Samsen 泰麵

營業中

休息中

又食泰國野啦！今次去呢一間比較特別，叫做新式一啲。今日落哂大雨咁，但呢間泰國菜門口仍然排長龍，七點鐘去到攞位就話俾我地知要等兩個鐘，咁就係附近行左一陣就call返來話有位，服務都幾貼心。今次叫左兩樣主食加一個甜品。其中一樣係Pad Thai，就咁睇個樣都知道好好味，跟住食落去就覺得比起出面既Pad Thai高幾班。佢既茄汁味又唔會太強烈，調味岩岩好，再食埋隻蝦，超級彈牙好新鮮。第二樣主食就係和牛炒飯，佢啲和牛冇炒到住熟，質感林林地同時又陣陣牛香，另外啲飯都好夠鑊氣，仲連同辣椒汁一齊上，食到辣既一定要加，加完即刻變得更加惹味。到甜品啦，呢個就係椰汁圓子，係佢地推薦既甜品之一。啲圓子綠色既皮入面係一梳梳椰絲，出面用啲椰漿浸住，成個甜品都椰香滿滿，好泰國既感覺。整體呢間泰菜好出色，新派材料配搭住傳統泰式煮法，令到成件事後生好多、fresh好多。

一直都好中意食泰國既街邊麵，每次去親都要食翻十碗八碗。而香港近年終於開左一間味道同我係泰國食開既幾乎一樣😍！呢碗湯底濃得不見底的Wagyu Beef Boat Noodles主要是由牛血同豬血熬製多個小時而成的，味道超級濃郁而且帶點辣，金邊粉盡收湯底的濃香，牛肉嫩、牛丸爽。好味到我立刻要Encore多碗！最後我兩個碗都係一滴湯一條麵都無淨，咁你地明有幾好食喇！* 呢間係不接受booking一定要等位，而且日日都好多人，地方檯櫈亦比較窄。但信我，絕對值得為呢碗麵等上幾十分鐘。

聽朋友介紹，說明要排隊~ 趁有渣車,放工即管黎試下~ 等左超過40分鐘, 認真唔野小~ 好彩無落雨, 因為等位位置係露天~ 落雨肯定勁狼狽!水準的確很高! 連pad thai 都特別好食~ 因為係虎蝦, 連殼都特別脆! 蝦肉特別厚實兼彈牙金邊粉炒到一條條，不油膩! 船麵湯底濃郁~ 味道一流金邊粉份量很少, 不過可以免費加大泰式奶茶值得一試，雖然甜，但茶味足! 青檸梳打清新~ 餐廳整體環境比較逼，冷氣不夠，冬天來會比較舒服~ 

約左兩個朋友食飯，大家都好鍾意食泰國野，就去左今期好hit既呢間貴價泰式船麵！7pm去到已經有長長人龍，伶位甚至要用英文溝通等左起碼一個鐘先可以入去d位都有d迫，餐廳比較多人，環境有d嘈，唔係傾計好地方⋯⋯叫左green mango salad with tiger prawns Crispy fish skin 好味 微辣！Wok fried Thai watercress 好惹味 份量okPork collar 好香口，調味啱啱好☝🏽和牛船麵 $128三個女仔都係叫左呢個hot item 結果全部都好鍾意有三四塊和牛、上年仲有炸過既脆脆豬皮，牛丸，牛腩、通菜。麵係比較幼身，煮得較淋，所以吸收曬麵既湯汁，好好味！湯底超級濃郁，飲左好多啖，不過去到最後都係覺得有d鹹就無飲曬。☝🏽young coconut ice cream $58同係jj market食到既味道一樣，價錢就係3倍😂加左花生粟米，新鮮椰子肉排咁耐隊而且價錢比較貴，試過就好，可能要等熱潮過左先會再encore

🇭🇰🇭🇰🇭🇰🇭🇰🇭🇰變化的傳統味道 - 西式泰菜☕️好多人都知其實食物如果有質素你落本宣傳先有用如果本身冇質素只會有反效果呢間獲得車呔人垂青既泰菜地點係灣仔比較偏小小既地方雖然如此，但佢午市珍貴既2.5小時亦冇停過咁排隊，人頭湧湧。阿肥網上睇到佢落力宣傳都明既，location比較偏小小，唔宣傳既話幾高質都冇人知阿肥食完幾道比較classic既菜式雞肉河，和牛船麵，蟹肉炒飯同埋pad thai和牛船麵既湯底未必人人接受到，以牛骨椰汁烹調但阿肥極為喜愛！另外雞肉河食到底有點咸，可能汁醬太多其他菜式亦令阿肥好滿意飲品就好標準既泰式飲品，偏甜阿肥得知大廚係澳洲過江龍難怪阿肥食到懷緬過去既味道！ ☕️總括而言十分值得到訪既餐廳好食指數：8.5 / 10抵食指數：7.0 / 10回頭指數: 8.0 / 10 Samsen 泰麵📍灣仔石水渠街68號地下。。。。。#drunklatte_灣仔#drunklatte_泰國菜#drunklatte_飲食

聽朋友講呢間泰國菜質素唔錯 去開灣仔決定試下 因為冇得排隊 去到發現勁多人排隊 等左一個鐘先到我地 差唔到多既時候佢會打俾你 所以我地周圍行左一陣先😁 叫咗蟹肉炒飯 牛肉船麵同埋鴨肉沙津 仲有甜品！鴨肉沙律似生菜包 牛肉船麵湯底好特別 蟹肉炒飯正正常常 下次都係試下Pad Thai🍤 最驚喜真係甜品 pandanas coconut dumplings 裏面十分足料 外面既皮椰子夠重 而且厚薄適中 令人十分回味😍

Samsen泰麵亞洲-泰國菜最近藍屋附近開了間新派泰菜，裝潢有心思，一室木櫥櫃、掛牆海報、小擺設等，大多購自泰國，加上一入餐廳即嗅到陣陣泰式香料味，成功營造出曼谷小店的氣氛。出乎意料的是，據說這店的大廚竟非泰籍，而是曾任人氣泰菜館主廚的鬼佬大廚Adam。試過後不得不說句，估唔到鬼佬煮泰菜會如此有驚喜！船河湯麵，本是泰國當地的平民麵食，地位就如本地的雲吞麵。這店也以這做主打，不過就變成了令人驚喜的豪華版：牛肉選用澳洲和牛，軟腍帶牛香，份量亦超多！湯底嚐得出加入了大量香料熬製而成，色澤深沉，濃郁鮮香。泰國入口的麵條則入口爽彈掛湯，至於碗內其他配料如炸豬皮、牛丸、泰國西洋菜等，都令船河湯麵的口感及味道生色不少，實在做得有水準，不吃便走寶了！ 當晚也試了蟹肉奄列，蟹肉新鮮，份量豪爽，藏身於呈L字型的巨型奄列內，入口啖啖肉，吃得出鮮甜蟹味，配上辣度不高但層次複雜的是士拉差辣椒醬，非常惹味，用來送酒或送白飯都一流。 現場所見多人點的送酒小吃還有炸豬皮及炸魚皮，才十幾蚊就有一碟，上碟時還會撒上大量炸蒜，價錢不貴之餘也有特色，難怪這樣受歡迎。不過但當晚的魚皮像是略炸得過火，尾段帶微苦，美中不足，或許是

去泰國個時，食過一間船麵覺得好好食，一直都好懷念。但係去香港試過好多間都搵唔番以前泰國嘅味道。有一日睇2018年米芝蓮餐廳嗰時無意中發現左呢間餐廳，就決定點都要去食一次。喺附近返工，但上網睇食評知道呢間餐廳長期都排好多人排隊，所以要搵個星期六日先至可以食到。終於啱啱上個星期六決定要去試一試，12:10到，門外已經排咗大概10個人左右，等咗大概半個鐘終於可以入去啦。餐廳食物選擇唔算多，我叫左和牛泰式船麵。$128跟野飲，唔算平。碗面好足料 好多和牛，牛腩同埋自製牛丸，仲有豬皮。麵好煙銀，湯好濃郁嘅豬血味，啱晒我啲重口味嘅人。碗野又濃又辣，真係好正好野味。雖然和牛好好味，但係都係覺得牛丸同個船麵夾啲。整體來講，覺得碗野好好食，排咗30分鐘都係值得㗎。如果有朋友嚟香港，我都會好推薦佢地黎呢間餐廳試吓。

Went here for a second lunch date recommended by the girl. Queued for around 18 minutes the vibes here is pretty chilled. The design was smart with an old vintage style.The food is creatively presented and the fried noodle was one of the best I have eaten for a while.The soup noodle however is a bit too heavy for me, i prefer a more clearer soup when eating soup noodle.The deep fried pouched egg is actually a dish which i rarely see. The execution was great and I recommend it as a side dish. Com

1:30來到餐廳, 門外尚有人龍。因餐廳午市只營業至2:30, 未知能否入內。友人與我難得到來, 決定多等一會, 幸好排在前面的都是3人或以上的組合, 我倆等了大約10分鐘已可入內。餐廳的裝潢佈置予人舒適遊閒的感覺, 甚有渡假的氣息。Samsen Set Lunch $128Set lunch要了Wagyu Beef Boat Noodle和Thai Iced Milk Tea。船麵份量適中, 湯頭濃郁可口, 一喝上癮。牛肉嫩滑, 牛丸彈牙, 牛腩吸收湯汁份外惹味。泰式奶茶香濃, 整體感覺不錯。Young Coconut Ice Cream $62椰子雪糕香滑清新, 椰子肉滲出淡淡椰香, 伴上栗米跟花生, 增加口感。

期待已久的Samsen 船麵😍😍😍為左食到佢，我哋决定未開門就去排💪結果佢無令我失望，每道菜都高水準，排得值得😍😍😍Waygu beef boat noodles: 其實我第一次食船麵，我好鐘意嗰湯頭夠多層次同重口味，飲落去會嘩一聲! 啲和牛片同牛腩無得彈，好好好諗同入哂味，同埋我鐘意嗰粉嘅幼度可以索哂啲湯! 但浸耐左又吳會漲大Tiger prawns pad thai同樣出色，炒得好乾身又唔油，同埋啲蝦夠大隻，新鮮爽口🦐🦐驚喜既係佢啲青木瓜絲可以refresh 下解解膩😍 不過花生碎可以再多啲😅😅😅泰式奶茶: 甜，好甜，超級甜🙄🙄🙄🙄如果兩個人去，我建議唔好全部叫船麵，因為都幾heavy...

Samsen 俾我最大嘅驚喜唔係船麵而係......登登登登~"班蘭椰子湯圓 Pandanas coconut dumplings with warm salted coconut cream"佢絕對係成餐飯嘅亮點， 為成餐飯畫上完美句號😍😍😍😍😍😍😍😍😍😍😍😍淡淡嘅班蘭香好出但一啲都唔假， 糯米皮啱啱好又唔會太厚好滑身，入面嘅椰絲好有質感好咬口， 最正係同個salted coconut cream 超級夾❤❤❤ 因為salted左， 成個甜品elevated左，唔會得個死甜，令coconut 種甜多元化左👍👍

擂沙：有好幾年沒來，這裡的Pad thai還是我的首選。平日午餐到來，大概等了二十分鐘才入座。喜歡這裡的Pad thai味道調得較甜，炒得夠乾身入味，不太油膩。麵線煙韌，有爽脆芽菜伴隨，伴在一起的蛋絲沒有煎得太老，鬆鬆軟軟。蝦仁新鮮大大顆，有大概五、六隻，份量慷慨！旁邊還有青芒果、蔥段、花生、青檸等新鮮配料，一整碟又被我十分鐘內清空了！在悶熱天氣下，這的確是不錯的開胃午餐。

好耐好耐未試過咁放肆一餐食咁多熱氣炸物🙈但難得排隊來食 沒理由唔食最出名的炸物姐一於食完至算🤪好味程度絕對值得破戒🤩這裡不接受預約 而且地方較細座位少所以晚餐時段最好6點前來排隊等入座否則就要等下一輪架啦1️⃣Crispy fish skin | $18差不多每抬都必叫的炸魚皮🤩果然值得為它破戒 超好食‼️魚皮超薄超輕身 又不會炸到油淋淋好乾身但非常香脆而且味道豐富但不會過鹹 💯分小食😆2️⃣Wok fried thai watercress | $68通菜好爽好新鮮 炒得非常惹味😋3️⃣Pad thai noodles with tiger prawns | $128好出色的金邊粉 不油膩味道微甜微辣惹味4️⃣Crispy fried turmeric squid | $108沒預期中那麼好食 部分魷魚有點韌炸粉薄身但不夠脆口不過夠惹味醬汁又微酸微辣不覺膩🥥Young coconut ice cream | $62椰子迷必食❗️超濃天然椰子味雪糕非常厚滑又不會過甜又有鮮椰子肉食 食唔停口粟米就有點多餘 味道並不夾 用來裝飾而已絕對拍得住泰國翟道翟的椰子雪糕🤤🍡Pandanas coconut dumpl

好差 放舊和牛賣成百蚊碗 食完口渇到死 碗麵既湯底同泰國無得比 點解仲有咁人排隊食？點解食評仲會比咁高分？真心好失望 諗住香港有間似樣既船麵 位置好窄氣氛好差味道好失望價錢偏貴 完。