影片
營業時間
今日營業
11:30 - 21:00
星期一至四
11:30 - 21:00
星期五至六
11:30 - 21:30
星期日
11:30 - 21:00
以上資料只供參考, 請與餐廳確認詳情
有關獎賞計劃
相關文章
做完嘢，要食番個brunch，喘息一下。Pici唔經唔覺已經開到好多區有，今次去到Capri分店，依然人山人海。佢一向有做嘅Brunch set，$268一位，仲可以另加$99有一小時free flow。$268係包括全部5個前菜、自選意粉同甜品: Vitello Tonnato 吞拿魚醬小牛肉 - 外形麻麻，其實幾好食。質素上同Grissini或Pirata比差唔多。Mussels marinara意式番茄醬煮青口 - 番茄醬同青口都好夾，又夠熱，青口略為細小。Truffle Beef Tartare Bruschetta 松露牛肉他他烤脆麵包 - 用松露同牛肉他他做嘅脆身包，基本上唔會失手，不過得一件。Ricotta Crostino瑞可塔芝士香脆迷你多士 - 同樣得一件，芝士唔錯，cabbage顯得有啲多餘，可能我唔係好鍾意個酸感。Truffle Frittata松露芝士蛋餅 - 一個鐵鍋裝住，好熱好香，周圍都聞到，係今日最出色嘅starter。之於5選2嘅意粉，我哋就揀咗Pappardelle Beef Cheek慢煮牛面頰寬帶麵 - 明顯係手工意粉嘅味道同口感，而牛面頰已經煮到腍晒。Tagliolini Truffle +$42鮮刨黑松露細扁麵 - 門面菜式。基本上所有意大利高端餐廳都一定以佢嚟做門面。Tagliolini係獨特嘅意大利北部意粉，蛋味極濃，同松露特別夾。呢度都算做得唔錯，不過未算最頂級，有少少油膩感。3選1嘅甜品Tiramisu提拉米蘇Panna Cotta意式奶凍呢個brunch可以一次過試到好多authentic嘅意大利菜式。最重要係味道相當好，不枉我一次又一次幫襯。$268一位係好抵，不過要留意有啲菜式要加錢，同埋呢個價唔包飲品。
繼續閱讀
我唔多講啲咩 我個餐包擺左係一包從櫃桶中拎出黎膠紙痴住既紙袋 連翻熱都冇翻熱 其他野全部極度難食 我真心寧願去薩莉亞都唔去食佢 建議大家真心唔好食 或者諗清楚 我食完真係肚好唔舒服 唔舒服左一日 第一次寫食評就係因為佢所有野都非常災難 毫無可取之處我頭盤食左burrata cheese 基本上完全冇味 就係一塊凍既白色野 口感同味道都唔知食緊咩另外吞拿魚醬小牛肉 完全就係我屋企隻貓既罐頭吞拿魚 食完完全反胃意大利粉話係手工 但係完全冇意粉香/任何麥味 另外overcook得非常嚴重 調味亦係水準之下唯一稍微冇咁災難就係tiramisu 但係其實都係普通貨色 同自己屋企整差唔多
繼續閱讀
我最近去咗將軍澳嘅Pici，真心好推介呢間！我哋嘅用餐體驗完全符合佢哋嘅標語(Great Value for Money)。員工好友善，由我哋一入門就感覺到好受歡迎。佢哋對菜單好熟識，仲樂意幫我哋推介。我哋點嘅每一道菜都好好味，擺盤都幾靚。味道一流，明顯用咗新鮮食材。菜單選擇多，肯定可以滿足唔同口味。以佢哋提供嘅食物同服務質素嚟講，價錢真係好合理。我哋食得好飽，但又唔使洗太多錢，呢一點真係好吸引。總括來講，Pici令我好滿意，我已經好想再去。無論你想隨便食一餐或者慶祝特別日子，呢度都非常適合！
繼續閱讀
今次兩個人晚餐去食，上年十二月去好似只有$298一位的tasting menu 。今次去有set dinner for 2（$488加一），包括兩個starter、兩個pasta及兩個甜品 。雖然tasting menu可以多點一個starter或pasta，但上次食到好飽，所以set for 2都夠 。前菜點了兩份香草蕃茄醬青口，蕃茄醬配麵包超好食，麵包食完可以問店員再添加 。意粉分別點了意式辣肉貓耳朵麵（芝士味濃，麵有咬勁）及大蝦海鮮濃汁黑細麵 （海鮮味濃）。兩個意粉醬汁都好好食，沾滿醬汁嘅意粉真係食多幾碟都得 。甜品選了tiramisu，是去Pici百吃不厭的甜品 。最後要讚吓店員非常熱情友善嘅服務態度，整體而言都好好 。
繼續閱讀
總的來說，食物很棒，菜單多樣化，可以滿足每個人的口味。每道菜都味道鮮美且準備充分，營造出愉快的用餐體驗。工作人員也非常樂於助人和友好，為餐廳營造出溫馨的氛圍。一個可愛的驚喜是為我們的一位團隊成員準備的意想不到的生日蛋糕。工作人員不僅送上了蛋糕，還唱起了歡快的《生日快樂》，為我們的聚會增添了別樣的情調。我要提到的唯一缺點是價格有點高。然而，考慮到食物和服務的質量，這仍然是一次值得的體驗。
繼續閱讀