Ruby Tuesday (已結業)

今天晚上跟朋友及老公去吃晚餐，記得數年前也跟老公來吃過此店的原條燒排骨，印像中好像不錯，見食評也不錯，所以再次光顧。今次order了三文魚扒，肉眼扒及燒排骨拼盤，還有三杯飲品。先講食物方面，三文魚扒：味道過咸，肉眼扒(由於本人不吃牛，所以沒有吃)：見它的肉質及Size不明怎會收這個價錢，燒排骨拼盤：由於是拼盤，所以可選兩種味，味道只是面層有味，中間的肉是淡的，而且又"梅"又乾，我只吃了兩條便放棄了。或者下次各位去惠顧時最好order原條燒排骨，因我懷疑拼盤的排骨是原條排骨切剩的頭或尾。跟着到飲品，三杯中有兩杯水果味的Smoothie，侍應問我們要大的還是小的，我認為這個天氣當然order大啦！當那兩杯大的Smoothie拿來時，居然大到像個中型花盆那麽大，而且每杯都插着兩支飲管，後來才知是兩人份量，那落order 的侍應為麽不提一提我們呢？！換言之我們相等於order 了五杯飲品，而且那兩杯Smoothie 的味道完全飲不到水果味，只飲到超甜的果糖漿味道。最後到結賬，侍應問我們有沒有會員咭，我們答沒有，他便給我們賑單，盛惠$92X 元，由於我平時order食物都不會看價錢，原來那兩杯超

有個朋友生日於是去左Ruby Tuesday食加埋佢有張card，有6折。初初以為d食好細碟，點知錯晒囉，d食好大件同份量好多，絕對冇ark錢，我仲叫左好多食，食唔晒。我最想講下d甜品，真係好正，如果你去食，一定要留番個肚食甜品呀!!!! 同埋佢d服務好好，我飛時，佢會叫我留電話，有位會打比我，唔駛我企係度等，仲有佢d drinks係免費添飲，我叫佢refill佢會即刻幫我refill，仲有因為我個朋友生日，我買左蛋糕，d waiter會彈結他同唱生日歌haha。價錢方面，之前有食評人話過有咭先抵，我好同意，因為我覺得如果冇咭，價錢方面都唔係咁低，整體都好好，唔錯唔錯。

上回提到朋友有張半價會員咭, 知道男朋友想据扒後, 貪心地再光顧多次星期二。2個人, 叫了周打蜆湯, 蝦penne, 10oz rib eye steak同portabello salad。可能將近9點的關係, 湯好杰, 食到有一舊舊粉, 不好吃。蝦penne的蝦依舊好吃, 可惜粉不好吃, 係爛的狀態! 個汁又pat狀, 又淡, 真的不好吃得過份。10oz rib eye steak 我一路以為佢個汁會分開裝, 但係佢係淋上扒面, 所以我要費一番功夫去隔離d汁。當然呢個係我的問題, 唔關人地事。medium rare的牛扒, 肉汁多, 點左醬就浪費了。portabello salad算比較好吃。有一大隻portabello o係面。portabello 也爽口, 菜也多, 蕃茄都甜。不過你叫我俾正價百多元食個咁嘅salad我又未必會, 因為佢未好食到果個層次, 半價呢, 我就覺得都值嘅, 當然比加幾十蚊果碟粟米溝生菜值得多!service方面, 之前我覺得佢麻麻, 因為d女仔俾人的感覺係"hea住返工"。今次唔同少少。話說當我地食到一半, 有個女仔循例問下我地d野o岩唔o岩食, 我都好

我們一行五人去食...只係食左幾樣野....已經好飽...個甜品最正...超好味...有6折Coupon...所以都唔係好貴...

所謂老細, 只不過是一位善良的同學, 屈服O係我淫威之下而已。原本請食MARRIOTT buffet, 但係中途殺出個假衛道之士, 拎左張半價card出來, 借慳錢為名, 請埋佢為實! 不過都好, 一家便宜兩家著, 露比星期二都唔難食, 於是一行五人去左橫掃星期二。食左真係不知幾咁多野! 2層樓咁高的burger啦, 因為同檯唔食太生, 漢堡要左medium。內餡好多好full, 2大件漢堡加上芝士生菜蕃茄同酸瓜, 打直切開好似食西瓜咁, 一啖絕對咬唔曬的! 肉汁好多, 都頗好食, 伴碟沙拉好清新, 好。拚盤方面, buffalo wing唔夠酸, 薯皮太乾, 芝士條至好食, 不過男仕們一致覺得薯皮好食好多。我鍾意拚盤係佢夠多醬。sour cream 我至愛, 泰式辣醬都好食, 仲有mustard都好。14oz t bone steak 都叫左medium, 肉都ok, 係今次同一班人食就食得小心d囉, 平時我同男朋友2人的話, 一定係我搶住食! 呢個steak 我覺得佢太熟, 唔夠medium, 但係朋友就覺得太生, 真係呢... 伴碟薯條真係好食! 正!蝦penne的蝦冇乜加工味,

應該係今年最後一餐既生日飯.. 3月28號晚.. 同一班朋友黎呢度補祝生日.. 一行六人.. 好耐冇黎過呢間餐廳lu.. 我地六個女仔.. 叫左好多野.. 首先係我既湯.. 意式雲吞蕃茄湯.. 好杰既湯.. 但都好味.. 不過d雲吞真係好似d浸淋左既餅乾.. 嘻~~巨型蘑菇凱撒沙律.. d菜好脆.. 超正!!什錦併盤.. 叫左2盤普通size.. 共八款.. overall呢講都幾好食.. 尤其炸芝士條.. 好味.. 炸春卷.. 冇試到.. 燒肋骨.. 全份.. 有兩種味揀.. 我地要左香辣同蜜糖味.. 兩款都好味.. 香辣既辣味好得.. 辣得黎又唔會蓋左d肉味.. 蜜糖味好甜.. 都好味.. 海鮮蕃茄意粉.. 冇乜特別.. 不過欣賞放在意粉上既蒜蓉包.. 嘻~~我d朋友仲每人叫左杯野飲.. 我唔like飲野.. 冇叫到.. 埋單好似有cupon.. 七百幾蚊.. 好抵食~~不過呢餐真係好熱氣.. 食完即刻生飛滋呀!!!

真係食到一肚氣!!!今晚有朋友生日訂左枱(6位)食飯....張枱竟然係四人梳化位另外\"泊\"多張二人枱過黎就算....臨時有多一位朋友黎....佢\地唔多願幫我地加櫈..開頭仲要話.\"真係幫唔到你\"..叫人加水叫幾次都無人理...D野食完碟又無人收..碟RIBS同D小食乾到不得了...係個海觧千層比較好....我地坐左係度傾計...去到十點零鐘...己經叫我地埋單....我地坐近門口位...當時無其他人等位....店內亦有其他空枱.....個fd忍唔住出口問\"乜有其他人等位咩\".....個侍應竟然答\"有\"...但係仲有咁多枱點解一定要我地走??唔通其他枱唔坐得人?????實在好奇怪........九龍灣個間R.T.無論服務同食物都好好多......

今次都係頭一次係呢間餐廳食飯, 妹妹訂左8:00位都要等15分鐘先有得吃,實在太多人啦, 沙田區普遍間間都要等, 呢間咁出名當然都吾例外啦...哥哥生日都我地叫左薯皮, 雞WING 併盆,意粉, 豬排骨, 同埋檸檬茶(飲完可以無限加添) 仲有3分旦糕加雪糕, 真係飽到郁吾到呀,6個人埋單$6XX,超抵食呀!!!下次都會再來

一直都好想來Ruby Tuesday, 今晚終於同男友來食了, 因為之前食左Tea, 所以叫左一客薯皮, 同埋蒜蝦長通粉.. 兩樣都好好食, 好多Cheese, 不過價錢不平啊,, 而且又高脂肪, 所以間唔中食一次半次都可以啦... 見到佢地有個二人Set dinner, 三百多元, 好似好抵, 不過我地不太餓, 下次先食啦~~我見到人叫steak, 件野好似好正喎!!!個waitress 好友善, 不過唔好成日收晒我地既tissue la, 人地都未用就收.. 不過你都好客氣,, 努力啦..

我今次同個朋友去左沙田的ｒｕｂｙ，服務比九龍灣的好，而食物就一樣咁好～～我食左ｈｏｎｅｙ味的ｒｉｂｓ，雖然食唔出ｈｏｎｅｙ味，但真係好好味，而ｒｕｂｙ’ｓ　ｒｉｂｓ更係我食過咁多間餐廳的ｒｉｂｓ最好食的一間，而ｈａｒｄ　ｒｏｃｋ我覺得最差．．．．．令多吃了一個叫ｑｕｅｓｏ的小食，和ｎａｃｈｏａｓ相比，這個更好～～我相信我一定會再去ｒｕｂｙ食飯，同介紹多ｄ人去！ｐ．ｓ．睇過之前的人的留言，令我覺得自己好醒，相信我就係一到就有位的人，因為我有ｂｏｏｋ位嘛～～～～否則一定有排等～～大家記住下次食飯就ｂｏｏｋ位喇～～

唔知咩蜆肉意粉酸到好似用左工業用的醋咁...食唔到人..另外的食品,冇預期中好...另外店員態度勁差...(我地6個人,排了over1.5小時了..另外我見到有人好似係5-6個人,即黎即入,我估佢係門口的人的fd囉,問果個人,仲比佢聲大大咁話未到我地)我不會再去....

好耐無去過Ruby食野啦.係沙田呢一間都係第一次去.因為佢地d食物份量太大既關係.我地如果2個人食飯,多數都唔會去幫襯佢架啦.再加上價錢又唔平呢..不過今次撞0岩有friend生日.我地9個人咪一齊去食番餐囉.哈哈,我又有半價哦,咪叫左好多平時無食過既野囉.有四合一拼盤228蚊,16oz T-Bone228蚊,Colssal Burger108蚊,Chicken Quesadilla148蚊,NewOrleansSeafood Rice178蚊and Potato Skins68蚊.嘻嘻..每人再一杯野飲.都係6百幾蚊.唉.超抵.

我覺得"四合一拼盤" 都真係幾OK ~"焗薯皮" 最好食~記住甜品要叫"chocolate tall cake" ar ~D waitress 態度幾好~去食下啦~ 唔錯~

尖沙咀LCX的分店搬左之後好耐無幫襯佢啦！每次去都會叫佢個小食併盤，好like佢d醬，點那些炸的小食最正。我好鍾意佢個芝士薯條，啖啖芝士，真係好正架，食到停唔到口。佢的份量大，多d人share會試多好多款式。Chocolate Tall Cake 好高好靚，但好甜，實在太甜啦，現在有short cake 選擇，平d但細好多，我記得以前係冇架！而個雞沙律就一般啦！香蕉味Mega size凍飲都不錯，好昋蕉味，兩個人share就啱啱好。

今次係食完米線，再去食個甜品。兩個人叫左一個chocolate shortcake、cheesecake同芝士薯條，份量真係好多。焗溶左既芝士加上薯條上面，都幾好食，而chocolate shortcake就甜左d.最失望係件cheesecake,個餅底真係好難食‧‧‧