影片
更多
2021-11-26
372 瀏覽
今次去奕居staycation, package包一晚住studio 80同$1000 in-room dining credit仲有早餐，Total大約$3000。門面好靚，都見有唔少女士喺度打卡影相。早餐時段去到10:30，嗰日我大約10:00去到食早餐，窗邊嘅位置已經full晒，可惜坐唔到海景位。不過佢環境好大,光線都充足。早餐方面佢有幾個set俾你揀。 分別有中式英式日式素食。我哋揀咗個中式同日式早餐套餐。日式早餐係鹽燒三文魚定食，配一碗日本珍珠米同埋麵豉湯加三小碟配菜。相對走簡單平實路線。 外皮煎得非常之脆，肉質鮮嫩，油脂咁充足，我覺得個三文魚係成個早餐最好食嘅碟餸。雞蛋捲都好食，不過切得好薄份量好少，其餘配菜仲有一啲牛蒡酸蘿蔔絲同酸梅。粒酸梅酸到食唔落，其他配菜就略為普通。餐飲方面佢包一杯嘢飲。侍應嚟嘅時候淨係同我講要茶定咖啡，冇同我講到原來係有橙汁同西柚汁提供，搞到我係見到有其他枱嘅人飲緊我先至有，而且部份侍應態度都相較冷淡，對於係一間咁高價位嘅餐廳用膳，食物同服務質素不免令人有啲失望。至於個中式早餐佢有一個點心拼盤，裏面有燒賣蝦餃蘿蔔絲酥同埋奶皇包，另外加埋一碗鮑魚雞粥
門面好靚，都見有唔少女士喺度打卡影相。早餐時段去到10:30，嗰日我大約10:00去到食早餐，窗邊嘅位置已經full晒，可惜坐唔到海景位。不過佢環境好大,光線都充足。
早餐方面佢有幾個set俾你揀。 分別有中式英式日式素食。
我哋揀咗個中式同日式早餐套餐。
日式早餐係鹽燒三文魚定食，配一碗日本珍珠米同埋麵豉湯加三小碟配菜。相對走簡單平實路線。 外皮煎得非常之脆，肉質鮮嫩，油脂咁充足，我覺得個三文魚係成個早餐最好食嘅碟餸。雞蛋捲都好食，不過切得好薄份量好少，其餘配菜仲有一啲牛蒡酸蘿蔔絲同酸梅。粒酸梅酸到食唔落，其他配菜就略為普通。餐飲方面佢包一杯嘢飲。侍應嚟嘅時候淨係同我講要茶定咖啡，冇同我講到原來係有橙汁同西柚汁提供，搞到我係見到有其他枱嘅人飲緊我先至有，而且部份侍應態度都相較冷淡，對於係一間咁高價位嘅餐廳用膳，食物同服務質素不免令人有啲失望。
至於個中式早餐
佢有一個點心拼盤，裏面有燒賣蝦餃蘿蔔絲酥同埋奶皇包，另外加埋一碗鮑魚雞粥同一碗炒麵。
個點心拼盤唯一令我覺得係比較高級嘅位就係粒燒賣上面係有三文魚子，但係其他點心味道普通，同喺出邊飲茶其實唔大分別。唔知係咪因為間餐廳係出名食地中海菜，所以係中餐方面又唔係話特別出色。 碗粥味道比較淡，想加胡椒粉但係佢哋又冇放喺枱度，我又唔好意思要求啦。炒麵正正常常，叫做比出邊多啲肉絲咁解。
總括餐廳環境係好嘅，食物質素就普通，佢唔難食，但係冇咩驚喜位。
張貼
