Running 燒 (已結業)

餐廳面積不大，放題選項豐富侍應動作麻利，翻桌率算高火滅了，都會主動來幫忙場內播放kpop MV 加上煙霧彌漫， 很有氣氛海鮮有驚喜 大蝦生蠔帶子都很新鮮 我們再三ENCORE熱食也不會失色，炸餃子炸魷魚蕦都是即炸， 好吃友人更大愛水冷面跟雜菜沙拉肉類不是cheap肉。調味剛好，不用再沾醬最後，有韓國冰棒（椰子，芒果，哈密瓜口味），可清新味蕾但整身的韓燒味應該整街人都能聞到（笑）以這樣的食物及服務質素，可以給個like，會推薦給朋友。

Running燒嘅抽風系統做得唔錯 食韓燒就最怕食到成身油煙味 但係今次食完竟然冇味每個燒烤爐 都設有獨立抽風系統 抽走油煙味 即使坐無虛席爆曬場餐廳都唔會出現煙霧瀰漫嘅情況坐嘅圓形鐵桶其實打開蓋可以放袋或者個人物品 非常方便又省位置 而這餐廳設有落地大玻璃可以欣賞外面嘅高樓景色外面天氣實在太熱坐低即刻拎罐冰凍嘢飲先職員馬上奉上前菜 韓式泡菜最為喜歡味道酸辣開胃 可以無限添加燒烤食品方面大致分為豬 牛 羊 雞 什類 海鮮蔬菜等還有韓式熟食料理湯品麵食及飯類這類嘅海鮮值得推介放題竟然有燒生蠔海蝦嘅只有手板咁大隻 肉質爽口彈牙扇貝粒粒大小均稱肉質非常鮮嫩雞翼湯開一半非常貼心咁樣就可以快啲熟牛肉類每款都值得一試總共有七款選擇仲有新鮮生菜提供 包住肉類一齊食冇咁熱氣若果想食得優惠每天午市放題 及晚市9時半後入座即可獲全單七折優惠最後每人仲有一客甜品送 超滿足的一餐

提起食肉一定會諗到食韓燒，答案就係咁簡單，食過既人都會一樣咁答，長期高企人氣美食，最適合約埋好友一班人邊食邊燒真開心，諗起就心郁郁想去食番餐，擇日不如撞日是日就約好友一同品嚐一番，就去咗呢間人氣食肆開餐未坐定已聞到陣陣肉嘅香味真係要快D享受一下，先係餐紙點咗想食嘅肉，再攞埋飲品就正式開餐，睇見各款肉放係爐上慢慢燒至肉變色就可以享用，入口食到肉質香嫩啖啖肉汁係囗中食得特別滋味，又其係牛簡直啱晒我口味當然唔只食肉咁單調，仲有海鮮同韓式小食等美食提供，僅有一款啱你口味，食肉固然重要但係其他唔食就係大大嘅損失，我都唔執輸點咗海鮮拼盤品嚐一下，有生蠔、大蝦、帶子、扇貝、魷魚圈同龍脷魚片夠晒豐富，又可以一次過食到不同款式海鮮，入口啖啖鮮味食得滿足如食得唔夠喉又可以再點過食真係一大享受，係燒緊肉同海鮮又同時間繼續食下韓式小食落夠晒惹味又一次滿足所有食慾，都係俾一個價錢已值回票價，任飲任食時間過得特別快，最後食埋支雪條就已經飽滿開心品嚐完一餐韓式燒烤。

朋友知道我對食（韓燒）都有要求，所以友人介紹旺角港鐵站附近間 Running 燒 韓式燒烤俾我，我就去食食個晚餐。上到九樓，門口有價目表，價錢真心抵，而且特定時段有七折。食店食物款式多，而且係真韓燒食物，最開心係無三文魚和豬腳薑等等不倫不類非韓國食物阻頭阻勢。飲品任飲，除了酒類。我大意忘記影飲品，食店供應的款式其實都好多。講真，食韓燒要配酒先有一番風味。前菜有芽菜、泡菜和海帶，而蘿蔔是用來清潔燒板的。肉類好食而且多款，當中食韓燒一定要食五花腩。燒板上面有韓式吸氣管，而食店裝潢擺設讓我好似置身首爾之中。睇睇腩肉層次分明，質素高，色澤鮮嫩，反映食材相當新鮮。其實佢地幾落本，我點了生菜打算包燒肉食，食店係成籃上，份量非常充足，而且生菜爽口脆嫩，不是低質 cheap cheap 生菜。最後，結賬時有甜品選擇，我點了糖水。估唔到糖水製作認真，餡料豐富，有紅豆、紫米、西米露等等，好好味。整體而言，食店食材質素高，而價錢好抵，容許我在此大叫三聲：抵！抵！抵！此外，店員服務主動殷勤爽快，時常幫我清理枱面，而且對我很有禮貌，我十分欣賞。

今日同朋友一齊黎到韓燒，見到好多人都話正，甘更系要黎試下啦，一入到黎環境舒服，不似其他地方一樣一入面口全部都系油煙味，佢每一張台都有個抽油煙機，所以不焗。好多不同的食物，有生有熟的食物，又其是海鮮，帶子大大隻，不是是旦求其比人食甘，帶子新鮮彈口鮮甜。熟食方面炸野食為住，有炸魷魚蘇，炸餃子等，炸物皮脆，不林口，咬落脆粉不太實的。韓燒更系最緊要肉類，有五花腩，一層層肥肉好有線條，食落香口，牛肋肉牛味香濃。

一入到黎環境已經似足韓國一樣，每一台都有自己的抽油煙機，可拉上拉落，當煮野食既時候可以將佢拉落，即刻可以將油煙全部抽走，所以入到去一點都不會感覺不舒服，刺鼻的感覺。食物方面，有不同種類可以選擇，有熟食，有自行燒，仲要有埋韓國雪條做甜品。食物方面都是全燒任食的，除左甜品，真心要推介一下牛肉，牛肉不是給一點超底下的牛肉，食落好重牛味，一點也不靭口，食完系不停再想燒落去食。仲會有豬腸燒，不太肥膩，食落軟綿綿，仲要有埋生蠔食，超甜甜蠔，肥肥的，有海水味，系甘食生蠔咩都抵返晒

好耐冇黎RUNNING燒啦~~記得第一次黎係之前攪團購果時...事隔N年LEE度既水準仲keep住lee度既肉頖都好新鮮同埋唔會因為夜左份量縮減，唯一應該係飲品fill唔切﹗炸物即點即炸，炸魷魚鬚同炸雞都好味﹗我個人覺得帶子真係必encore item﹗任食韓燒~推介點﹗

今日跟朋友出旺角食韓燒放題地點位於太子與旺角交界一間名為Running燒，地段適中易搵只需2百令蚊就可享有110分鐘任食任燒，真係好抵首先店舖內座位不算太多，但裝修精緻，最喜歡牆壁上幅塗鴉，感覺好正。飲品係自助架，供應嘅都係好韓式嘅罐裝飲品，自己喜歡飲乜自己拎。而啤酒就需收費。食物方面跟一般韓燒一樣，離不開肉類，海鮮，鮮蔬…還有熟食供應。我最欣賞佢個沙律菜，因為佢個汁嘅甜酸度配合得剛剛好。食落好清新，好爽口特別一提佢嘅牛柳粒及牛舌，牛柳粒多汁軟滑，而牛舌就爽滑香囗海蝦新鮮彈牙扇貝燒嘅時候加點蒜蓉…燒出黎非惹味唯獨生蠔較細！介紹喜愛食雞亦嘅朋友，一定要order佢嘅雞亦，眼望好普通，但燒完出黎香噴噴，一D都吾乾，好juice，雞亦控嘅朋友一定要試下

今日去開太子，行完花墟好肚餓，突然想食燒肉放題，大擦一餐，立即打去running燒，雖然7點時段已經full book, 好彩5:30仲有位，清清靜靜食個early bird dinner都好，一坐低叫個雜菜沙律菜新鮮爽口，加埋個酸酸味味既sauce，開胃醒神雞翼開邊容易燒熟，味道清清淡淡，唔會太咸肉類選擇多豬,牛,羊齊全牛仔骨醃得好夠味，好juice辣味五花腩同五花腩、兩者都各有風味，包埋生菜加啲韓式醬，減低油膩感之餘，又增加纖維必食之選，海鮮類大蝦新鮮，大大隻啖啖肉，蝦迷可以放肆大吃帶子嫩滑，燒到個邊脆卜卜仲美味扇貝清甜好少放題會有蠔，蠔大隻又鮮甜當想買單嘅時候 職員畀咗張甜品纸我哋 每人限點一款一定要食番支雪條，芒果味好食、不過今次㨂椰子味，椰子香唔太甜，好味任飲罐裝野飲環境寬闊，枱與枱之間唔會太迫 坐近窗口位望正旺角繁華大街每人埋單都不用$200, 燒肉放題佢算抵食，食物有水準，價錢平！

同朋友喺旺角行街，行完街搵間韓燒舖，因為都有一段時間冇食韓燒啦。朋友話之前試過呢間，今次帶我嚟試下。餐廳係一幢有好多餐廳嘅大廈入面，平時唔係好覺眼，今次第一次到，原來真係選擇豐富同埋各種嘅美食應有盡有。等咗一陣，好快可以入座。雖然係食韓燒，但係唔會感覺好大陣油煙味，坐得都幾舒服，唔使同人搭枱。1) 生蠔 (⭐⭐⭐⭐⭐)估唔到食韓燒店都有生蠔食，叫咗好多生蠔。生蠔大大分，一齊放落去燒真係好有霸氣，打卡一流。生蠔嘅味道新鮮，可以一試。2) 炸魷魚圈 (⭐⭐⭐⭐⭐)炸魷魚圈係另一個亮點，當韓燒食物未嚟到，食住魷魚圈先。炸魷魚圈熱氣但係好好味，啱啱炸起，熱辣辣，真係幾喜歡，仲encore咗幾次。3) 肉類 (⭐⭐⭐⭐⭐)有唔同款式嘅肉類，牛肉、豬肉、雞肉等等，各有口感。個人喜歡豬頸肉，燒豬頸肉最正嘅。今次呢間韓燒店，我覺得雞翼都唔錯，幾香口。4) 韓式拉麵 (⭐⭐⭐⭐⭐)喺傳統嘅韓式辛辣麵，見到隔離枱點咗好吸引，我都想點。冇想像中咁辣，麵身煙韌，咬落幾有口感。拉麵放喺最後食比較好啲，因為始終都係主打韓燒，但係如果食完韓燒未夠飽嘅都可以試下。食咗個半鐘都食到超飽啦，結束咗美味嘅一餐。

同朋友喺始創中心買完電腦用品之後喺附近搵嘢食。聽聞旺角同太子中間有一棟大廈，有好多餐廳，openrice一下就搵到啦。今次揀呢間係韓燒餐廳，第一次試。先介紹一下個醬料吧，係自助嘅，有三款，分別係蒜蓉、麻醬、蔥，另外加鼓油。韓燒未食得，先點咗啲熱食。個人比較鍾意炸物，例如有炸雞、炸魷魚圈。鍾意個炸雞，好林，一啲都唔難咀嚼，絕對媲美出面專食炸雞嘅餐廳。餐廳啲牛幾好，肉質鮮，啲汁冇喺燒完就流失，保持鮮味，肉嘅款式都幾多，有牛肉，好快可以食啦，唔好燒咁耐。我喜歡食雞翼。雞翼喺單邊雞翼，食落方便。不過雞翼要燒耐少少，不過記住反多啲如果唔係好容易燶。同其他韓燒餐廳一樣，有好多肉類選擇。如果想食得健康啲嘅，可以考慮點沙律。沙律拼盤都好正，有好多生菜，可以用嚟包住肉類，食落增加滋味。飲品嘅款式都幾大路，主要都係罐裝汽水。如果特別啲可以加錢叫酒類飲品 不過我就冇飲酒喇，點咗蜜糖汽水，喺韓式飲品嚟嘅，都幾特別可以試下。餐廳最後附送咗一人一個甜品。我哋揀咗椰子雪條，適合夏日炎炎。不過由於坐得太耐嘅關係，我哋都攞住雪條走。埋單二百幾蚊，韓燒嘅價錢OK，整體感覺唔錯。

Worst korean bbq ever!!!! DO NOT GO!未食過咁難食既韓燒 d肉望落去好霉 冇新鮮可言 食落口冇味 咬唔爛 生蠔鯹到咬一啖lur番出黎 order左一round半唔飽都食唔落 已blacklist 請我都唔會再食見到咁多好評 諗住試下 點知中大伏 有7折都唔想食 完全唔明點解會有好評 不可一不可再最早1730去 環境好污糟 地下痴笠笠 痴係牆到memo 一大層油 見到都唔開胃建議大家寧願比貴100去食喜來稀肉或炑8

地點一般方便冷氣成個場...一邊熱到出汗一邊要著外套🤔洗手間緊窄而且衛生一般眼見4個服務人員有一個係好得.有誠意有一個男既一般其他兩個真係.......唉服務真係差到爆...閒日都咁...假期唔知會點1:叫左個白飯.轉頭冇左件事.兩次都係咁.叫佢仲比個西樣我睇話叫左同事.唔關佢事2:食左55-60分鐘就話要點甜品..拉屎哥..咁話...又話110分鐘3:來到既野...佢只會同你求其擺..唔理生同熟擺到就林高佢蝦.出晒水明顯冰鮮👉🏻👈🏻帶子一夾就散👎🏼蠔.得個咸字👎🏼扇貝.細隻到好驚大風d都唔見左👎🏼肉類都係...好薄.好細粒反而.雞中翼.佢切得唔錯👍🏻試左就算🤔

服務員服務太差，冇服務，今時今日香港服務態度真係好差，影響飲食界的精神😔😔燒烤爐壞咗要客人睇住服務員維修，沒有站在客人的感覺想，只要立即維修好，又令人感覺到好不安全，我覺得員工要在培訓好差的服務態度同大排檔的員工一樣感覺

行完花園街當然要去醫肚，朋友之前話想試呢間，所以一早訂左位，入到去見環境都算寛躺，不錯。首先來的是前菜四小碟，但有個生蘿白又未刨皮點解既，還是我大鄉里呢，一問原來是用來洗刷燒板的，食物方面有熟食，海鮮，豬牛羊，菇類，總之基本韓燒食品都有，最驚喜係有豬大腸及豬皮，最重要係好好食，還有樂天飲品及最後嘅韓國雪條，以下是我最喜歡的食品：-1. 炸泡菜餃子🥟2.豬梅肉3.牛肋骨4.牛柳粒5.薄片豬腩肉6.豬大腸7.韓式醬雞肉食嘅時候記得用生菜加韓式面豉醬包住D肉一齊食呀，跟住再飲樂天梨了汁，好味😋總括來説食品款式不算很多，但每樣食品看得出是用心處理過的，而服務員都很nice,所以一定會再去的