Prohibition 扒房．酒吧

營業中

休息中

同屋企人去完海洋公園玩，見時間尚早，就去左呢間扒房食少少野。全家人都好鍾意飲酒，知道呢間酒吧有好多特色Cocktail，專登叫左幾杯試下。 Strawberry Cheese 價錢唔算平，不過真材食料，用rum酒整嘅呢杯cocktail帶有淡淡甜味。Red Cup 隻杯用皮造，好有特色。酒係用左bourbon再加D花吊味，睇得又飲得。Pastrami煙燻牛肉三文治，一個字，好味。Prawn Cocktail蝦就不過不失，但係個醬就一定要試，完全提升蝦嘅鮮味。Crab Cake其中一個最出色嘅餸，少辣香口。環境都好大整體感覺唔錯，下次幫襯會試埋D牛扒。

扒房喺香港有好多好出名，例如洲際，三四年前食過，係好食嘅，但係今次去海洋公園前食個lunch，真係好意外，好好味，可媲美洲際，唔知係咪新開， 直頭好食過洲際酒店，我今次食五成熟10安士美國炭燒頂級西冷，炭燒嘅香味，牛肉脂肪分布平均，食入口唔太淋，唔太un， 好有牛肉味，非常Juicy，主菜講完，自助沙律吧，掛住食我冇影到相，都非常精彩，整齊乾淨衛生新鮮，應該有嘅沙律都有，環境非常好，望住泳池景食飯，服務態度一流，人流唔多，侍應生好多，一舉手一投足都有人招呼你，6百蚊簡直係五星級，提一提今日我冇飲酒，因為Cocktail有啲貴，其他酒精類都無睇，唔會平啦，要唔要扮嘢閣下自負。