Owl's Choux

營業中

休息中

Owl's是主打將意大利手工雪糕Gelato結合法式泡芙的甜品店，開業不久已獲得米芝蓮街頭小食店推介。所有泡芙每天新鮮焗製，保持酥脆質感，而Gelato亦是人手手工製成的。Creme Brulee Puff ($34)將泡芙與焦糖燉蛋結合在一起。上面有一層薄脆焦糖，酥脆的泡芙裡藏著香濃軟滑的雲呢拿吉士醬。一口咬下去，外脆內軟，吉士醬澎拜，甜度適中。整體賣相、味道和口感皆十分出眾，非常美味，讓人欲罷不能。

女生總係有一個好想食甜品、心思思嘅胃，就算本來已經食到好飽，但係見到啲賣相好靚嘅甜品，仍然係會好想食嘅。今日就經過呢間泡芙專門店，可愛嘅士多啤梨泡芙，放喺杯子裏面，相當精緻。我哋買咗一份泡芙，坐咗係角落頭嘅位置慢慢品嚐。枱面上仲放咗一張小單張，教你如何幫泡芙拍美美的照片。小單張上面仲寫咗如果用勺子食，係可以好斯文咁慢慢食嘅。不過最好食都係成舊放入口，雖然泡芙裏面有好多cream，只要你成個泡芙拎起用力夾一夾，就可以連士多啤梨、泡芙、cream一次過放入口，呢種一次過集合式嘅口味，先至係食泡芙嘅精髓啊！

Cream brulee puff🍮$28對於熱愛甜品既人 之前見過好多ig都推介呢個焦糖燉蛋味既泡芙😍呢個泡芙真係吸引到去睇佢個地址原來係一間專賣泡芙同雪糕三文治曲奇 外國風既小cafe 環境好歐美 好的骰 唔係好大 但俾到人一種舒適relax既感覺對佢既評價 係一個外觀同味道相乎既泡芙 睇得又食得🤤好似曲奇咁脆身而又真真正正十足焦糖燉蛋既味道🧡而裏面就係同普通泡芙一樣係吉士饀 應該加左雲尼拿杍 所以其本上係完美無瑕😛唯一美中不足既係佢比一般泡芙細🤕價錢就見仁見智啦🤭

之前見openrice同雜誌都有介紹過呢間泡芙店，仲話係米芝蓮級。咁岩約朋友黎尖沙嘴食飯，特地早黎行下。本來淨係打算試佢斜對面嗰間珍珠奶茶店，點知原來間泡芙都係埋到咁就一齊試。因為抱住試吓嘅心態，所以買咗最平既泡芙。買完呢個焦糖燉蛋泡芙，等左起碼5分鐘就送到過嚟。泡芙係半圓形，雖然冇裝飾，但呢個顏色已經好吸引。表面既糖有被燒過，好脆。入邊係燉蛋嘅filling，好香好滑。我個人認為泡夫殼不過不失，但成個組合好正！咪睇佢細細舊，都幾飽肚。

Came here with some friends on my birthday for dessert. Ordered the Praline Noir, Salted Caramel and the Creme Brûlée choux with ice cream. So tasty! Super friendly service and got special treatment as it was my birthday! Highly recommend.

夜晚食完飯就想食D甜品啦，上網發現呢間雪糕店最就腳就去左呢個鋪頭，去到先發現呢間係米芝蓮街頭小吃推薦的一間雪糕店。大約9點到去店內坐滿人，門口亦有幾位遊客等待，店舖很小只有幾個位子，我與朋友不想沒浪費時間就想叫外賣一路行一路食。店員好NICE，好仔細咁介紹各款雪糕，泡芙同沙冰。本身見到網上很多好評讚賞泡芙，但因為太飽同方便在街進食，所以我同朋友都選擇嘗試沙冰。一行四人，三人都覺試出一條新血路，我與二名友人一同嘗試的那款叫係京都嗌交沙冰，另一名係伯爵奶茶沙冰。其實餐廳環境很乾淨清潔的，但店外接近坑渠，等待途中有不少小強在附近行來行去，其實幾有壓力，仲因為可能天熱有陣坑渠味，我地見唔係太多人所以諗住應該好快，所以照企係門口等，最後由落單到四杯到齊差不多等了25分鐘。在等候過程都見到職員態度良好及細心制作，第一杯伯爵奶茶沙冰，朋友表示雖然味道有點淡，但有小小橙味加伯爵茶味道幾得!值得一嘗!戲肉來了!「係京都嗌交沙冰」係咩?如果我無聽錯的話應該係咖啡加奶茶，個人認得可以簡稱鴛鴦沙冰。我本來覺得個名好有趣，但我試完之後覺得佢個名應該叫「係尖咀爆粗沙冰」，我與2個朋友都覺得真心得個伏。味道淡到無朋

首先，幾位職員都友善親切，令人心情愉快，胃口都會好d真係會立即加分小店就係需要有人情味，呢間做得到！坐近kitchen 見到職員點準備食物，都感到佢地有誠意，仲會主動同客人介紹，香港難得，抵讚我地叫左popcorn and rocks ，cappuccino gelato 改earl grey gelato! 响外國好易食到好味earl grey ice cream/gelato，响香港真係較少，呢個較重奶味，都好味！配個好脆口的puff 同popcorn ，個味都幾夾！Parline & Noir 個hazelnut gelato 好味!如果你超愛北海道牛奶同煉奶，你會好鍾意呢個好奶味的gelato

自己都算係喜歡甜品的人，特別喜歡泡芙！之前有食西樹泡芙，地點方便，地鐵站就有。Owl 泡芙試過焦糖燉蛋泡芙，簡直欲擺不能！ 脆脆的焦糖面，加上軟滑燉蛋！Perfect Match. 不過比起來，Size 比較細，但質素好高，值得推薦！

因為附近嘅餐廳未開晚市嘅關係，但係又好想食嘢，同朋友喺附近行嚟行去，聞到好香嘅味道就走咗入去試吓。入面有好多唔同款式味道嘅雪糕。我為咗留肚食晚餐，就只係叫咗個雪糕食。朋友就叫咗個praline noir , 好好味，新鮮整，好鬆脆，個雪糕超正 ，所以成個加埋就好正！ 但係呢度嘅位置唔多，所以等嘅話一係就要喺出面等，等位坐係到食就比較困難。 佢哋留咗我哋張單，所以等嘅時間比較耐。但係呢度嘅人服務態度好好，好友善，有禮貌。 欣賞呢度用心製作經營。見到佢哋每一個都好認真去做。 大讚！

奪得米芝蓮街頭小吃推薦的泡芙，到底有什麼吸引之處呢？小編就點了一個熱門的泡芙 - Red Velvet ，因為怕雲尼拿味雪糕太甜的關係，店員貼心地提議可轉做earl grey 味雪糕。付款後坐在一旁等了一會兒，紅白分明的雪糕泡芙就送到我眼前，顏色十分搶眼！天鵝絨泡芙中間夾著的是gelato (原本是雲尼拿但小編轉了做earl grey)、天鵝絨蛋糕及士多啤梨玫瑰醬，泡芙的外層烘得很脆，配上細滑的雪糕一起吃，亦不會被雪糕弄得濕濕的，earl grey 味的雪糕和泡芙亦很夾，而且不會太甜，值得一提是士多啤梨玫瑰醬味道亦十分清新天然，淡淡的玫塊味豐富了整個泡芙的味道，再加上天鵝絨蛋糕及栗米片，口感不錯唷！整個泡芙較平時買到的大，很難整個放進口，店舖有提供匙更給大家使用，大家就不怕弄髒自己了～

終於食到米芝連小店啦！ 好早期行過已經好有興趣，今日難得係附近食飯又唔係太飽所以就決定買一個最signature嘅cream burlee puff($30)🍻🍻 話說門口有位應該係老闆非常友善！好有耐性咁介紹d甜品比我地，感受到小店個種warm 😍 個puff係即整所以等左好耐下🧐🧐🧐但味道係非常之好！首先上面cream burlee好香焦糖味，食落去好軟好滑，甜度適中:-D 而puff嘅表面係酥皮咁嘅，牛油味都出，食落層次分明，行過一定要食😏😏😏

><平時食泡芙 都係食連鎖鋪頭Choux Creme或者Beard Papa’s素聞呢間拎到米芝蓮街頭小食推介嘅甜品店Creme brulee 焦糖燉蛋泡芙($30)比咗錢之後 店員即刻整焦糖脆層 所以都等咗陣清楚見到黃澄澄吉士醬白雪雪雲呢拿仲有黑色一點點嘅雲呢拿籽 非常滑溜creamy但係唔覺有燉蛋呢?!!!><><><><><><><><><><><Owl's Choux.Gelato.Coffee尖沙咀麼地道32號地下

Signature Vanilla ($25)招牌雲呢拿泡芙啲泡芙雖然有啲細個 但係真係整到個皮又薄又脆 入面嘅忌廉有齊custard同cream兩層 好清晰見到雲呢拿籽 好香滑好creamy 仲要一啲都唔膩The puffs were a bit small, but I love how thin and crispy the choux pastry is. The cream inside is duo layered - with both custard and a vanilla cream that’s filled with vanilla seeds. It’s incredibly creamy without being too sweet or heavy.----💭RatingYums 8/10 👅Worth 7/10 👍🏻

Popcorn & Rocks $58雪糕泡芙有四款 揀左Popcorn&Rocks 杏仁泡芙中間夾住咖啡曲奇雪糕☕️🍪內裡有粟米片 外層有幾粒焦糖爆谷 泡芙加左杏仁片更加香脆可口🤩泡芙內部有少少海鹽焦糖漿 但都唔會太甜 最抵讚既係雪糕入口軟滑 甜而不膩 奶味較重 咖啡味慢慢滲出 咁樣反而唔會搶左泡芙風頭😋

這個K11對出的三角舖位，前身是賣七彩雪糕的放牛牛，結業後換上場的竟又是一家雪糕店。海報貼住一個又一個好似漢堡包既選擇，仔細看「包身」是法式泡芙，中間夾住的是意大利雪糕。在羅馬，筆者也見過意大利雪糕漢堡，不過當地人用「真麵包」（嘉頓Bun果隻），配法式泡芙還是未見過。雪糕漢堡（$58）有四款口味，雪糕還加配料，像Froyo（不過並非自選）。我選了曲奇咖啡爆谷味，「泡芙包身」幾酥脆，口感似強化版的菠蘿包皮，雪糕就較甜，不過非常滑，跟正宗Gelato差不多，咖啡味亦很香，好食！雪糕底部還加海鹽糖漿，令味道層次豐富。朋友點了天鵝絨蛋糕雲呢拿雪糕，雪糕底加了玫瑰糖漿，賣相滿分，同樣甜滑，但「天鵝絨蛋糕Ｘ雲呢拿」沒有「曲奇咖啡Ｘ爆谷」的驚喜。店長說雪糕自家製，用意大利雪糕機製作，其實很多人不清楚意式雪糕跟美式雪糕的分別，前者脂肪含量少，亦打入較少空氣，所以吃起來滑，感覺很足料；後者就加較多忌廉，打入大量空氣，所以不可能像前者堅挺，更莫說塑造成花瓣、雪山等形狀。泡芙則交給法國藍帶學院畢業的餅師每日製作，配方又是自家研發，聽來這小店充滿誠意。最後，店長請我們吃迷你法式泡芙，說在歐洲街頭，這種小吃很流