Pattern

營業中

休息中

之前睇埔Grp好多人介紹呢間 尤其有個2人餐抵食兼好味所以🐷等緊夾啱時候同🐮嚟食！二人餐分別係揀2款前菜、2款主食 (意粉/Pizza/漢堡包)同跟2杯餐飲！-前菜我哋揀左焗芝士白汁西蘭花🥦份量幾多 忌廉汁似用金寶忌廉湯既味道 而且芝士味重！另外就揀薯條 薯條即叫即炸熱辣辣同好脆口👍🏻同上個Post比呢啲先真係🍟嚟 上個炸蕃薯條口感似烚既 淋PatPat🤣-主食揀咗夏威夷風情薄餅 Pizza係薄批底焗得好脆👌🏻配埋千島醬好少機會出現唔好食🤣-之後重點推介➡️海鮮墨汁意粉👍🏻墨魚都俾唔少 不過有啲Overcook 另外仲有啲🍄類係入面！墨汁🦑加咗忌廉去煮 再加少少蒜味 望落色澤好令同好深色！食落口層次豐富 加上墨汁掛到意粉 今餐覺得呢款😋-不過有啲街坊話呢間啲水準時好時壞！睇嚟我哋今次係好彩既😂當日早去食又少人 坐得舒服啲 因為間店地方唔大！

餐廳主打平民化西餐 款式多樣 扒類 意粉 焗飯 漢堡包 及其他小吃 店內裝修設計走型格風 黑黃配色分外有格調 店鋪面積上雖然唔太大 但仍然擺放足夠餐枱比顧客 板燒龍脷配煙三文魚墨魚汁意粉 $71本身以為墨魚汁意粉會好腥 但佢一啲都唔會 而且有濃濃既蒜蓉味 醬汁整體非常creamy 不過食既時候就一定會食到成嘴都係🤭 龍脷柳燒至外脆內軟 呢個價錢黎講已經好高質 再配上煙三文魚 增添風味 不過三文魚既質素就不過不失值得一讚既係店內提供不鏽鋼飲管俾食客選擇 支持環保💚

由晚市禁堂食開始，都會把握星期六、日lunch/tea time 去試下唔同嘅餐廳。見Pattern有唔少好評又係黃店就去試下。店面唔係好大，加上只可以坐一半人，兩點去到都要等下位。咁啱今日仲遇到電視台黎拍攝，所以都幾熱鬧。精選Pattern全日早餐（$86）最鐘意食All Day Breakfast，呢款大份又好味，有齊煙三文魚、煙肉、黑松露炒蛋、炸魚、炒蘑菇、焗豆、豬肉腸、多士、沙律，份量多又唔會太heavy。多士烘得好香好脆，松露炒蛋都好香，其餘都above average我平時會自備不銹鋼飲管，減少用即棄。呢度有提供環保飲管比客人揀，好特別！見其他食評都係推意粉多，我下次都會試埋意粉同Burger！推介大家黎試下，支持下黃店！

太和都幾多西餐小店，現在夜晚冇堂食，佔到佢地捱得好幸苦，師奶仔決定跟住黃店指南，逐間幫襯。星期六下畫，慶幸都有半滿。入來之前，老細已經指定食漢堡包，佢見到什麼菠蘿雞漢堡，頭擰擰表示冇興趣，心水是美國牛肉漢堡＄75。漢堡包揀了跟凱撒沙律，加＄32將餐飲改成啤酒。個包出現時個賣相是向高空發展的，有點搞笑。大啖咬下，牛肉處於半熟狀態，汁液豐富，味道非常正｜今日行入嚟之前，响門外見到有調好味的急凍雞翼、羊柳賣，自己拎返屋企解凍後整熟食。咦幾好喎，不如叫嚟食下先啦。呢個羊柳餐＄85，羊柳切成三個方塊，切落去已經覺得肉質柔軟，中間粉紅色，肉味濃，腍得嚟又有咬口，簡直是驚人大發現。淨係呢道菜，已經值得回頭再試其他。

見係良心店就幫襯吓睇落似家庭式小店，以意粉、焗飯、漢堡、牛扒同沙律為主大部份都係飽肚之選，午餐50零蚊就有交易，價錢相宜款式唔少，用料實在，當中墨魚汁意粉係幾出色小店招牌、牆身均以黃色為主，好sharp室內陳設簡單，以開放式廚房設計食物即叫即做，上枱速度快帶子黑松露野菌忌廉意粉 $74 上枱時出晒煙，意粉好乾爽，質感滑溜，煙韌有咬口表面灑上微量芝士碎、沙律菜點綴令賣相多咗幾分層次感醬汁偏濃稠，好Creamy，有輕微黑松露香帶子數量合理，菇菌份量唔少，但味道略淡板燒龍脷配煙三文魚墨魚汁意粉 $71 真係加分作，墨魚汁意粉會輕易食到成嘴都係，似足中毒要顧上儀態就唔可以點選味道比忌廉意粉明顯較濃味，醬汁更黏稠，好Creamy無腥味，墨魚份量似乎唔少意粉同樣乾爽，軟硬適中，掛汁力強黑漆漆嘅墨魚汁意粉隱藏少量菇菌，同樣有少量芝士碎、沙律菜點綴意粉份量充足，午餐可裹腹煙三文魚略帶鹹香味，龍脷魚柳就微微鮮甜味，質感嫩滑，值得一試食完鹹嘢，最爽係飲返杯冰涼飲品兩杯梳打水味道正常，唔算太甜夏日Fiesta以黃色為主調，係熱情果口味粉紅波斯貓就以紅色為主調，係草莓口味

一望餐牌就唔理個嘴會染上黑色照點左一份板燒龍脷配煙三文魚墨魚汁意粉。上菜速度快，等左只係10分鐘都無就有野食。一向覺得墨魚汁意粉係好食但又因為會食到唔理得儀態所以一個人黎食就無顧忌。魚係香甜同滑無腥味又無骨，意粉係甜甜地食到有少少香菇，煙三文魚係整熟左但唔嚡口。意粉係唔錯既。份量係飽。價錢方面中等70幾蚊，食西餐都係差唔多價錢，非常值得去試既餐廳，當然一個人去食都會盡量食快d就埋單因為店內位置唔多。

唔知有幾多人知呢間大埔黃小店呢！個日去到都幾多街坊支持架！🥳-我地試左一口和牛蒜香意粉，都幾大碟😆 入面好多蒜所以好香口😂 有啲彩椒配菜所以會甜甜地🤓 意粉軟硬度適中，有咬口🥰和牛粒都唔小，不過有啲碎。但每粒咬落去都好有牛味🤤 所以整體幾好食！係食到底有啲油🤭 可能照鏡。-另一個係焗茄汁鮮茄豬扒，食左一啖都唔錯，豬扒夠腍，飯仲要係炒底🥳 仲share左個蜜糖芥末雞翼！🐥呢個先係最最最正！超熱超大隻。有小小炸過出面包住蜜糖芥末汁，超濃味！❤️ 大推雞翼！但如果住附近的都可以間唔中來食下，支持小店💛

最近有日得閒同屋企人食tea,所以就去左呢間係太和消防局附近既餐廳食個tea!咁當日去到唔洗等位即可入座，坐低就見左個一口牛蒜香意粉同埋卡邦尼蘑菇煙肉意粉，野飲就叫左凍咖啡同凍檸茶。首先上枱既係卡邦尼，我幾鐘意佢意粉既硬度，配埋個醬食都幾夾既，但醬既味道就比較普通。跟住就係一口和牛蒜香意粉，蒜香味重，調味得宜，但一口和牛同凍肉鋪買完番屋企住無咩分別，但意粉係幾香幾好味既！總括黎講，如果行開呢邊既話呢到都係一個攤抖食野好地方呀！

My love and I have been coming here for years. It's small, quiet, and friendly. For me it is the warm greeting at the door and showing us a place to sit. It's both small but comfortable. The food is western and good. During lunch, it comes out quick and gets me out on time for work. Lastly, it's yellow which makes it even better.

上年年尾已經光顧過《Pattern》，菜式留下深刻印象；難得一日入大埔，就再一次支持這良心黃店。早在開舖前已到達，但都要排三四張枱午餐價錢都相當廉宜，款式較多亦需時選擇$61 一口雞紐倫堡腸鮮茄忌廉意粉酸酸甜甜的鮮茄，配上剛好煮熟的意粉，麵質爽口，面頭配一棵沙律菜和芝士碎，豐富了整碟的層次感一口雞其實是香煎雞扒，只是切到似一口和牛的模樣，外表金黃內裏香脆。紐倫堡腸則沾染鮮茄味，配上芝士碎，豐富了口感跟餐+$19 薄荷朱古力🍫面頭嘅cream難免有少許肥，但一次半次就算吧一啖入口，先有薄荷香味，在滲出香濃的朱古力味。

本身無話呢日諗住食素,因為出街想食素真係唔係咁容易,雖然自己唔係素食者,但好多時都唔係咁想食肉,因為自己唔係咁鐘意食肉同朋友今日黎到呢間未食過ge餐廳,門口好多人等,我地等左大概二十分鐘到先入到座睇到餐牌好驚喜,雖然平時食cafe多數都有蛋奶素ge素食選擇,但呢到ge蛋奶素選擇係平時普通cafe兩倍都有最後我揀左   雙層芝士鮮茄菠蘿漢堡配薯角 同埋  雜菌素菜芝士薄餅薄餅,意粉,沙律,小食都有2-3款ge蛋奶素選擇,雖然唔知店主係咪特意設計,但就令人覺得好窩心係香港呢個素食沙漠中比左蛋奶素素食者多一個選擇

星期日係附近做完嘢，緊係唔好放過可以搵朋友食飯嘅機會啦。大埔行過去太和比我想像中快，一條路就到，而且唔算難搵。撐一撐黃店，幸好朋友早到，未幾都開始多人等（見到附近教會聚會完應該特別多人）。食物種類都多，睇左我都一段時間。友人揀左pattern all day breakfast，86元，都幾豐富，個碟就普通啲，嘢食係幾好，試左一口蛋，炒得好滑，黑松露都無慳到。朋友話好食，佢平時食得唔多，但都食得哂成份，佢話好味。香辣鮮茄煙三文魚意粉，54元。蕃茄好入味，有啲意外個汁係撈得平均，辣味唔會過分，恰到好處。三文魚好厚，味道ok。我幾欣賞佢杯咖啡，係蒸餾咖啡，好似特別純咁，我無加奶。食完仲有一個遊戲玩，係門口扭，扭中一條街嘅貼紙就可以換指定嘢。其實環境唔差㗎。

✨大埔良心Cafe🥰食飯仲有得扭蛋！✨————————————————💛#littlefatwest良心小店 💛真黃偽黃有時好難分🤔但我肯定呢間100%係深黃！好早期6.9已經有發聲由6.12開始多次參與罷工 遊行又派水絕對唔係為左生意先突然表態既偽黃店😎————————————————🍽二人餐 ($198)🥗凱薩沙律🍗蜜糖芥末雞翼🍕飛魚子紫菜海鮮菠蘿薄餅🍝一口和牛香蒜意粉☕️飲品兩杯.呢個套餐好抵食😭可自選兩款小食同主菜必食雞翼！蜜糖芥末醬好惹味🤤Pizza係薄批底 焗得好脆 餡料好足但個醬汁一般 係呢度食過幾次pizza都係最鐘意千島醬烤雞果款🥰意粉用蒜炒得好香🔥微辣一口牛都幾多 牛味濃唔會靭.❣️食完飯仲可以扭蛋！食夠$50就有一個代幣 呢餐$200我有4個幣可以係門口扭大富翁貼紙店主好有心機自製大富翁地圖（大埔景點版）儲下貼紙就換到好多優惠喇☺️

抵食平民西餐廳 - 大埔太和Pattern 🖤以佢嘅價錢黎講，佢嘅食物水準都算高質。🍴板燒羊西冷配意粉沙律 $82 (包飲品)同正堂西餐廳一樣，佢會問你要幾成熟。不過好認真咁講，大部分平價店舖（尤其係lunch呢d繁忙時間），你講幾多成熟都基本長等如冇講過個一樣，出到黎都係Well some 😭 但 Pattern又唔係喎👍🏼👍🏼 我話五成佢真係比左五成我。羊味好香濃，冇咩筋，唔韌口。一份有三大舊，三舊裏面都只係得小小位相對難咬，一刀就能夠切開。意粉煮得好好味，蕃茄着唔會過甜，軟硬適中。沙律普通可以略過唔講。🍴一口和牛香蒜意粉 $62同樣，佢個意粉質地真係好唔錯，怎至呢度菜比個羊西冷更好味。蒜蓉大大粒。唯一小小失色就係和牛有小小熟得濟。但講真一粒粒嘅牛又確實好難控制佢嘅生熟度。🍴蜜糖芥末雞翼好香，普通honey mustard 味。ok的👍🏼 個皮小小脆，蜜糖味較重，冇雪味，小辣。食到最後埋單，老闆比左幾個膠幣比我。原來每食夠$50就會可以換領到一個膠幣，比你係出面扭蛋。每個蛋殼裏面都有一至兩張大富翁錢契貼紙(好似印花咁)。 儲齊一行嘅大富翁貼紙可以換領都款指定小食☺️ 好得意。P.S

支持太和高質小店今日行過食呢一間小店 店入邊嘅佈置莫名其妙地令人有一種好開心嘅感覺 雖然間鋪細細地但係又唔覺得會好擠迫🥰我哋嗌左個二人套餐食 呢個二人套餐包左兩款小食兩個主菜兩杯嘢飲 都幾抵食🤭🤭小食方面帶咗呢個芥末雞翼同埋焗菇菇芥末雞翼呢個要讚一讚唔算好芥末但係有一陣陣蜜糖味 好好食食完一隻又一隻差啲想再encore嗌多份嚟食🤤🤤🤤主菜方面嗌咗個黑松露意粉同埋和牛漢堡兩樣都不過不失啦 同埋都幾大份幾好食既🙆🏻‍♀️🙆🏻‍♀️🙆🏻‍♀️埋單嗰陣老闆仲俾咗d coins同埋一個大富翁地圖我哋🤔原來係用嚟出去出邊扭蛋 然後有貼紙貼落去大富翁嗰度 可以儲優惠都幾得意幾有心思呀🥳🥳