Samsen 泰麵

營業中

休息中

一早就已經聽過呢間餐廳冇得訂位，所以想食都要walk in排隊等位。而且每次都大排長龍，之前有兩次已經好想黎食但係都起碼要等1.5小時先有位，所以就放棄咗，今次終於食到喇！餐廳樓底好高，用咗好多木器去營造出泰國感覺，好似去左泰國街頭小店。雖然餐廳坐滿人，但係上菜速度非常快，大概等左10分鐘左右就有得食啦。一定要點既係佢哋既招牌菜船麵(Wagyu beef boat noodle)，真係好好食！湯底呈深咖啡色，味道好濃郁好惹味！所有既麵同餸都吸收晒湯底的精華，令人一口氣食到底。而且雖然味道好濃，但係唔會覺得好鹹的感覺。另外點左 Pad Thai，炒得岩岩好，好有泰國風味。

朋友一直向我推薦灣仔的一間餐廳，佢地的船麵出晒名！今日終於去試下啦～單係一個船麵就已經要$128，而且份量唔算多，其實有點小貴，不過既然可以吸引到咁多人排咁耐隊都願意食，應該一定有佢吸引之處。湯底望落好濃郁，食麵之前試一試個湯，非常香而惹味！據講湯底用新鮮豬骨加埋大量香料熬制而成，真係忍唔住飲多幾啖。湯內食材種類豐富，有牛腩、和牛、牛丸及豬皮。每樣餸都完全地吸收左濃郁嘅湯汁，所以味道好正，和牛片非常嫩滑。面嘅質地比較遠，口感似粉絲但係又帶點煙韌，同樣地吸收晒湯的味道，真係無介紹錯呀❤️

Have always been wanting to try their infamous boat noodle. So decided to give this place a try even though there’s usually a queue since they get full very early on. The queue was not too bad, around 15-20mins wait. They do hand out their menu during your queue so that you can order immediately after you get seated.We went for the Wagyu Boat noodle and Pad Thai. They probably the best in Hong Kong that I had tried so far.The broth for the boat noodle was rich and flavourful. The Pad Thai w

今日落🐶💩⛈，諗住少啲人排隊，點知都等咗成個鐘，真係痴線！不過咁，嘢食都真係好好味，等係值得嘅，之前啲人同我講話啱啱開嗰陣要等成三粒鐘，而家好啲嘅......就嚟到我哋嘅時候，店員叫我哋整返杯嘢飲先，我哋就嗌咗 fresh juice，Watermelon 同 Mango Passion Fruit，堅正！好fresh，好新鮮！送啲辣嘢，簡直一流！先嚟碟 Pad Thai，用料好新鮮，係我食過之中好唔錯嘅 Pad Thai！D蝦係 fresh 嘅！係啲葱大條啲，唔知點食。Crab Meat 煎蛋餅，有啲乾，不過點咗個醬就相當好味！Boat Noodles 正！D炸豬皮好脆，同唔會有油益味，粉都唔錯！戲肉嚟啦！全晚最欣賞嘅和牛闊粉！肉質好靚，好肥美，超好食！用闊粉配撘又夠晒正宗，真係好好味！牛肉仲要做到七分熟，真係冇得頂！可惜嘅係，我哋飽到食唔到甜品！！好灰，因為聽講都好好味，唯有下次再嚟品嚐啦！

早前我老闆娘介紹去呢度食泰式和牛豬血湯河粉！其實係泰國艇家傳統粉麵，呢度用咗貴假嘅和牛做賣點，湯雖然用咗豬血，但仍然好清甜，唔會太油太“漏”，就算怕血腥味嘅人都唔駛擔心，完全唔會，仲好好味！雖然價錢係貴少少，但值得一試！但由於舖位細，所以每次去都要排隊。

星期日，落大雨來到藍屋旁邊🌨，喂，咁多人排隊嘅，莫非有好嘢食！？裝修幾有型，似啲越泰大排檔，一於試吓啦！望望出邊有10幾個人排緊隊，問一問店長要等幾耐，佢話等15至20分鐘就得啦喎，既然咁大雨，都唔好周圍走啦，等下先，結果10分鐘到就到yeah lucky!🤗🤗一坐低裝修、枱燈、連隻水杯都有大排檔feel喎，飲淡水，咦，玻璃杯黎嫁，禾旱琴珍珠，玻璃扮塑膠，其實都dum本！仲有呀，所有餐具都係瓷器扮街邊塑膠，外邊兜茂，實際有內涵，有心思呀！（好鍾意佢隻水杯、同埋分食嘅碗）😍😍午餐餐牌裏得五樣野，跟餐附送嘢飲，可以揀泰式冰奶茶、青檸茶/梳打、冰咖啡、singha beer! 嘩，飲啤酒都唔使另外加錢，可以一舉兩得午餐+HH!!1. 濃湯和牛船麵（薯粉）＄128🍜2. 虎蝦泰式炒金邊粉pad Thai $118🍤3. 蠔油芥蘭雞炒河粉$118🍗4. 蟹肉蛋炒飯$118🥚🦀5. 泰式辣椒炒和牛碎拌飯$128🐮叫得牛魔王最吸晴嘅當然係和牛船面同泰式辣炒和牛碎飯！二人前姊妹淘一於牛牛佢！1）濃湯和牛船麵（薯粉）＄128超級香。濃。厚。嘅湯底有洋蔥、通菜、金不換、等香料🤤牛肉包括有和牛腩、半山熟和

一直都好想試依間鋪頭，但每次晏就/夜晚/假期來都要排隊就知道依間鋪頭絕對非同小可！係晏就甘緊絀既時間下，一直都無機會試 今日男朋友甘岩朝早面完試晏就來搵我食飯終於搵到機會去食 佢一早就去排定隊先當然未到12點已經有好長龍係出門 坐底都有7個人到 最後大概等左15分鐘先入到去我地2個人叫左2個Lunch SetPad Thai Noodles of Tiger Prawns $118 (配Thai Milk Tea)Wagyu Beef Boat Noodle $128 (配Thai Iced Lime Tea)食完依2碟，完全覺得依15分鐘絕得值得等待！好老實講一個Lunch食$100幾蚊真係咪話唔貴但係$100幾蚊食到甘道地又高質既野食絕對值回票價！Wagyu Beef Boat Noodle $128 (配Thai Iced Lime Tea)泰式船河既重點在於係泰式滷水汁既湯底，而湯底同市面上相比係偏濃稠，大大增加左掛湯既能力再加上店家用既麵底係幼身粉絲，令到更加吸味令到你每一啖都食到牛肉濃底既美味！但就會偏重口味，食晒一碗就可能配檸茶會比較好~我地叫既另外一樣就係Pad Tha

平時經過呢間野都大排長龍，好難等以前星期日唔開門，咁啱今日路過佢星期日有開，應該唔係好多人知佢星期日有開門，所以門口唔算多人等左10分鐘就有位，好難得，到我地入座時後面就排左20人，好彩早黎到好彩早，和牛麵未賣晒，為左小朋友，叫左兩碗唔辣嘅和牛麵，牛肉好味，肉丸正加個蟹肉炒飯，蟹肉大大舊，勁正魚皮又脆又少少辣😋😋我好鍾意佢杯檸檬茶，雖然小朋友唔like 杯茶嘅味道，咁我就可以飲多兩杯啦！好飽好飽

呢間嘢嘅位置有啲偏。 餐廳係半開放，去果日好熱，但佢啲冷氣都仲算足。要留意佢嘅 lunch 時段係到2：30，之後會落場。激氣》》我哋叫咗2個 set lunch， 已經包埋杯凍嘢飲，可以揀泰式奶茶／咖啡／啤酒。叫完嘢之後，個manager 好似好招呼咁問我哋要唔要杯水。個friend 已經好小心咁問有咩揀，個manager 話有 sparkling or still，咁佢就答 still。覺得 still 係普通水。 雖然見到佢係喺個 bottle 度倒出嚟，但有啲餐廳都會咁㗎啦！鬼知佢最後收我哋 $45！！  話免費果啲係 tap water，水喉水！！講真，其實set lunch 都已經有嘢飲，做咩要誤導人哋叫佢嘅支水！！ 如果唔識細分，一定俾佢坤咗，我覺得好唔老實！ 唔好上檔呀！！REMEMBER TO ORDER "TAP" WATER WHEN YOU ARE THERE, THAT'S THE FREE ONE!!Wagyu Beef boat noodleset lunch 126蚊 包埋嘢飲，價錢還算可以。但份量有啲細。 湯係濃味啲嘅牛肉／牛滑湯。鐘意佢啲炸豬皮，啲粉

終於試左好多人話要等好耐但好好食嘅船麵啦最signature 嘅 Wagyu beef boat noodle 真係冇得輸個湯好濃 好好味啲麵又吸哂個湯再加埋腍身嘅牛肉同脆身嘅蝦 仲有肉丸唔同口感夾埋一齊 每啖都好正個泰式奶茶都好好味呀.不過佢位真係唔多我又明點解大家話要等好耐不過我好好彩等左5-10分鐘咋

不枉我地6:15pm去到門口 排隊 等佢開門...我地仲要排得幾後下 轉埋彎... 心諗 第一輪入唔到就有排等啦... 忍唔住數下自己排第幾... Waitress話可以入到大約30人... 我地大約排第20個 未計一d唔係條隊嘅隱形人... 好危...入得啦 我地二人坐bar枱... 雖然唔係大廳位 但坐bar枱嘅感覺一流... 可以同d chef交流交流 正爆... 望住佢地快手 落力 噤制作每一碟美食 面前嘅食物格外好食... 佢地甚至會先試一試味 (放心 非常衞生的) ok嘅先上枱俾客人... 呢個舉動 唔知點解 我覺得好窩心我地兩個都叫咗和牛船粉 share一碟芥蘭... 船粉上面脆卜卜嘅好好食... chef見到我地食得噤滋味 私人醒多咗幾塊 -- 炸豬皮 個芥蘭就偏油 不過係幾好食嘅...其實已經好飽 但甜品不嬲都係第二個胃 所以叫咗兩個 - 芒果糯米飯 同 椰子雪糕chef 話個芒果係 jasmine mango... 佢地覺得呢隻品種嘅芒果同糯米飯最夾 ~而呢個椰子雪糕我真係超surprise ~ 原來椰子雪糕配上粟米粒係噤夾架... 好正~超正嘅experience

雖然不是經常吃泰式船麵，但我相信，這裏的船麵絕對是香港數一數二的美味！午市時間來到，已經有不少人排隊，幸好只等了約十分鐘就可以入座。午市套餐選擇不多，但想吃的已經包括在內。這就是傳說中的和牛船麵！ $128 湯底顏色很深，一看便知道十分濃郁。配料的豬皮很好吃，炸得很脆口，連我平時不太好炸豬皮，但也吃了不少。 主角的麵條很煙韌，與平時吃的不一樣，很有彈性。另外，和牛不會太肥，充滿肉味，很有質素的一碗船麵。 Pai Thai $118 吃泰菜必食的pad thai,味道也是頂呱呱！ 每樣配料已處理的毫不馬虎，虎蝦每粒也是爽口彈牙，炸蝦乾，花生等也是很惹味，配上酸甜的醬汁，開胃至極！ 餐飲的凍泰式奶茶也很有水準，茶香出色，不過甜度稍高。

今次專誠嚟到灣仔米之蓮得獎餐廳食船麵，灣仔地鐵站行10分鐘就到，去到時候已經見到人龍，等左唔洗10分鐘已經可以入座。我地叫左2個和牛船麵(包飲品),飲品叫左2杯泰式奶茶。我覺得係自家炒既辣椒醬料。不過我地都唔食得辣...和牛船麵。 和牛船麵有牛丸、牛腩、牛肉。湯底濃郁，湯底可以掛係麵上，非常好味，差唔多飲晒成碗。牛腩好淋，不過都係牛肉最好味。泰式奶茶。呢杯奶茶，係我係香港飲過最最最有泰國味道既泰底奶茶。 總結。我同男朋友都係覺得麵既份量比較小，但係以味道黎講，係絕對值得呢個價錢$128加一。

一直很喜歡吃東南亞美食的我，聽說灣仔藍屋附近有家特色懷舊燈飾與擺設，桌椅與碗筷都洋溢着街頭風情的小店。這裡除了泰式湯麵之外，也有創意的特色小食。Fried Eggs $68賣相別致的泰式炸蛋就以芫荽、辣椒醬、炸蒜頭、炸紅葱頭調味，香濃微辣滋味與別不同。切開流心蛋十分吸引！Wagyu Beef Boat Noodle $128湯底以豬骨、豬血及多款泰式香料熬煮2.5小時而成，色澤深沉而香味濃郁，配搭每日由泰國直送的新鮮河粉、澳洲和牛與炸豬皮。

今日排完老虎堂又即刻衝去排samsen，據聞呢間野都係灣仔超人氣長龍店。舖頭開12點、我大約早5分鐘到達、已經排左大約15人ｏ係前面，好彩我都入到第一輪。一坐低已經問你食咩、因為我唔食牛所以冇試佢既名物wagyu boat noodles，我點左老虎🦐炒金邊粉，唔駛5分鐘已經上台，鑊氣夠、足料、好多配料和🈶️濃厚花生味、至適合重口味人士即係我啦但略嫌d🦐唔夠精壯、唔似tiger prawn、如果成隻🦐上會開心d囉總括都👌🏽既，encore指數非常高