Pizza Pan

營業中

休息中

餐廳門面係一個開放式廚房，裝修格調高雅大方，餐桌、椅子及牆身以深棕色色調為主，配以圖書館為背景，猶如置身英式圖書館，傍晚時分用餐，人流不多，相對清靜－－－－－－1. 卡邦尼意大利粉 $50 8/10意粉份量同材料都好足，成碟意粉都係滿滿忌廉汁，餐廳亦好細心，火腿絲切得好幼身，撈埋意粉同埋忌廉汁一齊食，好Juicy，口感不錯👍2. 三文魚薄餅 $68 8.5/10呢個pizza CP值好高，絕對係隱世美食，係皮薄餡靚！pizza上嘅配料非常足，三文魚食落仲有微微煙燻味，芝士拉絲無難度，特別欣賞佢pizza邊會灑一點芝士粉，特別推薦芝士控嘅你加左$5配杯柚子蜜，杯嘢飲落偏甜，好似飲緊糖水咁，不過呢個天氣黎一杯熱飲潤下喉龍都係個不錯嘅選擇

官塘工廈區真係好多餐廳，今日收工跟朋友去試新野，呢到午餐時我都來過，不過通常都好多人，等唔到位，今次晚上來少D人，可以慢慢食又坐得舒服D，真係好正。卡邦尼意大利粉 $65 蛋黃汁夠香，有忌廉同蛋黃香味，個汁做得都好好質地不會太「傑」，意粉都爽口，整體好好食而且份量足夠，兩個人SHARE完全夠食。PIZZA COMBO-意大利經典 $86 店舖叫PIZZA PAN，一定要試下佢既PIZZA LA~ 即點即焗所以一出爐就食，咁樣PIZZA至係最正。所以我一直都唔LIKE食外賣PIZZA。呢個PIZZA2人食就O岩曬，因為大細剛好，芝士夠多又香，上面既配料都新鮮好食。讚~!松露醬帕爾馬火腿長通粉 $58 長通粉我比較料食，因為時時都整得好硬，不過今次食又覺得幾唔錯。而且呢個松露醬汁幾特別，出面比較少食得到。 帕爾馬火腿好正，好香而且都幾多片，可以盡情食。

🐈：呢間係鴻圖中心地鋪Food Court入面既其中一間餐廳，個food court充滿歐洲嘅異地風情，周圍都係歐洲小鎮嘅壁畫好靚，可以打卡👍🏻。個人認為呢個food court都幾特別，平民價錢就可以食到唔同風味嘅歐洲菜🤩，唔錯！———————————————🌟香草蕃茄肉醬意大利粉 $𝟻𝟾味道正常，粒粒肉醬🤤，蕃茄味鮮味十足🍅，個汁好開胃醒神👍🏻，只係略嫌味道偏鹹，有待改善。𓂀推介度：6.5/10 _🌟卡邦尼意大利粉 $𝟻𝟶味道唔錯，忌廉汁打得夠滑夠香👍🏻，意粉質量唔錯。煙肉煎得幾香，又多火腿。呢個價錢真係好抵食！🤩𓂀推介度：7/10_🌟北京烤鴨Pizza $𝟼𝟾個人認為呢度嘅Pizza都幾出色。成個Pizza都烤得好香💕，個薄餅底係好香嘅麵包味，咬落去脆得來又軟熟🥰。烤鴨用左鴨胸肉，配上北京填鴨嘅醬汁、大量芝士🧀同新鮮粒粒青瓜，巧味喔🥰。𓂀推介度：8/10

不嬲係觀塘諗唔到食乜時就會諗起鴻圖中心food court，今次搵到呢間，食完即刻加係我favourite list 睇餐牌唔算多選擇，但樣樣精選好多都想試環境好唔錯，牆壁花咗唔少心思，仲有應節嘅萬聖節佈置北京烤鴨pizza$68-見住佢即拉pizza批底好有心機，食落好鬆軟，fusion北京烤鴨夠曬特別，有烤鴨、黃瓜、蔥等配料好香口，仲有芝士拉絲超正三文魚露筍忌廉汁螺絲粉$60-三文魚同露筍好夾，螺絲粉軟硬剛好，簡單嘅材料就做出健康又美味嘅主菜Green tea+$15-見個樽勁靚就加咗錢試，冇乜人參味但有蜂蜜加綠茶都幾好飲價錢夠平質素夠高，會再嚟食呀！

之前都食過一次佢個二人餐，好抵又好食，今次黎就冇左了，仲冇哂啲小食😷不過意粉pizza都照殺啦！.焗肉醬千層麵 $55平時千層麵好少見，呢度竟然有，仲要$55就食到！好大量拉絲芝士喺面仲焗溶哂🤤肉醬量好多，仲多過啲面，好足料.三文魚薄餅 $68好多塊三文魚，熱辣辣新鮮焗起即上，餅底又薄又脆，好有大海嘅味道🤣最後灑喺面嘅鹽略嫌重手左少少，下次可以嗌走鹽😂😂除咗鹽之外係好好食嘅！.蜜桃茶+$8 店員話係冇添加防腐劑，好鮮蜜桃味，清清地好飲.蜂蜜人參綠茶 +$15喺美國成日見到呢支野都未飲過，原來同一般蜂蜜綠茶好似，冇乜人蔘味，我唔鍾意人蔘所以係好事🤣

Pizza Pan - 抵食薄餅今天和男朋友在觀塘逛街，行完APM和一眾工廈後，路過發現了一間薄餅店，望望餐牌，$200都不用就可以有一個薄餅和兩款意粉類，一於試試。超級夏威夷薄餅薄餅餅底有一定厚度，但又不會太乾，麵包有一定的濕度，蕃茄醬底加上芝士、三色蕉、火腿和菠蘿，菠蘿是夏威夷風情當中的靈魂人物。焗肉醬千層麵香濃的蕃茄醬汁，每層千層麵中都夾着大量肉醬，一口咬下去，層次豐富。焗卡邦尼意粉醬汁滿滿，表面佈滿火腿片和煙肉片，忌廉感十足的卡邦尼意粉。蜜糖綠茶非常靚的一枝樽裝飲品。

Pizza Pan@觀塘又係鴻圖中心呢排都成日留係觀塘做野晚上好多工廠大廈食店又吾開食自己都係快快搞惦自己啦所以又諗到呢度的food court白汁蜆肉意粉係喜出望外的😱即叫即整意粉煮得熱辣辣意粉軟硬度適中白汁的濃郁度調得剛剛好 吾會太稀 又吾會太濃每一條意粉都掛上白汁食完個底吾會剩好多汁廚師廚藝有番咁上下水平蜆肉份量都幾足呢個意粉係好有驚喜另外食完吾會口乾 呢個都值得讚👍🏻下下次可以試埋即焗Pizza

呢排某大連鎖快餐推素肉，我都試下食多d 素先。觀塘 #pizzapan 有多款pizza，除左平肉類款之外，仲有素食選擇。睇下menu 有多款pizza 🍕 揀。今日揀左個 ＃汁菌松露pizza (白汁素食)🍕 我最鍾意食黑松露，成日食黑松露意粉或飯。pizza 超香口，pizza 佈滿菇塊，仲有非常抵食🤩 ，只需＄68。而且雖然係一人餐，但都好夠飽，大份又抵食。😍加埋罐西柚汽水，享受一個寧靜的晚上 環境一流，有 #意大利 ＃威尼斯 的畫做佈景，彷如置身意大利，食住pizza 個feel 勁正。非常值得推介性價比超高嘅餐廳。

官塘鴻圖中心都真係幾多嘢食，有一間薄餅店叫Pizza pan更是最近的最愛，鍾意食薄餅的我又點少得嚟呢度試吓佢嘅Pizza。首先講吓呢度嘅環境，雖然有少少似foodcourt，但其實裝潢得都好有特別嘅風格，有一些歐陸的風味加上書卷的氣息，坐喺到堂食都可以打卡唔覺得兀突。同朋友特登落嚟打包翻舖頭食，點了好多東西，主打pizza 點了有意大利經典（義大利香草茄汁，芝士，義大利辣香腸，波菜），蘑菇松露pizza(蘑菇汁，芝士，奶油忌廉汁，松露油，火箭菜），煙鴨胸pizza (義式香草茄汁，芝士，煙鴨胸，海鮮醬，黃瓜，焦糖洋蔥）。幾款pizza 都是新鮮烘培的，所以落單後都需要點時間。除了pizza, 還點了焗田螺特色荷蘭汁，焗卡波尼意粉，焗義式傳統千層面。真係好多不同野食，豐富到極。拎到返鋪頭，首先試試這個pizza, 每塊都大大塊，超足料有夠味，香脆的薄皮加上不同款式的味道，我覺得款款都好味。千層面同意粉做得夠爽口彈牙，千層面做得出外國餐廳的水準，意粉亦是有正常餐廳的水準，係這個場這個價錢的食物真是難能可貴。焗田螺也不是到處有得食，口感彈牙，是不錯的配菜。呢度其實都唔少人來食野，大家來到鴻

我們今日於觀塘工作完畢後想食pizza，見此店裝潢舒適光猛，坐位寬敞，於是決定食呢間。我哋點了一個二人套餐，套餐包括有一個pizza、一碟意粉、一份小食同飲品。我哋選了夏威夷Pizza，Pizza是即叫即焗，餅底是比較薄的，味道香而脆；白汁蜆肉意粉的醬汁多而且意粉都煮得很好，口感不錯；田螺配特色荷蘭汁有驚喜，味道濃郁，加上配搭蔬菜，健康又好味。總括而言，呢個二人套餐份量剛剛好，而且十分經濟實惠，味道亦不錯，下次來到呢區，不妨試一試！

👧🏻😋👅🍽✨.🦆🍕 北京烤鴨Pizza $68✨fusion菜將北京填鴨放咗落Pizza，京蔥、青瓜同埋烤鴨醬就一梗一樣，鴨肉就取巧地用咗鴨胸，皮就當然變咗Pizza底啦，有新意👍🏻✨果然係手工pizza，質地唔錯好鬆軟，啲芝士亦都係錦上添花.🧀🍖🎾 芝士焗肉丸 $28✨勁正呀！大大粒，入面好Juicy✨啲醬都幾多，每咬開一啖都點醬都得✨又有邪惡芝士.🐚🧀🥔 焗釀田螺 (6隻) $32✨田螺配薯蓉同沙律菜✨沙律幾新鮮✨薯蓉中間有啲薯粒，會感覺比較有口感同飽肚.🧃🍵 果汁特飲 $22 / 枝Green Tea with Ginseng & HoneyLemon Iced Tea✨呢個牌子成日見到餐廳有賣，今日第一次試✨茶味重又不失果甜.#pizzapan #牛頭角美食 #牛頭角好西 #觀塘美食 #觀塘好西 #hkfoodie #tgead西餐

今日放假，中午帶姨甥仔去觀塘工業區行街,行完之後見到有道唔太顯眼既門，入咗去原來一個foodcourt, 入面有唔同嘅餐廳，問姨甥仔想食咩，佢話想食pizza。於是就見到有間PizzaPan。先睇吓嗰個餐牌，一個Pizza先至$78，嘩真係覺得好抵。於是就上前去order，兩個人叫咗兩個小食，分別係蕃茄芝士焗牛肉丸，超多芝士係表面，巨型肉丸，比乒乓球還大粒，咬一啖好多肉汁，比起連鎖店PH的豬肉丸好味好多,另外一個小食係係法式薯蓉焗田螺，田螺肉好彈牙，薯蓉配上特製醬汁，不錯。少不了的Pizza超級夏威夷至尊，超簿脆餅底，即時係面前同係逐樣配料加，最後撒上滿滿的芝士碎蓋滿其他材料，未焗熟都已經流口水，即時入爐焗製，熱辣辣，姨甥仔好開心玩拉絲，正！最後係炒肉醬意粉，現場炒意粉，意粉口感硬身我鐘意，只是肉醬若能夠再多點和味道濃點，相信會更好味。😋😋

黎到觀塘鴻圖中心既food court，好多餐廳選擇😍今次就試左Pizza Pan先la🥰見到個2人套餐几抵，就叫左黎食，即叫即做Pizza，好正ar😝為食餐單: Combo Menu 2人套餐🍕 $188-Pizza Pan Meateor🍕(+$10) 依個Pizza Pan食肉獸材料包括BBQ汁、芝士、莎樂美腸、意大利辣香腸、肉丸、車厘子、三色辣椒😊材料好豐富，仲有好多肉，真係食肉獸之選😂每啖都滿滿醬料同食材，味道好香好多層次，好juicy，依個pizza我同fd兩個人都食唔曬，好大份🤣-黑松露磨菇意粉🍝黑松露味好香濃，好多好多磨菇，仲有好多濃郁醬汁，成個意粉都好香好好味啊🤤-焗田螺配特色荷蘭🐚田螺隻隻大大隻，俾又厚又滿既特色荷蘭汁蓋住，好creamy又香，田螺好爽口彈牙，味道口感都一流ar🤩-熱檸水、熱柚子蜜🥤食下pizza飲下甜甜酸酸飲品好解渴又開胃👍

自從發現鴻圖中心有個高質food court，就多左去呢到搵食。仲爭幾間未食過，今次揀左Pizza Pan！開源道街過去唔洗10分鐘，好方便架。由於Pizza 係即叫即製，所以要等15分鐘，如果去食Pizza Pan 就要預留多少少時間喇。仲有，鴻圖中心冷氣比較大，記得帶定件褸去呀😊#超級夏威夷 有煙肉、火腿、菠蘿、青椒、黃椒 5種配料，落完單店員即刻拎個粉糰出嚟搓，好新鮮😆。配料都落得幾多下，望落好豐富！pizza 🍕 焗得好脆好香口，菠蘿🍍大大粒好juicy，性價比👍🏻👍🏻👍🏻#蕃茄辣汁大蝦意大利粉呢個意粉🍝真多蝦🦐，5隻大大隻，只能夠講好足料！但就唔係太食得出有辣咪，不過無所謂，有蕃茄汁已經好開胃。#芝士焗肉丸有長洲魚蛋咁大粒嘅肉丸，好香香烤味。我分唔到係牛肉定豬肉，可能係mixed都唔出奇。口感鬆軟得黎都幾彈牙，仲有超級多芝士🤤 飽晒！二人餐仲有一個主食一份小食+兩杯飲品🤤，lunch洗唔洗咁豐富呀？不過咁好食又係值得留quota 醫肚嘅😜

晨雨一揮 幸而避過雨後帶清涼 天公更作美牛角站起步 兩個字剛好友伴午後聚 距離稍微遠難得一小聚 無阻好心情工廈聚腳地 忙中一息閒偷閒加油站 更帶點邪惡😈人氣必點意大利經典芝士 茄醬底 辣肉腸 經典組合拉芝效果不強 幸還能拉小芝濃烈芝郁香中 不失開胃茄香🍕🤤二人套餐 薄餅擺頭 意粉作伴招牌松露意粉 每口足料松露香 一一散發口腔中口癢 還有小吃擺尾即叫即焗田螺蒜香 荷蘭醬汁 高溫拌焗墊底薯蓉 更是主角😋吸盡螺香醬料精華🤩我倆大愛🤤