Ruby Tuesday (已結業)

一定唔會去Ruby Tuesday，Dan Ryan's好食好多，不過新城市無。講番食品，只是一般，但價錢就偏高。食品短評1)周打魚湯-- 好味，但唔似湯，似粥多d。2)泰式炸蝦-- 好多炸粉，又係雪蝦，no good。3)Mushroom Caesar -- mushroom 好大隻，切條，ok。4)T-bone 和5)Top Sirloin 都是普通貨色。

同女友叫左個10安士西冷扒($188)，泰式炸蝦(唔記得幾錢)，一杯朱古力特飲($49)，一杯可樂($42)個steak真係唔係好得，肉質好麻麻，碟上0既焗薯還可以，西蘭花林過蔡依林，又要唔夠味，成碟野又貴又唔好食。個泰式炸蝦味道還可以，但又係喪貴，得10隻蝦仔收成舊水。唯一可取係一杯可樂如果跟一個主菜order係可以免費添飲。

自從第一次食完呢間d rib，成日都會黎幫襯下~上次試左個小食拼盆，small size，有四樣野可以間。點左ruby chicken wings、芝士條、洋荵圏...(仲有樣唔記得左)三個人分啱啱好~推介食物有勁大burger(塊漢堡可以自己選擇幾成熟，唔錯。但e+改左由原隻連刀上變左分個兩層，有d唔開心。因為睇落去冇咁震撼)、ribs、mexico 烤餅(但呢個凍左會唔好味，個麵粉皮會苦苦地，所以一定要趁熱食﹗)，仲有本人好鍾意個到ge焗薯，因為佢地d 牛油真係好香，cheese又足~ 不過覺得呢到d paste就冇乜surprise，唔會話特別好。甜品只食過一次，因為次次都食得太飽。所以如果想試甜品，係點菜之前真係要量力而為﹗食過tall cake，四個人分都覺得勁飽。但呢度d 甜品真係偏甜。drinks 都ok，都係咁啦。有折食就抵晒~~ 雖然d 人話呢間service mama 地，但我覺得三間呢間叫做最好ga la，上次我話個焗薯唔夠熱，佢都肯幫我即刻換過。但有時星期六日晚忙起上黎真係冇人理。如果咁啱坐係入d ge 位情況更甚.....

和同事一行六人到這裡晚餐XD 可能由於較夜的關係, 等了約十分鐘便有位了. 我們點了芝士煙肉薯條, 墨西哥烤薄餅, 烤肋骨(Classic), 漢堡,還有海鮮闊麵..芝士煙肉薯條份量多而且非常美味XD 薯條很香,加上芝士和煙肉確是錦上添花 墨西哥烤薄餅不俗,頗有風味,而且味道相對較淡,可中和一下味覺. RIBS是我們的最愛,醬汁香濃而且肉身很稔,I LOVE IT! 漢堡亦相當不錯,漢堡扒很Juicy,車打芝士很香,包也鬆軟好味海鮮闊麵個人覺得還好~~經過一輪搶攻後,我們好不容易才把食物清理掉...但我和另一位女同事仍然覬覦Menu那杯Chocolate Tallcake XD 最後的甜品替這餐晚餐劃下完美的句點值得一讚是這晚的服務相當的好~Waiter整晚也臉帶笑容且有求必應,so nice價錢方面由於七折了每人$110相當合理已相約大學同學仔下星期飯局.地點定於Ruby Tuesday

本來打算平平地食一餐的，但男友無端說想飲酒，結果就揀左全場唯一會有cocktail的地方。六點入席，侍應說要七點半開場，個半鐘，無問題啦～明知美式食物會大份，所以只點兩樣菜，另加一杯cocktail（我），一杯紅酒（男友）Mini Burger and Garden Salad (Caesar Dressing) ($118)- Mini Burger 好可愛呢，包身暖暖的，肉扒唔乾身，好好味。Salad有好多shredder cheese，但麵包粒太大，如果細粒ｄ就perfect啦。半份Ribs(Classic BBQ Sauce)($128)－食既時候已經凍左，香口度稍減，BBQ Sauce亦有少少凝固左既感覺，但整體肉質都係好味的。見到好多人都有叫Chocolate Tall Cake，賣相好吸引，但實在太大份啦，如果多幾個人黎或者會考慮叫…好開心有Ribs食，有cocktail飲，但埋單$466，今個月出少ｄ街食啦…

中秋節同男友兩個人去慶祝,其實無預先講定要去邊食晚飯..男友又叫我楂主意, 因由於我未從過未食過D間野, 咁岩行過..所以就決定入去試下..我地一去到已經有位,唔使等..服務都幾好..我地坐低後點菜..泰式炸蝦..無蝦味..炸得太乾..蜜糖味燒肋骨..好淋..一切就散..無咬口..唔掂..燒肋骨付送的焗薯都OK.芝士西蘭花雞肉長通粉..好大碟..雞肉好鞋..似柴皮多過似雞..成碟野最好食都係西蘭花..炸洋蔥圈...OK既...但放耐左就林晒...兩個人食唔到咁多野,,全部都食唔晒.埋單要$5XX...真係又貴又唔低食,,,早之拿D錢黎食海鮮好過..

獅子有七五折優惠, 見很久沒有來吃過, 加上可以沒保留的叫, 又來吃個晚餐.一貫的不少客人, 都要等一輪先入得. 當然, 比隔離的人龍為短. 由於食物係美式份量, 即係唔慌細, 都係要小一點為上算.Ruby Refresher煥然一新$92: 9分, 要了杯大大的signature non-alcoholic drink Ruby Refresher, 包括有orange, pineapple, cranberry juice同埋Pina Colada. 份量十足, 真係夠兩個人分, 味道都係酸酸甜甜個隻, 不過都唔會溝得太酸的, 飲兩啖又真係有點清新感, 大熱天時先飲這個係不俗的開始.Club House Salad牛油果雞肉沙律$128: 9分, 先來個沙律, 除了有菜之外, 仲有輕炸的雞肉, 鮮牛油果片, 鮮番茄, 車打芝士同煙肉, 個dressing係Avocado ranch, 另外用碟上. 碟沙律都相當大份, 雞肉炸得不會太老, 好香口, 跟菜一起吃就中和一下. 菜係幾新鮮, 成個感覺係好清新.Build your Own Ribs Platter燒排骨拚盤$242: 7分

I haven't have a good ol' american burger since arrving in HK and I really enjoyed it. Service is good, portion great, taste delicious, the burger was yummy. It was nice that my friend and I get to sit in the restaurant and chit chat for a bit. The only peeve I have was apprently we counted the money wrong when we pay the pay and gave the waitress 40 cents short, and it was so appalling to have her running out and shouting at us as if we owe her $40. It was just that little incident that scr

預祝同事生日,去咗ruby吃嘢,5個女仔order咗:*小食拚盤: 鷄亦--->ok 炸蝦--->雪藏得好緊要嘅蝦,冇蝦味 魷魚圈->唔覺係用魷魚整 煙肉焗薯皮->幾香,但芝士同薯皮都太乾*燒肋骨(蜜糖汁):幾入味,肉好淋,軟骨好好吃,全晚最好*燒鷄肉凱撒沙律:鷄好鞋,菜幾新鮮,但佢用沙律醬就有啲奇怪,凱撒沙律唔係用醋同橄欖油咩?以上3樣,我哋冇會員咭,full price埋單$540,都幾貴,但係我哋有傾有講,都吃得好開心,所以就算貴啲都算啦,錢可以買到好嘢吃,但買唔到開心。佢哋嘅服務大致可以接受,但就不太滿意電話預約時waitress嘅語氣,同只限個半鐘頭吃嘢,嘢食已經好貴,重要限時限刻,過份!!如果有人請,都會考慮再去,自己俾,no way.

外國回港後再次幫襯Ruby Tuesday。記憶中兩三年前的尖咀店很好吃, 今次索性申請一年半價證。沙田店是最後一間試食的分店, 因為食評實在不能與其他相比。果然, 食物及服務質素真的比下去。服務: Ruby Tuesday員工通常都會我我介紹及建議食客是日推介。沙田店哥哥仔服務普通, 有時黑口黑面, 不過總算不過不失, 無不禮貌情況。食物:洋蔥圈: 一樣脆口, 汁醬口感一樣。Carolina Salad: 份量一樣, 但芝士味道比較淡, 加Honey Mustard亦不會太濃, 算是水準之作。牛扒: 最不濟! 我們要最貴的牛扒(不是價錢問題, 只是太古城waitress介紹, 回味得每次都會吃)。肉質與普通牛扒無異, 牛味不濃。比太古城甚至德福店都相差太遠。如果無半價咭, 完全不能接受

千層肉醬面令人完全失望, 面質地硬像磚頭而且十分難吃. 十分失望! 但磨菇湯極好味 值得推介.lunch time.唔抵食, 太貴了~~

ruby tuesday o既chocolate tall cake 是我的喜愛，星期日在周記吃得不太順快，到文化博物館看三星堆後，又再回到新城市食tea，tall cake 自然成了選擇﹗從外形到味道都是很貪心的，又大又多味道又多層次，能滿足我對甜品的貪婪﹗實在是很滿足﹗加上一杯不加糖的熱咖啡，中和一下滿嘴的甜味，大滿足~~

成為會那麼久還是頭一次寫食評，心想既有看人家食評的權利，總有寫食評的義務吧!!!沙田Ruby來過多次，可是水準每況愈下。而且價錢涱了一倍有多，但份量也減了一半。大概是想食客加入他們90/180/360天的半價會籍，幸好我和好友兩人都不受騙，只點了千層肉醬面和炸蝦伴薯蓉!職員親切有禮，可是今次食物非常一般；千層肉醬面太乾和太鹹，而炸蝦的雪味太重了，唯一好吃的只是薯蓉!!希望他們的食物水準和價錢都能加以改善，回復昔日味道啦!!

上星期五同老公去食Tea，我好耐之前食過，但印象唔深，所以再試過~~~叫左肉醬意粉同迷你公司三文治2 個tea sets，加多個煙肉芝士薯條~不過未order前，個waitress喪問落單未，唔太鍾意俾人吹囉...d野黎到後又問0岩唔0岩食呀，之後又勁望住我地食既過程，有d唔自在，雖然係service既一種，但未免煩左d...個意粉雖然ok，但3啖就食晒，所以唔抵...三文治都幾好，不過凍左d同得2件，講真，我個人認為最好既公司三文治係美心囉，平靚正~餐\飲加成十幾蚊，但麻麻地囉，個banana唔知咩smoothies好怪...最正都係個薯條，好芝士呀~~~有3種醬，都幾好食~~但2個人食就真係太濟啦，仲有如果唔係有50% off，$64原價就唔太值啦~Total食左$150到，整體黎講算ok啦~下次如果多人d會試下夜晚去食囉~

昨午同朋友去了此店食田園沙律及Colossal burger, 2個人食得好飽好開心~