影片
港鐵香港大學站 B1 出口, 步行約5分鐘
繼續閱讀
電話號碼
66056428
營業時間
今日營業
11:00 - 23:00
星期一
全日休息
星期二至六
11:00 - 23:00
星期日
13:00 - 20:00
公眾假期
全日休息
以上資料只供參考, 請與餐廳確認詳情
店鋪位置都幾隱蔽，唔係住開附近好難會搵到。平日夜晚唔太多人，位置算闊落。餐廳擺設好有特色。餐廳主打和牛burger同milkshake (身為no milkshake no life旗下餐廳，milkshake一定有保證)叫咗兩個前菜，和牛burger同milkshake，好有驚喜，個包唔會太腍，和牛肉質岩岩好。milkshake保持一貫水準。全部份量都好足。店員都超好人，keep住介紹有咩好食。夜晚想chill仲可以叫埋sake少飲兩杯。
繼續閱讀
🇯🇵🍳🏮特色邪惡美食✨服務幾好，設加一✅牛肉芝士煙斗粉 -$98個粉比想像中細碟，原本以為有一碟意粉嘅size，但係都好足料，煙斗粉係大粒啲嘅通心粉，軟硬度煮得剛好，上面有大量嘅肉碎，然後成碟都撈滿咗芝士，味道口感都唔錯，令人垂涎欲滴🤤✅和牛芝士太陽蛋漢堡配香辣薯條 -$138薯條係好似麥當勞咁樣嘅又新薯條，都炸得好香脆，配咗辣粉微辣惹味。漢堡包嘅包皮都煎香咗，個包好軟熟，除咗漢堡扒，仲配搭咗焦糖洋蔥、秘製醬、一隻荷包蛋。和牛漢堡扒真係好好味，牛肉味濃，有少少煙燻嘅味道，但係又唔會好乾。荷包蛋都煎得好靚，一切就會爆曬啲蛋黃汁出嚟，焦糖洋蔥同樣都煮得好香口，夾埋一齊係幾好食。✅豆乳黃豆粉蕨餅奶昔 -$69店員推薦呢個限定嘅奶昔，係餐牌上面係冇嘅。用飲管飲真係啜到一啖啖黏黏地嘅蕨餅，有d似麻糬，豆乳同埋黃豆粉嘅味道都好濃，整體嚟講都幾好飲。
繼續閱讀
有日突然想食burger🍔喺機緣巧合之間搵到呢間位於西環嘅餐廳呢間餐廳屬於西式快餐x日式居酒屋🍳佢哋嘅burger係香港數一數二好食嘅👍🏻入邊塊肉Juicy到會爆汁💦而且漢堡包仲係煎過有啲燶邊嘅加埋芝士簡直係邪惡嘅美食😋餐廳仲有好多啱送酒嘅嘢日式小食🇯🇵例如八爪魚漬，煎餃子，炸羽衣甘藍等等佢哋每個星期都會有唔同嘅小食，寫喺塊手寫餐牌上面，不過小食嘅份量就有啲細飲品方面，除咗有生啤仲有唔同嘅梳打🥤就算唔想飲酒，都有大把選擇🍺嚟過幾次見到星期六日嘅入座率都唔係咁高🙌🏻就咁Walk in都即刻有位希望呢間hidden gem都有多啲人認識啦💎
繼續閱讀
Bookmark咗一段時間嘅餐廳，食完覺得我發現得佢太遲了。佢係no milkshake no life 嘅3號店，似cafe mix居酒屋/酒場。店舖係條平時唔會行經嘅巷仔到，入到去氣氛、裝修同環境都好有feel。打開menu睇，全部都好吸引，想叫晒黎試，可惜今次只有兩個人，叫咗兩款大人氣嘅主菜，兩款小食同埋一杯milkshake。Hot spicy chicken mac&cheeseMac&cheese個醬好rich，雞肉少少辣，夾埋食好惹味。巴城爵士炸雞太陽蛋華夫鬆餅Chicken waffles 即焗即炸，一邊配牛油一邊配太陽蛋。雞肉炸完都keep到滑，倒埋糖漿咸甜咸甜好正 。大蔥雞肉煎餅煎餅都多料，旁邊配咗白蘿蔔絲配埋一齊食，口感食落會清新啲。但覺得如果配埋醬汁一齊食會更好，依架食落有少少乾。漬物盛盒比較適合配啤酒一齊食，酒漬蕃茄較濃，而漬大根個人略嫌唔夠酸。皇者焦糖花生醬真脆煙肉超肥仔又超好飲嘅milkshake組合。普通一個茶記嘅凍飲杯，裝住濃郁順滑嘅奶昔，而且煙肉碎比例啱啱好，飲完又唔會有好濟嘅感覺。整體都覺得係一間有實力嘅餐廳，係會想再去食。而且環境都舒服，無論係2個人或者一大班人去食都幾適合。因為餐廳係少少似居酒屋形式，夜晚可能氣氛會更好。
繼續閱讀
第一次去搵左一陣，座落起一條巷仔入面，不過舖面都算起眼，舖外會見到 d 大型廣告牌入面空間闊落，坐得都幾舒服，餐廳內部裝修可以話係貫徹左本身餐廳路線，主打美式日系復古風格，仔細睇可以發現好多細節，牆身圖案，掛畫，擺設都好有特色🧀Real Bacon Mac & Cheese $98芝味相對輕身，食落唔會好膩，煙肉香脆，鹹香味整體提色不少🍔Wagyu Cheese & Egg Burger w/ Fries + Cheesy fries $148睇相就知有幾邪惡😈，有煎蛋🍳有漢堡🐮有芝士🧀，隻太陽蛋煎得相當有水準，特登擺到好似就黎跌出黎咁，塊漢堡厚身足料一d都唔干，咬落去爆曬d肉汁出黎，宜家睇反都流曬口水我地另外加左$10 轉 cheesy fries，又係一絕，一定要試下 🥤Salty Lime Soda $52本身知道呢間主打milkshake，但係小妹有乳糖不耐受症，唯有試佢其他野。先發現呢杯有驚喜，佢起杯口位灑左粗粒海鹽，同青檸原來都幾夾，平衡左青檸本身既酸味。美中不足就係好快比我飲曬，如果佢都有無限 refill 我估會飲到4-5杯☕Hot coffee $35呢個黑啡係無限refil既，以為會係 d 平野先可以做到呢個價，但係唔是講笑，香滑醇厚唔酸，唔講咁多了，我飲左 3.5 杯
繼續閱讀