Ruby Tuesday (已結業)

昨晚一試後,感覺回到從前往KFC兩個人食一桶雞的感覺!...有種忐忑不安,心裏浮現輕生的念頭呀!昨晚我和女友約6:30到此進膳,職員帶領我們到卡位坐下.感覺舒適寬敞,但坐墊太軟的關係,坐下後有少許"某"(高少少音)係到食的感覺,少許辛苦.食物方面大致幾類,唔算大多,以下是昨夜所叫的食物~一個焗薯+沙律(自助一次)$92焗薯SIZE比拳頭大D..普通自助沙律反而還好,因算頗多款式..一個芝士薯條$31(由PM4:00~7:00內半價)剛好我們及時落單,所以半價.這個真的非叫不可.碟SIZE有成半個忱頭咁大,碟內平放了薯條,內裏夾雜著大量芝士,還付有一球酸酸的白色醬料放薯條中央..但我無刻意去點醬食,因為芝士加薯條已經好好食..每次夾起薯條時,定會沾了不少芝士,所以不太容易夾起.正常人只吃這個都會陷入半飽狀態,所以好底食!!正當我們吃完兩款菜式後,令我產生少許膩的感覺之時,第三道菜勁量級的菜式又出場..這道菜可以叫係併盤雜會~$236有一大塊豬勒骨,三大件炸雞胸,炸蝦,炸尤魚,炸薯條(又薯條..唉!!)...炸炸炸..咩到係炸(可能這類就係傳統的美式食品之一)所以食到最後,我腦裏產生一刻輕

呢間d 漢堡包超大個. 真係一個人都食唔哂但味道都好好ga.仲有個自助沙律吧. 不過要五十幾蚊. 但可耐冇玩過"畢"沙律了通粉的味道也很好, 雞翼就超多隻(辣味好正)我地五個人叫以上野食.都飽到上心口.我仲打包八隻雞翼走不過有人有半價優惠.埋單才五百多元.很抵啊而且還會有個專員服待你張.有咩需要都可以找他呢!!

自從第一次食完呢間d rib，成日都會黎幫襯下~上次試左個小食拼盆，small size，有四樣野可以間。點左ruby chicken wings、芝士條、洋荵圏...(仲有樣唔記得左)三個人分啱啱好~推介食物有勁大burger(塊漢堡可以自己選擇幾成熟，唔錯。但e+改左由原隻連刀上變左分個兩層，有d唔開心。因為睇落去冇咁震撼)、ribs、mexico 烤餅(但呢個凍左會唔好味，個麵粉皮會苦苦地，所以一定要趁熱食﹗)，仲有本人好鍾意個到ge焗薯，因為佢\地d 牛油真係好香，cheese又足~ 不過覺得呢到d paste就冇乜surprise，唔會話特別好。甜品只食過一次，因為次次都食得太飽。所以如果想試甜品，係點菜之前真係要量力而為﹗食過tall cake，四個人分都覺得勁飽。但呢度d 甜品真係偏甜。drinks 都ok，都係咁啦。有折食就抵晒~~ service 方面，可能個晚去得比較夜，冇乜人想理我地...... 明明都冇乜人，但叫倒水都叫左兩三次先有人記得。仲要十點幾就叫我去落埋last order同埋比定張單好似催我地比錢走人咁......

之前尼過幾次....今次自第一次寫評語好好味呀~~~今次叫左兩個自助沙律一個醬汁排骨一個海鮮闊條面一個什錦拼盤一個唔記得咩野兩個TALL CAKE....好好味呀~~~~不過排骨今次整得唔係咁好....好"鞋"闊面d味好正~~d面又夠un沙律唔望有咩好味野....主要係用尼填肚拼盤......有四隻野俾我地揀尼拼....乜都可以試下呢~~~~最正就係個tall cake.....不過....今次好似冇咁好味...我始終覺得同埋正餐一整食會好味好多~~~服務....貫徹ruby 的精神.....好親切友善~~~不過.....如果冇折的話....呢度真係尼唔過....我地有中銀卡...可以有六折....抵!!

好耐之前已經想試下個巨型burger~e家有張半價card~當然要黎試下啦~可以choose cut開上or唔cut~cut開上佢就會幫你cut開4份~唔cut就會成個上, 然後有把餐刀插住個burger~除左burger~仲有薯條同配菜~塊漢堡扒都幾好肉汁~好味~薯條同配菜都唔錯~

*以下講既野只係記述ruby tuesday繁忙時間的表現,據說平日係好好多的。第一個感覺係o個度的waiter/waitress態度好好,唔會催落單,又好有耐性答人地問題,就算係好多人要serve都係咁話。佢地真係好專業,一個女仔執晒十個人既餐具餐碟等等…要用個x型架承住個巨型盤…(我真係未見過)仲要佢自己一個搬走喎,真係目瞪口呆啊!!!全程佢都係掛住笑容,哩個先難得嘛!!!!講返食物,salad bar的選擇好像有點少哩(可能我對小時的大salad bar印象好深=p),但也好好味好開胃,小食味道都幾好,超喜歡onion rings和蝦。雞扒味道就爭少少,有點點老左d,薯蓉薯條味道都一般。西蘭花都ok,牛扒火候控制得唔夠好,本來要七成熟,但中間可能6成都唔太夠,邊就老左d添,但總括而言,同好多地方比,同類食物ruby tuesday既水準都真係幾好。chocolate tallcake,哇…2個大人,2個teenagers係k.o.唔到,但蛋糕真係好好味傻瓜吃完dessert樂透嚕,anyways, happy birthday!

以前都會間中哩Ruby，依家通常都係一棚人10個8個，又想食Ｄ惹味既至哩，加上有老友有VIP卡，計起哩有半價，價錢OK！否則，哩美式餐廳食飯雖然大大碟，但圍起上哩都幾貴！前菜點了芝士辣肉腸焗粟米片同焗薯皮，都OK，保持水準啦！主菜叫咗墨西哥烤薄餅、阿爾卑斯山漢堡、燒排骨、肉眼扒。個烤薄餅認真一般；而個漢堡得喎，瑞士芝士夠香，又配一大片巨型蘑菇片，食落感覺無咁油膩；至於個燒排骨一向都做得唔錯，醬汁夠香濃，好惹味；但係今次個肉眼扒就差少少喇，熟咗D。另外，叫主菜，會送自助沙律吧，自從PizzaHut取消咗自助沙律吧後，又想過下砌沙律癮，唯有哩依度！次次砌到高一高，感覺好過癮！臨尾甜品一定叫Chocolate Tallcake，夠大份，朱古力味夠濃，啱晒我！老實講，怕肥，怕甜既人就千祈唔好哩，因為美國食物就係咁！

呢間野對上一次幫襯都成年前, 上次係HH, 今次就晚飯9點來到人已經唔多, 所以唔會好似上次咁嘈雜蘑菇焗薯皮- 有層好厚既芝士加幾片蘑菇放係薯皮面齊焗, 齋睇未食已經覺得幾漏, 入口個薯皮真係幾香脆, 但可惜芝士雖多但無味, 連芝士既香味都無, 好失敗墨西哥牛肉薄餅- 餅皮內有牛肉, 洋蔥之類既餡, 味道唔錯, 加埋酸忌廉一齊食會更好沙律- 自助沙律吧, 料算新鮮另加兩杯飲品$4xx, 耐唔耐食下都OK既

上司請食飯, 同事仔有VIP 咭, 所以預先定了位在這裡吃飯, 當然同事仔覺得好味, 而我之前都係尖沙咀食過(但現在只有這間及沙田有), 都想試試這一間, 一行七人叫了…拼盤對對碰–可以揀四款小食, 我們揀了鷄翼/ 洋葱圈/ 薯皮/ 有一樣唔記得…洋葱圈的脆皮較咸, 薯皮上有磨菇, 但相信不是即整, 只是番熱, 略遜…香蒜蝦凱薩沙律–食完上面個拼盤就來了這個沙律, 可能大家都好肚餓, 都覺得好好食, 汁醬跟蔬菜混合均勻, 不需自己再拌來拌去…煙肉芝士薯條–上菜時熱辣辣的, 薯條沾满芝士及煙肉碎, 吃了一條急不及待吃第二條, 真的要趁熱吃, 凍食差很遠呢…Rudy經典漢堡–待應問塊漢堡牛扒幾成熟, 我們說要五成, 但來到的漢堡牛扒是超熟的, 很厚的漢堡牛扒, 少量的酸瓜及洋葱, 沒有大多汁料, 味道尚可路易斯安那炸蝦拼盤–有一塊蒜蓉包, 一大堆有味道的薯蓉, 蝦披上粉後炸脆, 蝦細隻及沒有太特別, 反而堆薯蓉好好味, 有啲葱嘅味道…墨西哥烤薄餅–將圓型薄餅對摺, 中間放些餡料, 並不如一般薄餅做法, 味道適中, 不會太濃…經典燒排骨(全份) –選了兩款醬汁, 一是照燒汁, 一是Honey

閣下整篇偉論, 看似很有道理, 完全明白別人的難處, 又好像受了一肚了屈委。"我明白...但是..."可能因為我經常到九龍灣的ruby tuesday食飯, 亦不覺其survice有問題, 所以看見你的偉論, 忍不住要回應一下。首先, 大前題是當你應為別人要檢討訂台機制時,何不先檢討閣下之自我判斷能力?訂台時, 為甚麼答應別人八時半可以還座, 難道那時不知道只有個半小時嗎?這的確很有趣。另外, 當你明白自己要還座時, 還要分3次order, 然後怪責別人只給你45分鐘享受你的食物,難怪別人要不斷提醒你還座時間。最有趣的事, 八點半還座, 八點二十分點甜品, 那麼你怪的是不是為甚麼他們的甜品太大, 不能讓閣下在十分鐘內用完?坦白說, 星期六日去食飯, 也有令我生氣的時候, 就是當我訂了台, 但因為前一張台的客人就如閣下一樣,感覺消費了幾百元就可以為所欲為, 違反承諾兼大條道理把人罵個狗血淋頭的時候, 令我和朋友白白多等10-20分鐘, 甚至半小時。我想, 這間餐廳要檢討的不是員工培訓, 或是訂台機制, 而是其客路問題。同時亦希望閣下能自我檢討, 因為這樣出街食飯, 確實有點失禮。

上個禮拜同同事一行七人去左九龍灣lee 間度試...因為係supervisor比錢所以豪ｄ啦．．．知道轉左新ｍｅｎｕ．．　ｄ　野食都幾好味味道濃．．．　有ｄ特色野食．．好似有餃子．．ｄ　雞好好味呀．．　煮得口岩口岩好．．．ｃｒａｂ　ｃａｋｅ無想像中咁好．．鬆．．但個味就ｏｋ．．原本想食埋個ｔａｌｌｃａｋｅ家．．但實在太飽啦ｄ　ｓｅｒｖｉｃｅ　又唔係咁差咋ｗｏ．．ｏｋ丫．．我地要野食都好快上．．個ｓｔａｆｆ　問我地ｄ野好唔好食．．．都幾有禮貌．．* 有coupon..都幾抵

因聽朋友說這間餐廳的食物不錯，估約了一班朋友試一下，順便為其中一人慶祝生日，食物質數一流，但服務質數九流，吃了一肚子的氣。1) 我們是預先訂桌子的，亦明白桌子要在8時半交回(只有個半小時吃飯時間)，雖然我們準時到達，但因為人數頗多，所以點菜也花了一點時間。他們的菜來的雖快，但我們一行八人不可能只吃不談話吧，而且我們共點了3次菜，怎麼可能在短短的45分鐘內把它們全吃光光呢？我們很了解可能有其他的客人在等我們的位子，但也用不著每上一道菜就提醒我們一次8時半要交回桌子吧！我覺得這是極不禮貌的表現。2) 我們點了半份肋骨，菜到後便滿心歡喜的切成一條條，豈料幫我們點菜的侍應經過的時候發現上的卻是一份肋骨，他對我們說"呢個係一份黎ga wo"，我們都呆了，怎麼他的語氣像責怪我們一樣呢？我們根本就不知半份與一份的分別，我們是第一次來的呢，之後他竟然一聲不嚮的把肋骨拿走便算，這是什麼態度？一句"唔好意思"也沒有，好似全是我們的錯。3) 我們8時20分點了甜品，很大的一客甜品，我們八人一人分了一份也餘下很多，但侍應竟然因為已到8時半的關係，想把我們的甜品收走，我們當時阻止他，他之後便跟我們說已到交位的時

上星期六無事做,同老婆和仔仔(10歲)去完九龍灣MegaBox後,到德褔Ruby Tue 食晚飯, 為時七時半.等了一陣就有位.知客即問有沒有會員咭......,坐下後,waiter 又問是否會員, 我們表示初次來時,她就sell 我們入會, 令餐即刻半價.....我見價目表很貴($230+ 一份牛扒)沒有理會了.... 及後覺得菜式味道太濃,不適合香港人口味. 連仔仔話以後唔去!一個漢寶扒+半份牛x骨(Ribs)及半份雞翅,埋單U$410....感覺太貴有點受騙.

有75折優惠, 所以四個人來豪一次.叫了:洋葱圈(好味)肋骨半份-蜜汁味(好味)千層海鮮闊條麵(估唔到唔係pizza hut一盤的, 一碟意粉般的份量, 有點失望)xxx蟹餅(唔記得全名, 侍應介紹, oh, 散的, 不好味)侍應亦介紹十二安士牛扒, 不過諗住牛扒到邊可以吃, 便選了蟹餅, 有點後悔!其實, 這裏食真係唔平! 如果無折, 每人都要二百蚊!以後都不會來了!不過, book了枱準時有枱, 服務不錯的!

昨晚一試後,感覺回到從前往KFC兩個人食一桶雞的感受!...有少少想輕生的念頭呀!昨晚我和女友約6:30到此進膳,職員帶領我們到卡位坐下.感覺舒適寬敞,但坐墊太軟的關係,坐下後有少許"某"(高少少音)係到食的感覺,少許辛苦.食物方面大致幾類,唔算大多,以下是昨夜所叫的食物~一個焗薯+沙律(自助一次)$92焗薯SIZE比拳頭大D..普通自助沙律反而還好,因算頗多款式..一個芝士薯條$31(由PM4:00~7:00內半價)剛好我們及時落單,所以半價.這個真的非叫不可.碟SIZE有成半個忱頭咁大,碟內平放了薯條,內裏夾雜著大量芝士,還付有一球酸酸的白色醬料放薯條中央..但我無刻意去點醬食,因為芝士加薯條已經好好食..每次夾起薯條時,定會沾了不少芝士,所以不太容易夾起.正常人只吃這個都會陷入半飽狀態,所以好底食!!正當我們吃完兩款菜式後,令我產生少許膩的感覺之時,第三道菜勁量級的菜式又出場..這道菜可以叫係併盤雜會~$236有一大塊豬勒骨,三大件炸雞胸,炸蝦,炸尤魚,炸薯條(又薯條..唉!!)...炸炸炸..咩到係炸(可能這類就係傳統的美式食品之一)所以食到最後,我腦裏產生一刻輕生的念頭出現,