SAYAM Thai/Bar (已結業)

銅鑼灣新開無耐既泰菜，見到d相d野食同餐廳好似幾靚，就同朋友黎試下😍 餐廳燈光偏暗，感覺好relaxing☺️Menu選擇都幾多，望落似偏西式既泰菜喔！🥘🌶椰青雞湯 $108 for two超濃超香超好味無諗過咁好飲個湯好甜，椰子味好香好多雞肉，肉質都幾滑basically飲完個湯就飽左😂🌶🌶都頗辣喔，但味道真係唔錯！ Highly recommend 🉐🉐🉐 🥩🥗燒安格斯牛肉沙律 $168燒牛肉係主角，沙律只係配菜得少少😂安格斯牛肉屬半肥瘦，眼見都睇到好多肥膏🤭坦白講，偏油偏肥，但不能否認，夠肥所以真係幾香幾好食既🤤煎到表面微焦，香口👌🏻👍🏻唔點個汁都夠味，想thai d 就可以沾埋個thai sauce 食，酸酸地開胃👌🏻 🍗青咖哩燒雞腿 $105青咖喱個調味唔錯，但sauce 既質地偏稀，塊薄餅要浸落d汁浸耐d先索味喔！雞腿煎得唔錯，塊皮煎到脆身，好香口！略嚴雞腿肉有少少唔夠滑！ 下次有興趣試黃咖啡牛肮腩🤤 🥦馬拉盞炒椰菜花 $88椰菜花炒得野味之餘又唔會太油👌🏻👌🏻⭕️餐廳坐得舒服，侍應服務態度很好☺️⭕️d菜砌得都好精緻，價錢唔貴，性價比高👍🏻⭕️地點方便，係怡和街，距離地鐵2分鐘

上個月去完泰國，突然間好掛住泰國嘢，於是一家三口就上網搵下銅鑼灣有冇咩泰國嘢食，今次就試下喺渣甸街嘅Sayam 啦。Sayam 係一間樓上舖，要上去就喺渣甸街一堆台式飲品舖中間，門牌怡和街22號上三樓。門牌充滿泰式風味，令我回想到上個月去泰國嘅經歷，仲有熱情嘅侍應招呼我地入去！入面裝修同燈光都充滿咗泰式風味，Menu 有三份，都好多選擇！我地叫左個炸蝦混墨魚餅，一食就食得出係用新鮮蝦手打，果種彈牙同蝦味係冇得呃人的。如果怕熱氣，可以配埋生菜一齊食，爽脆又有口感。小食方面仲叫咗串燒，竹籤邊包咗錫紙唔怕整污糟手，肉本身未點醬都已經好入味！我地主食揀咗乾炒海鮮粗粉皮，賣相討好，香味十足，用料新鮮又好味，好值得叫！最後怕唔夠飽仲叫埋半隻燒雞，配埋佢嘅特製醬汁完全無得彈！！

剛剛去完泰國，好掛住芭堤雅D熱辣辣又多汁的串燒、炭燒豬頸肉同埋新鮮生猛海鮮。上網搵到一間新開的泰國餐廳(Sayam)，位於銅鑼灣黃金地段，一出地鐵站都係八分鐘路程。 餐廳位於一間乙級商廈3樓(果到都有好多過江龍新餐廳的！)，一入到去俾安排坐係窗邊位，餐廳乾淨企理，modern得來帶點泰色元素，原來佢仲係一間Bar可以俾人放工Chill下的！有興趣可以Friday Night 上來，佢地都有好多泰式特飲同Signature Cocktail收工都8點，好肚餓，即刻先來個炭燒豬頸肉，賣相好吸引，燒得少少燶邊，中間肉嫩多汁，配埋佢個辣辣地的特色醬，食左幾舊都唔覺得肥膩，高度推薦。之後來左個串燒，一上頭已經聞到香濃的肉味，我呢個食肉獸估佢應該有落少少孜然粉，既可帶出肉味又不會太過搶，餐廳重好細心，用錫紙包住，我地幾個女仔可以好有儀態唔怕整污糟好放心咁食。食左咁多肉係時候食番d菜，講到菜一定唔少得馬拉盞炒通菜，大大碟夠火喉，菜又唔會太油。我哋仲叫咗半隻燒雞，份量岩岩好，而且燒雞皮脆內嫩，十分好食！

今晚約了K食dinner, K喜歡週遊列國，好嘢食唔少，所以揀餐廳都有少少壓力，咁啱有同事介紹Sayam Thai俾我，佢話同一般泰菜不同，咁我又不妨試吓。餐廳環境整齊又乾淨，座位闊落，開揚又舒服！柚子沙律$108~擺砌精緻，把柚子，腰果和蝦放在一片欖葉上，整齊又美觀。蝦非常爽脆，連埋酸酸甜甜的柚子和脆口的腰果，還有清香的欖葉一起吃，無論口味和層次都非常豐富，我和K都很喜歡。鹽燒海魚$248~一般泰菜館都是用鱸魚，但我地今晚好lucky, 食到新鮮的盲槽魚，魚肉非常滑嫩，由於在魚肚內塞了很多香茅一起燒，所以有淡淡的香茅味，蘸泰式酸辣汁真是超美味。蒜蓉炒秋葵$88~除了秋葵外，還有紅蘿蔔和椰芯，用蒜蓉，炸蒜和沙薑一起炒，味道非常濃郁惹味椰芯好爽口，秋葵亦很濕潤，看似很普通，但其實有花心思，好味！椰芯原來一棵椰樹只有一個，是椰子的精華，營養價值很高，而且清甜又爽脆。有些人不喜歡食秋葵可能因為秋葵內的黏液，但炒過後的秋葵明顯無咁多黏液，而且充滿蒜香和沙薑味，好正！最後的驚喜是餐廳經理送的椰汁膏，椰青味好香好濃郁，好好味！

餐廳係新開既,感覺同一般泰式餐廳唔同,裝修幾靚幾清新.除了餐廳之外,呢道重有Bar,不過我lunch time黎就冇試bar啦.lunch set 幾多選擇同埋包飲品及小食,整體水準都唔錯,如果份量再大份d就perfect啦!

小妹素愛吃泰菜，這天在銅鑼灣剛好看到有一家新開的泰國餐廳，所以就拉着好友一起來試試看門面略有設計感，感覺不俗啊先來看看餐牌吧驟眼看起來項目不算十分多，可是已經有很多蠻吸引蠻想吃的😋😋炸蝦混墨魚餅用料實在，香脆可口，十分彈牙，沾上酸酸甜甜的特製醬汁，正啊串燒黑豚肉豬味足，燒得剛好，肉質不會過韌馬拉盞通菜馬拉盞配通菜永遠也是一個超配的組合，永遠都是這麼惹味大蝦炒金邊粉大蝦鮮味彈牙，燒得表面略見金黃，十分吸引金邊粉炒得乾身而不油膩，調味恰到好處我們還各點了一個椰青，清新淡甜，太適合配味道略重的泰餐了

今日同朋友特登book位食泰菜😋SAYAM Thai/Bar雖然係樓上鋪，但係都相當滿場。餐廳佈置都幾舒適，走清新嘅路線。食泰國嘢，我最鍾意就係嗌海鮮，因為泰式嘅醬料同海鮮嘅契合度實在係100分。所以我就嗌左最招牌嘅海鱸魚同香草炒蜆，然後加多份蝦醬炒芥蘭撈白飯食。率先登場嘅係香草炒蜆，份量都算慷慨，兩至三個人分享絕對冇問題。醬汁均勻咁分佈係一隻蜆肉上，辣辣地好開胃。呢種辣度係食得舒服既，唔會係辣到要不停飲水嗰一種。個醬汁攞嚟撈飯真係一流。蝦醬炒芥蘭香口又惹味，但係又唔會太過重口味。平時食其他泰國菜，有時會炒到碟菜太咸，呢度就冇呢個問題啦！主角海鱸魚出場！條魚大大條，份量十足，魚皮下係滿滿既魚肉。魚肉口感香滑，唔會乾爭爭同鞋口，熱辣辣，非常好食。店員仲會附上泰式辣汁比我哋，酸酸辣辣，唔錯👍🏻雖然係鹽焗方式去烹煮，但係都唔會出現太咸既情況，控制得啱啱好。食泰國嘢當然唔少得泰式奶茶🤤茶味香濃，抵讚。另外都有各式各樣嘅泰國飲品可供選擇。

在銅鑼灣旺中帶靜的鬧市小巷，新開張了一間休閑的泰國餐廳，其中一邊是酒吧枱，剛去到時正值老闆和老朋友在枱邊飲酒談天。環境乾淨簡潔，很有現代感。一坐低老闆就問我們要不要先來杯野飲，開胃之選推薦黑啤，這款是日本牌子Suntory的draft beer，味道比較濃厚，所以適合飯前或者happy hour就咁飲。Hea一段時間後就叫了幾樣食物，首先是大蝦冬蔭公，小碗也有2人份量。一隻大蝦切好幾塊方便分享來吃，蝦肉入味爽口，而且沒有蝦腸。冬蔭公湯足料，味道又香又濃郁，辣度足夠。青木瓜沙律配燒肉很值得一試，這裏的沙律特別之處，就是配上了一份椰汁糯米飯。店員解釋這是因為傳統的青木瓜沙律很辣，當地人需要用糯米飯中和辣的味道 。青木瓜沙律很有口感，微微的酸有點醒胃，既清甜亦清新。糯米飯的椰汁送上來的時候還是暖的，香滑軟綿，有種暖胃的感覺。炸到每一部分也是鬆脆的燒肉很有驚喜，金黃色的賣相，酥脆的皮肉，說得上色香味俱全。蔬菜類是以自由配搭形式來落單，我們叫了飛天通菜，就是蒜蓉辣椒炒通菜，有鑊氣是炒菜的重點，炒完的菜份外惹味，菜莖爽脆，嫩葉還帶點甜。吃到一半，老闆建議我們吃泰菜應該要配另一款生啤。來自意大利的P

好耐無去泰國，好懷念個邊既冬蔭公湯同咖喱，放工就表哥一齊去食銅鑼灣的Sayam Thai Bar一嚐近似泰國地道風味的菜式。先叫了個小食炸豆腐，豆腐正好一啖一粒，配上生菜及酸甜醬，十分香脆惹味。食泰菜必點的黃咖喱，今次就配崩沙牛腩，牛腩炆至入口鬆化，而黃咖喱有香料味之餘又唔會太辣，中間還有些甜香，配上薄餅一流，旁邊還有原個焗薯，用作搓成蓉狀配搭咖喱享用。馬拉盞炒椰菜花鹹鮮味道同椰菜花都幾夾。最後再加了個燒菠蘿炒飯，跟平時食的原個菠蘿上略有不同，菠蘿燒過讓糖份滲出帶出糖份焦香，香甜好味，炒飯爽口又足料。不得不提由於是新開張，午市八折優惠，平均五六十元都有一個午餐，真係抵過食茶餐廳。

放工約了朋友一齊去了銅鑼灣食飯，兩個人口淡淡，所以為了刺激味蕾，就揀了間泰國餐廳。餐廳食物款式應有盡有，泰式咖哩、串燒、海鮮及粉飯等，價錢都唔算貴。大蝦冬蔭公冬蔭公湯有多款泰式香料味道，加上番茄酸甜，中和辣味，大頭蝦很多蝦膏，味道鮮甜。炸蝦混墨魚餅表面炸至金黃香脆，中間是蝦肉及墨魚膠，以生菜及金不換包裹，配上特製的泰式酸甜醬，蝦膠結實彈牙。燒肉泰式燒肉跟港式燒肉又唔同，外皮好似豬手，燒至外皮鬆脆，但保持豬腩肉肉汁，肉質嫩腍，還配上自家製的醃青瓜，中和油膩感。

SAYAM係喺銅鑼灣食新開泰菜餐廳餐廳環境都好文青風 一啲都唔似傳統泰菜首先叫左個椰青雞湯 (二人份) ($108)成個湯充滿住椰香味 加上少許辣椒味道層次得以提昇 而且雞肉都索哂湯汁 好味除此之外 我地亦叫左燒安格斯牛肉沙律($168)食落香嫩多汁 味道鲜美 牛肉味道濃郁回甘所以食落柔嫩非常 配搭沙律十分清新最後叫咗個大蝦炒金邊粉 ($138)金邊粉旁邊配搭一堆青芒果絲 十分醒胃而且賣相好靚 金邊粉亦都唔會炒得太乾身整體上嘅味道唔錯👍🏻-裝修環境：✨✨✨✨✨服務態度：✨✨✨✨✨食物質素：✨✨✨✨✨(5個✨為滿分)-唔信我嘅可以自己去試試😂

今次嚟到位於銅鑼灣鬧市中嘅泰國餐廳Sayam Thai bar食飯。呢間係新餐廳，餐廳開咗大約一個月餐廳。係正sogo對面，地鐵站行大約5分鐘就到，位置非常方便。一去到門口 覺得好似spa既感覺，好有泰國特色，有植物作為佈置，採用大量木製餐桌。一入門口就見到有bar枱，仲有調酒師添，就算放工嚟happy hour都得。菜式種類有好多，泰國最出名嘅菜式都有供應。包括湯，燒烤，串燒，沙律，咖哩，海鮮，粉麵飯。飲品除咗有傳統嘅汽水，啤酒外仲會有mocktail cocktail, draft beer！而我就點咗個青木瓜沙律，青咖哩燒雞腿，濕炒海鮮麵，馬拉盞炒椰菜花。青木瓜沙律夠曬新鮮，除咗有青木瓜沙律仲有西式嘅沙律菜配上泰式魚露， 仲有個糯米飯。估唔到叫一個青木瓜沙律就可以享受到三種唔同嘅味道。馬拉盞炒椰菜花，蔬菜好新鮮，馬拉盞汁好香濃，配上乾蒜片，炒得好入味。另外特別推介青咖哩燒雞腿。雞腿燒得好嫩滑，係即叫即燒嘅。就算唔點咖哩汁都已經夠曬香嫩滑，本身雞腿已經醃製過好入味。青咖哩裏面有泰國空運過來嘅小茄子以及蘿蔔蔬菜，仲更有薄餅，配上青咖喱一流。濕炒海鮮麵，呢個麪喺其他餐廳都比較少見到所以

今曰試試一家新開幕的泰國菜。一步入餐廳，就被那雅緻的氣氛吸引著。餐廳採特色的窗戶設計，配上木色桌椅和金屬吊燈，感覺時尚又舒適。在柔柔的音樂和幽暗的燈光下進餐，別有一番氣氛。這個椰青雞湯差不多每枱必點，，一於試試看。Tom kha gai椰青雞湯$108/2位椰子雞湯以粉藍色小湯煲盛著，十分可愛。湯汁奶白，口感香滑，有著椰子奶香，還有蕃茄、青檸的酸香，完全唔覺辣，很醒胃。再吃一口雞肉、蕃茄和香茹，十分豐富。Gai yang$138燒雞這燒雞即點即燒，所以製作需時。嘩！這燒雞真好吃！原來是用了花奶和椰汁醃製，先慢焗廿分鐘，然後再燒！怪不得燒雞格外香口嫩滑，就連雞胸肉也不鞋口，尤其沾上那特調的酸甜醬汁，酸酸甜甜加微微的辣，更加滋味，好味道！Pad Thai $138大蝦炒金邊粉大蝦大大隻，蝦肉鮮甜爽彈，啖啖肉。pad Thai 炒得很好！pad Thai 的材料雖然基本：有旦絲、芽菜、花生、豆腐乾和韮菜等等，但金邊粉炒得乾濕有致，口感具彈性，而且酸酸甜甜的，真的越食越想食，推介！要吃得均衡，少不了蔬菜-馬拉盞通菜$88這馬拉盞通菜和平日吃到的味道不一樣。通菜炒得軟嫩香口，配上特製馬拉盞醬料和

友人最鍾意試新店，又比佢發現左呢間樓上泰菜店新派型格裝修，有別於傳統泰菜館以黃色為主導，配合柔和燈光及輕快音樂，坐得舒服食物選擇唔係話太多，沙律/串燒/咖喱/肉類/海鮮各樣有D，價錢可接受價位啦呢客燒安格斯牛肉沙律 ($168)，雖然歸入為沙律類，但主角當然係塊安格斯牛肉，邊位帶有脂肪牛肉燒得外香內裏仍保持嫩滑，入口無渣及帶有肉汁，點配特式醬汁，單食都好好味配埋沙律菜一齊食亦得 (多點仲好!!)有別於一般泰菜餐廳，呢度亦係一間BAR，提供手調飲品，呢一杯Storm ($48)，以番石榴，西柚及紅莓等生果，再混入梳打汽水調制而成，味道香甜，好易入口，配泰菜又幾夾喎!炒金邊粉就食得多，今晚就試下呢客乾炒海鮮粗粉皮 ($128)，海鮮包括蝦，魷魚及蜆蝦同魷魚爽口，加入鷄蛋一齊炒，香味倍加個粗粉皮入口滑中又帶點煙韌，口感過癮，有是拉差醬一齊食，相當好味!晚餐要加點菜，呢碟馬拉盞炒芥蘭 ($88)，份量相當對眼，加埋荀條，蘿蔔片及粟米芯，以馬拉盞炒惹味又唔辣，泰"菜"必然之選!值得一提係芥蘭削左D皮，多一重功夫，令到口感爽脆無渣，讚呀!泰菜又點少得咖哩類?!  呢客黃咖哩崩沙牛腩  ($168)

銅鑼灣Sogo 斜對面後街怡和街22號3樓，有一間泰國菜餐廳，環境舒適，食物質素又高，餐廳名為「Sayam Thai/ Bar」。餐廳食物選擇多，有肉類、咖喱、海鮮、蔬菜、粉、麵、飯。【馬拉盞炒芥蘭$88】很重鹹香的馬拉盞，加上濃郁的薑味，使到芥蘭爽香中包鹹辛辣感，味道層次豐富。【清炒椰菜花$88】因為清炒關係，所以食到很香甜的椰菜花味，感到清爽健康。【青咖喱燒雞腿$106】燒雞腿是用竹筷子夾著來燒的，雞皮很脆香，雞肉很滑溜還keep住點肉汁，青咖喱甜而不辣，醬汁內我蔬菜餡料很新鮮。【串燒黑豚肉$148】這是廚房推介，黑豚肉很腍身，入口帶點點油脂，惹味非常。【Lime Soda $30】青檸梳打是我的頭號飲料，而餐廳這杯飲品很清爽有夠青檸味，正~而及【Fresh coconut $40】大大個新鮮椰青，清甜爽口又潤喉，加上十分多椰子肉，勁解渴！