S.A.E. (已結業)

環境不錯, 招呼不錯(雖然人手好似唔係好夠)!以set lunch 黎講, 好似由$50幾至$100幾, 有平有貴, 但食過好多款, 全部都唔錯!每份set 都會有幾片刺身or天婦羅, 仲有前菜(前菜都整得唔錯架!), 刺身好新鮮下, 天婦羅炸得剛剛好, 唔太油, 掂!仲有個蒸旦添! 好滑, 好食過元氣o個d好多!!Main course 我鐘意食魚生飯, 好多料,好多魚生! 壽司o個個set 都幾好!係炸雞/豬扒set 就差dd!!食飽仲有雪糕做甜品!!!好滿足!!!以平均$80黎講, 食到一個高品質的lunch, 掂呀!((不過最好早d訂位, 星期五好多時都full哂))

Have been here for lunches a few times on Saturday afternoon. Close to hotel quality but much cheaper. Not enough variety though. We usually ordered 2 different set lunches and shared the dishes. Overall speaking, a value for money Japenses restaurant.

今晚食飯，但係真係唔覺得有乜好。牡丹蝦120蚊3隻，但係一都唔新鮮，絶對唔值。而個醋漬拼盤(唔記得exactly個名)，份量真係少，普通過普通，但係要成68 蚊。其餘食物如刺身、牛油大蝦(不過我會話係中蝦多掛)、炸蠔、miso都係好普通，最好食都係個雪糕。講真我就唔會介紹人去食，咁價錢，好多度地方都可以食得好好多。

今早11點半才打去book 檯食lunch，好彩仲有位，不過係bar檯，2個人冇所謂啦。銀鱈魚set：得2舊咁大把，仲要煎到「窿窿」地，完全到喉唔到肺！另有魚生：吞拿、三文、油金各一片，幾生鮮，有多d就好啦雜錦壽司set：個陣容都唔錯，吞拿呀、海呀、手卷呀，款式多，份量夠，個friend 話都好食，惟手卷既紫菜「立立」地（可能天氣潮濕卦），好難齒開；另跟tempura：都ok啦；仲有蒸蛋，同埋一樣有魚生；甜品：紅豆雪糕同綠茶雪糕都好好味其實2個set都係$88，但好明顯雜錦壽司set多好多野食，比較抵食。此外，全場得1男1女侍應生，雖然手腳快有禮貌，但我地叫野時都招左好耐手；而且，我個份銀鱈魚set俾左隔離個佬（係我叫先架，仲早佢好多tim），個死佬咋聽唔到照食可也，個女侍應check番單至知衰左，不過見佢眼仔碌碌笑笑口咁同我講好快就有就算啦（俾我平時已丙左好耐），希望間餐廳在午市多加人手。

星期3考完mock ,同老豆0黎食lunch ,馬老闆一眼就認得我,仲問候我腸胃好番di 未, 超nice~!^^order 佐牛肉同銀鱈魚定食, 唔駛一分鐘前菜魚生同蒸蛋即刻送上.前者新鮮後者滑溜,主菜牛肉則略嫌吾夠味但條銀鱈魚就真係冇得頂~!可惜甜品只有兩客雪糕,,雖然好味,但真係唔夠喉呢!好懷念上次個party 食個di呢!下次一定要夜晚0黎食番夠本!( p.s腸胃依然麻麻間歇性肚瀉...--!)

Openrice 的聖誕聯歡會選擇了在這裡舉行。一早看地圖﹐以為譚臣道是在地鐵站旁邊﹐原來不是﹐頭段是近垃圾站的﹐累我走了十五分鐘。上到去只有Ray和幾個人到了。主持的馬師傅過來派卡片給我﹐說自己叫馬師傅﹐我打趣說﹕你竟然稱自己為師傅﹖他說﹕不是﹐其實馬師傅是我的名字﹐不過我不是姓馬叫師傅﹐而是復姓馬師﹐單字一個傅。哈﹗都幾風趣窩。在大家品嘗過Baby sakana的自制巧克力﹐Cheap野媽咪的鹵水火雞腎﹐牛油果媽咪做的蘿蔔豬肉丸﹐和辣椒女帶來的北海道巧克力後﹐晚餐正式開始。第一道菜是蟹膏醬伴野菜。蟹膏醬用一個四方形的白色爐子盛著﹐中間用火暖著﹐一碟約四件、長條形的素菜用冰凍著﹐蔬菜本身味道很淡﹐但加上了蟹醬後非常滋味。第二道菜是大蜆清湯。湯的味道清清的﹐每碗都有一隻大蜆﹐吃得出是十分新鮮﹐不過如果能多一點海鮮配料就更好了。第三道菜是刺身﹐包括有油甘魚、牡丹蝦、立魚、海膽和三文魚。我本身不吃油甘魚和海膽﹐讓出了給旁邊的人吃﹐而三文魚未算最好﹐合格多一點點吧﹐反而牡丹蝦很鮮甜﹐和幾大隻﹐伴吃的醬油亦佳。第四道菜是鵝肝山椒燒。這是我最喜歡的一道菜﹐可能因為本身喜歡吃鵝肝吧。鵝肝很大和肥美

差唔多有3年參加過Openrice既聚會.真係多謝有份攪呢餐既人同馬師傅.個日開完會即刻過黎.好彩仲趕得到.黎到..有個靚女honey 認得我..我想左一陣先相認到..估唔到係食既世界.係咁易見面既..好啦講番食先.第一道.蟹糕醬伴野菜真係幾特別下.用一個爐慢慢佐熱d蟹糕黎點d爽口一條條既野菜..一凍一熱真係好特別(不過d野菜條唔係咁上到d醬汁)..蟹糕醬其實都幾多油下..都有小小膩口..好彩都係遲黎既烤飯團..比d飯吸一吸..真係幾野味. 之後黎既大蜆清湯..真係有心思..可以清一清.同埋個湯真係幾清甜.再黎既刺身[ 油甘魚,牡丹蝦,立魚,海膽，三文魚}真係我至愛..好新鮮美味,如果有埋帶子就更正啦..鵝肝山椒燒-鵝肝入口即溶.我都好耐冇食過鵝肝啦..不過個汁有d特別.我仲未食得出係咩汁..會唔會布d酒係入面呢.酥炸生蠔拌明太子醬-蠔大隻好味.起碼唔會出水.不過我至鐘意既反而係個隻伴碟既青椒仔.冇左佢.可能又冇咁好食咁..香煎若狹魚配菠菜汁- 魚同鱗黎炸-好脆口同都幾鮮味,不過個菠菜汁好似冇咩味咁.反而比下面既烤番茄搶走左d味.如果係上面加小小盬粒係上面可能會天好冷製稻庭烏

……在這裡舉行。真的要多得主理人馬師傅及其同事的熱情招待。如果問什麼是一間好的日式料理，「清潔」是第一關要考慮的。這裡舖面雖然不十分大，裝修簡潔雅致，檯櫈 擺設都打理得一塵不染，絕對是一間好的日式餐廳的規格，亦可見主理人馬師傅的心機。當晚人多，大家吃的是套餐，菜色皆精緻，又健康，貫徹SAE的精神。有朋友覺得份量不夠，但個人卻認為是不多不少，剛好，起碼吃完是飽飽的。但因為fusion菜不常吃，很多菜不能及不懂評，也不便評，所以只說有印象的及認識的幾款：什錦刺身：幾款刺身都新鮮，尤以立魚最好。不過個人覺得，以碎冰墊底的做法未必是最佳的演繹方式。雖然刺身上檯是已暖了絕對會影響食味，相反太涷亦未見佳處，這也解釋了為何吃刺身最好坐吧檯的原因。而昨晚在吃厚一點的刺身如油甘時，肉內也有點冰未完全解涷的，不過相信是個別例子吧；而自磨的山葵絕對是精彩所在，味道是坊間的支裝行貸所不能比擬的，亦可見這裡的菜，是做得有誠意；若峽魚：與味道無關，以前也曾到若峽一遊，是個美麗又寧靜的地方；冷稻庭烏冬：幾年前﹝哈！仲記得是金融風暴前！﹞在鹿悅年代已吃過的稻庭烏冬，昨夜吃亦甚出色。只不過現今坊間手打烏冬及蕎麥都多，令

多謝馬師傅仗義幫忙!多謝咁多位staff的服務! 多謝咁多位出席!帶給我一餐快樂的聖誕大餐.謝謝!今晚和openrice既一班食家慶祝聖誕,很開心,期望新年的團聚飲.說回正題食物有蟹膏醬伴野菜- 一冷一熱,很脆好味!大蜆清湯- 湯很鮮味,可惜我食的蜆有沙,可能啤水的時間唔夠.刺身[ 油甘魚，牡丹蝦，立魚，海膽，三文魚）- 全部都好新鮮,好好味,正!鵝肝山椒燒- 鵝肝入口即溶,好味!酥炸生蠔拌明太子醬- 生蠔唔錯.香煎若狹魚配菠菜汁- 若狹魚幾好,但不知可解好像有d骨,但其他人又話沒有,唔通又只是我才有.奇怪?冷製稻庭烏冬麵- 稻庭烏冬很凍,幾好味!(可惜我自已喜歡熱的食物.)甜品拼盤（朱古力煎餅，酥皮蕃薯批，鮮奶春卷，栗子露，牛蒡雪糕] - 煎餅/蕃薯批/春卷,唔多熱.(可能人多,要一次過出這麼多食物,真係有d難道.)牛蒡雪糕,唔錯,聽說是馬師傅自創的.栗子露,幾好唔多甜.食物真的唔錯,可惜少d,唔多飽!回家還要醫肚!也要多謝blue moon,收到這麼特別的禮物,Thx!相片來自Lulula.

今晚約左openrice既一班食家慶祝聖誕因為馬師傅仗義幫忙不單止借出場地同時又提供一個廉宜既價錢今晚既聚會先得以順利舉行真係要多謝馬師傅!今晚每位200蚊食物由幫主同馬師傅事前商討包括有蟹膏醬伴野菜／大蜆清湯／刺身（油甘魚，牡丹蝦，立魚，海膽，三文魚）／鵝肝山椒燒／酥炸生蠔拌明太子醬／香煎若狹魚配菠菜汁／冷製稻庭烏冬麵／甜品拼盤（朱古力煎餅，酥皮蕃薯批，鮮奶春卷，栗子露，牛蒡雪糕蟹膏醬伴野菜：蟹膏用爐燒住熱辣辣，配合凍冰冰既蔬菜，一冷一熱，清新既蔬菜夾濃郁又香既蟹膏，口感幾特別。但因為蟹膏份量多，所以如果可以連餐上多一兩件飯糰會更加顯得細心同週到（即使酌量增加一個套餐價錢都無問題）燒飯糰：外皮脆，有飯焦味道，一口一件方便食，加上蟹膏食，幾好味！大蜆清湯：個湯好清，但隻蜆有少少靭，同埋食連住殼身既柱肉會較麻煩同狼狽刺身（油甘魚，牡丹蝦，立魚，海膽，三文魚）：樣樣都好新鮮清甜，比起加太賀好得多，而且牡丹蝦好大隻，個蝦頭又好鮮甜，海膽亦唔腥，正！鵝肝山椒燒：係今晚心水食物之一，鵝肝入口即溶，ｄ汁味道有ｄ似燒汁，又有ｄ似鰻魚汁，伴食既蕃薯天婦羅（？）又甜，所以好好食酥炸生蠔拌明太子醬：生蠔唔

11/9來食lunch,星期六唔多人,我地叫了優閒午餐＆壽司set優閒午餐$180(有好多野食)最正係燒鵝肝-好好味燒牛-ok la刺身-ok la,但一睇就知好過壽司set個d la,色澤都相差很遠炸天婦羅&炸蝦球-唔錯麵鼓湯&燉蛋-幾好喬麥麵(熱)-有少少粉,不過都滑雪糕-侍應話lee個set係豆腐雪糕,但來了芝麻雪糕+1件栗子餅仔,但我無留意雪糕唔同就食左,之後我聽到老闆望一望我同廚房果邊講,問點解比錯芝麻雪糕(當時我真係唔好意思,因為我已經食了一大半了-好味),後來佢地居然比番個豆腐雪糕比我,仲同我講唔好意思比錯左豆腐雪糕-真係唔錯,好好味,同埋真係唔係好多地方有供應,栗子餅仔就ok la壽司set$78-真係同刺身果d相差很遠,都係麻麻雪糕-綠茶味,好味lee到服務好好,環境都ok,不過我覺得貴果個餐好味好多,唔通lee d就係一分錢一分貨的道理?!仲有呀,lee 到只收cash無加一,埋單$258

黎呢度食lunch真係好鬼正,雖然有人會認為一個set要成$58起好似唔太平,但睇你同邊度比啦!有時喺灣仔區lunch d餐廳都要成$50以上啦!加上呢度唔加一,食物質素與大酒店有得比,環境和Service都你中上之選,不過呢度10枱着咗9枱係女性,lunch黎都幾嘈架!今日我黎呢度食咗個魚生飯定食,d魚生好新鮮,之前d配茱又好味:蒸蛋夠香夠滑,天婦羅又唔會食到成口油或粉,而且成個set present得好靚,$88真係物有所值架!

我也take了淺嚐餐之menu，感覺清清啖啖的日本料理.一口便完，感覺很矜貴。我就不明白在第七味奉上香魚飯. 其實是有少少香魚汁的米飯，與先前的佳餚不能統一，變得一點點兒odd.

唔記得加一句, 佢地3個人serve 一張檯. (當然唔係好似高級餐廳咁長駐啦!)

雖然呢間餐廳無豪華裝修. 但d野食同招乎都係一流, 好過酒店好多.食左個@ HK$198 餐, 無加一, 唔晒煩. (仲有個$350/人餐, 太貴, 儲多d$$再食過!) 咁有乜食呢?1. 合桃醬拌蓮藕片. 合桃醬好甜, 蓮藕片好鮮, 夾埋唔會"膩".2. 貝柱麵豉湯. 有舊瓜, 瓜入面有"搖柱". 好味!3. 雜錦魚生. 有吞拿魚背, 三文魚, 甜蝦, 平政, 海膽. (雖然我唔知平政係乜? 我諗係黑黑地色, 好似魚籽既東東.) 吞拿魚背, 三文魚都係切粒, 唔係切片, 口感好好. 甜蝦一般, 不過旋轉咁擺, 擺得好靚. 海膽? 唔清楚, 因我唔食. 魚生面仲有些少金箔裝適下.4. 蟹肉上湯浸雜菌腐皮包. 腐皮包雜菌, 上面有堆蟹肉, 無乜特別? 又唔係播, 係好鮮甜好鮮甜好鮮甜.5. 香燒粟米麵豉銀雪魚. 舊香燒粟米嘛嘛, 無乜味, 魚旦咁SIZE. 不過個銀雪魚好似蜜糖燒咁, 好美味!6. 炸雞球三舊. 無乜好講, 炸多汁滑雞.7. 香魚飯. 已經好飽, 食晒d飯, 無食晒舊魚, 舊魚好腥.8. 甜品到喇, 玄米茶果凍加紅豆雪糕. 玄米茶果凍好似大菜糕加豆茸, 不過口感唔似大菜糕