Picoso

營業中

休息中

平時放工都想搵個地方HAPPY HOUR, CHILL一CHILL, 朋友發掘到呢間工廈墨西哥菜! 價錢都好合理, 就黎食個happy dinner!Pulled Pork Nachos $104呢度既nachos可以簡唔同的配料，我地簡左手撕豬肉，有肉咬下，增加左nachos的口感!-Wings of Fire $48香炸雞翼配蜜糖汁，辣辣地好惹味！好岩飲啤酒～-Picoso Style Corn $42將粟米燒好　再點上特製既沙律醬同芝士粉～-Soup of the Day $32蘑菇湯，濃味d會比較好～-Mexican Paella $178同平時西班牙海鮮飯好似，不過我鐘意呢個飯粒比較乾身，海鮮亦好足料，有大蝦青口三文魚魷魚等等～雖然舖頭環境細細，人手亦都唔多，但係服務都好好～下次黎要試下墨西哥薄餅！

墨西哥餐係香港算係比較少去接觸，今日特別同朋友一齊嚟試下，仲有啲期待。點知....煙燻手撕豬肉薄脆，其實係真心覺得係有少許奇怪，唔知係米太多汁，加上牛油個味好咸，完全唔知自己食緊咩。

最近荔枝角附近都開了很多食肆,呢日收工於是就約朋友來到D2 Place 對面的大廈食飯啦。我地選擇了一間食墨西哥菜的餐廳,餐廳地方不大,只有幾張台,不過裝修幾特別,座位都算舒服。我地叫左一個芝士玉米烤焗捲餅 $78 另外加左煙燻手撕豬肉$16捲餅賣相還可以,不過唔知點解外面有一大灘漿汁,令到個捲餅好濕,味道普通。墨式大蝦雜錦海鮮芝士焗飯$118墨西哥燒雞$148燒雞賣相幾好,不過味道有點淡。整體而言,是一個可以放鬆食飯的地方。

收工同男朋友去荔枝角搵食因為我地係外食族嘅關係成日食日本菜、西餐都好厭所以就諗住嚟試下墨西哥嘢～（曾經喺美國食過捲餅，好懷念啊～🥺）我地叫咗一個沙律、一個捲餅、一個小食，同埋兩杯飲品～沙律真係好好味芒果汁份量啱啱好恰到好處蝦同沙律菜好新鮮然後！木瓜真係好好味！！！淋淋地，好夠味，好好味🌸❤️捲餅都好出色我地加咗牛肉絲同捲餅芝士mix埋一齊食真心好好味入面啲醬料幫手吊味真心讚如果放得耐會Totilla皮會變淋，所以建議趁熱快食😆🤘至於炸魚薯角個人覺得一般魚肉幾好係炸粉太厚薯角就冇乜特別飲品果醋梳打太甜太重味同埋我唔太鍾意個味道反而柚子梳打嗰杯甜度啱啱好加埋迷迭香多個味道總結嚟講👻食物Okay 係中上質素三五知己嚟食最好可以share唔同嘢食好想講店員超級有禮貌嗰晚得佢一個人做踢晒腳對客人仲係好有禮貌辛苦晒🙈🙈🙈

前天在長沙灣工作。找到了這家吃墨西哥薄餅的。不是街鋪是工廈樓上鋪。便決定一試。裝修有一些墨西哥畫及牆飾。但不是好高檔的級數。我點了烤雞薄餅。內有很多豆蓉，雞肉也不老剛剛好。味道也很好適合香港人口味。只是要用手拿起來吃有點不方便。價錢尚算合理。有機會會再來。

朋友生日話想試下食墨西哥野，於是就上openrice睇下有咩推介，picoso環境好舒服，細細間啱曬朋友黎吹水食飯，職員好有禮貌，雞翼肯比我地用優惠價拼2款！最中意就係小店呢種人情味，其實我覺得佢啲野食全部都幾好食，不過最中意一定係個薄餅quesadillas，配咩餡料都好食，豬肉就鹹鹹地，蘑菇就大粒好咬口，皮烤到微脆，我地都叫左2碟，跟住係蘑菇意粉，芝士醬汁好濃郁好creamy, 配菠菜同唔同種菇，份量適中，食落去唔似平時普通白汁意粉，大力推介！仲有雞翼我地揀左雙拼，中意食酸可以叫水牛城，墨式香炸都好脆香口微辣，其他焗飯同芝士雞都好好味！第一次食墨西哥野好印象深刻！一定會再黎食！

今日同朋友慶祝生日就嚟食墨西哥菜，叫咗兩款墨西哥薄餅分別有蘑菇同豬肉餡，上面有牛油果餡同番茄粒都幾惹味。另外個黑松露蘑菇忌廉意粉都相當好味，驚唔夠食就諗住帶多個意粉，叫咗青蕃茄意粉，可能味道唔啱我哋大家都話麻麻地。另外蕃茄豬扒飯都麻麻哋，但蘑菇忌廉飯就唔錯。最後叫咗水牛城雞翼加蜜糖雞翼蜜糖雞翼都OK嘅，但水牛城雞翼辣嫌佢太酸。另外因為帶咗蛋糕上去，就要收切餅費$30。不過員工服務態度好好我哋坐好耐都唔會趕我地走仲會幫我地加水。

好少食墨西哥野, 因為有少少怕果D香料味, 至多都係食下NACHOS聽朋友講呢間墨西哥野都幾好食, 今晚近近地就去左試下。不過今次得2條友, 就無食NACHOS, 因為見到好大份, 叫左1份雞翼, 墨式海鮮飯, 手撕豬肉漢堡, 同埋1個牛油果奶昔~雞翼炸得幾好食, 本身調味唔多, 配埋佢個醬就甜甜辣辣咁, 幾好食! 隔黎D沙律好FRESH!睇個樣覺得呢個墨式海鮮飯同平時西班牙海鮮飯好似, 其實食落都有D似, 不過飯粒會乾身D, 我地再加左D辣醬就更加惹味! 而海鮮都幾新鮮, 蝦肉果D都好彈牙! 手撕豬肉漢堡用既唔係平時既漢堡包, 似似地平時既法包, 幾有口感, 而入面既 手撕豬肉帶有甜味, 配埋洋蔥果D都幾夾! 牛油果奶昔唔太甜, 好香好滑

長沙灣億利大廈，最為人熟悉有程班長，原來同程班長同層有間是食墨西哥菜式的小店。牛油果食得多，牛油果奶昔第一次飲，飲第一啖覺得怪怪的，但飲落其實幾好飲，濃郁的牛油果香，質地好滑，味道唔甜，是一個非常健康的奶昔飲品黑松露雜菌蘑菇白汁意粉，意粉掛滿杰度剛好的白汁，相當creamy，白汁跟黑松露的味道好夾，黑松露的香當然係呢個意粉靈魂之一，雜菌蘑菇相當足料，意粉口感爽口，整個配搭非常美味。西冷牛扒鐵板燒配薄餅皮，呢個主菜墨西哥風味出晒黎，用薄餅皮包住牛肉，洋蔥再加入牛油果醬，酸忌廉，同埋蕃茄，味道層次豐富，牛肉嫩滑。

這餐廳服務予我感覺非常好，是與朋友聚會的好地方！於這裡你不會被逼吃得很快後被服務員趕忙收走餐碟，絲毫沒有被催促的感覺，於香港餐廳內真的很難求。店員適時給予服務，看到我們餐碟有點髒來給我們換乾淨碟子，我們坐兩人桌食物來到不夠位置放了，店員看店內有四人桌提議讓我們換位置過去。這些服務很貼心而且於收費較平的餐廳很難得！三文魚鐵板燒 $148用鐵板上菜最大的好熱是食物能保持溫度一段較長的時間，三文魚加了特別的香料味道，洋蔥已全熟至半焦糖狀態，散發出甜味。將餡料夾著軟熟餅皮及加入牛油果、蕃茄醬汁與酸忌廉捲著吃，風味特佳。墨式香炸雞翼 (4隻) $48雞翼胖嘟嘟的，炸得外層香脆內裡仍保持水份，配上香甜蜜糖汁是一道很美味的小食。墨西哥薄餅配雜菌蘑菇 $92由於朋友對牛油果敏感，向店員說明後他們貼心的將配料分開上，靈活照顧客人需要。餅皮烤得脆脆的，餡料內有大量芝士，墨西哥菜少不了蕃茄拌洋蔥、牛油果及酸忌廉等靈魂人物。味道很好。牛油果奶昔 $48作為一名牛油果的粉絲，由主菜到飲品也有牛油果在內是多麼幸福的一件事阿~ 不愛飲品加甜的我查詢可否走甜，店員也OK！這樣可以喝到最純粹的牛油果味道~ 但走甜初心者

好少出呢到食野，今日上網搵到呢間試墨西哥菜。呢間店既店面唔算好大，裝修得幾有氣氛。黎到呢到梗係要叫墨西哥玉米餅，一份有兩塊，裡面好多陷，有洋蔥蕃茄酸酸地食落好開胃，佢仲有配一個source都係有少少酸酸地。成日睇電視見啲人食，我地仲叫左nachos，佢一樣都係有好多唔同既醬料，不過就同墨西哥玉米餅既差唔多，如果想唔同啲可以加配唔同肉/蘑菇。佢份量都幾多，兩個人都唔係好食得晒。最後就係招牌墨式西班牙焗海鮮炒飯，佢個飯係蕃茄底，不過就唔會好濕，都係偏乾身，裡面既海鮮都幾足料，青口好大隻，唔錯！

上次呀媽同frd食完呢間picoso話覺得好好食, 所以同我再食多次! 其實我未食過墨西哥菜, 所以唔知咩叫正宗, 不過今次食既幾樣野都覺得幾岩口味, 唔會太重口味, 好好食!!雖然舖頭得1個樓面, 不過服務好好, 有問必答!加分!!quesadilla 加牛肉, 上麵有d 牛油果莎莎醬, 牛肉唔鞋口, 薄餅少少脆, 感覺唔油膩, 食落唔乾, 好食!脆tacos, 呢個無加配料, 入面已經有好多野, 有d唔知咩豆醬, 菜, 洋蔥等等, 個tacos烘完超好食, 配埋入面既醬, 口感好豐富, 又凍又熱咁好fresh!!大蝦沙律都好好食, 芒果好甜, 個汁都fresh, 大蝦真係好大隻......

一向都好鐘意食wrap，甚至時不時都會自己包wrap食，不過內餡就唔正宗。今次經朋友帶路 第一次係香港食墨西哥Burrito。呢間墨西哥餐廳位於荔枝角工廈 程班長隔離，分別試試左佢地嘅taco同burrito。 內餡分別有雜菌 烤雞肉 手撕豬肉同烤牛肉選擇Burrito揀左雜菌 入面有豆蓉同芝士包左好多內餡漲卜卜 係滿滿嘅蛋白質面頭就有牛油果蓉同蕃茄酸忌廉 夠晒清新Taco就揀左手撕豬肉 手撕豬肉嘅份量好多好足料 調味到好惹味食落帶點甜味 啖啖肉咁食好滿足同樣都有配牛油果醬同番茄酸忌廉鷹豆醬嘅份量就比burrito少 個人比較喜歡呢款如果接受到鷹豆醬嘅大家呢個一定好岩食🤙🏿另外Lunchset會比晚市單叫平好多，宜家工廈真係越黎越多特色餐廳 要好好發掘一下！

今晚又去工厦食好野，Picoso墨西哥餐廳位於茘枝角內工厦，交通方便容易找。門囗有别緻墨西哥擺切。店內以木系較深色調為主，牆上掛飾好有異國渡假感。讓人舒適和放鬆的空間。餐牌上頗多選擇，花多眼亂朋友選套餐。鲜芒果汁木瓜大蝦沙律。擺碟不單顏色豐富，而且沙律菜新鲜，大蝦肉質弾牙和芒果汁酸酸甜甜好開胃。墨西哥手撕煙燻豬肉薄餅。薄餅香脆夾住半溶芝士和煙燻豬肉，再加厨師特製牛油果醬令其提升不同層次囗感。水牛城雞翼配酸忌廉。略帶微辣配酸忌廉味道不錯。墨西哥燒雞半隻。半隻份量都不少，燒得夠香肉質juice.飲品亦多選擇，柚子和果醋梳打，消暑清新。值得—讃食物配搭擺放有心思，好睇又好食

小妹今日為左D2周末市集遠道而來到荔枝角，由於小妹真系太少去呢頭喇，所以特登去左bookmark 左好耐的墨西哥餐廳Picoso 食埋lunch 上次食程班長個陣無意中發現左呢間裝修好有墨西哥風情的小店，原來就系D2 place 隔離，食完去行街真系perfect 池Menu都幾多野簡，價錢系西餐黎講真系唔算貴<油醋香煎大蝦芒果沙律$138>由於嗌左兩個捲餅好似有D heavy，前菜叫左個沙律黎氈下肚先油醋沙律酸酸甜甜健康得黎又開胃，加埋芒果陣味好fresh，大蝦🍤彈牙，食得出新鮮野黎<墨西哥大捲餅(add mixed mushrooms)$86>Wrap 真係小妹最愛，次次去親外國旅行都會大吃特吃，畢竟平時系香港食真系有點貴今次黎到Picoso 見到有墨西哥style 的wrap，小妹一定要試下同平時食開有咩唔同先Wrap 皮同西式差唔多，反而個餡真系大有不同，墨西哥style 入面包左妹多荳蓉，食落口感有點似芋泥，加埋炒香左的雜菌，幾岩小妹口味<芝士玉米烤焗捲餅(add grilled chicken)$92>芝士烤焗捲餅比起普通捲餅