73
0
0
港鐵銅鑼灣站 A 出口, 步行約4分鐘
繼續閱讀
營業時間
星期一至四
12:00 - 02:00
星期五至六
12:00 - 04:00
星期日
全日休息
公眾假期
12:00 - 02:00
公眾假期前夕
12:00 - 04:00
以上資料只供參考, 請與餐廳確認詳情
食家推介
醉愛番工🫡唯偶爾收工真係好晏，飢餓與體力透支之際好想搵朋友大快朵頤及小酌兩杯🥰不過真係好少餐廳會開到咁夜，好在比我係網上見到銅鑼灣有間主打川菜、串燒的主題酒吧，Gogogo~位置位於銅鑼灣酒吧街耀華街中心的Zing!，位置近時代廣場，好易搵；Shining Bar & Restaurant 就好似漆黑之中嘅螢火蟲，咁鮮明咁出眾🤩好少川菜串燒會營業至深宵，仲可以一邊同朋友摸摸酒杯底下慢慢嘆，酒吧飲酒都可以食好西又飽肚，確實難得環境樓上Bar環境與一般樓上Bar異曲同工，更引人入勝係佢地既霓虹燈設計別出心裁，一個又一個既打卡位，絕對唔係黑媽媽唔知自己食緊咩飲緊咩；更設有Beer Pong台、唱K大電視同其他飲酒Board Game；有格調之餘又玩味十足。仲有兩個廂房一大班朋友包房玩番晚就夠哂privacy食物以川菜、串燒作食物主打，酒鬼都可以飲飽食醉一條龍唔洗轉場😝絕對係一個深宵食堂懶人包。想食正餐又可以叫好多款麻辣香鍋、雞煲、小炒、串燒等，個感覺好欣慰，成日都係飲完野唔夠飽要番屋企食杯面🥺今次終於滿足到我空虛的黑洞胃，而飲品就有大量酒類同非酒類，選擇多不勝數我地叫左：麻辣香鍋(午餐肉粒, 豬頸肉, 花椰菜)份量頗大的足料麻辣香鍋，炒至乾身的辣椒🌶️、大蔥🥬興花椒八角🥨深入淺出，香鍋味道惹味刺激味蕾，好岩夏天食出番身汗。午餐肉粒炒至四邊金黃、豬頸肉燶邊，花椰菜全都吸收香鍋精華，一口接一口不能自拔包漿豆腐麻辣香油泡滑嫩豆腐，甫咬下去辣油四射，搭配切片大蔥及指天椒一同享用，十分過癮羊肉串孜然調味羊肉串，酥香惹味五花腩鹽及黑椒簡單調味下的五花腩不會太咸，腩位滋味甘香法蘭克福腸長長的法蘭克福腸分成三串，可以開心share；開花燒烤甫面再灑上芝麻，好香口帆立貝大大粒，燒得岩岩好，彈牙爽口；加埋孜然調味大滿足由於想打卡影靚相，今日就唔飲酒住，轉飲mocktail藍莓個杯上面放上一串藍莓粒，甜甜的搞勻埋中層梳打飲會飲到莓果香甜又唔會似藥水味而Crack Grap 就以西柚汁為主調，飲落仲好似有d橙汁做base ，甜中帶澀，解膩解渴聽講佢地仲有不定期Live Music Show同Girls Night, 約定下次又黎食過嚕～
繼續閱讀
今晚想同個閨蜜傾下心事 揀咗喺銅鑼灣嘅Shining 貪佢夠就腳 喺時代廣場隔離 放工行過去都唔洗5分鐘 上到6樓餐廳 環境好舒服又乾淨 每個店員都好有禮貌 餐廳外仲有個小陽台 果然係傾計嘅好地方 餐廳主要食串燒同川菜 我哋order 咗個辣雞煲+幾款串燒 牛舌心 雞腎 龍蝦丸 重慶燒茄子 仲有我嘅最愛 麻辣雞煲串燒嘅材料非常新鮮 尤其係個燒茄子 又大條配料又多笑得好惹味 麻辣雞煲亦都好出色 不過我叫中辣都覺得唔夠辣下次可以試吓大辣 原來呢度8:00後係會有live show 氣氛相當好 歌手仲唱得唔錯 飲飽食醉後埋單都唔洗$500 仲有現場演唱 唔俾個讚都唔得 原來佢仲有lady’s night 下次約多幾個朋友嚟聽歌都好
繼續閱讀
好久不見的朋友終於回港、立即book定枱食晚飯! 朋友介紹位於銅鑼灣Zing! 的shining bar, 裝潢跟一般酒吧無異、想不到竟然有中菜吃。平日晚上6pm-8pm 有happy hour， $68可選紅白酒，酒吧主打串燒、配酒真係好夾～店主推介的cocktail 以紅莓和荔枝調配、淡淡地好清新、杯子打卡一流。避風塘魷魚鬚辣辣地幾惹味串燒款式眾多、雞翼、豬肉串、冬菇都燒得啱啱好、仲係好juicy.燒金菇鋪上勁多蒜好好味！估唔到酒吧仲有川菜，酸菜魚魚片鮮嫩無骨、賣相吸引、水準也不錯哦。炸鮮奶香脆可口紅糖糍粑煙煙韌韌、唔會太甜。這間應該是我到過最fusion的酒吧，約朋友飲野唔係淨係叫小食、仲可以食川菜串燒，店主都好nice，下次可以再去～
繼續閱讀
識我嘅朋友，都知我無辣不歡 的而且確唔食啦，真係冇人生樂趣今日同朋友去到Zing! 平時喺耀華街越夜越多人 越夜越精彩 由於啱啱收工，想睇吓附近有咩好食 樓上酒吧，都係一個好選擇佢哋用電子菜牌 見到呢度最出名嘅係川菜叫咗個酸菜魚 真係大大碗 兩人份量啱啱好呢度嘅酸菜魚幾好食 有大量嘅芽菜酸菜湯底都仲有薯粉喺裏面 魚肉冇腥味同夠白滑串燒同樣係呢度主打菜叫左幾串分別係香脆魚肉燒賣 魷魚鬚 雞軟骨同生猛龍蝦丸 魚肉燒賣燒過之後加上燒烤粉 比較特別 好像去左BBQ燒烤😍份外惹味 此時此刻加埋杯啤酒就贏晒最後甜品紅糖糍粑要解解辣 無諗過酒吧整呢個甜品咁出色糍粑炸得外脆內軟 麻糬都爆出來了加上黑糖醬 熱烘烘的口感 滿口盡是幸福感
繼續閱讀
銅鑼灣樓上粤菜酒吧🫶🏻-👀沒有立場資訊-🍸GG ($88)呢杯有青蘋果糖漿、新鮮青檸汁同綠茶，飲落好清新，味道都幾夾😋-🍹Berries Party ($88)有佢地自家製嘅雜莓糖漿、新鮮青檸汁同梳打水，莓味濃得嚟好自然☺️🐟流沙炸魚皮 ($88)店員話呢道菜係佢哋嘅招牌小食，所以叫咗嚟試吓🥰佢哋真係新鮮整出嚟，食落暖笠笠又夠脆，加上充滿鹹香嘅鹹蛋黃，送酒一流，份量都超多👀🥩沙嗲金菇粉絲牛魔王煲 ($128)入面有金菇、芽菜、粉絲同嫩牛肉，食材全部都夠入味，而且沙嗲汁好濃，粉絲甜味都好夠😚🍚客家佬炒飯 ($128)見到個名好得意，所以叫咗嚟試吓🤓好大份好足料，有大大隻爽口嘅蝦同菜脯，口感同味道都幾有層次👍🏼🥬九龍醬園面醬炒什菜 ($88)味道幾特別，有微微嘅酸味，提鮮得嚟幾開胃，鑊氣都夠，不過略嫌有少少重味🧐真係幾特別，比較少見有酒吧可以食粤菜，而且選擇多味道好上菜又夠快，又意外地幾夾🥰餐廳仲可以唱K或者包廂，想食中菜又想飲下酒就啱晒同一班朋友嚟😉味道 8.5/10服務 8/10環境 8.5/10回頭率8/10總評 8.25/10🥰🤍人均消費 $334💰(我地叫咗四人份😅)-📍 Shining Bar & Restaurant 銅鑼灣耀華街38號Zing!6樓#米食銅鑼灣 #米食中菜 #米食粤菜 #米飲酒 #米飲嘢 #銅鑼灣美食 #銅鑼灣 #美食 #hkfood #hkfoodie #hkig #hkeat #hkgirl #hklifestyle #foodiegram #hkrestaurant #香港美食 #香港餐廳 #食評 #thefoodieinitiative #internationalfoodiesunite #foodadmirersoftheworld #globaleats #internattionalcuisinefamily #foodsharinggroup
繼續閱讀