Pho Bar (已結業)

中環附近有很多間越南餐廳, 如果是吃pho bo, 我最愛的始終是這間。原因只有1個: 湯底十分濃郁, 不太覺味精的味道, 相信是真材實料淆制的。我每次都起碼會飲左半碗 生熟美國頂級牛肉金邊粉牛肉份量我覺得尚可, 不算少, 而且不是平時外面火鍋任食的那款肥牛.是牛肉片, 味道不錯座位: 我每次去都是被安排坐近門口的吧枱位, 可能因為我每次都只有2-3人. 裏面好像有4人枱位, 但不太確定, 因為我從未被安排過較內裏的位置ps: 但真心, 如果lunch time要我排差不多半小時, 我就不會到這啦

這間店隱身在利源西街，如果沒有朋友推介，我一輩子也不會留意到它。這間店的運作有點像日式拉麵店，可以選擇不同麵條和配菜，填好點菜紙後交給店員，他們便會即叫即整！今天我點了豬頸肉pho，即叫即整的關係，麵是熱熱的上，份量頗大的！我揀了金邊粉，它吸湯的能力很快。湯比其他店濃，咸味較重，可是少了那種越南湯河的甜味。豬頸肉很嫩，燒得很好，很滿意👍🏻👍🏻炸春卷也是即叫即炸，上菜時還燙口，要涼一會才可進食。脆脆的，內裡材料豐富，加上辣汁，十分惹味👍🏻

平時都好少食越南野架 今次朋友介紹我去一間好好味既越南餐廳去到先發現原來佢介紹既呢間餐廳我係已經食過架啦 都真係好好味既呢間越南餐廳好似平時食拉麵咁係有得自己揀既 我揀左至尊 因為至尊通常都比較多餸既 麵我就揀左金邊粉 配料我全部都有揀 即係有薄河葉同越南野必備既金不換等等 可以根據自己的喜好去選擇 自由度高呢碗金邊粉十分大碗 可以同我朋友一人一半 除左大大碗好抵食之外 佢濃濃既牛肉湯底令人一試難忘 垂涎三尺 湯底顏色非常深色 但是味道適中 不會太咸 當中既牛肉片·牛丸·牛尾等亦非常入味

之前朋友話呢間好食，今日兩點去呢間都試下。沙律已經售罄，我見每檯客都有叫薯條，不過今日得我一個人，我應該食唔曬。除左湯粉，仲有撈檬同叻沙。我最終意佢呢道粉、配料都可以㨂要同唔要。畫點心紙一黎到個湯超濃，勁深色。本身以為勁咸，但飲落又幾香濃牛肉味，仲有配料既香味，每位客人仲會附上青檸同辣椒粒，好細心。不過我覺得肉量比較少，佢哋呢道應該係主打湯底，我見好多客人都飲到見底，連我自己都係😂因為坐位比較少，建議大家唔好係放飯時段去啦！

一向好鍾意食生牛肉越南河，如果要食又平又好味既越南河，我通常會去大叻。今日Lunch咁岩去中環做野，就去左Pho Bar 食生牛肉粉。呢間雖然貴，但貴得有道理，我叫左「生熟美國頂級牛肉配金邊粉」真係見到仲係紅色既牛肉，薄片既牛肉好有牛味，金邊粉彈牙有米香味，湯底望落去好似好濃但其實唔係，飲落清甜，唔覺意就會飲哂d湯。讚！👍🏻另外上試左「炸春卷」，外面係炸得幾香脆，中間包住一隻蝦，但就唔係好食到蝦味，好在佢有個幾惹味既明太子醬俾你點，如果唔係其實唔係好知食左咩落肚。另外仲點左「秘製雞翼」，雞翼係單骨，醬汁幾特別，帶微辣，非常惹味。👍🏻正如其名" Pho Bar", 所有都係high table 同 high chair, 我同同事一行三人坐最入既檯，但張櫈坐得唔舒服，如果佢可以換d有椅背既高櫈會好d.

昨天年三十lunch, 去試左呢間越南Pho Bar， 一去要人龍都有成十個人，同朋友都等左成20minutes 先入到去佢餐牌冇咩option, 主要專攻牛肉Pho, 仲有其他牛既parts， e.g.牛腩、牛丸、牛𦟌、估唔到仲有牛柏葉添友人點左生牛河，而我就點左豬頸肉河，個湯底兩個都係牛肉湯，而且食客可以自己選Condiment 平時其他餐廳冇得自選condiment , 除非你叫佢走芽菜， additional Toppings 都有好多選擇， 大部分都係上面mention 左Snacks: 我地點多左個爆炸雞， 佢D雞翼係分開左兩邊所以就算同朋友食都唔會冇儀態，果汁係千島醬加炸雞，所以都幾好食， 同幾入味Main Dish: 果越南粉係幾ok入味，加埋D湯，佢D豬頸肉都幾好食， 入味而且唔會太肥，燒得啱啱好Environment: 佢個set-up 係垃麵店set-up, open kitchen 咁， 中間煮食， 座位係圍住個open kitchen 既， 所以不論你幾人都係一字排開坐高椅結論：中環中價越南湯粉，友人表示個湯冇上次咁正，但係份量十足所以都ok, 下次會再enc

有人介紹呢度係香港最好食嘅越南粉，所以即使要排隊都黎試下。配料(薄荷/金不換/洋蔥/蒜/芫荽/蔥)可以自選，好貼心。生熟牛肉 ($83)牛肉好香，金邊粉煙韌，不過湯底冇咩特別。premium combo ($83)牛腩、 牛展同牛肉都好香，不過湯底真係唔啱我口味。可能人地介紹得太完美，所以期望太高，反正有啲失望。另外，張枱好細，座位非常迫，同隔離位會撞手踭，坐得好唔舒服，絶對唔建議有帶袋嘅人去，但中環上班族一試無妨。

听闻生牛河市面比较出名有barss spon 还有pho bar，于是嚟试试，中环店好难搵，俾啲绿铁皮铺头遮住晒，坐落叫咗几样唔同部位嘅嗰种河粉加多份牛肉，汤色泽似落咗豉油，饮啖又真系觉得落咗，同以前食开嘅清甜派系好唔同，觉得个汤味道好混浊，边方面都唔突出，牛肉比锦丽好，但系同一般生牛肉质感有啲唔同，比较似牛排用嗰种，同个越南河好似唔多夹咯，生牛河嘅牛应该更注重生牛的鲜甜而不是像某些扒一样味浓，然后我觉得个牛腩唔错，如果佢地改做清汤腩，可以同九记轻微地怼一下下。很多香港食肆都只中意食材堆料而忘记食材间的匹配度，我觉得难以长久。（我朋友话依间店叫鬼佬式越南河……）

有人話依間可能係全港最好食的pho係唔錯的間舖係小巷 門面唔太顯眼 都好容易miss左講返碗野 ($83)湯頭幾入味好多豬頸肉片 而且好入味金邊粉都大碗的 而且吸收晒湯的精華炸雞($42)都好味的 有3款醬 有明太子，是拉差 同他他醬個人就好鐘意明太子可以一試

今日嚟到呢間橫街小店，地點都算隱蔽，但無阻大家搵食嘅心。鋪頭細細唔多位，排隊排左半個鐘有多...終於坐低左，menu淨係幾樣野揀，都係有得自選配菜，有得揀係幾貼心。要左生熟美國頂級牛肉金邊粉，份量好多，但金邊粉好似未煮散咁，個湯咸左啲，牛肉有筋唔係好咬得開。$83雖然唔加一，但都唔係平啦，係執碼執得大份，同埋牛肉真係唔係cheap肥牛嚟，就感覺好少少。但講真再俾多廿蚊去食brass spoon可能仲值啲，仲要嘥咁多時間等位，唔知為乜。

排左咁耐隊，終於比小編食到 呢間舖頭主打牛河。小編揀左生熟牛柳，一生一熟夾埋一齊食既口感好特別，淋淋地好有牛肉鮮美😊可惜牛肉切得太厚，入口粗糙😨湯底味濃重偏鹹，唔多吸引😢

今天中午約了朋友一起去吃。因為有點偏僻找了一會才找到。點了生熟牛肉粉。湯底味道很好，牛肉很新鮮，有多種配料可以選擇。我和朋友兩個人，人均59-60$。是中環不錯的午餐選擇。

節日飯後通常都會感到膩，所以就算有假期出外找美食，都莫名其妙的會選擇些輕食或不太油膩的菜式，今天假期就食越南粉。雖然話要食清淡點，但當看見點餐單時又多心的想食這款那款，所以都是算吧，來一個至尊牛湯檬粉，可以每樣都嚐到。我就是這種貪吃的人。至尊包括有生熟牛肉、牛腩、牛尾、牛丸片、牛栢葉、牛展及扎肉片。當中很無敵的是牛腩及牛展，淋滑得來又有質感亦不算多肥膏。但其實整碗粉最極品的我會說是湯頭。湯頭很濃郁，整個口腔都是牛味，最值得一讚是湯裏一點點油也沒有，不是誇張，我吃完整碗粉後剩餘的湯也是不油的。這點很驚訝，有牛腩牛肉在內都沒有令湯頭肥膩了。雖然這碗粉很大碗很多餸，但仍可以算是食了清淡的一餐。

城中的Pho店越開越多，要試也試不完。今次寫的這家Pho bar是我的口袋名單之一，因他的湯頭實在頗對我口味。店子隱身於中環利源西街的攤檔後面，要不是經同事介紹也難以發現，一試之後便相當喜歡。座位是高枱/吧枱形式，數量不多，坐得不算舒服，自己在菜單紙上剔好食物後交給店員下單，配料麵底均可自選。特級 Premium Combo ($78)有時遇上不喜歡的香料葉子，難免要挑出來，Pho bar就不會有這個問題，因下單時可自由選擇，而青檸、辣椒粒則用小碟另上。首先說的必然是其湯頭，顏色比普通見到的要深，對比Pho Le那種清澈，是截然不同。牛骨湯味道濃郁卻不油膩，喝到微甘微酸的味道，有時候也忍不住整碗喝光，卻沒有口渴辛苦的感覺。配料方面，Premium Combo包括半生熟牛肉片，牛腩，牛栢葉和牛展。其中牛肉片的味道不錯，厚薄適中，呈現的也是半生熟狀態。牛栢葉則比較幼薄，尚能保持爽脆口感；牛展、牛腩相對普通，不作多說，整體配料份量亦算足夠。燒豬頸肉撈檬 ($58)相比那碗牛河，燒豬頸肉撈檬則稍為遜色，這店的主角還是Pho。燒豬頸肉有數片，亦算入味但頗為硬身，屬坊間吃到的普通貨色。配料有蘿蔔絲

Weekday 中環食晏真係煩，到處都要排隊，Pho Bar 亦不例外。排左成廿幾分鐘，地方都細，D位都幾迫。諗住食完快快脆鬆人，D野都嚟得幾快，唔洗一陣就嚟左個牛肉湯河粉，D牛肉都鮮甜，有肉味。個湯底ok，不過可以再入味D，河粉都正常，不過不失。豬頸肉撈檬就麻麻地，D豬肉有D硬，配料唔夠正宗，好多香葉都冇。正宗就唔係，不過入得口，醫到肚，但要排隊就免了。