Picoso

營業中

休息中

好多款墨西哥薄餅啊, 其實樣樣都有D 唔同, 但翻譯出來都是叫薄餅@@我地叫左雞肉QUESADILLA, 係薄餅皮夾住D 牛油果醬 + 洋蔥蕃茄+ 燒雞肉, 再切成好多份, 都幾大碟架, 不過食落覺得清淡過出面其他店, 淡味D, 岩哂!另外叫左蟹肉餅, 都幾油, 不過熱辣辣幾香口, 但無咩蟹肉味。得2個人, 試唔到太多款, 不過碟碟都大大碟, 其實以價錢來計都算划算^^ 但最好BOOK位LA, 因為店子較細, 少位。

今日同魚貝子黎到荔枝角拍拖, 行經D2 Place對面發現工廠大廈數間餐廳, 睇緊食咩好既時候偷聽到路人同朋友傾計話今日特登過黎億利搵好野食(心諗:乜原來哩座工廠大廈係出名有好野食架?)基於本人未食過墨西哥菜, 心思思, 就上去試下啦,  門口同牆身風格係熱情Mexico~~店內位置唔大, 大概有5張 4人枱, 2張2人枱, 當日係假期, 3點左右, 可能過左午餐時間, 店內只有一枱客人店仔細細食物款式都唔少挑選下邊D食物BB可以入我肚先XD最後叫左2個LUNCH SET+1個小食(跟餐加購湯及脆脆豬) OK啦, 都係紅湯一個, 作用濕濕口-鐵板燒(煙燻手撕豬) $89好!食! 用薄餅卷住D豬肉+配料+醬=100分~!薄餅上枱暖熱, 口感煙'銀'得黎又軟軟的~配料有牛油果醬、酸奶醬同甜椒粒豬肉味香! 冇比調味料蓋住豬肉味, BTW唔鐘意燒肉有甜味既朋友請注意, 哩味野, 味道係甜甜的-地道辣椒燴牛肉飯 $79辣味剛好, 唔會辣到味覺都冇埋XD好食到唔想同魚貝子SHARE!牛肉夠軟(重點: 唔係雪/調味拿到林戈種)飯口感特別, 比較硬身! 好老公教育時間: 真男人要食硬飯附玉米片脆脆都好

有段時間無黎今次帶個新朋友黎試下個個反應都唔錯都唔會話失準！上次假日黎比較多人但係平日就會無咁多佢地最喜歡食個飯同薄餅！btw今次的侍應生是男生上幾次來都是那個女侍應 可能個男仔唔夠經驗 好似唔夠上手咁講野又細細聲 好緊張咁 問佢野又好似唔知點答咁女生始終比較細心殷勤 我地叫菜時她不會怎樣落力介紹每樣野反而問我地想食咩再比建議我地食咩好，好貼心！就算佢好忙，都唔會話hea答我地就算！最貼心係，食完之後會問番我地如何係咪無介紹錯我相信大集團都未必會有呢種服務！一定會介紹朋友再黎！

之前係工廠大廈既對面番工, 都知呢度多野食, 今日就盲中中試呢間個沙律份量大, 2個人食完都飽左一半, 好好味, 加脆既餅加埋牛油果既軟滑, 口感豐富, 只係雞肉比較硬左少少特式炸蟹餅好足料, 好好味, 唔夠喉呢~沙律份量大，好食，牛油果係靈魂肋骨都好味，我地好努力咁清埋佢店員話呢度既菜配合番香港人口味，所以吾會好辛辣，但我覺得咁做反而少左個風味啦。總結一句～不錯吧

訂咗8位竟然比廚房內一間房張6人枱加兩張櫈重笑笑口話夠坐，出面有枱話reserved，我哋亦一星期前已訂位，😡即走冇回頭！下午打電話經常冇人接，又冇打嚟re-confirm, 九成九漏訂！

第一次同班同事黎食lunch 地方唔大但都叫舒服每人叫了一個set lunch 食物水準果然不錯 點了多人叫的菜式例如 taco等等墨西哥薄餅好好味食物上菜速度都算快 價錢也很便宜 很滿意不過令我卻步的是服務態度雖然無預計有很良好的服務因為都無加一服務費不過 那個女侍應真的令我有點生氣當時 其實有兩位女侍應曲髮較細粒的那位其實服務很不錯 態度很好的但另一位直髮就很串我向她要求拿小小東西 雖然最後我不要 但她竟然一轉身就用粗口話我 卻被我的同事聽到 個一刻真係嬲 點解你可以咁講野 好似係我叫你做野好辛苦你咁另外個位曲頭髮既女同事唔知係咪下意識知道佢太大聲比我地聽到 即刻同我地講唔好意思對唔住 仲話會教下佢之後都係呢位女侍應招呼我地，完全照顧到客人需要，有同事問佢問題叫佢拎下野佢都唔會語氣唔好，唔願做咁，感覺佢幾細心！希望下次黎食，另一位夥計會有改善！

去開荔枝角搵好野食，程班長就永遠都咁多人，但係佢隔離有間墨西哥小店原來都唔錯😋😋好有風味的墨西哥菜，叫左隻墨西哥燒雞同玉米餅皮捲，2個餸2個人都食唔哂，超扺食。😋😋燒雞個醬汁入哂雞度，香料味濃，超級惹味，雞入面肉汁都好多，d肉又嫩滑，好好食，佢重配埋nachos 加蕃茄肉粒汁，我的至愛~~呢個玉米捲都好好食，加埋牛油果醬非常夾，最特別俾個黑豆配菜。如果舖面再大少少就坐得舒服更多，值得一試!!

响荔枝角咁耐，都未試過呢間。人小小。可以試吓。地方唔係好大，環境都可以。唔會太嘈。今次lunch點咗三個菜第一個係牛排來架，唔錯有肉汁。但咸了一點綠色那個，雖然唔知係咩！辣辣地都可以飯也可以。普通。第二個唔好睇個賣相好似好乾咁，食落唔怕乾。中間夾咗雞肉架。呢個係最好味第三個呢個真心麻麻。雞肉乾咗d冇肉汁。意粉是可以的。但勁多洋蔥。洋蔥控應該好like.本人麻麻價錢小貴，3個人240幾。

醬汁小辣，入面有牛肉，番茄同墨西哥豆，佢嘅牛肉味幾濃，而且肉質適中又唔會太韌，用黎撈飯或者點脆脆都好正，不過美中不足係略嫌飯稔左小小。蟹餅表皮好鬆脆，切開發現蟹肉係意外嘅多，入面全部都係一絲絲嘅蟹肉！好驚喜！但始終呢到唔係食海鮮嘅地方，唔可以期望蟹肉可以好鮮好甜。墨西哥薄餅好抵食，食到我地兩個人差啲食唔曬。薄餅嘅餡料有芝士，葱同自選肉類（因為唔想樣樣都係牛肉，於是今次就揀左雞了），連埋面頭嘅蕃茄粒同牛油果醬食可以食到多重口感！本身對飲品冇乜期望，但點知青檸梳打唔係平時茶餐廳會見個隻青檸加梳打，呢到嘅青檸梳打加左薄荷葉，非常開胃，杯邊仲上左一層砂糖，飲得之餘又睇得。

是日與朋友們聚聚，荔枝角一帶與觀塘區一樣很多工廈食肆。去D2前當然先要醫醫肚！對面億利工業中心佈滿特色食肆餐廳。尤記得上次食完程班長後，不遠處有一間墨西哥菜令我感到好奇。見大家沒有什麼頭緒，於是我提議食順勢滿足自己少少的好奇心！門面甚至餐廳裡面帶有墨西哥式佈置。店舖細細，不過人流絡繹不絕！先點上香辣炸雞翼 - 一客六件，外皮炸得金黃香脆，飄出陣陣香味！雞翼肉質嫩滑多汁，蘸上蜜糖醬味道甜甜！配上青瓜條及沙律菜，可以消消滯！地道辣椒繪牛肉飯- 墨西哥飯粒粒分明索汁度高！燴牛肉內裡餡料豐富，有辣椒、蕃茄、墨西哥豆等。燴牛肉肉味濃，質感軟綿，加上酸辣的配料及車打芝士，用來撈飯或蘸上玉米片均味美！墨式西班牙海鮮炒飯 - 以煎Pan形式送上，賣相看落不錯，有青口、三文魚、魷魚等！飯粒較為濕潤，有微微的飯香。青口、魷魚肉質均爽口彈牙，三文魚質感厚身，食落嫩滑！

朋友說之前電視採訪D2 II對出的工廈樓上舖有便宜檸檬茶賣，便一起去掃貨。來到工廈，發現這裏有間墨西哥餐廳，大家見墨西哥餐獨特少有，便上去食Lunch～ 店很細小但裝潢獨特，仙人掌 /墨西哥帽等裝飾/ 墨西哥太陽石 ，富濃烈墨西哥色彩。玉米餅湯 ，湯底充滿鮮嫩雞味，加上粟米 / 蕃茄 / 辣椒 / 青檸味濃郁，最特別是幼滑如絲的牛油果融入湯中，令湯的口感更柔滑，清新酸辣，回味無窮～牛油果醬配玉米薄脆 ， 玉米薄脆色彩奪目，薄而香脆，醬料用牛油果 / 洋蔥 / 芫茜 / 辣椒及鮮青檸汁製成，酸辣中嚐到的牛油果醬的清香，滋味獨特～香辣炸雞翼 ，六件雞翼份量十足，雞皮炸得焦香及帶芝麻香，雞肉肉汁豐富有嚼勁，沾上蜜糖醬，甜辣得宜，香口惹味，而配菜青瓜條中和整體的油膩感，吃完不會太口乾。整體食物的顏色鮮明，青檸辣椒香氣樸鼻，美味豐富，色香味俱全～

朋友生日吃晚飯, 7個人都是第一次去。 女侍應服務態度好似我欠咗佢， 佢令我覺得幫襯佢食飯係對佢唔住。 因為我地去的時間比較晚，初七，匆匆收場。不到一小時。 女侍應沒有耐性，不想付出。香港獨有的壞態度。

又回長沙灣家探父母，最近父母學識係工廈揾食，食過呢間picoso墨西哥菜覺得唔錯，說要帶我來試試！ picoso與出名既程班長台灣菜同大廈同樓層~甫到店門，一眼望嗮，店子小小，座位幾迫，全場坐滿，只有一位女侍應招呼。要有心理準備等位，等落單，等上菜都非常慢，不過食物味道幾好，價錢唔貴，如果有耐性的，不防一試！木瓜大蝦沙律 $128以香甜鮮木瓜，爽彈凍大蝦，配以新鮮爽脆的沙律菜，再配上新鮮秘製芒果汁，整個組合十分清新，酸酸甜甜好開胃~招牌特式蟹餅 $72外皮薄薄炸得金黃香脆，一切開見到滿滿蟹肉，混入了少量洋蔥，青椒，香草作提味。絕對有啖啖蟹肉既效果，可是蟹肉的鮮甜味不足~墨西哥薄餅 $88我地揀左烤牛肉作餡料，入面仲夾著芝士及蔥碎，面頭蓋上牛油果醬，碎蕃茄以及酸忌廉，看以是很正宗的做法~多菜少肉，完全沒膩感，配以牛油果醬夠fresh，味道口感都一流~墨西哥燒雞(半隻) $148用秘製醬汁醃過後再燒，味道類近非洲雞，香料味濃，外表濕濕的但很香很惹味，一扯開肉汁極多，肉質亦很嫩滑，值得一試~大西洋三文魚鐵板燒 $148份量很多，每件都大大件啖啖肉，以墨西哥薄餅加上三款醬汁包裹著一拼吃，味道

西班牙海鮮炒飯墨西哥牛肉Tacco手撕雞墨西哥簿餅此店位於荔枝角工廠內，店鋪不大，但亦帶有墨西哥小店的風格。由於一早訂左位，一去到就有位，不用等。食物種類，以墨西哥加西班牙菜為主。味道偏重，如Tacco這些街邊小食，乾淨感太強，稍嫌缺乏一些風味。魔宮推介指數⭐️⭐️⭐️

Visited the cluster of non-chained restaurants in Lai Chi Kok with a friend on a Sunday afternoon. Then went to the weekend market in D2 place nearby. A relaxing day well spent. Highly recommend Picoso to anyone who is interested in genuine and a-bit-tailored Mexican food. I guess the food is tailored a bit because Mexican seasoning is known to be heavy but as a mild-prone person I found it acceptable. Despite my unfamiliarity with Mexican food, I could feel the authenticity here. The portion is