Picoso

營業中

休息中

今日比較早就到左，所以有好多位。但係後來就越黎越多人喇，所以想黎就早d喇。之後打開menu。menu有各式各樣既午餐，而且價錢都唔錢。我地就一人叫一個餐喇。首先係牛肉配墨西哥飯，當個餐一上，就覺得真係好有墨西哥既感覺。佢唔係一般西餐廳個種淋上醬汁既扒，而係墨西哥風格既牛扒。牛醃得唔錯，切成一塊塊可以直接放上飯上面。飯唔係白飯黎架，所以個口感同味道都好豐富。加上菜同粟米，個配搭好新奇但又好好食。第一次食墨西哥既餐廳呢！另外，我係叫左雞扒架，佢係烤左既雞扒，加上醃料，好香口好好食架。至於飲品，我地就無叫到特飲喇，所以係凍檸茶，哈哈。總括黎講，好enjoy呢次午餐，會再黎幫襯。

Smoked Pulled Pork Big Burrito ($72)連飲品Burritos 個皮比較厚，內餡包左大量煙燻手撕豬肉、cheese同豆蓉，面頭有牛油果醬，再配上紅蕃茄醬。仲有配菜炒玉米粒+洋蔥+雜椒。味道中規中矩，如果塊皮烘一烘就好了。烤雞肉絲墨西哥薄餅($72)連飲品烘過既薄餅皮包住比較濃味既芝士、烤雞肉絲、蔥碎、蕃茄粒，面頭同樣有牛油果醬，個人認為比Burrito 更好食！

星期六下午1點去到餐廳門口，明明佢個牌都仲寫係營業時間，但關左門，擺左個closed既牌，立即打電話去問，接聽個位竟然話今日唔開，一句解釋都無，雖然好無奈，但諗住算數，轉去食程班長，等緊程班長既時候，見到啲人竟然係間「今日唔開」既餐廳到行出黎，仲見到入面有人食緊野，又唔似係包場，因為啲人係兩三個咁行出黎，同埋望入去啲人好似各有各食咁，講真，就算真係俾人包場，其實都不妨講出黎丫，何必要講大話話「唔開」呢⋯⋯😓😓😓

工廈特色墨西哥菜諗住黎荔枝角呢邊嘅工廈行下d傢私店, 順便search到間墨西哥餐廳, 香港真係比較少墨西哥菜, 我自己都唔多食, 今日一於試一試佢先! Picoso 喺工廈上面, 雖然店仔細細, 估唔到好快坐滿人! 我地叫左兩個lunch set, 一個係手撕豬肉大捲餅, 一個係黑松露芝士忌廉磨菇飯!個大捲餅好足料, 大大個, 真係幾飽肚! 味道都唔錯呀, 頗有墨西哥風味, 係略嫌包住嘅醬多左小小, 豬肉就相對較少!黑松露芝士忌廉磨菇飯, 醬汁好creamy, 好香松露味, 我覺得個汁好好味, 不過個飯就用左我最唔鐘意嘅芫荽>< 呢間餐廳免收加一, 中午都幾抵食喎~

一向都鍾意墨西哥菜，尤其佢果個牛油果醬，呢間餐廳係荔枝角工廈一樓，上面有好多食肆，去到真係幾大開眼界而呢間餐廳開係僻少少既位，係巷尾，裝修幾有墨西哥feel到主角上場，我最愛既墨西哥薄餅！餅皮煎得夠香脆、豬肉蓉有少少辣味，夠香口惹味、裏面仲有啲溶化咗既芝士，既邪惡又令人慾罷不能、牛油果醬又夠清新，呢個墨西哥薄餅我比滿分！係我手上攞滿分唔易架，我去食lunch set，墨西哥薄餅加一杯飲品$72，午餐黎講算中等價錢；如果你都鍾意墨西哥菜，不防去試下

荔枝角億利工業中心出名多好野食，呢間門面小小的picoso都唔例外。上個禮拜六，我同男朋友唔等𨋢，行樓梯上一樓，在門口等咗一陣就被安排入座，仲要係經過廚房行入一間小小的房入面坐，真係好旺！不過房入面個環境就無出面咁靚，同隔離枱又坐得有點近，侍應們又好忙所以唯有自己拎menu，不過！食物質素係好到可以拯救服務同環境的！Lunch menu都幾抵食，我揀咗L5海鮮烤玉米餅皮卷Seafood Enchilada ，而男朋友就揀咗牛肉燴飯，都係上上之選。全日免加一，有飲品送，唔夠飽可以加十幾蚊升級，飲餐湯餐包或者加沙律。總結：黎開荔枝角可以一試。

本人係荔枝角返工 每日都會搵唔同既野黎食而第一次食依間餐廳係一個意外黎既本身係想食隔離間程班長 但因為人太多就試下依間墨西哥野 加上荔枝角既墨西哥餐廳真係冇乜選擇因為我本身都係一個牛油果控每次係餐牌上見到牛油果都忍唔住叫而我第一次食Quesadillas墨西哥薄餅之後就不能自拔我揀既係蘑菇味墨西哥薄餅中間夾住芝士同蘑菇上面有牛油果同蕃茄外面既墨西哥薄餅夠乾同脆芝士都夠既上面既牛油果同蕃茄都好正唯一唔好既係 牛油果唔夠(對於我黎講)

提早慶祝父親節，星期日專程搭車出黎食墨西哥菜，原來星期日都有午市套餐連飲品，另外加$13有餐湯加芝士麵包，湯好清淡，可以唔叫散叫左墨西哥必點玉米片nachos 約$12x，好大碟，一定要襯熱食，雖然凍左D nachos 都好脆，但d芝士就硬左。食nachos最中意就係蕃茄，洋蔥，牛油果咁既配搭😋午餐-煙薰手撕豬肉墨西哥薄餅 $72 最好食，熱辣辣上枱，好惹味午餐-墨式香烤雞肉飯 $69，雞扒好乾身，飯比較硬身，味道一般，但隔離個一大pat牛油果，就好啱口味

早前已經留意到這家店，今日終於跟同事一起試吃。沒有吃過墨西哥菜，所以不知道是不是正宗，我們都覺得味道不錯（椰菜牛肉卷&手撕豬肉配薄餅），除了那個地道辣椒燴牛肉飯有點伏。第一不辣，第二牛肉好似五香肉丁咁款......會再黎幫襯，但一定唔會再點燴牛肉飯

慶祝情人節 唔想挨貴套餐 所以去左公司附近既Picoso之前係午餐都試過一次 價錢唔貴但好好味 今次晚餐去 就可以食豪少少 首先叫左個炸蟹肉餅 有2塊 即叫即炸 上台熱辣辣 再配上特色醬汁 入面有墨西哥辣椒同埋 蕃茄粒。好味道配上 沙律 減低油膩感墨西哥菜好歡喜咩都加salsa 醬上面有大量蕃茄 本小姐大愛蕃茄 所以好合我口味Nacho 係食墨西哥菜必叫 我另外加埋烤牛肉上面有大量芝士 同牛油果醬 好罪惡呀 但上面都有唔少既墨西哥辣椒 salsa醬 同粟米粒balance 返 Nacho 唔同平時食開個的 有紅色 綠色 食家曾經去過 Santiago 話個邊既野都好鐘意色彩繽紛 呢個菜絕對要趁熱食 如果唔係放耐左 芝士凝固左 就會好難食 本小姐大愛粟米 所以就叫左呢個粟米既特色小食將粟米烤好 食既時候裹上特製既沙律醬同芝士粉 粟米唔係新鮮粟米 唔夠甜 無咩特別 可以唔叫 到本小姐既大愛墨西哥薄餅 餡料係手撕豬肉 上面又係有滿滿既牛油果醬 手撕豬肉 軟軟的 醬汁咪濃 我KO 左一半 正呢個係食家指明要叫既 果然無令佢失望 係用tacos 皮包住肉碎同紫椰菜 食家一放入口就大叫正宗 我試左

食左一次閉門羹第一次去根本冇開……onpenrice 個營業時間唔準食左閉門羹回報左宜家正常可以放心去個妹妹都好nice 對有選擇困難症既我都非常有耐性咁解釋黎到真係好加分加分還加分……但係D野食就真係……有好大進步空間墨西哥海鲜飯……入邊D青口……竟然有沙……蟹餅~可以试既~但算5上好食，但又唔難食既芝士雞……就真心小小揾笨……芝士……但係做5到拉絲D汁……係配蟹餅既醬汁另外+左D芝士……咁就叫芝土雞……個汤就似姜汁汤……可能眾口難調啦~希望下次可以有進步

情人節食飯一定貴，成日食西餐更覺悶所以今年特別揀左呢間食墨西哥菜既小店作新嘗試，唔使硬食貴價情人節餐單之餘，亦唔會特登加價，發現都唔錯喔! 幸而一早book左檯，鋪面細細，大約只有20個位，全晚座無虛席!大蝦芒果沙律︰新鮮甜芒果+雜椒+沙律菜，配上秘製醬汁，酸酸甜甜好開胃最欣賞佢果幾粒大蝦係經過燒製既，食落仲暖暖地，肉質又彈牙墨西哥薄餅︰賣相吸引薄餅餡料豐富，夾雜芝士、手撕雞肉、雜菇及洋蔥碎，加埋鋪面既牛油果醬同蕃茄粒，雖然會有少少漏，但係好味到令人忍唔住一塊接一塊咁食落去!墨西哥西班牙炒飯︰海鮮配料相當足夠，有蝦、青口、厚身三文魚塊、魷魚等，濃郁既墨西哥香料味滲入飯粒內，微辣，口味偏重，可惜香料味道太特別，不是我杯茶牛油果奶昔︰奶味偏重，無咩牛油果味，有D失望 !

這次和友人要到荔枝角有事要辦,友人很有心地特意上網搜羅了這間墨西哥餐廳。穿過一堆工廈,來到億利中心。有別於一般工廈茶餐廳,同層還有好幾間特色食店。點了柚子大蝦沙律。新鮮大蝦和柚子配上特製的醬汁,很清新開胃。這道算是墨西哥菜嗎,哈哈。另外還點了墨西哥卷和豬柳飯,不清楚是否屬於很地道的味道,但味道是不錯的。羅宋湯很濃郁,材料十足,配上附上的蛋包,感覺滿足。羡慕這間工廈有這類型的食店樓層,這裡的上班朋友除茶餐廳外,還有這些好選擇。

同朋友打算去荔枝角睇展覽就決定o係附近覓食～佢send左三間餐廳俾我揀～有西式，台式同墨西哥菜見倒Picoso 好評好多，同埋墨西哥菜好似好特別咁就決定一試！lunch time 時段到達～鋪頭唔大，座位有限，當日店員好忙分身不瑕冇得拎定飛～要o係門口排隊等左一段時間先有位同安排位置雖然地方唔大，但內裡裝修有花心思～lunch menu好多選擇～比較少食墨西哥葉對menu 上ge 食物有點陌生不過店員好貼心，另外有張凈係食物圖ge menu 可以對住黎揀～ 讚墨西哥薄餅～煙燻手撕豬肉咬開個薄餅～麵粉皮包住拉絲ge cheese好惹味啊～手撕豬肉份量都好多每塊都厚一厚～ 啖啖肉表面再蓋埋牛油果醬同碎蕃茄粒令人忍唔住一塊接住一塊！朋友都讚不絕口！地道辣椒燴牛肉飯原本怕會有d 辣，點知原來唔辣～太好喇牛肉肉質嫩滑附上粟米片黎點醬食～yummyLunch menu 80蚊左右包野飲食物質素好高同朋友食完之後都話要再黎食啊！仲推薦俾其他朋友添～雖然人手唔夠，但食物質素係值得耐心等候

知道會過嚟荔枝角做野，而好姊妹又係個頭番工，一於約埋一齊食個晏見一見。好姊妹帶左我嚟億利工業大廈到食。唔嚟都唔知宜加啲工廈甘多樣化，開左好多唔同形式嘅商舖同餐廳。午餐時份，店舖唔多座位，坐無虛席，甘多人嚟食實冇死。一上碟2份望落都比較細碟，但原來食落係夠曬飽嘅。紫椰菜牛肉卷:玉米餅包住海量般嘅牛肉絲同埋紫椰菜絲，配菜有烤夢薯件同捏雜菜沙律律，加埋自家調味嘅蕃茄汁，好味呀。海鮮烤玉米餅皮卷:玉米皮包住蟹肉絲，粟米，洋蔥，椒粒，外層有飛層厚厚芝士，上面有再加啲牛油果醬同蕃茄粒，再配蕃茄醬。好好味呀。午餐附送檸檬茶/水。第一次食墨西哥菜，原本以為會又辣又重香料，但原來同我想像好唔同，仲好好食添，有機會嘅會再試下唔同款嘅菜式。