸收蛋黃creamy嘅味道。海鮮雜錦意大利粉 $178意粉是幼細而有咬口那種，蕃茄嘅口味酸甜度適中。大蝦有四隻、還有青口同魚肉。檸檬茶 正常水準之內。

我諗我都黎過5-6次，都算係fans，如果係旺角諗唔到食咩，就會黎呢度，因為係有信心既保證。第一建議book枱既人可以訂定窗位，較為舒適D，而且生日黎有優惠，通常都有折。第二黎到一定要試下食蠔，都幾抵食。而我最推介係佢既沙律（記得配雞扒，煎得好香，沙律菜好新鮮，麵包都好脆卜卜），rips &牛扒就正正常常，我另外特別鍾意佢煮既黑松露意大利飯，真係好好食，食完會好滿足。因為我鍾意食黑松露，所以都會叫埋薯條配黑松露醬，好香好好味。

午飯時間約1點多來到，人流不多，大約佔了餐廳的一半，環境挺寧靜，落地玻璃窗映入眼簾的便是旺角鬧市區的街景，十分寫意。先看餐牌，於社交網站like&share後可以7折價格用膳！折後價錢也挺划算的。最後點了手打芝士和牛漢堡餐。餐湯是蕃茄忌廉湯，酸酸的挺開胃；沙律份量適中，伴以簡單的黑醋汁吃；原以為是普通的餐包，包裡面加了香草焗製而成，有驚喜。漢堡包有加牛油烘過的，裡面的配菜分開地呈上，讓客人可以選擇地組合自己的漢堡包，薯條挺香脆的；和牛漢堡排份量不小，有一定的厚度，肉味挺濃郁，是吃漢堡包的高級享受( ´▽｀)不過吃到尾段時咬到一些筋腱，藏到牙縫裡清潔有點麻煩。但整體來說還是一個很不錯的午餐(*¯︶¯*)會再來光顧的。

呢排成日放假先黎落雨，所以同女友就揾個靚靚地方食個brunch!sky 726餐廳顧名思義就係開喺旺角彌敦道726號。餐牌上所有食品都是單點的，要轉套餐就要加$48套餐包括一個野菜沙津。忌廉薯仔湯，都幾creamy 香草圓麵包配鹹牛油。叫左一份手打和牛漢堡配粗薯條。薯條炸得剛好，份量亦都唔少。漢堡包屬鬆軟而且和牛牛味濃而滑身，仲食到牛肉顆粒口感。海鮮雜錦意大利粉，有蝦，青口及魚肉。經調味嘅意大利蕃茄醬酸甜度適中。加$48班尼迪蛋班尼迪蛋專用的荷蘭醬較為淡，但勝在英式鬆餅上有層火腿肉。餐茶同一般西餐廳一樣糖漿另外如。埋單食左$486

彌敦道726號整座大廈有很多餐廳，呢間位於位於彌敦道726號頂層，去個朋友注意無走錯喇~環境幾有情調，寬敞舒服，站高看遠，盡享旺角無邊天際景觀~~食物選擇很多，可以說想吃得都有了~凱撒沙律配扒香草加雞胸：凱撒沙律是我日常餐，每個地點有不同個味，這間我覺得都唔錯。搭配調製完美比例的醬汁，菜雞肉味道都幾適當。迷你三文治拼盤：主要有煙三文魚、 燒牛肉、 薯條。 三文魚鲜嫩到位，牛肉肉質新鮮兼彈牙，薯條配醬汁好味喇仲唔錯。總體給四星了 ，總有進步個地方~

今日同朋友慶祝生日,特登上網揾咗間睇落氣氛唔錯嘅餐廳慶祝上到嚟發覺呢到嘅氣氛比想像中仲要好，特別係入夜之後，下面個張係入夜之後望出去影嘅夜景相嚟，係旺角真係無幾可我地先叫咗餐湯同前菜，湯叫咗黑松露忌廉湯同奶油蠔湯伴魚子醬個湯飲落好濃郁嘅奶油香，伴隨嘅係香濃嘅蠔味同魚子醬嘅微香，好好飲黑松露忌廉湯我試咗2啖，有好濃郁嘅蘑菇香，黑松露嘅味同蘑菇好夾，都係出色呢個蟹餅嚟，唔記得咗叫咩名，食落口感好香脆入面個餡好濃蟹味，啖啖蟹肉,好食主菜之一係虎蝦意大利飯,虎蝦夠大隻煎到好香, 我估有落到白酒去煮，意大利飯用龍蝦牛油汁煮過，好香好濃而且好有咬口呢道菜落咗唔小pepperoli同蘑菇,廚師好有心機切到佢細細片,每一啖都食到有蘑菇同pepperoli, 意粉係手卷意粉嚟，texture好彈牙好感好好,個汁亦好香甜品叫咗2款呢個係火焰朱古力球，個職員會拎個朱古力球擺係枱再淋啲點咗火嘅酒落去個波到，睇住個波罩溶化露出入面嘅雪糕，視覺感冇得輸 熄咗火之後個雪糕仲係好夠凍，朱古力因為酒精嘅吸熱作用亦凝結得好快，食落去朱古力伴隨住酒嘅香味，配合埋雪糕味道整體上都幾好朋友叫咗lady&m, 係士多啤利雪芭嚟

今次同朋友一齊去左間好有氣氛既餐廳食飯,係一間係旺角算幾有特色既西餐嚟本來諗住叫set dinner,但因為前菜唔太岩食所以決定散叫先叫左餐湯飲係黑松露蘑菇湯嚟,蘑菇應該係新鮮現磨,味道好濃而且好滑,好好飲佢仲跟左餐包比我地, 餐包係小麥味濃搽牛油或者點湯食都唔錯,主菜叫左意大利手卷意粉伴野菌、辣肉腸及巴馬臣芝士, 手卷意粉食落比一般意粉個texture有好感, 辣肉腸同野菌味道好夾,好出色甜品叫左lady and red,其實係草莓雪芭嚟, 有dry ice做裝飾營造鮮氣效果,靜係睇賣相已經滿分, 雪芭好香草莓味,夾埋下面既檸檬泡沫味道酸酸地甜甜甜地唔錯環境，氣氛，味道都非常唔錯，下次一定再黎。

可以我訂的時間比較夜，去到好多菜式都已經沒有，叫了四道菜，都不太熱至凍之間，味道也一般。服務方面就如一般旺角茶餐廳，工作人員會用面口講你知，我要收工，快!窗境大概有四台有，如果想坐，我想一定要早要求了。

Staff服務好 但食物無聊賣相 / 味道 都唔好已這價錢 比咁既質素 確實唔會last到好耐得豬肉卷合格食到一半火警鐘響 個人覺得staff有必要去了解係咪真係有火警喺其他樓層 再向客人會報 保障顧客安全 及等客人知道夠竟走唔走有代改進

朋友話呢間餐廳唔錯，我見6：00pm過去有5折，就去食餐廳環境還可以啦～ 有個無敵市景不過我6：00pm去到坐低，個西斜真係晒到我背脊有啲滾。。。講番正題，食物：Sky of Blue: 要咗杯Cocktail，因為見到餐牌上佢藍色，上面有一層雪白既忌廉，好襯個無敵景觀，點知一上枱，好失望啊... 忌廉太多，藍色得1cm左右... 名不副實囉... 飲落，oh dear，好大陣椰子葯水味，唔好飲囉濃郁奶油蠔湯拌魚子醬：呢個湯係全餐最出色既，香香濃濃，食得出有蠔味，真材實料法式薯條：就係薯條囉... 我睇錯餐牌，以為係松露薯條，但點解食落一啲松露味都無呢？睇番餐牌，有松露既係薯蓉，薯條係普通薯條... 攪錯晒... 個薯條炸得夠脆，不過唔夠咸，落多少少淮鹽會好食啲意大利生牛肉刺身片伴火箭菜沙律：啲生牛肉好新鮮既，但問題係，啲火箭菜沙律去咗邊？問個侍應，佢話面果啲係，我話，面果啲係菜苗，唔係火箭菜，跟住佢問完又話火箭菜賣晒，所以改咗放菜苗... 唉... 咁你又唔o係落單果陣同我講？我點呢道菜，就係想有火箭菜沙律啫... 英文明明寫住係 Beef Carpaccio and Rocket

幾個月前同朋友已經黎食過一直都想再番黎食多次佢既流心芝士撻所以決定係生日月再黎食！首先上枱既係虎蝦意大利飯呢個飯味道唔差，蝦亦都好大隻，值得一試！可惜係份量太少，兩個人share人每人食4-5啖已經清哂之後上枱既係美國安格斯西冷賣相一般，薯蓉居然係凍既！不過其實薯蓉味道唔錯，好香cream味，但連微暖都無真係好失望牛排普普通通，但如果呢個價錢，試一次就夠了！最後甜品係今次黎既目的- 流心芝士撻！芝士撻中間係完全係流心，不過芝士味唔夠，只係食到濃濃既奶味。不過整體個甜品唔錯，出面都好少見，如果下次再有機會黎食，都會再叫黎食！總括而言，呢間餐廳環境、味道都唔錯。可惜小弟覺得份量真係少得可憐 (當日格離枱坐左4個女仔，食完幾個頭盤+ 主菜佢地都一致覺得自己好似食完空氣，半點飽肚感都無)。值得一提既係呢間餐廳既飲品賣相好吸引！下次有機會黎一定要試下！