Running 燒 (已結業)

第二次食呢間燒肉了，其實幾抵食，價錢唔貴，但食物款式幾多，味道都唔差3款前菜不過不失，唔夠可以添，舊蘿蔔就攞黎清潔鐵板嘅，唔係攞黎食，加d油落塊板度，用舊蘿蔔刷一刷就OK估唔到冇黎一排，餐廳擺盤進步咗wor😂食物分開一格格，中間嘅豬頸肉仲擺到花咁，幾好睇今日嘅蝦好大隻好彈，所以我地叫咗好多，一人食咗10幾隻，燒完之後金黃色，十分吸引海鮮類除咗蝦，仲有扇貝同蠔哦，值得一讚嘅係呢度有蒜蓉哦，佢地都refill得好快，加d蒜蓉落蠔同埋扇貝度，會更滋味🤙甜品有雪條同埋紫米露，雪條就食得多，試試紫米露吧，不太甜，作為飯後小甜品，及格有餘啦～相信大家食完燒肉難免有陣燒肉味，臨走我地見到門口有隻除味噴霧，好窩心wor！

今晚同朋友食飯，知道朋友鍾意食韓燒我地就去旺角，因旺角好多選擇又可以去行下街。餐廳裝修幾得意，牆上畫上好多得意的公仔，每張枱都有條桐管來抽油煙。有個飲品櫃任飲，仲有個醬料區自己拎醬汁韓燒竟然有生蠔燒仲要是任食有好多海鮮燒有：帶子，大蝦大大隻好爽口，扇貝又大隻，生蠔又大隻又新鮮。肉類又多有豬頸枕，厚切豬腩肉，牛肋骨，牛柳粒豬皮，西施牛肉片，雞腎等。燒完先全部都好好味。有蔬菜燒茄子🍆，雞脾菇。炸魷魚鬚外層粉好薄又炸到好香口柚子味炸雞肉質嫩滑又香口，炸餃子🥟又好美味可口。炒年糕甜甜辣辣又有咬口。最後埋單可以自己選擇一種口味的雪條。

好耐無食過烤肉，今晚專程嚟呢間餐廳試吓。一入到餐廳，俾佢個靚景吸引住。估唔到鬧市空中有咁靚嘅景。講番食物，佢個雪櫃有款好特別嘅飲品，係等緊烤肉嘅時候，可以點一d韓國熟食，好似炸雞、餃子、水冷麵醫吓肚先。本人係食肉獸，無肉不歡，先嚟西施牛肉片，好淋，再嚟牛肋骨同牛肉粒，全部都無奄過，好有肉味，CP值好高！跟著到豬肉，一定再推薦大家食豬大腸，好乾淨、無屎味，原來燒豬大腸咁正！我最欣賞佢嘅係，有生菜無限量提供，用嚟包住肉，加埋個黃豆醬一齊食，真係好夾！食完牛肉，跟著到羊肉，一d都唔膻，好淋仲勁有羊味。講吓海鮮先，所有生蠔、蝦、帶子、扇貝任燒任食，生蠔隻隻都有手掌咁大，又鮮甜，蝦肉又爽又彈牙，飽到上心口！到咗甜品，整番支韓國入口嘅雪條就完滿結束，下次一定會再嚟過，挑戰更多肉類先得！

同男朋友上open rice見到呢間韓燒見到佢咁多好評而且仲有七折優惠就決定試吓一上到去見到都幾多人好在有上網book定位入咗之後佢安排我哋坐一張六人枱坐咗大概5分鐘之後有另一對情侶搭枱位置相當迫迫係因為腳前有個大鐵桶所以隻腳要sip係隔離另外一個問題就係張凳太過高全程要wu底個身食野相當唔舒服一開始有三張落單紙但款式不多好係好在有海鮮海鮮例如蝦都幾彈牙肉類選擇唔多牛舌完全冇牛味🤦🏼‍♀️但其他味道都還可以但有個好唔滿意嘅地方係個抽煙嘅系統真係好有問題食到一半我隻眼開始好痛比啲煙燻到好痛 我同男朋友食完兩輪都拿拿聲走實在燻到太辛苦另外飲品太少類別當客人飲晒雪櫃入邊嘅嘢飲侍應完全唔會去refill 🤦🏼‍♀️所以越夜去嘅客人係可以話完全冇野飲🤷🏼‍♀️服務態度尚算OK不過不失好彩係優惠時段去食如果唔係咁嘅質素收咁嘅價錢實在太貴食完一次之後唔會再想食

食物種類少，每件都細細既，每項最多點6件，5個人去，每樣都差不多都寫6件，因為太細件，好快就食完就又要去填紙，太麻煩啦。食物好一般，300 蚊食咁既質素真係超唔值。

同班同學太耐冇見，但又要就其他人，個個都住唔同地方，新界九龍香港都有，所以揀左旺角食，比較方便，最後同班同學book左呢間野食晚飯，間野係樓上鋪，去到地下比較唔顯眼，走左一圈先搵到間野，食物質素算不錯，以這個價錢黎講 算咁上下， 但肉類款式算咁上下，但除左肉類之外其他食物款式（冷麵，炸雞🍗）比較少，但值得一提，辣味炸雞同年糕真係好辣好好味，如果食得辣既朋友，真心推薦一試，不過食燒肉唯一唔好就係成身油煙味

好耐冇食韓燒了，肉肉肉肉😍😍看看價錢啦！今日係星期三，我地係任食110分鐘 $248點餐紙，其實仲有2張係for 自費酒架！我地就唔叫啦 所以冇影肉來了 ，排到幾靚啊！打個卡先其實仲有前菜！哈哈，個人幾鐘意佢個泡菜！而白蘿蔔大家唔好食呀 佢係用黎洗個「獲」架！我地洗到咁燒肉啦！除左肉都有幾種海鮮，試試佢個人覺得最讚嘅係d蝦！而蠔都不錯！但呢2樣野加埋蒜蓉就perfect所以大家記得自己去拎醬同蒜蓉佢都有野飲任飲呀 都算多選擇。最後每人有一樣甜品我叫咗呢個！！個人覺得有一點唔好嘅就係佢太早送黎 d野食都未燒好，搞到有少少溶咗食得有點狠狽！其他都不錯呀。。。。 下次可以再黎食過

約好了要吃韓燒但因為友人要9點半先放學所以嘗試搵一下宵夜放題啦感覺抵食啲嘛⋯⋯唔洗$200位埋單黎講真係好抵食肉類有啲失望⋯感覺似多年前食韓燒個隻味倒是海鮮我幾驚喜😳所以咁計番真係好抵食⋯

同事話好耐冇一齊 gathering, 所以決定去旺角買完野之後再一齊食韓式燒肉，我哋其中有位媽媽真係好鍾意食韓燒，咁我覺得久不久食一次都OK嘅！媽媽同事帶埋阿仔嚟！後生仔揀咗Running 燒，價錢經濟實惠，上到去發覺全場差不多大部份都係年青人，搞到我哋都覺得自己成個活潑晒！多人生意好，店員服務都算殷勤，我哋一坐低就分工合作。有人負責寫點菜紙，係有人負責去攞飲品，雪櫃嘅嘢飲都係任飲嘅！然後再自己攞埋燒肉汁，好快就有野比我地燒啦！我哋全部都鍾意食豬牛雞，牛肉係最快熟嘅，爐火大，肉好快就燒熟，keep 住食 然後再不斷 refill. 雞翼腸仔快熟選擇，全部都係比我哋做晒落肚，啲肉調味都醃得唔錯, 味道好好。另外仲叫咗啲沙律菜你中和一下油膩感，又有生菜 basket 夾燒肉食冇咁熱氣。仲有韓式噴火炸雞同埋炸魷魚鬚嘅小食。開開心心又一晚，好快就品嚐左一餐美味嘅韓國燒烤，最後仲送咗每人一條韓國雪條，甜美的 ending。

見到午餐7折推廣就試下(加一另計)去到得四張點餐紙，重要有一張係另外收費既酒類之後先發現午市無海鮮(生蠔，蝦 etc)原因:海鮮唔夠時間解凍又無小食(羊)，亦無雪糕 原因:妟晝先翻貨最後純食豬牛

近年新式韓燒已不再是以量取勝，太子的Runnung 燒廣受好評，今晚就相約友人一試。餐廳座位舒適，客人可以將手袋放入梳化櫈內，設計用心。除了肉類外，有有很多海鮮、冷盤和熱食的選擇。雜菜沙律的沙律菜新鮮爽脆，醬汁酸甜醒胃。水冷麵入口冰涼，入口清新醒甜，很適合配搭熱辣辣韓燒。牛肉和豬肉的質素高，肉味香濃，肉質嫩滑。海鮮有生蠔、帶子、扇貝和大蝦等，全部都好新鮮，是回本之選。炸魷魚鬚和炸雞外脆內軟，仍能保留肉汁。最後更有甜品作結，雪條是韓國牌子。Running 燒果然是新式韓燒代表店之一，值得推薦！

朋友熱愛泡菜國，結伴去running燒晚飯。餓透了的我先點了一輪熟食，本沒有任何期望卻喜出望外！水冷麵夠冰凍，清清地可降溫，麵條煙韌彈牙，味道帶甜，很是開胃。必點炸物！是即炸的，炸雞熱辣辣，皮薄肉嫩，相當好吃！海鮮很是新鮮，本對放題的海鮮沒有期望，卻令人意外！最推薦帶子！鮮甜易燒，顆顆白雪雪，乾淨企理。牛舌和豬腩肉也是乾乾淨淨，友人說豬腩肉很不錯。各類牛肉也有肉味而不韌。沙津超大一盤！酸酸的醬汁，中和一下肉食的一晚！

很久沒有食韓燒，生日便選了家韓燒放題又換換口味。running燒在旺角座落了一段時間，一直沒有機會試，食物提供的種類充足，熟食生食海鮮都有不同的款式可供選擇。餐廳先提供了配菜，傳統的韓式泡菜，醬荳芽，其中白蘿蔔用於洗擦燒烤板。海鮮的種類很多，扇貝，帶子，墨魚圈都是很適合燒烤的材料，生蠔看著亦新鮮。肉類處理得很乾淨，特別讚一下豬頸肉的爽嫩，沒有豬氣味。五花腩選肉上乘，肥瘦相間，薄切便不會太油膩。熟食種類亦多，其中這個蔬菜沙律最出色，口感清爽，酸甜開胃。冰鎮冷麵最具特色，湯底混滿碎冰，冷麵口感更爽滑。整體來說食物的品質不錯，飲料和食材品種供應充足，價格合宜，不錯的用餐經驗。

如果係旺角想任飲任食，這裡當然係首選之地，一個價錢除了任飲任燒，還有海鮮任燒同不同熟食選擇，今晚就同朋友上了去食過夠，而這裡真係好多人等位，幸好朋友早就訂了位，座下就先去醬料位置取醬料，跟住攞埋飲品埋位慢慢嘆，在點菜紙點了牛肉、海鮮、同最愛嘅腸腸，當然海鮮亦一拼入單免得要等，肉類上枱就第一時間放在鐵板上，一陣間就熟了，反轉再反轉，真係好忙，加埋啲醬汁入口味道十分美味，而邊燒邊吃時，就再追加了啲熟食，大大件炸雞，清熱沙律都唔錯，而個炸魷魚鬚真心推介！夠香脆煙韌彈牙夠晒口感，溫馨提示係盡量燒肉先燒海鮮，火力同時處理不同美食可能會燒焦，所以今次我們就先吃完燒肉再慢慢燒海鮮，燒蝦肉質彈牙爽口，燒蠔可能時間長了，收了水縮水了，不過味道都仍然有好香嘅蠔味，而扇貝都十分彈牙爽口，另外龍脷魚片肉質軟熟嫩滑，尾聲再燒多轉肉加埋枝解茶清一清啲熱氣，就真係食到飽飽了，埋單前店員還會送上甜品紙選擇甜品，韓式雪條，要了枝哈密瓜味道嘅雪條，夠晒透心涼！一個價錢食到飽，真心推介！

環境勁差，食物一般，種類勁少,價錢奇貴 ，一啲都唔值坐既登勁高張枱又勁矮,坐到我老人家腰骨都痛,枱中間仲要有個大鐵桶，對腳要扮埋側邊,連坐都冇得舒舒服服咁坐排氣系統勁差，個抽氣管一啲都抽唔到氣，我從來都未試過有冷氣都食到一身汗 ，有呼吸困難既人，認真唔好黎，又焗又會一身都係燒野食味，果身韓燒味係我食完行兩個鐘都唔散飲品選擇少，冇貨都冇人fill 熟食生食都選擇少,甜品得條雪條仔完全冇出眾既地方，晚餐都要成300蚊，真係寧願去漢和 漢陽苑囉，價錢同質素唔成正比，冇必要黎，只會得個失望囉