Picoso

營業中

休息中

今晚同幾位朋友去到呢間餐廳試吓墨西哥味道 間店地方非常細 坐得也不太舒服 地方比較逼夾 我們就坐在廁所旁邊 我哋叫咗兩款沙律 味道同份量都算OK 另外在叫左墨西哥的夾餅 有草菇及牛肉好味 份量及味道都算非常好 另外再叫左個BB豬仔ribs 味道做得不錯 另外當然要飲墨西哥啤酒 整體來說 食物質素味道都算係幾好 服務也算OK 唯一敗筆的就是地方太過狹窄 坐得不太舒服 枱月台之間 都算擠迫 但順水兩食物質素及服務 整體都算不錯 如果大家未試過 不妨一試

長沙灣同以前真係好唔一樣。唔再係工廠區，多咗好多商場、地鋪餐廳。而億利大廈更加係餐廳集中地。今次就揀咗呢間墨西哥特色餐廳。環境：大部份位都有人訂座，我地被安排到一間要通過廚房先到既小房間。幾得意。服務：店員都好Nice, 有問必答。食物：招牌特色蟹餅即叫即整，熱辣辣，切開裏面一絲絲蟹肉，外面脆卜卜，非常香口。Nachos 配牛油果醬，蕃茄，芝士，好食。玉米餅皮卷粟米餅皮夾住芝士、牛肉、荳蓉、雜椒……食完好飽。Overall 幾好食，幾有特色！

每個星期五都會同同事出去食LUNCH, 附近大小餐廳都食過, 而家先開始寫食評有D 遲, 不過好過無XD呢間食墨西哥o野比較特別, 之前已經食過兩次, 每次都唔失望(無咩寫食評經驗, 食o個時唔記得影相…)間o野細細, 位就坐得唔多舒服啦, 不過服務好, 最重要d o野好食!!! 都睇得出佢盡量想令人坐得舒服d~我地6個女仔share食, 叫左雞豬牛各味o既墨西哥薄餅, 個人覺得豬同雞好食!!!仲有脆脆片, 墨西哥卷等等, total 叫左6個set, 首先一定食得飽~ (我地6個女仔都好大食)而且有驚喜, 好好好好味! (唔識形容, 總之食完想再食)仲要唔貴!!! (呢區7-80蚊, 只可以食到一般o野)到現時為止食左3次, 每次都好盡興, 每次都想"不如下次試新menu", 不過最後都會叫返o個d, 因為抵受唔住太好食o既引誘XD 不過唯一問題係, 要提早少少book位.有次星期五當日朝早book, 都無位了~然後我地之後醒水會提早一個星期book XD以後都會再來~

平時一個人食程班長 已經見到系巷尾有間西班牙餐想食好耐 今次捉個朋友陪我試 地方仲細過程班長得十幾個位 繁忙時段一定要訂位牙 因為眼見三張留左位 所我地速食好多前菜想食 蟹餅又系必食點可以吾嗌 蟹餅炸得好脆蟹肉好多好香好濃一d都吾渣流攤鐵板頂級牛扒 熱辣辣幫牛扒keep hot 底有大量洋蔥又吾怕燶 牛扒好實在又吾會多根有骨 配牛油果/蕃茄汁/乳酪 包住食好french hot item 烤雞墨西哥薄餅 脆脆的包住好多芝士如果系拉芝更好吾選擇烤雞/烤豬/烤牛/雜蘑菇 等等 ....我地選擇左烤雞 但覺得烤雞太小喇 只系食左濃濃既芝士 不過都好好食我地見到隔黎枱嗌左一隻大雞脾好似好好味咁 下次一定要試

中午時分，本來想同同事去程班長台灣美食，點知程班長冇開，所以就轉戰食墨西哥菜了！可能我哋早到，演唱都冇乜食客，好快就可以入座了！ 我哋之前都嚟過呢間墨西哥餐廳，但係從未試過佢哋嘅薄餅，所以今次就點都揀個薄餅來試下了！我哋叫咗同款的雜錦蘑菇墨西哥薄餅，估唔到黎到份量大大件，差唔多大過六吋，上面仲諗滿好香嘅牛油果醬，同埋一啲蕃茄粒粒，仲很細心地幫我地切了8分，再配上一杯凍檸茶，對女仔來講10分足夠！薄餅入口外脆內軟，牛肉分量十足，加埋牛油果醬恰到好處！下次會再嚟試吓其他薄餅，估唔到墨西哥薄餅都可以咁好食！

BooK咗枱到長沙湾呢間墨西哥菜，準時到達即入座，有5張枱，可坐24人，地方细但唔算迫，環境一般，食物尚可，價格算oK，我地5人消費9佰幾落樓。上菜快，落单後15分鐘已經有上齊。

朋友仔遲來生日飯，自從佢搬黎同我做村友，請佢出山好鬼難，佢見荔枝角近近地自話好，億利大廈唔止程班長好味，其他都可以試下，都幾有水準墨西哥香港唔多，有應該好貴，呢度唔貴，又有2枱外國人黎食，應該有人介紹，好食先有人介紹嗎我要跳舞，朋友要訓覺，今日食遲晏成3點先食，午餐由11：30到5：30，今日星期六人唔多，可以慢慢食，叫做2個午餐，另加13蚊有包同湯，再叫迷你沙律鐵板手撕豬肉$88~跟墨西哥薄餅，有茄醬/牛油果/乳落，個豬肉汁好好味，不過食有少少煩，因為肉絲吸左好多汁，一路食一路滴汁烤燒雞飯$58~雞肉仲好肉汁，個飯係墨西哥飯，我本人覺得一般，因為好散諗住好似唔多應該食完好快餓，點知食到2/3我已經好飽，飽到連晚飯都食唔落下次會講下天后Taxes Burger 姐妹餐廳Americano,之前個幾月食過唔錯，會一次上傳2次既相

荔枝角真係越來越多好野食. 同一楝工廈已經有唔同種類, 唔同菜式嘅餐廳, 極方便. 今次見到間墨西哥野好吸引, 決定試吓. 1樓行到盡頭有個大太陽飾物, 好易揾, 係一間小店, 坐位唔多, 都幾迫, 好快已經坐滿了. Menu 有好多種墨西哥薄餅, 我哋揀咗個手撕豬, 另外叫咗蟹餅同燒雞半隻. 等緊嗰陣見到隔離枱D野食, 樣樣都又大碟又香! 好肚餓呀! 第一個上枱係蟹餅, 2件都幾大件, 即叫即炸好脆, 啖啖蟹肉, 好味不過略為唔夠鮮味, 不過$72 呢個份量真係抵食. 墨西哥薄餅一上枱已經好香, 豬肉好軟好惹味, 配上芝士同牛油果醬, 大力推介! 好味到停唔到囗! 燒雞看上去好普通, 一切落去D肉汁流出嚟，真正外脆內軟. 味道剛好，有好少辣, 香囗又juicy. 一定要再嚟, 份量都幾大, 價錢又親民, 唔洗加一, 仲要好好味!

朋友生日飯, 一直都煩惱緊食D咩 ,  唔想食中日泰韓火鍋, 突然想起有一間墨西哥菜館, 就胆粗粗約埋三五知己一齊黎食, 餐廳座位有限, 最好打電話來訂枱. 入到去個侍應妹妹帶我到廚房, 我有一刻猶豫唔敢再行入去, 佢叫我跟著佢行, 原來係廚房裡仲有一間房的,  都幾搞笑,好少餐廳會有牛油果飲品, 我第一時間點咗杯牛油果奶昔, 好香好滑招牌蟹餅趁熱食, 好鬆脆.西班牙海鮮飯帶有極少微辣, 唔食得辣的都可以一試玉米薄脆, 好似食薯片咁, D 汁好好味豬仔肋骨 D 肉好有口感頂級牛扒一般, 可能煮耐咗, 比較韌芝士雞 芝士味好濃

今日好late先打去訂枱！點知佢已經話出面無枱，得房有位！咁我就問間房會唔會好焗，佢話唔會！一入去點知要經過廚房再入到間房！ 心諗：佢訂位個時又唔講🙄不過都無咩所謂啦！反正變咗包房咁！😂我地叫左2個starters 1個main! 好鬼飽！個人最鍾意crab cake Avocado milk shake 都幾好！不過都係鍾意另一間個milk shake 🙊唔開另一間個名啦！個cheese chicken 都ok 不過nachos 好食d☺️Overall comment: will come again to try the ribs next time but I will request outside table next time !

被墨西哥風味吸引，同個兄弟一齊嚟試，無失望。叫了一個墨西哥薄餅、一個手撕豬肉捲、一個牛油果肉餅，無叫飯，以為兩個大男人應該唔夠，誰知吃到「滿載而歸」。食物出來的速度很高，味道豐富，有辣有唔辣，服務態度都幾好，值得再幫襯。工廈的一樓小店，都算幾多人嚟，下次都係照book 位穩陣。

自從中環的Taco搬遷後便沒有嚐過墨西哥菜了。於openrice找找有什麼好吃的，看到了億利工廈有幾個高分的選擇，記得之前有來過旁邊的《程班長》，猜應該認得路的，故是日下班前來此店！於工廈搭了舊式貨運升降機到二樓，一看之下，左右兩邊全都是食店，而且亦有很多人。一路走到最尾尾便看到了Picoso了！外面置著一張高臺，坐著兩個外國人一個香港人，似乎是老闆和朋友交談。店中很多有心思的墨西哥帽子、裝飾、食物照片，覺得很不錯啊！有心思嘛！等了一會入座（對！我們沒訂座，而店中滿座，故等了一會），點了此些食物：Nachos：可以自行選擇剔除一些您不喜歡的食材，很開心！因為我很怕芫茜的味道，但墨西哥常常下芫茜😓特色蟹餅：炸得很香脆，而且入面蟹肉份量很多，可是我覺得炸得乾身了，並吃不到蟹肉鮮味，只有醬汁的味道，失了分！大捲餅：我們選了手撕豬肉，千萬別看少它的「飽肚能力」，一吃，我已經覺得很飽了！😆味道不錯，有蔬菜有豆蓉有豬肉（可自選牛、豬、雞），醬汁份量不多不少。但我個人覺得可以捲得幼一點，變成兩條份量，食客吃的時候可以更方便！

又到了每月一次的同事生日飯今個月生日的同事選了這間墨西哥小店位置在億利工廈一樓, 程班長台灣美食的旁邊店內位置不多, 只有20個左右所以如果一班人嚟食記得要訂位呀午餐總類算多, 各式各樣都有價錢約在$60-100之間煙燻手撕豬肉鐵板燒 $89豬肉絲在鐵板上份外吸引點點煙燻的香氣加上特製醬料令人忍不住一口接一口玉米薄餅可以配三種不同的醬料包括牛油果醬、紅蕃茄醬及雜椒醬同事十分推介!地道辣椒燴牛肉飯 $79牛肉的肉質十分軟, 一點也不「UN」加上辣椒醬汁燴得很入味, 送飯一流!碟邊還有幾款不同口味的粟米片沾上辣椒醬汁令人份外口味墨式香烤牛肉飯 $72我們很多人都點了這份墨式香烤牛肉飯原因是點餐前看到鄰桌的男士這份烤牛肉飯大家聞到都已經流晒口水牛肉烤得剛剛好一口咬下有滿滿的肉汁流出牛肉的份量算大物有所值又食得飽肚香辣炸雞亦 $68另外我們也單點了兩份香辣炸雞亦果然沒令我們失望!外皮的口味偏辣, 炸得剛剛好 但內裡的雞肉還留有一點點肉汁非常惹味, 同事們一致推介!總括而言, 可以再試!

第一次黎同同事試其實整體唔錯但係令我地唔明白既地方係上菜速度係快到不合理剛剛落完單野飲都未到個雞肉飯已經到啦會唔會太快呢之後搵番落單個女仔問下佢解釋係因為廚房發現做多了 就比我地先 所以咁快佢都有同廚房反映 但廚房不接受佢都有同我地講番唔好意思 一係幫我地換第二碟其實 服務同態度真係好好我地都廢事難為人地又浪費食物就算 無耐 其他野食又全部黎齊 都唔洗五分鐘 洗唔洗咁快只係叫佢搵個廚師或者負責人入黎同我地解釋一下點解姐由於我地坐廚房入面既房間 所以聽到哂佢地既對話個女仔就話廚房岩岩落完單無理由快送入去比客食依家就希望有人去解釋下我地就聽到啲廚房只係話 下 係咁快架啦 食咪食囉 唔食咪算之後個女仔就只係講聲對唔住 話負責人唔得閒 有咩投訴直接同佢講就可以我諗食物品質唔係咁既廚房佬姐 態度可以唔洗咁既我地唔知廚房佬係負責人係老闆定點啦 但係竟然叫個侍應去處理就算我地依家係講緊食物質素同速度 塊雞就乾到死 飯又硬 我點知你件雞放幾耐先真係侍應既服務為你地間野挽回分數就算午飯時間幾忙都好都唔係咁 係咪就可以整定野食先

好多款墨西哥薄餅啊, 其實樣樣都有D 唔同, 但翻譯出來都是叫薄餅@@我地叫左雞肉QUESADILLA, 係薄餅皮夾住D 牛油果醬 + 洋蔥蕃茄+ 燒雞肉, 再切成好多份, 都幾大碟架, 不過食落覺得清淡過出面其他店, 淡味D, 岩哂!另外叫左蟹肉餅, 都幾油, 不過熱辣辣幾香口, 但無咩蟹肉味。得2個人, 試唔到太多款, 不過碟碟都大大碟, 其實以價錢來計都算划算^^ 但最好BOOK位LA, 因為店子較細, 少位。