219
82
45
港鐵九龍灣站 B 出口, 步行約11分鐘 繼續閱讀
電話號碼
2376 3122
開飯介紹
Ruby Tuesday 室內採取開放式設計,加上溫暖的原木色調及當代藝術品裝設,為舒適寫意的餐飲空間,平添幾分優質時尚的韻味。 在眾多招牌菜式中,首選推介我們享譽全城的田園沙律吧,顧客可隨意配搭各式色彩繽紛的新鮮蔬菜,健康有營完全自主;另外,足三層高的超級漢堡亦屬必試之選,兩塊原味多汁的肉排各重半磅,整個漢堡重逾一磅,份量絕不欺場,配合奶香滿盈的車打芝士,不禁令人食指大動。當然還少不了鬆化惹味的經典燒排骨,以及一系列嫩滑鮮美的頂級牛扒,其充滿彈性的口感,加上那份垂涎欲滴的肉香,試問你又怎能抗拒?壓軸之選還有多款滋味無窮的精選甜品,不容錯過招牌甜品巨型濃情朱古力,以香濃朱古力蛋糕配以軟滑的朱古力慕絲、雪糕球及甜美的朱古力焦糖醬,甜蜜感覺定能讓你一試上癮。 繼續閱讀
獎項殊榮
最優秀開飯西式餐廳 (2009-10)
營業時間
星期一至日
11:30 - 22:30
付款方式
Visa Master AE 現金
座位數目
200
其他資料
酒精飲品
嬰幼兒設施 詳細介紹
泊車 詳細介紹
電話訂座
加一服務費
電視播放
食評 (367)
等級4 2017-04-07
1081 瀏覽
之前同朋友慶祝生日但係唔記得咗幾時了,因為有朋友有半價咭所以過咗嚟呢度食。叫咗一個芝士薯條,比起之前做嘅更好味。另外叫咗一個雞翼評判,裏面有普通雞翼立美雞翼同水牛城雞雞翼啲汁好香口又唔會整到隻雞翼林晒。同埋叫咗一個蟹餅配沙律,呢個就麻麻哋,食落冇乜蟹的味道,唯一好嘅就係啲沙律菜夠新鮮。仲有座一個牛扒同埋一份鐵板牛扒,鐵板牛扒雖然放喺鐵板度單都唔會覺得好膠,普通牛扒就非常之好味,快牛扒好重牛味,成數啱啱好唔會太熟,又夠大份,果汁又好味。最後叫咗一個朱古力蛋糕配雪糕嘅甜品,蛋糕有雪糕配合非常之好味,但係當你食完啲雪糕之後整返個鬼死咁大哥嘅蛋糕,個蛋糕又乾,如果可以加多少少雪糕或者cream或者個蛋糕比較濕潤啲就佩服了。有半價咭真係好抵食,食咗咁多嘢都只不過係每人二百幾蚊。 繼續閱讀
(以上食評乃用戶個人意見 , 並不代表OpenRice之觀點。)
等級4 2017-03-27
1030 瀏覽
我同媽咪一直都好中意食ruby Tuesday ,不過價錢太貴同heavy,所以唔係成日食。假日同媽咪心思思想食ruby Tuesday ,就去左九龍灣分店食。去到ruby Tuesday ,一定會叫洋蔥圈同ribs,叫兩樣已經好夠,因為好大份,隨時要打包。洋蔥圈炸得好香脆,裡面既洋蔥好juicy,點埋佢俾既honey mustard 同茄汁,食落冇咁油膩,正😋ribs 我地就揀左full ribs ,廢事爭住食,叫左classic BBQ sauce,d肉好腍好入味👍🏻ribs仲有個薯蓉做配菜,薯蓉好香牛油味同好軟滑最後食下食下就食得唒,多d人黎食好d,可以試多d款 繼續閱讀
(以上食評乃用戶個人意見 , 並不代表OpenRice之觀點。)
這個星期六又來到九龍灣喇~看完戲後等吃完晚飯才離開朋友說想吃西餐,就選了之前有稍微看一下的Ruby Tuesday~跟戲院相隔超近其實有稍微聽過這家餐廳滿貴的,大約是$100起跳那樣子 (ÒωÓױ)另外還設有沙律吧,加錢的話可以享用~也有一次性和無限次添加的價錢但因為我們只有2個人而已~所以沒有考慮沙律的部份先點 新奧爾良海鮮飯 ($278) 說是海鮮就只有蝦和魚吧 ( ̄▽ ̄)蝦很爽身且彈牙~煎香的魚表面香脆,但魚肉還是很嫩滑飯則是很Creamy~咬落很有口感,而且濃郁惹味得來也不會太膩喔還點了 鐵板精選拼盤 ($288) 在烤雞下墊了洋蔥,所以即使鐵板很熱也不會完全抽乾了雞肉的水份焦香的表面吃落更滋味 (。→ω←。) 這個還配了薄餅可以將配料 : 切條的芝士、生菜絲、番茄、酸奶油和Salsa辣醬~加上雞肉包在一起吃!但那個薄餅有點太硬~特別是邊邊的位置...會比較喜歡煙韌的那種耶飲品我點了 - Mocha ($62) 巧克力味道很重的一杯不過那層泡好像有點太過,都佔了大半杯耶 繼續閱讀
(以上食評乃用戶個人意見 , 並不代表OpenRice之觀點。)
等級3 2017-03-09
1108 瀏覽
星期二放假,要去九龍灣拎回鄉證,一條友咁寂莫緊係捉個朋友陪啦。去到九龍灣,我話請佢食飯,佢立即話想食Ruby Tuesday,心諗上次夜晚食好鬼貴。不過算,男人大丈夫一言九鼎。入到去價錢都廢事睇,叫左兩個set,之後個朋友就瘋狂加小食。大獲喇今次。不過算,佢個蘑菇湯真係好好飲,好滑好濃。野食就都係咁啦。終於要賣單喇,如果我無記錯,兩個人加埋都係$400蚊有找。比起夜晚都算抵食。蘑菇湯真心必食👅👅👅 繼續閱讀
(以上食評乃用戶個人意見 , 並不代表OpenRice之觀點。)
等級4 2017-02-27
1325 瀏覽
姐妹聚舊至在有個舒服位置傾計, 既然其中一位朋友係Ruby Tuesday會員就順理成章入嚟食啦!  星期六既下午唔係太多人, 顯得份外舒適.先黎上意粉, 第一碟上既Salmon Linguinim可惜冇影到相, 用上既三文魚好足料好大舊, 再配埋煙肉碎、蕃茄碎同馬巴臣芝士, 係我地在坐幾位既大愛!!!  而呢碟既係Lobster Mac’n Cheese, 材料包括有肉地既龍蝦同帶子粒, 兩款食材都幾有鮮味, 但係杰身既芝士食多幾啖就有少少漏.緊接住既係Classic Caesar Salad with Chicken Breast, 沙律黎得啱時候, 即時balance返芝士通粉既漏! 而揀配既雞肉都幾有咬口, 冇揀錯!California Club Quesadilla嚟啦! 係我最鍾意既墨西哥餡餅, 入面有雞肉粒、煙肉、牛油果、蕃茄粒、車打芝士碎… 再跟埋酸忌廉同salsa醬.  餡餅材料好豐富,  dip埋我最鍾意既salsa醬真係大讚.   不過要襯熱食, 凍咗就差好遠啦!!!Fork-Tender Ribs with Chicken Wings, 揀咗傳統Classic bbq醬配埋雞翼,  呢度Ribs既肉位唔少, 唔會得棚骨.  我地一行5人點呢個盤啱啱好大家都試到!! Ruby Tuesday每碟份量唔少,  我地平均嗌咗1人1碟既菜式, 食完都開始飽飽呆呆, 所以點咗呢度既咖啡提提神. 第一次試呢間既Cappuccino, 驟眼睇奶泡已佔一半, 飲落去夠哂豐厚, 係我嗰type!!其他朋友就嗌咗朱古力, 啲忌廉睇落去都幾鬼吸引咁!!呢餐飯埋單唔駛$1000, 即每人唔過$200.  露比先天用既食材底都幾好, 所以後天係咁咦整一整既菜式都唔差得去邊, 以會員半價嚟講係抵食, 嘻~  繼續閱讀
(以上食評乃用戶個人意見 , 並不代表OpenRice之觀點。)