Running 燒 (已結業)

豬頸肉: 幾香豬肉味，有咬口又唔會韌雞翼: 幾大隻好多肉食，味道似加左bbq醬，而且佢切開左一半容易啲燒熟唔會咁快燶牛柳粒:味道普通牛舌:好細塊食左好似冇食咁辣味雞肉:最好食既肉類，似韓式炒辣雞既味，好岩送飯因爲比較重味水冷麵: 唔夠酸，而且麵好硬痴埋一齊分唔開韓式炒粉絲: 味道幾好但粉絲又係太硬魷魚圈: 冇乜味但有啲咬口大蝦: 味道唔錯，但肉質唔太結實帶子: 燒完都好嫩滑又幾好味，點少少豉油食唔錯生蠔: 燒熟左食好juicy，冇乜腥味食物普通，如果用呢個價錢食覺得唔抵。最大問題係個燒烤pan唔得，野食一放落去就燶。

突然想食燒肉，又唔想食牛x個啲，就去左旺角附近既running燒試下落左單之後就可以自己去拎野飲同醬料〜飲品選擇都多，汽水同茶個啲都係任拎～自助醬料區可以自己拎黎點～為左要試多啲款，開頭就每樣叫2、3件，驚好快就飽左，依個係食放題既難處食燒肉放題最緊要就梗係啲肉啦！依度牛雞豬羊都有，仲有香腸任你叫～牛我就覺得牛肋骨最好食，五花腩同辣味豬頸肉都好唔錯全部肉類食落都新鮮，唔洗點醬都ok除左肉之外仲有海鮮可以叫，魚蝦魷魚帶子必叫！蝦好新鮮，食落去有好重既蝦味魚食落都好滑食燒肉難免會熱氣，配埋啲生菜食感覺上冇咁濟又健康啲除左自己燒既野之外仲有啲熟食可以叫，不過不失，留肚比自己燒既野仲好～最後仲有甜品揀，我同朋友就揀左蜜瓜同芒果雪條，好大條食唔晒添haha

有一日突然間諗起好似好耐冇食過韓燒，就即刻約咗朋友今日夜晚嚟旺角食。平時食開嘅韓燒都好少會播kpop野，但係呢間就一直播住kpop✌️感覺都好似年輕啲✌️入到黎第一時間就攞野飲，雖然選擇唔算話特別多，不過我都飲咗三款唔同嘅嘢飲我哋兩個人黎食，所以每樣野都係叫咗兩件，淺嘗一下🤤除咗自己燒嘅嘢食之外，呢度都有啲熟悉可以叫，我哋就叫咗韓式炸雞同埋餃子，不過當然係自己燒完熱辣辣咁即刻食過癮啲😎最後臨last order之前仲可以俾你揀埋甜品，我哋就一人叫咗一條韓國雪條每人二百幾蚊嘅價錢可以任食兩個鐘燒肉，而且質素又唔錯，真係好滿足😍咁多種唔同嘅燒肉，最欣賞就係辣味豬頸肉，雖然話係辣味，但係其實個味道都好易入口，又唔會有原味咁單調，絕對值得推介👍

什菜沙律🥗是燒烤的好朋友，先吃打底，不釋放吃肉沒有多內疚，難得菜也ok新鮮，超大碗，二人分享都有多。芝士腸是小妹大愛，好快熟，叫完再叫，一口氣吃了半打，芝士內心多又濃郁，所以才燒了那麼多。西施牛肉片是夜另一樣點得最多的，牛肉最回本，食得岀一口嫩滑，亦係好快熟，啱曬餓姬🤪肥牛同牛舌掩得好入味，切到薄一薄咁，好嫩口。最正係雪花牛，脂肪分佈好靚，一睇就知唔係平ya，入口無呃我，delicious！海鮮也口口嫩肉呢！炒年糕加了很辣的韓辣醬，超刺激美味，口感煙un不黏牙👏🏻飲品櫃供各式飲料可自助拎，港式韓飲都齊全。一人限一條的韓國雪糕🍦很清新，卻嫌未夠。芒果雪條椰子雪條兩條都很好吃，不太甜，黏性強有果味。食後感：食物款色ok多，坐位舒服，環境開揚，裝修有特色😜

彌敦道726號都有韓燒食坐落旺角正中心位置，約朋友好👻易。餐廳入面抽風不錯，坐位間唔迫夾，最重要係個放題價格合理，適合食肉獸大吃特吃。率先下單食海鮮，扇貝帶子決定一切，確是回本項目。大蝦燒完都仲大大隻，啖啖都係肉，點醬食一流。雞腎好好𡁻，爽口，多春魚燒完顆顆魚春在叫，大為過癮。用生菜包裹肉食，當下清新解油膩，很好的食法雪花牛仔肉肥牛牛仔骨各類肉食都有點齊，牛肉均掩得入味，質地細膩。燒烤真係好好玩，又有得食，又有得燒，成件事好完美😋

星期日晚市七點半平均每人$295(已加一)，環境方面都算乾淨，座位寬闊。飲料無限暢飲，甜品係韓式雪條同紅豆西米露。我個人覺得肉類方面唔新鮮，用好多調味料去掩蓋雪藏味，而且肉類顏色暗紅，好像擺左好耐咁。海鮮方面還可以，推薦食，蝦肉彈牙！但最不幸係果日食嘅炸雞只有個炸皮係熟，雞肉都味熟，所以我最後係食到肚屙，或者可能係我燒嘅所有薄肉類唔熟。不過，接近$300嘅價錢我寧願去創X廣場食，選擇多之餘價錢食物相乎。

同朋友出去食飯好多時都係揀食日本料理放題, 今次就試下韓國燒肉放題, 因為市面上係比較少餐廳係做新式既韓國放題. 一上到去見到有好多人排緊隊等入座, 雖然有訂枱但都都要等一等. 餐廳播住K POP歌都算係有氣氛, d音樂唔算大聲, 唔會話太大聽唔到又或是太細只係聽到隔離枱講野. 個位似係一個大筒咁, 坐墊下面可以俾你放你既物品, 但個坐墊有頗多油漬, 建議都係自己抹一抹先好坐落去. 一開始叫左海鮮, 俾既份量算多上菜快, 但之後個上菜既速度開始有少少下降. 肉類選擇都算多, 個人鍾意牛肋骨, 因為比較嫩同入味, 反而普通牛肉係薄少少, 要快燒快食如果唔係好易爛. 海鮮我地叫左帶子同蝦, 蝦比較好食, 但因為本身海鮮既鮮味唔係太濃, 所以都係要靠佢既醬汁. 醬汁可以係出面既醬汁bar 度拎, 都有好多選擇, 我就比較鍾意原味醬味, 因為咁先試到野食本身既味道. 而野飲選擇都算多, 由普通既汽水到韓國果汁飲品都有. 甜品可以揀蜜瓜或者芒果雪條. 兩者都唔係太甜, 而且燒完咁多野食食番條雪條就好滿足. 下次同朋友搵地方聚腳又可以多一個選擇啦~

同朋友係旺角行街，行到肚仔餓，朋友話好耐未食過韓國烤肉，甘上網搵好西食，好多人都話Running燒呢間好好食，甘就選擇喇。黎到餐廳都好有特色，一入到去，都吾會似平時啲韓國燒烤店咁大油煙。一坐低店員即刻上傳統韓國泡菜，芽菜同埋海帶，啲泡菜都吾會好咸，好夠味，正！仲有一個大蘿蔔，係用黎清潔爐面用。飲品同醬汁係自助形式，睇下點食物紙，生同熟食都有好多可以選擇，仲有海鮮添！點左生蠔黎燒，都好大隻，食落好 Creamy。啲海鮮都好新鮮，隻大蝦真係好多膏，又鮮甜，好yummy。我最欣賞係厚切豬頸肉，啖啖肉，又吾肥。

入秋突然想食韓燒，二人遊到旺角，找來一間韓燒店，樓上舖，裝修跟一般韓燒店類似。 一來就先看看有什麼東西可以點，食物紙的選擇都幾多，豬牛雞必備，海鮮係bonus。 七點半之後入座，$248一位成人，以任食來說價錢恰宜。 每枱自己都有抽風機，唔怕食到一頭煙。 叫左成碗肉好滿足！肉都幾新鮮，呢個價錢呢個質素好合理。建議多點牛脊肉，牛味幾重。 海鮮有帶子同蝦，以任食來說好吸引！可以不停點。 點到一枱都係，好滿足。 牛肉好厚好有誠意！ 個爐都熱得快，好快就可以食。 飲品選擇都幾多，有韓式飲品，其他基本汽水必備。 最後食個雪條！ 用蘿蔔洗下個爐又可以再燒。 熟食有最愛的炒年糕！以韓燒來說價錢合宜又可以食飽飽！

旺角樓上高質性優的韓燒店要數就係"running 燒"。聽名就知道係食韓食～食得韓燒要盡興就當然要食放題啦。呢一個唔貴嫁，二百幾就可以任食燒肉。點餐紙上的選擇都好多，雞牛豬海鮮必有啦。韓燒格局，每枱都有抽氣系統，唔怕好油煙。前菜泡菜係送既。身為食肉獸，叫一大碟肉。肉的質素不錯，最欣賞他的牛脊肉，肉厚多汁，且非常入味。肥牛除左可以用黎打邊爐，仲可以用黎燒。除左要自己燒，仲有熟氣如炸魷魚鬚。帶子都幾新鮮，中形size。水冷麵都有。食韓燒飲可樂，正！燒d生菜清清腸胃。飲品方要除平時常飲我汽水，就係主打韓式產的飲品。由於好受歡迎，記住黎之前睇下有無得book位，因為食飲時候真係好多人

2個女仔一齊去食，地點算近火車站，大廈樓上位置，訂左位，到步等5分鐘左右入座。因為太肚餓，第一輪喜歡的都點了2，3樣。食物都要等5-9分鐘左右先有，但足數量！好快成枱一下子擺滿！最正有生豪海鮮任點！仲有熟食炸物！食物真係唔錯！牛肉好正！款式都算多，太多肉建議點下沙律食下菜。整體食物8，90分！環境我覺得太嘈，背景音樂大，加上太多一大班年輕人叫囂，少女尖叫，想同朋友傾下都要好大聲😅 所以比較岩一大班朋友去食。

好耐無食韓燒，如果呢段時間煲韓劇睇oppa多，我就會好想好想食韓國餐，呢間之前聽朋友講過，一直都無時間過嚟，今日趁同朋友行街，提議可試下。Running燒主要以燒肉為主，其中也有炸雞、海鮮，種類都算幾多一到店員就俾左泡菜、芽菜、海帶3個小食，其中泡菜好好味，旁邊有塊大蘿蔔，用嚟整返燒野食整污糟個爐，都清得好干淨我地3個女仔主要燒肉同海鮮，叫左幾款肉類，睇住d肉係爐上慢慢變色，點少少醬汁，啖啖肉加埋肉質香嫩好味道，好適合我地一口一啖，加上份量唔會太多，樣樣都可試。海鮮類當然唔可以唔試，生蠔、帶子、龍脷柳、蝦，好豐富，海鮮都好新鮮，又有多種可試，真係同朋友一聚好地方。

食物質數好  服務態度都好上菜快入座安排很快景觀也不錯只是現場音樂太嘈及食物有點油膩提早預計還有優惠, 價錢很合理可能因為不是集團式反而做得更好整體高分希望店家能保持水準會再翻食

烤肉放題比比皆是, 是晚揀左滿有好評的running燒。放低就即刻拎野飲, 再自助拎醬料 ,有傳統泡菜, 荳芽,大片蘿蔔店員告知係用黎擦爐的.. 點餐選擇唔算多，三頁但勝在大路款牛雞豬樣樣齊本來諗住放題期望不高, 但海鮮同肉類以依個價錢來說質素笑唔錯! 嫌燒得單調我地叫左熟食炸雞, 配上柚子汁香脆可口, 而醋沙律就醒胃放題又點會只叫一轉, round two再黎多轉肉, 菜呀菇呀矮瓜, 其實都已經飽。食到尾聲每人仲有一客雪條同糖水任擇其一, 認真抵食!

咁大個女都係第一次食燒肉放題🙈本來諗住任食唔好食得去邊, 點知原來又唔錯啵.. 食物款式貴精不貴多, 樣樣叫左D由於燒野需時, 叫左沙律同炸雞醫肚先.. 炸雞脆口配埋柚子汁幾開胃! 沙律菜用酸醋撈都有加蕃茄仔, 開左胃就開始燒海鮮同肉啦 ~~海鮮叫左蠔,蝦, 魚柳同扇貝, 味道可以呀起碼無食到雪味! 肉類當中以雪花牛肉片最優秀，夾埋配菜泡菜同肉食就唔怕膩啦埋單前店員告知原來每人有一客甜品, 有雪條同足料西米露揀... 老實講今次放題覺得餐廳都好厚道呀, 扭轉我一直對放題嘅看法!