影片
更多
2004-12-23
1 瀏覽
今晚約左openrice既一班食家慶祝聖誕因為馬師傅仗義幫忙不單止借出場地同時又提供一個廉宜既價錢今晚既聚會先得以順利舉行真係要多謝馬師傅!今晚每位200蚊食物由幫主同馬師傅事前商討包括有蟹膏醬伴野菜／大蜆清湯／刺身（油甘魚，牡丹蝦，立魚，海膽，三文魚）／鵝肝山椒燒／酥炸生蠔拌明太子醬／香煎若狹魚配菠菜汁／冷製稻庭烏冬麵／甜品拼盤（朱古力煎餅，酥皮蕃薯批，鮮奶春卷，栗子露，牛蒡雪糕蟹膏醬伴野菜：蟹膏用爐燒住熱辣辣，配合凍冰冰既蔬菜，一冷一熱，清新既蔬菜夾濃郁又香既蟹膏，口感幾特別。但因為蟹膏份量多，所以如果可以連餐上多一兩件飯糰會更加顯得細心同週到（即使酌量增加一個套餐價錢都無問題）燒飯糰：外皮脆，有飯焦味道，一口一件方便食，加上蟹膏食，幾好味！大蜆清湯：個湯好清，但隻蜆有少少靭，同埋食連住殼身既柱肉會較麻煩同狼狽刺身（油甘魚，牡丹蝦，立魚，海膽，三文魚）：樣樣都好新鮮清甜，比起加太賀好得多，而且牡丹蝦好大隻，個蝦頭又好鮮甜，海膽亦唔腥，正！鵝肝山椒燒：係今晚心水食物之一，鵝肝入口即溶，ｄ汁味道有ｄ似燒汁，又有ｄ似鰻魚汁，伴食既蕃薯天婦羅（？）又甜，所以好好食酥炸生蠔拌明太子醬：生蠔唔
因為馬師傅仗義幫忙
不單止借出場地
同時又提供一個廉宜既價錢
今晚既聚會先得以順利舉行
真係要多謝馬師傅!
今晚每位200蚊
食物由幫主同馬師傅事前商討
包括有蟹膏醬伴野菜／大蜆清湯／刺身（油甘魚，牡丹蝦，立魚，海膽，三文魚）／鵝肝山椒燒／酥炸生蠔拌明太子醬／香煎若狹魚配菠菜汁／冷製稻庭烏冬麵／甜品拼盤（朱古力煎餅，酥皮蕃薯批，鮮奶春卷，栗子露，牛蒡雪糕
蟹膏醬伴野菜：蟹膏用爐燒住熱辣辣，配合凍冰冰既蔬菜，一冷一熱，清新既蔬菜夾濃郁又香既蟹膏，口感幾特別。但因為蟹膏份量多，所以如果可以連餐上多一兩件飯糰會更加顯得細心同週到（即使酌量增加一個套餐價錢都無問題）
燒飯糰：外皮脆，有飯焦味道，一口一件方便食，加上蟹膏食，幾好味！
大蜆清湯：個湯好清，但隻蜆有少少靭，同埋食連住殼身既柱肉會較麻煩同狼狽
刺身（油甘魚，牡丹蝦，立魚，海膽，三文魚）：樣樣都好新鮮清甜，比起加太賀好得多，而且牡丹蝦好大隻，個蝦頭又好鮮甜，海膽亦唔腥，正！
鵝肝山椒燒：係今晚心水食物之一，鵝肝入口即溶，ｄ汁味道有ｄ似燒汁，又有ｄ似鰻魚汁，伴食既蕃薯天婦羅（？）又甜，所以好好食
酥炸生蠔拌明太子醬：生蠔唔老，但可能炸耐左少少，有ｄ位比較靭
香煎若狹魚配菠菜汁：魚身有少少魚鱗黎炸，好脆口，但菠菜汁唔覺有味，不過整體上個魚都幾好食
冷製稻庭烏冬麵：呢個係我另一心水推介，雖然好似係簡單既一樣食物，但入口夠凍又彈牙，平凡中既不平凡，如果唔係飽，真係想同鵝肝一齊encore多一次
甜品拼盤（牛蒡雪糕，朱古力煎餅，酥皮蕃薯批，鮮奶春卷，栗子露：成個拼盤至愛係牛蒡雪糕，味道特別又未試過第二間有，據知係馬師傅自己整既！唔太甜唔覺漏！／朱古力煎餅似年糕包住朱古力醬／酥皮蕃薯批點ｄ牛蒡雪糕，仲正！鮮奶春卷我就覺得麻麻，皮唔夠脆有ｄ淋，而且唔夠熱，較失色！／最尾係栗子露，好香栗子味又夠杰身，ｏ岩我呢ｄ鍾意食栗子既人！
不過不得不提係佢既服務真係好好！個個staff都好nice又helpful!我地今日帶左唔少酒同一個聖誕蛋糕黎，佢好主動問我地幾時開咩酒，又幫我地切好ｄ蛋糕同分俾大家！係好開心既一餐飯！
p.s.相片係28歲拍既雜錦刺身
張貼
