Podium Cafe (已結業)

一踏進CAFE, 那油煙的味道令我不禁立時扣分, 不過, 食物的質素真的不錯, 我ORDER左一份煎魚塊跟薯菜, 嘩... 薯菜=炸薯角+半碟棷菜, 好有驚喜~~~!另外, 餐飲ORDER左LATTE, 好好飲呀, 又香又滑, 另一驚喜~~!

1) This is a good place to visit that although it's very crowd during the lunch time, my fd and me can get a cheeze cake free when they offered us the seat late due to the busy lunch time.2) The environment is not that good that i don't like no open window there, but they said the cafe is under construction and i really hope that next time when we visit, they have a new and surprise environment3) The food is good with enough amount, that for big guy, those food may be not enough, but for girls,

好味架千層面, 一d都唔馬虎, 個雞, 菠菜同d芝士個味啱啱好, 味道細緻, 個蒜蓉包烘得啱啱好, 有貴價餐廳既水準. 我地1:30pm入座每人四十三蚊, 仲包好味既cream南瓜湯同埋杯飲品....個cappucino都唔馬虎. 仲可以俾我地坐埋"倫"雜誌, 好開心呀, 係呢度, 食lunch真係冇壓力

係中環食lunch真係幾頭痛，有d即使要訂位到最後都要等。有先見之明既朋友一早就book左位。set lunch 每位53，餐飲可以叫凍飲，除coffee/ tea外，仲可以免費揀其他特別野例如先榨果汁，柚子蜜等等。我order左雞肉磨菇千層麵午餐，要左個菜湯，唔係典型既紅湯，只係將d蔬菜煲埋一齊，似減肥餐單裡面既菜湯；主菜千層麵既雞肉有鮮味，磨菇係新鮮果d，唔係罐頭既。雖然油膩左D，但係無益既野通常都好食，所以我超級鐘意哦! 仲有伴碟既蒜蓉包同少少菜；普通女士一定夠，我就....其他朋友叫左雞扒沙拉，白汁龍俐柳意粉，佢地都話唔錯。聽講餐牌不時會轉，所以我一定會再去，yeah!

都係睇到呢度既食評先去試下....無訂位好在都有位,不過坐外面.叫左煙鴨胸卷配薯菜,ok la不過d野唔夠熱...個雜菜湯就一般....叫左個細cheesecake,都幾好味...唔係想像中咁好食...

今日約左舊同學食lunch，佢建議來呢間食，話個set lunch唔錯。好呀，我最鍾意試新野：雜菜湯：好多料好好味，尤其最愛d薯仔；檸檬忌廉魚柳飯：d汁酸酸地好好味，份量亦夠；雪梨汁：幾濃幾好味環境唔錯，在一間舊式商業大廈4樓，在出面平台開埋餐桌，唔會有擠迫感，坐得幾舒服，服務都好好，下次同d同事再來食過。

同事介紹呢間cafe, 主菜揀了羊肉, 以加埋一o既價錢都可以接受, 值得推介!同事話必吃cheese cake, 淨番一件大一件細都要埋,真係好好好美味, 芝士超濃! 想再食多次!中意cheese cake必試!但平日真係要book位, 月頭月尾較full!

其實已經好耐無去過, 因為突然諗起, 手痕寫下。去過約三次, 都係食set lunch。是日餐湯, main dish配薯菜/飯/意粉, 餐飲。以我記憶, 兩次食檸檬忌廉魚柳, 一次食..好似係豬頸肉。魚好好食, 肉就麻麻。其實我覺得食物水準著實一般，不過那個戶外「草地」就真係幾得意，如果...(1) 你唔介意對面景緻係煙囪(2) 你唔係大熱天時去而家天氣開始涼, 去果度坐室外都好。但我地上次去真係熱到...幾多風扇都唔夠。但無計, 鬼叫我地無book台, 又多人。唔知係人人有份, 定係我地真係熱到無晒笑容, 佢地送左一客chocolate puffin', 真係幾好食,心都順番晒．

平日呢度好多白領及OL幫襯，一去到星期日，就變成了菲律賓人的天下。除左好多菲律賓人幫襯之外，仲有一系列的菲律賓食物，如便當及小吃。今日在中環會合去做義工的太座吃晚飯，悶悶熱熱的，無謂四圍走，就買本雜誌上來這裡坐低，飲住咖啡等。平日這裡好多人，是一位難求，星期日當然人少d，氣氛也悠閒一點。叫左太座的火腿飛碟及泡沫咖啡，主理人問試唔試炸香蕉卷，話係星期日至有的菲律賓小吃，咁就來一碟試試。炸香蕉卷其實個外表幾似中式的春卷，即叫即炸，熱辣辣又脆卜卜，內裡的香蕉餡都幾好味，如果不嫌有點油膩的話，是不錯的下午茶小吃。見每檯都叫，應該都算係星期日的人氣食物。泡沫咖啡泡夠厚，咖啡又幾香，不錯，咖啡始終都係這裡的強項，趁假期來一杯泡沫或鮮奶的，讓腦子鬆弛一下，也不是壞事。太座也幾滿意她的飛碟，說火腿幾多，包又熱烘烘的。埋單56蚊，不收加一，以下午茶來說幾經濟，是不錯的假日偷閒的選擇。題外話：星期日，真的不少菲律賓人在中環，連帶這裡也不例外，如果介意的就最好不要來了。

Lunch gathering with 3 friends in Central. Just book it the day before. We sat near the window, so the smoke from the kitchen is not too serious, there are 5 choices of set lunch, each $48, have soup, main dish and drink. There is also special set lunch for the day, cost $58. Generally, the size of the lunch is enough, and the food are quite delicious. The coffee are good too. No 10% service charge. Nice place for a short lunch gathering, esp. in Central. I think I will go there again.Recommende

之前食過lunch覺得幾好, 食物好,價錢合理, 都會介紹同事去, 但這兩次打電話訂枱, 聽完電話就不想去,接電話者非常無禮貌, 仲有D討厭.若我是餐廳老板, 我就一定train吓班師奶啦, 無謂浪費此餐廳, 可以做好D的! (不過油煙真的很大, 希望可以改善吓啦!)

昨天去了Podium Cafe 食lunch, 環境唔錯呀! 我地三個女仔坐出面, 有把風扇吹住腳, 都幾涼快。跟餐的雜菜湯很淡, 好似無落肉, 不過我唔介意清清地!主菜叫了BBQ汁豬頸肉(跟飯/意粉/薯菜), 好好食呀! Portion 夠呀, 我同另外兩個女仔朋友都好飽!不滿的只係濕碎嘢:1. 傳菜的侍應留長髮又唔紮起, 我地見到佢D頭髮掃過人地的食物, 好可怕!2. 餐飲等了好耐先有, 係同一個長髮侍應拎嚟的, 點知佢一手拎三個杯, 睇住佢倒瀉了10%都若無其事!3. 現場好大油煙味。建議大家訂位先去, 因為我試過12:30pm去到都無位!

Tried their set lunch curry as recommended here. The plate is large but the rice portion is very small, the curry was even smaller, contained in a mini tiny bowl. The size is about half of the normal you can eat in similar cafes. Inside the plate there is a very sweet source serving a cracker. Food taste is not bad, and OK.The waitress will ask you to order their cheesecake after meal. Perhaps it's the reason they give such tiny set meal portion .

如果唔係朋友介紹都唔知呢幢大廈會有間CAFE. 少少前言: 訂左位一點, 朋友早0左半個鐘到先坐, 我去到見到佢0向度睇緊雜誌, 佢話係間CAFE本身有的, 同埋我見係LUNCH繁忙時間, 就問佢D侍應有冇俾面色佢睇, 佢話無喎, 令我對呢度的印象加左少少分.入正題:朋友與我各叫左咖喱雞同埋馬來西亞牛肉, 雜菜湯同甘荀忌廉湯(是日款式). 甘荀湯幾滑, 甘荀唔會太過份, 可惜今日唔係南瓜忌廉湯. 朋友的雜菜湯唔係平時見的西式模樣, 反而似中式湯. 老實講, 味道麻麻兼淡味, 朋友又要加鹽又要加胡椒粉.咖喱雞先上, 一個大碟上有飯, 有一個類似盛疏乎厘的器皿裝住D 咖喱雞, 一小堆配菜及一塊papadum. 咖喱幾夠香辣, 雞件入味, 唔鞋, 幾好.馬來西亞牛肉都係另用器皿盛住, 外表黑mum mum, 唔太討好, 但食落又係甜甜辣辣, 好0岩我口味, 朋友都話唔錯.餐飯要左冷熱Mocha, 兩杯的水準都幾好, 朱古力味同咖啡味好平均.由開餐到食飽都只係半個鐘多D的事, 當我地吹吹水的時候, 我開始留意佢地的裝修. 佢地打開了落地玻璃, 出面的露台連側面的一幅牆都鋪左假的草, 望出去

上次來開扒地，今日就約左個幾耐無見的朋友來午飯，貪佢招呼好，幾好坐，食物又有水準。一點未夠來到，已經有人在等位，好在是有訂位。今日見佢開埋露檯的門，開揚了不少，但就涼風習習。午市有幾款套餐，朋友要了咖哩雞飯，我就叫了是日特色~羊肉批。湯分別要了菜湯及南瓜忌廉湯，我的南瓜忌廉湯濃郁好味，非行貨，可惜舖面的南瓜籽是硬了一點，有點咬唔入；朋友的菜湯她說也不錯；羊肉批嚴格來說不是批，是羊肉舖滿厚厚的薯蓉再加芝士焗香，焗香的薯蓉加上肉汁及羊肉，都是不錯的配搭。羊肉無咩矂味，其實怕吃的朋友都可以試一試。配羊肉批的還有炒什菜及蒜蓉包一塊，食完夠晒飽；朋友的咖哩飯除了飯及咖哩，還有papadum一塊，好似幾認真，佢話味道都幾好。飲品要了涷Mocha 及我的例牌double espresso，香濃幼滑，俱不錯。幾位侍應是一貫的殷勤有禮，值得一讚。埋單106 蚊，加一也不收，抵食，這間樓上咖啡舖都幫襯得過的。