影片
港鐵香港大學站 B1 出口, 步行約5分鐘
繼續閱讀
電話號碼
66056428
營業時間
今日營業
11:00 - 23:00
星期一
全日休息
星期二至六
11:00 - 23:00
星期日
13:00 - 20:00
公眾假期
12:00 - 21:00
以上資料只供參考, 請與餐廳確認詳情
Sir Berwick裝修走日式風格適合同朋友慢慢食、傾偈打卡。今次主食叫咗和牛芝士太陽蛋漢堡, 炸雞太陽蛋窩夫。和牛芝士太陽蛋漢堡配香辣薯條 （$138）日式和牛漢堡扒，漢堡厚同大塊，肉質鬆軟多汁，太陽蛋完美流心配和牛漢堡超級夾，味道層次豐富。而香辣薯條辣度溫和。炸雞太陽蛋窩夫 （$138）而咖做緊 （$109）!!!日式唐揚炸雞配窩夫意外地夾！炸雞係外皮薄脆，肉質Juicy，食落去唔覺得油膩。再加上太陽蛋既蛋汁撈窩夫，邪惡但滿足！而窩夫，外脆內軟綿，淋咗蜜糖後，甜鹹交織，好特別。而飲品分別叫咗香蕉朱古力奶昔 （$59）同青檸批奶昔 ($69)奶昔都有驚喜，香蕉朱古力奶昔，口感順滑，朱古力味濃但唔會太甜，可以加錢加cream，打卡靚啲。青檸批奶昔，呢款真係必試青檸批款超Refresh！飲落去似冰凍版檸檬批，超級解膩，清新解渴。
繼續閱讀
呢間係新舖環境裝修得好靚個場夠大坐得舒服但係嗰日附近有裝修一路喺度鑽場勁嘈同埋佢夜晚就會變居酒屋menuu都係我有興趣嘅嘢搵日試埋佢嘅晚餐🤌🏼講返佢啲食物先我覺得佢個檸檬梳打有驚喜唔係真係檸檬加梳打水應該有落嗰啲濃縮檸檬汁好夠酸爽重檸檬味同啲食物好夾好gurrrr😍😍但Milkshake我無試到😭個雞食得出即炸上嚟嗰陣仲係好夠熱炸粉好薄好脆入邊肉質鮮嫩有汁窩夫都唔錯加埋超多蜜糖好加分鹹甜鹹甜嘅組合就係重口味得嚟唔會咁容易膩我超級鍾意另外一個係Menu見到想試嘅組合就係麻辣手撕雞芝士三文治但係呢個手撕雞啲肉質就冇咁嫩雖然係手撕雞但係佢比我想像中撕得更細條已經冇咗雞肉嘅口感咁滯同埋肉質柴啲好似食緊啲肉絲咁但係佢個麻辣冇馬虎食得出嗰啲花椒香食完條脷真係有麻到同埋佢落芝士都夠重手真係拉到絲個包都烘得好夠脆成個組合係正的如果個肉質可以改善埋嘅話咁就Perfect池啦
繼續閱讀
店鋪位置都幾隱蔽，唔係住開附近好難會搵到。平日夜晚唔太多人，位置算闊落。餐廳擺設好有特色。餐廳主打和牛burger同milkshake (身為no milkshake no life旗下餐廳，milkshake一定有保證)叫咗兩個前菜，和牛burger同milkshake，好有驚喜，個包唔會太腍，和牛肉質岩岩好。milkshake保持一貫水準。全部份量都好足。店員都超好人，keep住介紹有咩好食。夜晚想chill仲可以叫埋sake少飲兩杯。
繼續閱讀
🇯🇵🍳🏮特色邪惡美食✨服務幾好，設加一✅牛肉芝士煙斗粉 -$98個粉比想像中細碟，原本以為有一碟意粉嘅size，但係都好足料，煙斗粉係大粒啲嘅通心粉，軟硬度煮得剛好，上面有大量嘅肉碎，然後成碟都撈滿咗芝士，味道口感都唔錯，令人垂涎欲滴🤤✅和牛芝士太陽蛋漢堡配香辣薯條 -$138薯條係好似麥當勞咁樣嘅又新薯條，都炸得好香脆，配咗辣粉微辣惹味。漢堡包嘅包皮都煎香咗，個包好軟熟，除咗漢堡扒，仲配搭咗焦糖洋蔥、秘製醬、一隻荷包蛋。和牛漢堡扒真係好好味，牛肉味濃，有少少煙燻嘅味道，但係又唔會好乾。荷包蛋都煎得好靚，一切就會爆曬啲蛋黃汁出嚟，焦糖洋蔥同樣都煮得好香口，夾埋一齊係幾好食。✅豆乳黃豆粉蕨餅奶昔 -$69店員推薦呢個限定嘅奶昔，係餐牌上面係冇嘅。用飲管飲真係啜到一啖啖黏黏地嘅蕨餅，有d似麻糬，豆乳同埋黃豆粉嘅味道都好濃，整體嚟講都幾好飲。
繼續閱讀
有日突然想食burger🍔喺機緣巧合之間搵到呢間位於西環嘅餐廳呢間餐廳屬於西式快餐x日式居酒屋🍳佢哋嘅burger係香港數一數二好食嘅👍🏻入邊塊肉Juicy到會爆汁💦而且漢堡包仲係煎過有啲燶邊嘅加埋芝士簡直係邪惡嘅美食😋餐廳仲有好多啱送酒嘅嘢日式小食🇯🇵例如八爪魚漬，煎餃子，炸羽衣甘藍等等佢哋每個星期都會有唔同嘅小食，寫喺塊手寫餐牌上面，不過小食嘅份量就有啲細飲品方面，除咗有生啤仲有唔同嘅梳打🥤就算唔想飲酒，都有大把選擇🍺嚟過幾次見到星期六日嘅入座率都唔係咁高🙌🏻就咁Walk in都即刻有位希望呢間hidden gem都有多啲人認識啦💎
繼續閱讀
您可能會有興趣的...