Podium Cafe (已結業)

呢幾日係聖誕聚會的高峰期，午晚都有不同的聚會。今日下晝與部門同事在這裡食番餐，原來圍內都有成三十幾人，順理成章是包了場。呢度環境唔錯，在商廈四樓，有個小露檯，靚女老闆娘仲話如果搞晚聚可以開埋出面，地方會更大。人多，時間又有限，都係安排食套餐方便。湯有兩款選擇，我要了忌廉湯，幾濃滑又好味，都不算是行貨，不錯；主菜有三款，雞扒沙律、桃汁豬扒及燴羊，我要了後者。燴羊味道都不俗，燴得很入味，雖然全廋的部份有點韌，但有幾舊半肥廋是甘香美味。另外雞扒沙律幾清新，也不錯。甜品是自家製的芝士蛋糕，見奉出來只一小舊，份量好似好小。但原來芝士好「實淨」，非常濃郁，吃一小舊就剛好，再吃多就一定吃不消。餐後可選各種特色咖啡，見泡沫咖啡都做得不錯。我只要了杯齋啡，本來無咩期望，但原來都幾香濃，都不錯。看來也可以找個機會朝早來飲杯醒神咖啡。幾位侍應姐姐服務都好殷勤，禮貌好，值得一讚。埋單應每人不用80蚊，以搞包場聚會來說算不是太貴。