Pattern

營業中

休息中

今次試吓一間位於太和嘅平民餐廳我哋三個人分別叫咗一個二人套餐($198)同一個西冷扒套餐($130)👍🏻二人套餐包兩款小食兩個主菜同兩杯飲品選擇相當豐富😆小食方面我哋叫咗兩碟芥末蜜糖雞翼雖然話係芥末 但完全唔辣唔食辣嘅人都可以試吓😛主菜就試咗千島烤雞薄餅同埋墨魚汁意粉👍🏻薄餅份量都幾大但脆身 唔會好膩墨魚汁意粉都好大份 墨魚份量都唔少食完之後成個咀都黑晒🤣🤣西冷扒我哋試咗四成熟肉質一般 但呢個價位來講算係OK🤔蒜蓉包如果可以熱啲就更好🤨.食完之後老闆俾咗一個自家製嘅大富翁地圖俾我哋原來食夠$100就有兩個幣可以用硬幣到餐廳門外扭蛋扭出嚟係大富翁嘅貼紙儲夠相應物業就可以喺餐廳換領免費小食😆😆非常有創意🤣🤣📍 Pattern (太和)太和大埔太和路15號太和中心13號地舖

一場黎到呢頭就搵間小店食下 午餐時間都幾full 今次嗌左炸魷魚圈 他他醬吉列魚柳漢堡配薯角 板燒龍脷配煙三文魚墨魚汁意粉 熱情果梳打同招牌凍朱古力 先黎嘅係魷魚圈 炸得岩岩好 好脆 入面嘅魷魚圈又唔會韌 之後就係墨魚汁意粉 開頭睇好似細細碟 但原來份量都幾多 食落好香墨魚汁味 美中不足嘅係食到尾有啲鹹 龍脷都幾鮮味 煙三文魚就冇乜太特別 而個魚柳漢堡都好足料 有埋生菜蕃茄 可以夾埋一口咬個burger 一次過食晒所有材料 好滿足 好好味 薯角都好好味 炸得好好 點埋茄汁 絕配 至於杯梳打就正常 唔會話太甜 而凍朱就幾重朱古力味 唔會淡宜家每食滿$50就有得扭蛋一次 幾得意 儲齊就可以換野飲or野食

星期六梗係訓到自然醒，然後落街食飯一個早餐（已經午餐時間XD)，chill住甘過日晨啦....今日呢就特登行到去太和嗰邊食咗個好味嘅午餐，一去到人比較多，我哋三個人但係得返二人枱，侍應好好人咁樣幫我地加多張凳，仲俾多張等我哋擺嘢，服務態度幾好。之前食過佢哋嘅晚餐，覺得性價比好高，又抵食又好食。今日朋友仔最想食嘅就係佢個墨魚汁意粉，所以三個人都叫左兩個。食到我地個嘴個個都菌晒黑邊，成個童話大反派咁樣。仲有呢個漢堡包，味道不過不失啦，隔離啲薯角係即刻炸嘅，又香又脆，超好食。

第一次光顧食物質素 環境 氣氛 各樣都很好特別係午餐的份量 剛剛好 亦都好好味老公點的羊西冷 好味又夠淋特別鳴謝!! 預先安排的 "心太軟" 制作的太靚💕 亦都很好味，我們很喜歡

一直好掛住呢間喺太和既小店，佢既羊西冷真係好一流。上次同朋友黎食佢比左一舊我試，真係超好食，驚為天人。今次難得又黎到，當然要叫羊西冷啦！咁啱黎到入面坐滿左人，要等一張枱，就喺外面影住menu先。呢個就係佢超出名既羊西冷。同埋好好飲既朱古力。我同朋友不約而同叫左羊西冷，5成熟，佢配沙律，我就配意粉同埋叫左焦糖朱古力。估唔到店員喺朱古力上面拉左花畫左隻三眼仔比我，好得意呀！焦糖朱古力好好飲，一飲落去第一啖係焦糖味，然後就飲到朱古力味。焦糖味甜甜地，但係唔會蓋過左朱古力味，朱古力味香濃，好好飲！期待最耐既羊西冷呀！一份有三舊，而且有意粉，非常足料。羊西冷好腍，用刀好容易就切開左，冇乜羶味，我自己就好怕羊既羶味既，但係呢個係冇，由於太好味所以超快就食哂。大力推介！黎開太和既朋友一定要黎試下，羊西冷真係超級好食(個人建議5成熟)，店員都好nice，環境都好好，舒服好坐。

我們叫了一個pizza和一碟卡邦尼意粉。Pizza味道幾好，份量適中，唯獨係等候時間比較長。當時餐廳差不多滿座，好似仲有一兩張檯未有人，但我地就等左成20-25分鐘先有第一碟食物到。之後再等多5分鐘左右意粉就到，一開頭食都覺得味道唔錯（我平時去開西餐廳都鍾意叫卡邦尼，所以都食過好多間餐廳的卡邦尼意粉xdd）但後尾食食下開始覺得味道太濃，然後就見到意粉原來落左好多油，啲油仲浮哂上面，見到即刻覺得好唔開胃，最後就冇食哂。其實佢個味道ok架，只係我去其他西餐廳食意粉都唔見過咁多油，感覺好肥。

你未必會俾哩間小店既門面吸引到，但如果你有一顆勇於嘗試既心，你就會發現小店中隱藏既美食❤️😋我地大約11:45到黎到，入面已經坐左2台客，好彩黎得早，不消15分鐘已經坐滿哂啦👍🏻哩到既午餐有超多選擇，意粉、焗飯、burger 到沙律都有得揀，選擇多到花多眼亂！🤪最後我地揀左一口牛香蒜意粉同他他醬魚柳漢堡配凍奶茶同檸茶。連跟餐杯餐茶都大大杯，仲會係上餐前俾你可以飲住等💯1️⃣一口牛香蒜意粉 - 大推❤️好香既炸蒜粒，一口牛細細粒唔韌，煎炒得好香添😋2️⃣他他醬魚柳漢堡🍔個burger 好吸晴，個嘴細d都唔可以一口食得哂所有材料，🍅🥬好新鮮、魚柳香脆嫩滑。

搵咗成間大埔區，都好難搵到好嘢食，地方易搵，嘢食都唔錯，有些食物份量比較少，服務，好好，店員好有禮貌。食物可推介雞翼，因食評好多都介紹，飲品都ok，意粉稍為有啲唔夠喉，因為太好味貪心想食多少少，哈哈，由於係另一半生日，將蛋糕雪住，店員好好問我 幾時起的蛋糕，仲幫我點埋蛋糕，好細心，埋單既時候送左幾個膠幣比我扭蛋，最後我就比左出面小朋友扭，因為好少去呢間嘢食，就送比佢地啦！地方好細如果大啲就好啦！坐落去唔算好窄好逼

同事帶我去太和個邊食lunch，佢地成日嚟，我就第一次一人食一份，我就揀左卡邦尼，麵有蛋香，芝士粉同雜菌夠多，食到有少少滯，我最後竟然食唔曬呢份係蜜糖芥末雞翼，一試枱就聞到好香好香，流曬口水呀，食落勁juicy，同埋honey mustard 唔太攻，甜味同嗆味配搭得剛剛好！好想再食喇已經～影下同事叫嘅一口和牛意粉，本身我都想叫，可惜係辣嘅唔岩我，睇落都幾多牛肉架。呢間餐廳都幾有心，會提供環保飲管，不過都好少人會用同行同事食素都有選擇，佢份焗西蘭花加龍利柳都幾吸引。食飽飽，拎到代幣出去扭蛋，儲貼紙可以貼滿會員卡，感覺好有趣，同埋會員係有九折架，好抵食

這間特式小舖，感覺是家庭式經營，坐位不多，進店感覺不錯，午餐小聚聊天首選。食物都有一定水準，全部都即叫即做，漢堡餐配剛炸起的薯角，外脆內軟，是飽肚之選。薄餅邊皮脆口，味道濃郁，芝士和茄醬的比例都剛剛好。個人最喜歡和牛粒意粉，可適份量比較少，意粉軟硬適中，配三色椒輕抄一下，配上牛肉粒，野味十足。雜扒餐都很夠份量，有香煎雞扒和豬扒，太陽蛋和小香腸，配菜還有薯角和沙律呢！這間店有不鏽鋼環保飲管的，有機會來試試的朋友記得選用，為環保出一分力！吃飽結帳後有代幣到外面的扭蛋機玩一下，集齊貼紙再來就有免費小吃呢！

大埔區內食肆繁多，但令我回頭再回頭嘅餐廳，Pattern絕對係頭三甲😼無它嘅，價錢唔太貴，環境ok，近屋企，食物質素又唔差👍🏻幫襯左咁多次，終於捨得比個名份佢😆羊西冷😋次次食次次都唔厭，7成熟，不會overcook，而家一d都唔“So”，仲要選配飯、意粉、薯角、蒜蓉包😌晚餐食連飲品$102，ok la～必食小食：蜜糖芥茉雞翼😋😋熱辣辣好香口！夠多蜜糖同芥茉，一d都唔吝嗇！是夜想食菜，叫左個芝士焗西蘭花～不過呢樣就比遜色，芝士味唔燶，西蘭花似灼多過焗。登登登登✨個人超級推介千島醬烤雞菠蘿🍕～打從第一次食已經好中意😻佢有我最中意嘅餅乾皮～超多嘅芝士、千島醬同蕃茄醬，每啖都惹味十足！而且足六大件先$73！美味！2個人埋單$223，今時今日呢個價食個西餐算抵啦😉

其實嚟過這間餐廳好多次了，所以食評就不用多說了。(唔好食都唔會嚟咁多次啦！😂🤣😅)今次係見佢地做多咗個環保動作，所以想比大家知道，這是一間值得支持的小店，特別是業主😆！

$56 他他醬吉列魚柳漢堡 - 依間開咗幾年 價錢都無加過 幾抵食😍😍 漢堡真係好大個 入面有生菜 蕃茄 洋蔥 有成2層架 要拎上手都難😂 吉列魚柳都炸得唔錯 但嫌炸粉太多了 薯角另外上比你 嗱 正常就薯角嘅 除非你特別要求啦 但我無叫 佢都無lala比咗薯條🤔 唔緊要 不過薯條就唔係好脆啦 餐有飲品 大大杯又多選擇 呢到幾chill㗎！ 吹下水幾好 去得過食得過👍🏼😝 - -📍 Pattern

太多餐廳開頭味道可以，但之後每況越下，但依間開了幾年，保持水準，價錢應該都無加過就更難得。今次食漢堡加薯角，薯角熱辣辣，漢堡目測有10cm高，材料新鮮足夠，唯一就唔太辣，不過味道ok。最推介是蒸餾咖啡，不苦也不太甜，入口有種清新感覺，雖然凍飲唔洗加錢，但熱飲比凍飲好。其他花茶，意粉，pizza試過都唔錯，最重要價錢不貴，午晚餐也有套餐，lunch最平唔洗50蚊，2人晚餐$200有找。希望繼續做落去。

今晚，我和M先生又去太和Pattern 吃平靚正2人套餐，約200元，可以選小吃兩樣，主菜兩樣，有兩杯餐飲。 我們選了蜜糖芥末雞翼，皮脆及有少甜，不過吃不道芥末味，都ok 好吃。和點了凱斯沙津，味道清甜，好味道主菜 點了千島醬烤雞菠蘿薄餅，有拉絲的芝士，配料配搭都可以，不過薄底有點硬，味道一般般另一個是魷魚墨魚汁意粉，意粉軟硬適中，墨魚味濃，水準高再來加錢換一壼水果花茶，花茶水準比美台式店的水果茶開開心心， 一路吃一路飲花茶。