Podium Cafe (已結業)

溫馨的家庭飯局在朋友報料下得知，中環的Podium Cafe新裝修後增設晚市時段。相約爸媽前往晚膳，啡綠色為主的店面更為亮麗光鮮，配上柔和音樂感覺很好，洗手間也很整潔。(*´∀｀*)愛吃牛的我點了"燒汁西冷牛扒"，爸爸和媽媽則點了"芝士吉烈豬扒"及"檸檬牛油汁比目魚"。是日餐湯是"西蘭花忌廉湯"與"雜菜湯"，忌廉湯混了打碎的西蘭花，新奇的味道，配上牛油餐包很棒。"燒汁西冷牛扒"---汁料稍淡卻帶出牛扒肉質本身的滋味，帶子鮮嫩彈牙。"芝士吉烈豬扒"---酥炸吉烈豬扒中充滿芝士香味，配上特配的青瓜沙律醬，醒胃，就連少吃芝士的爸爸也讚不錯。(●´3｀●) "檸檬牛油汁比目魚"---三個菜式中我最喜愛的，煎的火力適中，灑上香草的魚質香滑可口，融化在口腔裡的美味，令人想一試再試。以上的都配上了，香滑薯蓉與椰菜花和西蘭花，椰菜花和西蘭花，加了我喜愛的蒜蓉呢。(*V*)///不太好咖啡的我，想試試這兒有名的咖啡，餐飲點了Ice Moka，那淡淡的朱古力味不錯喔。是日甜品是Tiramisu和紅豆奶凍，造型賞心悅目的可愛，Tiramisu配上朱古力醬，奶凍則配上了紅豆，嗜甜的我兩款也試了，甜入心的美味呢

「新」同事帶我們去「新」地方。有室外和室內選擇,因為天氣凍,揀左入面。去到其實好似外邊有蓋平台,空氣會好d。Lunch set 有咖哩羊架、肉醬意粉、葡汁雞柳、雞柳菠菜芝士千層麵、香草汁魚柳、etc.六至七款選擇。湯只有忌廉南瓜湯,和羅宋湯。忌廉南瓜湯好好味!南瓜味未算好濃,忌廉湯中,加了不少胡椒,合埋都幾對味。但「羅宋湯」就很怪怪喇!首先顏色唔係好蕃茄紅,滔起,除左有基本雜菜湯料外,仲有薏米、疑似芋頭粒,中西湯crossover嗎?味道連我都唔受落!同事推介,而且見不少人食,我就揀左千層麵。因為那片韌又微脆的蒜蓉包,賣相吸引。千層麵,混了很多”水牛芝士”(我諗係卦,因為沒有一絲絲的芝絲),幸好有一pet酸酸地的蕃茄肉醬咋!如果唔係,真係幾膩。好欣賞佢,落左唔少既雞肉粒&菠菜,真正食到千層夾!好多款餐飲選擇,都不用加錢(mocha、咸甘桔蜜、利賓納、朱古力,etc)。同事講,menu款式同以前分別唔大,有幾款轉了。我覺得,間唔鐘黎吓,都ok!

lunch set 有湯, main course, drinks有紅白湯兩款南瓜忌廉湯好creamy雞肉菠菜千層麵<-推介tomato source做得好好, 好fresh, 仲食到茄粒雞肉+菠菜既千層麵好fresh唔會好以一般既咁"漏"飲品唔需要加$ (包括凍飲)一點前買單剩惠$48, 無加一正!!

首先講下價錢~星期五lunch set $63 (冇加一)有湯~主菜~餐飲~湯: 因為第一次食~又睇左之前既食評推介~所以揀左南瓜忌廉湯~味道唔係好驚喜~不過都唔錯~本身唔like飲cream soup但都好易接受~下次try紅湯先~主菜: 好似total有6個course揀~自己叫左紅酒燴牛展with薯菜~黎到有好多菜~d牛展好腍~好入味~似老火湯既牛展~唔錯~同事叫左好多人推介既雞肉芝士千層麵~味道真係唔錯~like cheese既人應該好buy~而且有塊蒜蓉多士跟~好香好脆~最正係我同事怕熱氣同佢講同換塊冇咁"loan"既~佢即刻整個塊~舊既都冇收返~所以俾我地食埋落肚~哈餐飲: 好多款揀~冷熱同價~本人叫左ice mocha 少甜~都好smooth~好creamy~coffee味夠~以一般餐廳來說~算不錯~環境: 位於商業大廈內~唔可以要求有好舒服既好grant既裝修~但服務唔錯~比較特別係有露天茶座~因為比較遲book位~所以試唔到~但都幾多人book~看來不錯~室內比較多油煙~嘈吵~整體o黎講~$63蚊全包~自問對食算要求高~但係中環區有咁幾質素的確值得推介俾人食~想間唔中

過去，我們愛在Podium開飯；今天，也選擇與老朋友，在podium 久別重逢。也許因為每天接觸的人太多；也許，因為生活太匆忙，太公與這老朋友沒聯絡好久，久得，連她偷偷地跑去結婚也矇然不知。12:30pm的podium, 只得幾枱客 - 經濟差了？以前12:30pm, 也至少有八成滿。不過，倒別有一份閒適；店員沒那麼的匆忙，倒能安安靜靜的看菜單，點菜，聊天。她要了份牛油烤魚；我要了份雞肉菠菜千層麵。太公喜歡這裏的千層麵；是次重逢，發現比以前做得更好：菠菜、芝士和碎雞肉各自的份量剛好，混合起來，很香很鮮美，與一片片的麵皮層層交錯地叠又一起；麵皮很滑，也沒有太淋，用叉子一劃到底，已可整整齊齊地份出一塊，記得以前較難切得如此整齊的；爽滑的麵皮與鮮美的餡料奇妙地融合，加上千層麵頂那酸酸的番茄蓉醬以及適量的香料，整個口感和味道都非常的好。太公也喜歡伴碟的配菜，車厘茄很新鮮，很Juicy, 生菜也不錯。多了一大片蒜蓉包伴碟；味道雖好，但放久了，就不夠香脆，失了不少分數，不吃也罷。差點忘了餐湯；一如以往，podium的南瓜湯做得很出色，南瓜和忌廉的比例適中，南瓜的鮮甜和忌廉的香滑在湯碗內和諧共舞，誰

帶住點點期待黎到呢間，一出已經聞到頗勁油煙，好在天氣唔太冷兼安排坐露台食物: 餐湯 - 雜菜湯，味道同材料都係切切實實既中湯，一個$63餐我無諗過港式茶餐廳既餐湯都要比佢西化Main course - 點左lasagna同牛扒， lasagna ok, 牛扒賣相比較似牛柳，好薄一片，附近試過既上樓cafe, 呢一間屬高價而料少餐飲 - 菜蜜唔知出處，飲完上顎會有麻痺現象，奇怪!更奇怪係露台重有客但係有員工居然擺一個有枝煙點著既煙灰缸響檯，走得油煙走唔甩香煙，莫非想趕客走？唔明點解會有好評，食物服務皆唔得，唔會番轉頭

九月十六日(星期二)同老公和三位同事一早已經book了位試試podium..位置不難找的,在萬恰附近呢!不過,格局不像餐廳!果然唔樓上cafe!裝飾都比較簡單!...而且店子比我想像中小呢!所以人一多,就比較嘈呢!今日lunch set有carbonara,我想也不想就叫了這道喜歡的菜式,而老公試了酸甜雞配意粉,同事就吃了龍利和千層麵湯就有白湯(忌廉磨菇湯)和雜菜湯,我們都覺得雜菜湯的味道怪怪的呢,好像中湯...而carbonara就比較淡味!就算加了芝士粉也不夠出面的濃味呢,而且一點也不creamy,似在家主的白汁意粉!老公仔的酸甜雞就比較老呢!意粉分量很多!而凍飲就叫了凍檸茶,都不錯,反而是最好的一味!不過,因為店子小,而且lunch時間多人,比較"應聲"所以很嘈,就算坐對面都很難聽到對方說話...

今天不帶飯, 和同事出外用餐. 雖然當天早上 book 檯, 但只得露台位置.食字行頭的我, 心想要試試味道如何, 也好照去也. 沒有冷氣, 頭上只有綠色帆布, 午飯時間太陽猛烈, 其實吃起來會有點熱.自己要了個雞肉芝士千層麵, 一再追單先有, 味道 okay.其餘同事要了龍脷柳, 咖喱海鮮, 牛展等, 據報龍脷柳太多黑椒粉, 牛展雖然很多但有點韌.餐飲甜品中自己要了芝士蛋糕, 雖然要加 $6, 但芝士味幾濃, 如果唔要朱古力醬會更好, 至少不會喧賓奪主. 看到食友的食評, 似乎又加左價, 冇必要再來.

一年後再度重臨，同樣1點前埋單有優惠，不過價錢已比去年加了20%。雖然知道忌廉湯好飲，驚太飽的關係，我選擇比較清的雜菜湯。而其他同事的蘑菇湯，真是好濃郁的蘑菇味又帶忌廉香，出奇的蘑菇沒有帶苦澀味。同事的主菜是牛扒配薯菜，真是大堆頭，份量十足。試了少少牛扒，非常多根，黑椒味過重，我相信是利用來"遮掩"雪藏味道。其餘包括我要雞肉芝士千層麵，雞肉與芝士已混合變成醬，被多塊麵夾住。口感非常滑，又充滿芝士香，淋上新鮮蕃茄醬來中可芝士的膩滯。今次又食自家制的芝士蛋榚，比以前有進步，芝士味香濃，入口軟滑，還淋上朱古力醬，十分美味。

今天lunch 去了此cafe，在大廈的四樓，cafe內還有一個大露台，可在那兒吃，亦可在廳內吃。一點前埋單有特價，$48 個set，很抵，最好要訂位。講番個餐，我選了個香草忌廉汁前龍脷柳飯，很好吃，汁調得剛好，薄薄的魚，配上很香的調味料和汁。餐前的南瓜湯好好飲，還有餐茶。此cafe環境食物價錢都很不錯，不過記住訂位。

今天中午跟同事來吃午餐.湯, 點了忌廉湯來了南瓜湯. 味道普通.飯, 是青檸魚. 青檸的味道吃不出來, 魚是龍利柳. 味道普通.奶茶, 味道普通總結: 就是普通. 不過聽說同事的千層麵很不錯-_-|||另外, 中午非常多人+ 吵耳

提供包場資料果個就係我。我約左miss 同成班同學浩浩蕩蕩十九人一齊飯局，響openrice hea 左成日，都睇唔o岩響邊間食好，咁o岩睇到呢間，又近自己屋企，姑且試試。地方四四正正，張Ｄ檯圍個大〝囗〞，十九個人都坐得落，任我地點推點排Ｄ檯，食完仲可以又推開Ｄ檯坐埋一齊傾偈，七點半又食又傾搞到十一點半佢先收場，地方又唔難搵，交通方便。dinner set：湯+ 蒜蓉包+ main course + 冷熱飲品湯──南瓜忌廉湯/ 雜茶湯白湯幾好，夠味得黎唔會太"漏"雜菜湯gag Ｄ，真係雜菜，乜都冇，冇肉冇番茄，係淡青色ge，味道淡到好似平時白烚菜ge 菜水咁，真係唔recommend蒜蓉包──幾夠火候main course ──紅酒汁燴牛舌（總共有5-6款揀，但我唔記得其他喇～）第一次食紅酒汁真係食到好明顯ge 紅酒味，牛舌亦炆得夠"林"，配飯份量好足，唔會唔夠飽。味道唔會太濃太咸，但亦都係夠味的。冷熱飲品任選，唔會話飲咩要加錢，除左普通奶茶咖啡一類，仲有鮮奶、檸賓、mocha、latte、柚子蜜、咸柑桔蜜等等。我飲左咸柑桔蜜，覺得咸左Ｄ，飲左一半要叫佢幫我加水。／．＼|||又唔係覺得

與朋友午膳，貪其環境適合傾計，早上十時致電留坐。除小小的室內空間外亦有室外平台，頗特別。午餐$60@，有三款選擇，我選了檸檬牛油汁魚柳配薯菜。餐飲有很多選擇，本來屬意Caffe Mocha，耐何不想多飲咖啡，唯有改選Earl Grey Tea。餐湯－－忌廉磨茹湯，不似罐頭湯，有粒粒磨茹。主菜－－蔬菜很多，很健康，魚柳的檸檬汁香草味濃，不錯。餐茶－－朋友的Caffe Mocha有小小的一撮creme，看來味道不錯。我的Earl Grey是Twinings茶包，算是不錯吧，可惜我每天也飲Twinings，實在沒什麼驚喜。全店由四五位中年婦女打理，唯落單的侍應大姐有點粗聲粗氣，與預期的服務態度不同，有點小失望。午膳時間，整店都擠滿OL，我與兩位男性友人這個組合實為罕見。友人似乎不太欣賞這裡，更聲言soho有$80午餐比這裡好更多云云。樓上cafe還是適合女生吧…

吃素的我，外出吃飯總有點麻煩情況出現。這天來Podium Café，才發現沒有供應素食set lunch，問過店員，也無法替我改餐單。只好叫一個咖哩雞飯，把雞給朋友吃，自己以汁撈飯，並請店員多給我一點伴碟的菜。咖哩雞飯端上來時，菜多得嚇一跳，雖然伴碟的菜並不貴，但喜歡她的細心。朋友吃的菠菜釀鴨胸意粉，他說也不錯，咖啡也對辦。過了午飯時間去，環境好，也好好hea。

Set lunch有6款選擇，包餐湯、主菜及餐飲，1點前埋單有75折，只收四十幾，真係好抵。首先係餐湯，我要雜菜湯，椰菜不少，湯底好淡，勝在無味精，反而另一款南瓜忌廉湯好甜好香，唔似罐頭來貨。同事們都要雞肉蘑菇千層麵，我試了少少，可能是雞肉關係，味道比一般慣常用牛肉作較淡些，芝士份量比一般較少但不失香味，又是一道較健康的主菜。蜜汁黑椒牛配薯菜，牛好腍，黑椒汁加了蜜糖，帶點香甜味。而薯菜竟然是一大堆的椰菜，只有少少炸薯角及紅蘿蔔作點綴，非常健康。Set lunch唔包甜品，就另叫一客大size的cheesecake，賣相麻麻，似mousse cake，食落口芝士尚算香濃幼滑。這間樓上cafe算是較有水準的一間。