影片
更多
2020-01-07
236 瀏覽
友人最鍾意試新店，又比佢發現左呢間樓上泰菜店新派型格裝修，有別於傳統泰菜館以黃色為主導，配合柔和燈光及輕快音樂，坐得舒服食物選擇唔係話太多，沙律/串燒/咖喱/肉類/海鮮各樣有D，價錢可接受價位啦呢客燒安格斯牛肉沙律 ($168)，雖然歸入為沙律類，但主角當然係塊安格斯牛肉，邊位帶有脂肪牛肉燒得外香內裏仍保持嫩滑，入口無渣及帶有肉汁，點配特式醬汁，單食都好好味配埋沙律菜一齊食亦得 (多點仲好!!)有別於一般泰菜餐廳，呢度亦係一間BAR，提供手調飲品，呢一杯Storm ($48)，以番石榴，西柚及紅莓等生果，再混入梳打汽水調制而成，味道香甜，好易入口，配泰菜又幾夾喎!炒金邊粉就食得多，今晚就試下呢客乾炒海鮮粗粉皮 ($128)，海鮮包括蝦，魷魚及蜆蝦同魷魚爽口，加入鷄蛋一齊炒，香味倍加個粗粉皮入口滑中又帶點煙韌，口感過癮，有是拉差醬一齊食，相當好味!晚餐要加點菜，呢碟馬拉盞炒芥蘭 ($88)，份量相當對眼，加埋荀條，蘿蔔片及粟米芯，以馬拉盞炒惹味又唔辣，泰"菜"必然之選!值得一提係芥蘭削左D皮，多一重功夫，令到口感爽脆無渣，讚呀!泰菜又點少得咖哩類?! 呢客黃咖哩崩沙牛腩 ($168)
新派型格裝修，有別於傳統泰菜館以黃色為主導，配合柔和燈光及輕快音樂，坐得舒服
食物選擇唔係話太多，沙律/串燒/咖喱/肉類/海鮮各樣有D，價錢可接受價位啦
呢客燒安格斯牛肉沙律 ($168)，雖然歸入為沙律類，但主角當然係塊安格斯牛肉，邊位帶有脂肪
牛肉燒得外香內裏仍保持嫩滑，入口無渣及帶有肉汁，點配特式醬汁，單食都好好味
配埋沙律菜一齊食亦得 (多點仲好!!)
有別於一般泰菜餐廳，呢度亦係一間BAR，提供手調飲品，呢一杯Storm ($48)，以番石榴，西柚及紅莓等生果，再混入梳打汽水調制而成，味道香甜，好易入口，配泰菜又幾夾喎!
炒金邊粉就食得多，今晚就試下呢客乾炒海鮮粗粉皮 ($128)，海鮮包括蝦，魷魚及蜆
蝦同魷魚爽口，加入鷄蛋一齊炒，香味倍加
個粗粉皮入口滑中又帶點煙韌，口感過癮，有是拉差醬一齊食，相當好味!
晚餐要加點菜，呢碟馬拉盞炒芥蘭 ($88)，份量相當對眼，加埋荀條，蘿蔔片及粟米芯，以馬拉盞炒惹味又唔辣，泰"菜"必然之選!
值得一提係芥蘭削左D皮，多一重功夫，令到口感爽脆無渣，讚呀!
泰菜又點少得咖哩類?! 呢客黃咖哩崩沙牛腩 ($168)，除左主角外，仲有焗薯及薄餅，係咖喱類嘅好拍檔
崩沙腩唔係好多地方有得食，腍得夠火候，入口鬆軟唔會攝牙"啦"
黃咖喱汁偏香甜而不辣，用鬆軟薄餅點汁食，有D食唔停口!
仲有個焗薯，見佢介左個十字係面，撈D咖喱汁落去，瞬間變成咖喱焗薯，亦得.........得左!
個咖喱汁實在太吸引啦，叫多碗白飯，只撈汁都可以KO一碗，名副其實係泰式"偷飯賊"
侍應服務態度良好又主動，今餐用餐愉快，友人應記一功!
張貼
