SHAKE SHACK (國際金融中心商場)

營業中

休息中

終於有機會到訪著名美國漢堡品牌ShakeShack，他們主打的壓漢堡包和奶昔一直都享負盛名！試了他們的元祖ShackBurger和 SmokeShack. ShakeBurger 是採用充滿蛋香的薯仔包，配合秘製醬汁，壓漢堡，番茄和生菜組合而成。簡單的味道和材料卻帶出超凡的效果和味道。軟綿綿的薯仔包和脆皮的壓漢堡混和的口感帶出了多個層次，簡單而不平凡就是這個原味漢堡的特點。 SmokeBurger對我來說材料有點太多，味道亦有點複雜。除了ShakeBurger有的材料外，還加入了紅椒和燻煙肉。紅椒味過重，煙燻味也有點過多。如果把醬汁調為較為甜一點的話，就可以和煙燻味配合，相得益彰。香港獨家的奶茶奶昔 真是太甜了！可以集中在調教奶茶的茶味，因為奶昔本身已經十分重奶味。總括來說，原味漢堡包是令我最回味的！如此美食再配合海景，你又怎能不大快朵頤？

一直都聽啲朋友講話shake shack好高質，琴晚終於有機會去試，嗌左佢地個招牌burger，一咬落去超多肉汁然後牛味都好重，另外仲追加左個芝士薯條，即叫即炸勁新鮮勁脆，短期內會再去多次。

其實係新開既時候排既，等到宜家先得閒出post！當時排左一個半鐘，好彩最後係覺得幾OK既！Double Shack Burger $76安格斯牛肉打成嘅漢堡扒，肉煎得好香，加上double左嘅關係，勁滿足，啖啖肉。加上特製嘅Shacksauce，係外國漢堡包既味道呀！十分推薦叫double先夠喉！Shroom Burger $66炸啡菇芝士夾心，咬開會拉絲，而且好多汁咇哂出黎，食得有點論盡。但芝士控絕對會愛啡菇炸到脆卜卜，食落有口感！！成個包雖然無肉，但食落唔會好寡，唔好肉類既朋友可以點呢款Cheese Fries $36芝士醬濃味帶點咸，淋落薯條度以為會好淋身。點知薯條邊仲保持到脆度薯條食落口感似薯片，個人會鍾意冇芝士多啲！焦糖味 / 雲呢拿味 奶昔 $42奶昔質地超級滑身，又唔太冰，甜甜地好好飲焦糖味一飲落就覺得比雲呢拿味甜，但兩隻味道都濃！食完漢堡包咁重味既野，飲返啖中和下味覺，享受！（是次冇試到香港限定奶茶味奶昔，可惜，唔知係咪真係咁好飲呢）好味指數：

香港人中意排隊大家都知🤣列日當空大家都會照排老虎堂粒幾兩粒鐘🤷🏽‍♀️不過香港人咁忙 梗係要搵啲真係值既先去排啦! 我去嗰日係平日兩點鐘倒岩岩好排到去門口位 好彩唔洗條出面曬☀️排隊買嘢食連等嘢食大概用咗20至25分鐘倒唔算太耐既 可能熱潮已減退同埋過咗lunch hour/⭐️必點既double shack burger $76 個patty幾juicy 牛味香濃 最正係啲熱溶芝士😍 完全將個burger既味道昇華 可惜個包完全唔得!! 尤其係底層 好soggy 俾啲倒汗水整到淋晒 一啲都唔香脆 有啲失望⭐️Cheese fries $36 係另一必點雖然好似好普通 但啲芝士真係幾吸引惹味😍 另外 Smoke Shack (single) $62 我個人覺得麻麻地 有啲好似辣椒咁既野 始終都係shack burger 好食啲 🥤野飲冇試milkshake 因為怕太膩 試左 Fifty/fifty 係lemonade 溝 lemon tea 不過味道有啲淡Overall 以快餐店泥講 質素ok 但價位有啲高 有啲地方有待改善 始終同我係美國食過既有啲分別唔洗太過期待因為中環都有其他呢個質素

知道過江龍shake shack 來到香港，一直人氣高棋，上星期六終於有時間去食。自己本身很喜歡吃burger，所以對burger的要求亦高。Shake Shack嘅burger到手熱辣辣，麵包香脆可口，配料十分豐富，半溶的芝士再加上漢堡簡直就是完美的配搭。價錢中規中矩，但環境裝修優美，覺得十分滿足。

知道Shake Shack 新開個時超級多人排隊，終於等到隔左幾個月再來試，睇下會唔會少D人。雖然已經係平日夜晚來試，但都好多人食，基本上食完都要讓坐，加上落雨冇得坐外面，所以都要等左陣先搵到位。我同朋友都想試Shake Stack，重點係個有個炸蘑菇！炸蘑菇外脆內又保留到D汁，加埋新鮮生菜同蕃茄一流。而美中不足之處係個包感覺上比較軟同多汁，包身唔夠乾爽；醬汁方面個芝士係可以拉芝架，味道唔錯。Cheese Fries - 薯條本身已經好食，加埋芝士真係冇得輸。Mlike Tea Shake - 朋友話上網睇食評唔錯，諗住試下啦，點知就中伏啦! 個味道絕對唔係想像中港式奶茶的味道，而係有少少乳酸類飲品既味，又有少少咳藥水味咁，我地懷疑個茶係咪用左薄荷茶，個味真心奇怪。所以話上網D食評真係唔好盡信啊!整體而言，除左多人要等位外，環境同食物都相當唔錯，食材用料新鮮，係IFC來講價錢合理，可以一試。

紅極一時的人龍漢堡店Shake Shark，一直被佢條隊嚇走左，因為老實講，我唔算特別好Burger，都係間唔使先食下…要我排粒幾鐘去吃個burger，真係唔好傻啦…話說今日lunch諗唔又到吃乜，同事又咁岩講佢個男友仔而家去緊吃Shake Shark，我就叫佢問佢而家多唔多人排，佢覆話無乜人喎，咁…即管去試下啦當日係星期三中午，我地12點15左右已經到左，唔算多人排，隊尾已經在鋪內，我地排左大概10分鐘就order到，都算快！（但過左5分鐘已經排出到外面，不過都唔算好多人）這是menuOrder完，店員會比個call機你，震機就攞得！等左差唔多10分鐘，野食終於到喇！我地兩個人叫左兩個single burger，1個hotdog，1個milkshake同一個薯條share！Burger嘅牛肉好好味，好多肉汁，一d都唔乾，好大塊，基本上食到最後一啖，都食到牛肉，呢點我好欣賞！麵包軟熟，少少濕濕地…但都好食！同事話熱狗都好經典，一於叫埋！熱狗我覺得就正常，無乜特別，不過上面嘅配料都好食嘅！Vanilla milk shake, 可能我嘅預期係超超超甜，所以飲落去個下又覺得ok，不過真係兩

聽人話呢家快餐有幾好幾好食，又岀名，有機會經過中環，所以就嚟咗食。嚟到就見到條隊排到岀門口，諗住有幾好食。排咗好耐隊，大約都有成半粒鐘，諗好晒食啲咩，既刻叫。選擇唔多，對有選擇困難症嘅人係件好事。每人叫左一個包，再加個芝士薯條share食，都夠食嘅。當中Stack Stack係最岀名嘅，入面係舊炸左嘅大菇，的確皮脆多汁，亦不算太失敗。可是，包皮部分就真係唔可以接受，成塊包濕晒，有啲口感都冇，軟晒，可以用難食嚟形容。而肉同味道方面就比一般更一般，冇咩特別。總結而言，快餐嚟講算岀得慢，又要排好耐隊，環境衛生欠佳，食物更不用說，劣評。浪費時間及金錢。好在位置好，風景靚。

之前去加州探個朋友，食左西岸著名漢堡連鎖店In-N-Out，當時嚇親 emmm牛肉又乾，薯條好似紙皮切條去炸咁嘅，朋友就話 “In-N-Out係麻麻地啦，下次你來東岸帶你食Shake Shack! 啲burger係我最鍾意架!”所以等Shake Shack IFC店開左幾個月少啲人之後，上星期六就滿心期待咁同男朋友去試下！下午12點幾去到等左一陣就有位(室内)，落單都只係排左一陣，之後等多15分鐘左右有得食啦~ 我地叫左Single Shack Burger($50)，Chick’ n Shack($56)，Cheese Fries($36)，Classic Chocolate Shake($42)，Homemade Lemonade($24)主角Shack Burger好食!! 本身我好怕食蛋黃醬/沙拉醬，但Shack Burger隻醬完全無我最憎嘅沙拉醬酸味，反而微咸、帶有蒜香嘅味道同burger好match!! 牛肉稍微有啲乾，但勝在肉味夠濃，牛肉味越嚼越濃，男朋友話好似倉鼠咁細細啖咬肉味仲香(好可愛haha) Chick’ n Shack塊炸雞有啲乾，但味道都ok Cheese

星期六晚上八點來到IFC....直衝去Shake Shack...出Lift後眼見人龍很長...但還未排出門口....就照排吧~~~噫~~比預期中快很多....大約排了不夠十分鐘己經買好了.....加埋等食物再食埋...全程不需45分鐘.....不錯不錯.....二人點了一個Shack Burger - Double一個Shroom Burger一個彈弓薯條一杯Iced Tea (大)一杯Lemonade (大)Shack Burger - 牛味很不錯...調味也很夠..不用加味....兩片芝士超邪惡...溶溶地太正喇...美中不足的是生菜及蕃茄不足...食到一半已經只剩下肉、芝士同麵包....頓時感覺很漏~Shroom Burger - 朋友素飽...她說大菇菇炸得不會太油...配上醬汁非常野味彈弓薯條 - 真係很多地方也沒有了...炸得非常透心...夠脆....一杯Iced Tea (大)、一杯Lemonade (大)大杯裝真的很! 大! 杯!! 我飲Lemonade...本人畈略嫌過甜....如果可以再酸一點同不太甜就非常好~

呢間shake shack我期待左好耐，因為之前係英國食過一次覺得個芝士薯條好好食。見到啱啱開幕時好多人，所以我等到7月尾先黎食。我由排隊到拎食物，前前後後都要差唔多半個鐘。我自己本身都幾鐘意食burger, 就叫左Shack Stack, 佢係cheese burger 再加多舊炸芝心蘑菇。個burger 口感好豐富，一口咬晒有生菜有芝士有炸蘑菇有牛肉有芝士。最驚喜係蘑菇入面啲芝士，係拉芝黎，芝士味好香濃。呢個包我極力推介👍🏽另一焦點係個芝士薯條，因為友人唔太好芝士，我就叫左佢芝士另上。個薯條本身炸得好脆同埋係扭紋薯條。個芝士醬好值得讚，好濃芝士味，又好滑，配個薯條真係一流。最後講埋杯milkshake，呢間鋪最出名係杯milkshake，所以我都叫左黎試下。佢有好多種味道，我就叫左朱古力味。杯milkshake好濃郁好傑身，個人黎講有少少濟。有個小插曲係個牌仔個號碼同張單上面唔同左，所以個牌仔唔識震，我最後要行去counter問先攞到野食。

過江龍漢堡慕名而來，下午4點半去撞彩睇下條隊長唔長，點知人龍只在店裡打了個S 字，排短短五分鐘就到我。  反而係落完單之後等食物較費時，等咗有10-15分鐘。坐高枱最入仲可以望到海景Chick'n Shack $56 Cheese Fries $36 Apple Juice $20Chick'n Shack $56唔食牛嘅關係所以叫咗雞漢堡，餡料有雞塊、生菜、黃瓜同 Herb mayo。本身怕中間塊雞肉係炸會好乾同榎，食落反而好Juicy 加埋啲醬同黃瓜帶酸甜唔錯，可惜嘅係外層麵包好普通同唔夠軟身，整體質素被個麵拖低哂。Cheese Fries $36滿懷期望來到食呢個薯條，結果同相像中好大出入。首先舖上芝士醬嘅薯條本身就唔多脆身，上面枝叉一吉啲薯條就斷開一半，完全多此一舉直接用手食仲簡單快捷。薯條一啲都唔脆身，食唔到入邊啲薯之於出面又炸到乾哂，再俾啲芝士醬整到焾哂，難怪周圍嘅客人都食淨好多。高枱有USB 提供沒有期望便沒有失望，單單一個漢堡價格已經遠高於外面快餐店一整個套餐，性價比偏低，試過就算回頭率20%

Try the Shack Burger with fries and shake.- Shack Burger: Average burger and similar to Hungry Jacks. Decent if you haven’t had Hungry Jacks. A bit salty- Fries: Quick crispy - Shake: Order the Black and White Shack and surprised at the sweetness and creaminess. - Service: Fast service and gives recommendation

Shack Shake scored a really good location in HK as it's on the rooftop of IFC. The view is definitely the best of any Shake Shack I've been to in the US and Dubai. The taste is consistent across all locations, but the lines are still really long in HK! I think it's great to grab a bite, but wouldn't think it's the type of burger you have to wait 30 min in line for. I think the fries here are just ok, I don't particularly like crinkle cut fries though, and the cheese sauce tastes like a canned va

近日呢間野個個都話好食，咁arm去完婚展諗唔到食咩，就試下啦去到條龍唔算長，排左十分鐘就有得買，期間仲有個fifty fifty 試飲，都還可以ge 買完等野食前後等左20分鐘，算快啦掛。個景其他真係好唔錯，$2xx 食呢個境係幾抵ge,但留意返，噴定蚊怕水好d，係咁比野咬講返轉頭，食物選擇係果幾樣啦Shack Stack 個牛好乾， 唔識欣賞。但非肉部分幾好，我鐘意個菇，炸完唔係好乾，同其他菜類都夾，個汁同芝士都差，但我嫌塊包可以厚少少，食到一半就濕晒芝士薯條凍ge, 仲衰過茶記放左好耐果d薯條，個醬又淡, 真係唔得奶昔叫左一個vanilla 同埋caramel, 都幾好味, 夠甜整體黎講，有少少失望，因為人人都話好食, 都係自己食過先知