Pici (CAPRI Place)

營業中

休息中

💡必試手工意粉Pici係一間好有氣氛嘅意大利餐廳，以新鮮製造手工意粉聞名，今次就嚟到將軍澳嘅分店，半開放式設計，帶點復古英倫風，仲可以帶埋寵物黎chill下，享受一個美好的晚上。今次就叫左佢地的testing menu ($290 / person) 可選: Starter x 人數 Pasta x (人數+1 ) 甜品x 人數🍽 吞拿魚牛油果他他呢個係店員推介比我地，吞拿魚刺身與牛油果非常相夾，而且仲有酸洋蔥絲，再混合左少少Wasabi的味道，凍食，岩曬而家咁熱天氣，好開胃。🍽焗流心芝士煙燻火腿，迷迭香蜂蜜🧀🐖呢個好特別，芝士超級濃郁，火腿帶點鹹香，但混合左香蜂蜜，甜甜地，岩岩好中和左鹹香的呼味道，推介!!🍽辣豬肉煙燻水牛芝士意大利雲吞🐂意大利雲吞皮薄適中，表面佈滿水牛芝士碎，而且好特別咁添加少少辣油，所以食個陣帶點辣辣地，好特別，而雲吞餡入面味道較濃。🍽意式辣肉貓耳朵麵呢個係店員佢介紹話佢至愛🤣貓耳朵麵好特別，幾有咬口，會偏硬少少，加埋辣肉腸都幾香口，而且個醬汁好好味，令到成個麵味道提昇左。🍽皇帝蟹肉黑細麵🦀蕃茄汁好濃厚，配皇帝蟹肉以及竹炭細扁麵，味道好突出，有好多蟹肉碎及3舊蟹肉

Pici係一間好有氣氛嘅意大利餐廳，今次嚟到將軍澳嘅分店，大時大節嚟都冇乜人，唔使等位，環境清靜，所以坐得都好舒服留意番Pici嘅所有分店都冇得訂位嘅，餐廳必須人齊先可以入座。前菜叫咗一個松露湯，好香好濃嘅松露味，非常好飲，湯上面都有幾片松露片，好足料，飲完之後感覺為呢餐開咗一個靚頭！主菜方面叫咗幾款意粉，呢間餐廳全部都係手工嘅意粉，意粉質地好彈牙好有口感，而每一款意粉都各有特色，亦都有唔同形狀或者唔同闊度嘅意粉可以揀，款式好多，味道都唔錯！總括而言，呢間餐廳好適合慶祝，或者朋友聚餐，非常推介大家一試！

適逢週日，走到將軍澳南海邊拍拖，見到沙田排長龍的Pici店不用等位便入來一試！Weekend Lunch Menu ($258/人 未計加一)包括前菜、意粉和甜品，兩人一起叫再有多一碟意粉。小餐包(7/10)：紙袋入面有3塊小餐包，配油醋食幾開胃，份量較小。Burrata Cheese 布袋芝士 (6/10)：加$25，清新美味，作為前菜挺合適。Vitello Tonnato 吞拿魚醬小牛肉 (6/10)：第一次食吞拿魚醬伴牛肉，感覺新奇。牛肉簿切偏嚡口，如是中式滑牛肉會不會都美味呢？哈！Tagliatelle Alla Gricia 豬面頰肉扁麵 (6/10)：賣相和味道都好似Carbonara，不過不失。Tagliolini Truffle 松露醬意大利細扁麵 (5.5/10)：加$25，見到一片片的松露以為食落比松露醬香，奈何不是，有點失望。不過這碟明顯食到手工意粉的彈牙質感，一試無妨。Chitarra King Prawn 大蝦濃汁黑細麵 (7.5/10)：三碟意粉中個人最喜歡這個。微酸茄汁與蝦汁融合滲透意粉，食到這碟其實有點飽肚，我們仍把它吃完了！Tiramisu 甜品 (7

週日午餐套餐 2百多一人， 一個套餐可選（1前菜+2主食+1甜點），但是如果是多於兩人 ，購買兩個套餐 只能選（2前菜+3主食+2甜點），直接扣掉一個主食。 店家不讓你分開點 ，就算你們是分開買單 。 侵占客戶權益，規則模糊 ，能騙一個是一個 。

價格合理，分量十足酒既選擇有d少，五枝白酒有兩枝都無貨沙律分量大，ham唔夠香，下次都係叫Parma ham松露意粉好香，夠咸，夠入味Bacon 意粉，有咸香味，加埋落芝士好香濃咖啡就淡，下次再加下多shot

That female waitress with Filipino acent was inconsiderate and indifferent, looked down on people who's not an English speaker. She walked away without talking anything, while we didn't completed our ordering yet.Dine in limit as 1.5 hours in weekday, Thursday.But they urge clients to leave sharply, e.g. alert us after we have seated for 1hr and 25mins. Alright, the occupancy was only 30% at that moment and that's just 20:30, and NO ONE was waiting outside.TKO, is that really a rich district ???

將軍澳南真係有好多新餐廳，好多都未曾光顧，今晚又去試了其中一間商場餐廳。這個屋苑商場之前甚少經過，原來也是第一次在這裏開餐。揀了最多客人的「Pici」。上網查一下資料，原來「Pici」隸屬於一間更大型的綜合餐飲集團 Pirata Group 旗下；似乎在香港要成功地搞飲食業，一定要有相當程度的雄厚資本撐腰。「Pici」在香港多個地區都有分店，定位小餐館而並非高級意大利餐廳，只供應頭盤小食、意大利麵 / 意大利飯作主食及兩款甜品。反而飲品及紅白餐酒就有相當多選擇，雖然並非什麼貴酒，但就反映歐洲人喜歡食飯要品酒的生活習慣。餐廳裝修簡約，也有很多外國人幫襯，相信味道應該幾正宗。由於只需要烹調頭盤及意大利麵 / 意大利飯，一個簡單的開放式廚房已經足夠。其實有一個非常抵食的 tasting Menu for Two；可以在餐牌上任揀三個頭盤、兩款意大利麵 / 意大利飯及盡享兩款甜品，每位 $290。只可惜份量太多，小編兩口子冇辦法食得下；以免浪費，最後只是單點兩客主食。侍應送上一個紙袋及一碟意大利黑醋加橄欖油。打開紙袋，果然是切片 baguette。麵包皮實在太硬、中間又唔夠鬆軟，加上凍冰冰，都

係港九新界都有分店, 以每日新鮮製造手工意粉聞名, 今次去咗將軍澳分店食lunch ❤️之前記得其他分店嘅lunch set有得簡兩個course, 今次呢度或一要簡三個courses, 對於比較食細嘅女仔嚟講係會多, 但2個女仔share 一個set / 3個女仔share 二個set 又好似唔係太好咁🙈 所以最後我哋一人一個set, 我飽到…😳晚上都係飲個湯就算🫣Lunch set - 前菜+意大利粉+甜品 - $158前菜 - Tuna tartare 吞拿魚牛油果他他首先本身就鍾意食吞拿魚剌身同牛油果嘅我, 基本上都望唔到其他前菜選擇, 一定就揀佢，而佢亦無令我失望! 超好食!!!!!😋😋😋完全係我嘅菜, 好開胃, 吞拿魚新鮮無腥味, 有魚香味, 重點係我唔算好酸嘢, 但佢帶酸得有啲甜,我連最頂嘅醃酸洋蔥都食哂!!!!因為真係成個菜都夾, 唔可以唔食是但一樣😍不過牛油果可以再多少少就更好😛意大利麵 - 蘑菇忌廉闊帶麵菇好香! 切到小粒，醬汁濃郁creamy, 手工麵條有咬口煙韌! 比起一般意粉黃身亦更有蛋味, 食完意粉我其實已經飽😅我就開動甜品胃黎迎接以下嘅tiramisu 甜品

It was an great experience in Pici at TKO in weekdays. It was a chilled and cosy restaurant. I love homemade fettuccine pork saucage and tuna tartar very much and finished with famous dessert of tiramisu. Staff are well trained and provide good service.

呢期星期六日排隊嘅程度已經冇以前咁誇張，walk in 唔係太遲去都有位嘅！我哋最愛佢嘅黑松露芝士！呢碟菜色每次去都會食！因為實在太香口，加埋佢free 嘅麵包，芝士控一定要嘗試，另外，麵包唔夠可以再叫佢加多啲嘅！因為一袋真係唔夠囉！至於個吞拿魚他他，我覺得份量比以前少左，包括吞拿魚同牛油果都少咗！ but anyway, 味道係好fresh 嘅！如果三個人食，每人可以食到一啖🤣🤣少食多滋味啊！至於海鮮linguine ，個意粉軟硬度適中，而且有啲咬口，幾好味！另外個牛肉千層麵，個芝士好好好香！但係因為有肉碎，加埋芝士，好似少少oily! 不過好好食囉救命🤣🤣

之前食過堅尼地城同灣仔分店的PICI, 今次食將軍澳南呢間PICI。半開放式設計, 仲可以帶狗仔坐門口位置。裝修簡潔, 復古英倫風, 但椅子同台有D迫, 不是坐得太舒服。不過整體氣氛好好, 播住歌, 望住牆上的舊相, 好CHILL。PICI的意粉永遠唔會令人失望, 手工製始終好食好多, 無論邊款意粉都係超級al dente!鮮刨黑松露意粉好creamy食過幾次, 總體來說, 所有前菜都值得一試。其中TUNA TATA最好食, 好新鮮好清新!

朋友話介紹一間好高水準兼高人氣嘅手工義大利粉餐廳，呢一間位於將軍澳南嘅分店，相比其他分店會冇咁多人，可能今日落過雨再加上係閒日，所以去到都唔需要等位，原來朋友已經有位坐低咗，佢仲話已經諗定咗食乜，佢話我地四個人就最好試佢地嘅 Tasting Menu, 有四款前菜及六款意大利麵選擇，可以試到多啲唔同嘅食物。前菜揀咗廚師精選冷切盤、火箭菜啤梨沙律、布袋芝士及吞拿魚醬小牛肉。冷切盤有莎樂美腸、巴馬火腿及巴馬臣芝士等，鹹鹹香香幾好味，至於個布袋芝士，我就覺得好好味，其餘兩樣都 ok。黑胡椒芝士手工圓麵，麵條好有 韌度，黑胡椒加上芝士係好夾嘅組合，好少會話唔好食。意大利寬帶麵，賣相就好吸引，食落都唔錯。經典牛肉千層麵，麵質都好煙韌，好有咬口，味道都幾好。鮮刨黑松露細扁麵，黑松露刨成溥片，一上檯已經散發一股松露嘅香味，我比較鐘意食細扁麵，所以覺得十分好味。蝦濃汁海鮮扁麵，我覺得係咁多款呢一款最好食，可能係我鐘意濃味嘅食物掛意式辣肉貓耳朶麵，其他餐廳較少見呢款意大利粉，賣相真係幾吸引，食落都有水準。甜品就兩款都有試，意式奶凍及提拉米蘇都做得好出色，令到整個飯局完美結束

作為Pici既fans 將軍澳呢間新鋪都開咗大半年 終於嚟試下佢整體來講餐廳比較細 座位比較近 空間感比起荔枝角分店差坐落喺將軍澳南 如果唔係住附近真係唔會無啦啦入嚟一如既往 嗌咗辣豬肉意粉同埋吞拿魚他他味道其實同其他分店差唔多但係感覺都係爭少少 分量感覺比其他分店少唔知係咪錯覺因為坐正喺收銀隔離 成餐飯成日有侍應喺隔離埋數 感覺有少少壓迫總括而言唔係一個特別同friend傾偈會舒服嘅地方 但係對於住附近嘅朋友來講又多一間好西選擇👍🏻

Pici近來分店越開越多，仲要開襯都係香港核心地段😍 雖然食物嘅份量唔係特別多，不過勝在係home-made pasta同埋環境夠decent，個vibe唔錯，仲有就係上菜速度唔慢，好啱香港人節奏快嘅生活，性價比又高。各個 dish調味都好好，食材味道夠balance，令我留低最深刻印象嘅，係佢嘅麵條本身->真係做到Al dente 。Tagloilini Truffle 黑松露味聞落好香，但食既時候就唔會太搶，令個sauce同麵都可以各自有發揮。Tagliatelle “Frutti di Mare” 個汁就唔係特別食到有蝦味，不過整體海鮮味係重既。Tuna Tartare作為前菜有d驚喜，中間有d pickled red onions令到大家好開胃，吞拿魚又新鮮🥰 Tiramisu都唔使多講，佢既signature dessert，同埋就係性價比極高。Italian Passion 都唔錯，有熱情果既嘢通常都驚好酸，不過成杯飲品都幾清，但又唔會太甜，可能係因為有basil同soda☺️

由餐廳來港開幕到現在，我已經吃了很多次，餐廳環境有情調，今次點了🐟吞拿魚他他作為前菜，吞拿魚配上牛油果的味道鮮甜濃厚，調味得宜。主菜點了🍝招牌黑松露意粉，欣賞黑松露是一片一片新鮮即切的，整個意粉充滿鹹香味～