Podium Cafe (已結業)

Set lunch有6款選擇，包餐湯、主菜及餐飲，1點前埋單有75折，只收四十幾，真係好抵。首先係餐湯，我要雜菜湯，椰菜不少，湯底好淡，勝在無味精，反而另一款南瓜忌廉湯好甜好香，唔似罐頭來貨。同事們都要雞肉蘑菇千層麵，我試了少少，可能是雞肉關係，味道比一般慣常用牛肉作較淡些，芝士份量比一般較少但不失香味，又是一道較健康的主菜。蜜汁黑椒牛配薯菜，牛好腍，黑椒汁加了蜜糖，帶點香甜味。而薯菜竟然是一大堆的椰菜，只有少少炸薯角及紅蘿蔔作點綴，非常健康。Set lunch唔包甜品，就另叫一客大size的cheesecake，賣相麻麻，似mousse cake，食落口芝士尚算香濃幼滑。這間樓上cafe算是較有水準的一間。