Pattern

營業中

休息中

20/3/2025📍Pattern話說我哋冇諗住要係呢間餐廳食野 而係佢隔離果間Polaris 但跟住google map行到果頭 見到呢間個名都係P開頭 我哋兩個就盲中中咁衝咗入去😀直到坐低咗 睇咗陣menu先覺得唔對路 望下餐廳名 再望下OpenRice 先發覺去錯地方不過我哋都照係度食 因為唔想行翻出去咁尷尬😂最後揀咗個2人自選晚餐（$270） 包咗四樣野食同兩杯野飲⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯✨焗芝士肉醬茄子估唔到茄子係切開一件件嘅 叫做有啲擺盤🤣焗得唔算好腍 但同芝士肉醬幾夾✨香脆粗薯條正常啦 點茄汁食都ok ✨一口牛香蒜意粉蒜味好香 意粉軟硬適中 炒得夠乾身 幾好食😋牛肉好細粒 份量唔多 同蒜味好夾不過唔鍾意佢加埋啲彩椒落去炒 ✨雜錦海鮮薄餅餅底係薄脆style 餡料鋪得幾均勻 有啲蝦、蜆、魷魚、彩椒（又係佢）不過主要都係食到千島醬味 都係普普通通啦😌⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯最後埋單$226（冇加一）呢度係果種舊式樓上cafe嘅feel 野食嘅種類好雜 仲有啲茶記雜扒餐😂所以都冇咩expectation㗎啦推薦指數🌟：3/5📍太和大埔太和路15號太和

餐廳環境溫馨，適合情侶或朋友小聚。這次點的二人餐包含沙律、雞翼、牛肉漢堡和千島醬雞薄餅，價格 $270加一，性價比高。牛肉漢堡加了$15要個牛肉漢堡，漢堡中的牛肉patty煎得外焦內嫩，肉汁飽滿，口感非常豐富。千島醬雞薄餅千島醬雞薄餅是一道充滿創意的菜式。薄餅底烤得酥脆，上面鋪滿了嫩滑的雞肉絲和濃郁的千島醬，是一道很適合分享的主食。總體體驗服務讓人感到舒心，叔叔態度親切，細心周到。菜式味道和份量都令人滿意。會再來試下朋友極力推介的焗豬😋

我地5個大人叫左1份挪威煙三文魚凱撒沙律，1個2人套餐（吞拿魚凱撒沙律，焗釀蘑菇，千島海鮮薄餅，美式辣肉腸薄餅），另外加左1個卡邦尼意粉同深海魷魚圈。諗住夠食冇再加野，點知黎到份量意想不到咁少，雖然沙律同意粉係正常量，但薄餅係8吋薄批，魷魚圈得幾粒，非常失望，不會有下次。

大埔街坊推薦～我哋一齊去食呢一間小店💛首先，見到個Menu已經感受到滿滿嘅誠意好鍾意呢啲插畫🎨啲地標對區內人嚟講就耳熟能詳但對於我哋呢啲區外人嚟講就係一個好好嘅人門指南我地叫左個👯4人自選晚餐配 BBQ豬助骨👯除咗主菜BBQ 醬燒豬肋骨1客外仲可以自選3款前菜同3款主食🤠同免費餐飲4杯🌟3款前菜我地揀左：🥗凱撒沙律🥦焗芝士白汁西蘭花（素）👍蜜糖芥茉雞翼（四隻）三個前菜都好出色令本身我嘅肚餓嘅我哋食指大動😋私心推介雞翼😆⭐️3款主食我地揀左：🍕+$12 千島醬烤雞菠蘿薄餅係我地都鍾意既薄底呀～脆卜卜～好香口如果烤雞多少少就好啦🙈🐖BBQ 醬燒豬肋骨豬肋骨juicy又焦香🍝卡邦尼煙肉蘑菇意粉意粉濃香多汁～但又唔會覺得膩🦑海鮮墨魚汁意粉係啖啖嘅鮮味呀～不過食完墨魚汁，個嘴會黑鼆鼆～記得要抹咗嘴先可以露齒笑😁P.S. 佢哋仲有推出自家儲印花卡🀄️好似打麻雀咁嘅～朋友儲到個格要自摸～有個「發」都幾得意同埋有諗頭😻

呢間小店已經食左好多次，唔想煮就黎左食呢間餐廳，叔叔好好招呼，叫左個二人餐⭐小食⭐吞那魚和風野菜沙律🥬沙律入面好多新鮮生菜、青瓜、蕃茄仔、蟹子＆吞那魚，沙律淋上胡麻醬，甜甜地加上吞那魚鹹甜鹹甜，蔬菜食落好爽口非常開胃！蜜糖芥末雞翼🍗成隻雞翼都充滿住蜜糖，肉都煮到好嫩滑Juicy，少少脆非常惹味⭐主菜⭐烤雞菠蘿薄餅🍕每次都會叫呢個烤雞菠蘿薄餅，係薄批薄餅底，批邊烤到好焦脆，咬落好脆口，面料係蕃茄醬＆芝士，烤雞烤到好嫩滑同菠蘿配搭都好夾，好足料好豐富！海鮮墨魚汁意粉🍝魷魚量都唔少，意粉食落好彈牙唔會好淋身，意粉好掛汁，好Creamy，味道濃郁！飲品叫左凍檸檬水+凍招牌薄荷朱古力

今日去開體育館，夜晚唔知食咩好上網搵到E間西餐，評價同相吾錯決定一試❤️❤️點方便，消防局對面，易找完全唔洗等位，一入比左我地兩人一張4人枱員工叔叔🧍‍♂️有禮貌，服務態度好仲有特別一次性紙飲管同環保飲管簡🫶🏻🫶🏻叫左個雜扒配意粉🍝+薄荷朱古力，千島三文魚pizza個人覺得pizza最好食😋下次再經，可以encore😛😛環境不錯👍🏻，見不斷有人入嚟，qr code落單方便😎😎😎😎

第一次到太和探朋友，他帶我到這間離他家不遠的小店。點了兩個午餐，焗芝士鮮茄豬扒飯和大蝦蜆肉鮮茄意粉，午餐包括飲品，點了凍檸檬茶。豬扒飯先上桌，送上時，飯面的醬汁還在沸騰，看到已經食慾大增。醬汁惹味，豬扒不柴，炒飯香口，好吃。意粉跟着送上，醬汁同樣蕃茄味香濃。意粉軟硬適中，沾上這醬汁很是好吃。蝦很大隻，肉質爽彈味道好，美中不足的是，蝦的表面有一層薄薄的粉漿，我覺得沒粉醬會更好吃，另外蜆肉比較少。凍檸檬茶的茶底不苦澀，味道清新，解渴。還想一提的是服務很好，我們兩個人點了兩個午餐，店員主動給我們小碟子，讓我們分吃。

店面細細，餐單款式豐富，職員細心溫柔又好笑容不論意粉、焗類、pizza 定小食，都有素食選擇食物超好味，價錢完全不成比例的平2人晚餐有：2款小食，2款主食，2杯飲品 唔使 $300蒜蓉炒嘅意粉香到停唔到口菠蘿芝士漢堡 refreshing，抵消了薯角的邪惡經典朱古力（少甜）亦係必叫之選

週二晚上7點幾二人、walk in埗進門示意兩位，面帶親切笑容既中年男店員指引我地入座，仲即時拎咗張櫈比我擺袋 第一次試叫左$245二人餐可揀前菜小食兩款主菜兩款飲品兩杯（部分飲品及酒精飲品需再加錢） 前菜揀咗焗釀蘑菇、蜜糖芥末雞翼雞翼有4隻架圖中係已食左兩隻唔重芥末味少少脆、甜甜嫩嫩 蘑菇釀左蒜蓉同香草，juicy 主菜揀左紫菜海鮮菠蘿pizza墨魚汁海鮮意粉記憶中單價兩款都係80零蚊 pizza係薄批、餅乾感覺果種色彩繽紛見到心情好好醬同材料味道平衡不過我個人鍾意麵包feel既餅底多啲 墨魚汁意粉好creamy多汁好好味呀我本人鍾意多汁既意粉佢又煮得好掛汁仲要大讚佢既意粉硬度非常岩我心意偏硬少少，我估未至於al dente我喜歡呢種口感仲問左店員拎隻羹不埋啲汁食🙈 最後講埋飲品我飲玫瑰綠茶（三角茶包）中間店員有主動幫我加熱水同行友人飲凍奶茶試左佢一啖，茶味唔濃始終不是茶記 menu冇寫甜品，問店員話有心太軟同brownie揀，我地興趣不大就冇叫 是晚連加一埋單$270總結覺得食物有水準而全程幾位店員都比我親切舒服既感覺少來大埔上網搵

Lunch 去食🤜🏽🤛🏽第二次黎食，叫咗餐廳推介既芝士蕃茄焗豬扒飯好好味呀！雖然等既時間比較耐，不過好值得去等下（大約15-20分鐘）好野係需要等待既！蕃茄醬甜甜地，加埋芝士好惹味，豬扒咬落鬆軟，啲飯就好似炒飯甘，粒粒分明，有少少似泰國米嗰啲感覺。睇個人喜好，我自己麻麻哋呢隻米🫢 但整體尼個芝士蕃茄焗豬扒飯都好值得推介另外男朋友就叫咗碟卡邦尼意粉，意粉硬度適合我同男朋友既口感，硬少少食落有彈性，但卡邦尼醬就唔係好出，所以成碟野印象唔深刻，普普通通既卡邦尼意粉。我同男朋友個餐有跟飲品、都叫咗凍檸茶少冰少甜⋯um…飲咗一半都飲唔落啦，無味既😂成個lunch 到結尾個下最有驚喜就係！！！餐廳比咗兩張「機票」比我地我同男朋友見到第一下反應係好有心思！仲要依家周圍都開關多咗好多人去旅行，成個感覺就好似要去旅行甘，個人認為佢呢張優惠券做得十分成功，連貼紙都係飛機圖案，起碼吸引到我同男朋友，好想過嚟食多幾餐儲多啲貼紙。

同妹妹係大埔搵餐廳食lunch時醒起收藏已久的呢間小店係門外等咗陣就入得叔叔熱情的招呼，非常好客-呢度簡單裝修用黃色牆配美式風格的poster雖然地方細細，但坐得都舒服叔叔仲提醒有張圓凳放袋-妹妹揀咗板燒龍脷柳配三文魚墨汁意粉龍脷柳煎得香脆，意粉有蒜香味加埋三文魚，整體食落層次豐富-我揀咗牛肉漢堡配凱撒沙律漢堡煎香口有牛味，加埋番茄芝士呢種經典配搭整個調味不錯的跟餐的凱撒沙律也不馬虎幾款菜混合沙律醬配烤過的麵包粒👍🏻餐飲揀咗凍蒸餾咖啡同凍檸茶推介凍咖啡，外觀同味道都很不錯-整體價錢中等，食物不錯，服務很好環境氣氛都好舒服，家庭式餐廳值得支持*星期六日午餐要加一

Pattern的二人餐是我們的最愛～二人餐的份量很多，前菜﹑主食到飲品性價比都好高，今次是週末晚上到訪，見到人流不太多，希望更多人發掘到家寶藏🥲二人餐基本價錢是$228包兩份小食﹑兩份主菜及兩杯餐飲，小食選了吞拿魚和風野菜沙律及蜜糖芥末雞翼(4隻)，兩款都是不用額外加錢的選擇。沙律有青瓜﹑蕃茄仔﹑吞拿魚﹑生菜﹑蟹子及紫菜，醬汁是胡麻醬，蔬菜非常新鮮爽脆，配上吞拿角令到口感更豐富，胡麻醬酸酸的味道令沙律更清爽開胃👍🏻雞翼即叫即炸，一口咬下裡面仍是非常juicy燙口～再沾上香甜的蜜糖芥末醬，非常出色的小吃😎其中一杯餐飲加錢轉了凍炭燒榛子朱古力（+$21），他們的凍朱古力也是招牌之一！🍫有很多款不同的味道，朱古力本身亦不像茶餐廳單單用朱古力粉沖開的那種，而是香濃有奶味的朱古力奶，見他們現時還有推出外帶回家的樽裝，相信是堂食喝完都不夠，讓客人買回家繼續享受呢🤭值得一提他們有提供即棄或不鏽鋼飲管，鼓勵客人支持環保～主食方面其中點了一份千島醬烤雞菠蘿薄餅（+$10），這個薄餅可以說是我來Pattern的最大原因！！薄餅底是我最愛的薄批，批邊烤得焦焦的，帶點香脆口感。薄餅以蕃茄醬作主要醬料，面頭芝士

同朋友聚一聚傾吓計疫情下朋友好小出街食所以由朋友諗食咩佢話想食吓西餐就朋友仔回家湊仔上網搵到呢間見d 人寫小店就支持吓佢有個二人餐價錢優惠最重要入面d 選擇啱食套餐包前菜同小食二款任選二個主菜 + 二杯飲品特飲半價味道上ok 😋但係杯朱古力特飲唔夠濃味見人推介就試下希望有代改進

如果唔係住大埔嘅應該都唔會知道原來呢條街有咁多好嘢食 有日中午專登出嚟呢邊，搵野食先知呢間餐廳 餐廳格局唔算大如果多人嘅話最好都預早預約唔係就要有排等啦 .▪️板燒龍脷柳配三文魚墨汁意粉 $73龍脷柳煎得剛剛好，唔會太熟 ▫️帶子黑松露野菌忌廉意粉 $76有三大粒帶子😍▪️一口和牛香蒜意粉相比其他之下呢個就比較普通 不過不失▫️脆辣雞煙肉漢堡 配薯角$63一啲都唔馬虎，好足料之餘，個煙肉都好厚實可以揀轉沙律或者照配薯角～

本人一直喜愛食焗飯，所以經常走訪香港各區尋找好味既焗飯，試過Pattern先知，原來有間咁高質既小店就係自己住果區Pattern都開左好幾年，平日都時常經過，見個舖面冇咩特別就冇從未食過，直到上網見到有人推薦佢既焗飯，近日先第一次去食，點知個質素咁驚喜🤩🤩🤩我地下晝時間黎，叫左焗芝士白汁龍脷柳飯同一口牛蒜香意粉😛個焗飯係即叫即整，一拎到上枱面已經聞到d芝士香味。個飯同d餸焗得岩岩好，d汁可以鋪滿個成個焗碟，味道好到爆，我直情食到一粒飯都唔剩，可以話係近年食過最高質既焗飯💯💯💯而個意粉亦都相當出色，都係色香味俱全，意粉食落啖啖蒜香，唯一美中不足就係d牛唔算淋，扣左d分，但整體都above average👍👍👍最後，我發覺個焗飯好似午餐先有，晚餐餐牌係搵唔到既，同埋餐廳只收現金，想黎食既朋友要注意啦💥