入圍最優秀 尖沙咀 開飯熱店
開飯介紹
雖於韓國以炸雞聞名，但這間韓國以外的首間海外分店，芝士肋骨鍋比炸雞更受歡迎。店內更有鐵網供情侶掛上情侶鎖，綽頭十足。
繼續閱讀
營業時間
今日營業
12:00 - 16:30
17:30 - 22:00
星期一至四
12:00 - 22:00
星期五至日
12:00 - 16:30
17:30 - 22:00
有關獎賞計劃
食家推介
相關文章
今日中午同女朋友出左去食飯，好似好耐都冇食過韓國野，所以同女朋友都去揀睇下食咩韓國野好，咁上網睇下睇下，搵到呢間既評語同介紹都唔錯，所以就決定試試佢~一入門口，就已經有韓國首爾塔下既感覺😂而內裏既裝修都幾有心思，又有情調🥰第一印象幾唔錯，氣氛又幾好咁野食選擇黎講都幾多種類，見佢最主打應該係芝士王國同炒年糕，望落幾吸引，可惜我得我同女朋友兩個人炸😩太多實搞唔掂，同想試其他野，所以就放棄左，希望下次多d人既話就叫返個試下甜辣炸雞🌶甜甜地又帶點微辣，唔會辣到好功鼻，夾埋都幾match，炸雞熱辣辣~估唔到係有咁多薯角薯條，食起上黎都已經少少飽😂再配埋醃蘿蔔，酸酸地即刻好開胃😂食韓國嘢唔少得飯卷，叫咗一個炭燒豚肉飯卷，份量都幾大，材料都好豐富，炸雞加呢個已經飽哂😂煎餅煎得非常鬆脆，材料好豐富，食落唔覺得好油膩，加埋個醬汁，酸酸甜甜好惹味~最後尾樣樣都食剩d，打包拎走左唔好曬Surprise 既係返屋企整返熱氣炸返熱都好好食！總括嚟講呢間質素都幾好韓國嘢來講，下次有機會我再想黎食！🥰
繼續閱讀
之前食過呢間韓國餐廳既旺角店既炸雞已經覺得好正！今次約左朋友係尖沙咀今lunch見到佢地原來都有分店就拉住朋友入去食！忌廉海鮮有別於常見以泡菜做調味既韓式煮法,換上西式忌廉汁製成fusion感十足既料理.原隻炸魷魚屹立係鐵盤上顯得格外豪氣.魷魚炸得香酥,外脆內彈牙,雖然係油炸但油膩唔會好重.配上忌廉汁味道驚艷,沾上濃厚既忌廉汁令魷魚鮮味更突出而且口感更香滑.忌廉汁內亦充滿蝦及蜆等海鮮,同樣增添鮮味.配料既年糕及魚糕煙煙韌韌,吸晒忌廉汁同海鮮既鮮味,完全滿足到味蕾.主盤旁邊帶有各款小菜同時食用,芝味香濃又香甜既粟米水牛車打芝士,拉起層層芝士絲.鹹香紫菜飯.香甜菠蘿粒,化解膩滯感.辣味十足既香炒泡菜.脆薯三重奏集齊波浪薯條,薯格及薯角.果然韓國餐廳炸物方面相當有水準,炸出黎同樣唔會過份油膩令人感到有負擔.厚切脆薯薯香味特濃又夠粉口.Mojito清爽既青檸及薄荷味配上梳打,可以嗝一口氣化膩滯感.酸酸甜甜亦為口腔除去肉膩感.Green apple ale青蘋果梳帶同mojito一樣化解膩滯感,唯一不同係多左一份青蘋果清香帶微酸既味道.
繼續閱讀
🌕Hello我係Moon🌕最近天氣又好似轉涼左然之後想食辣嘅衝動又湧上心頭，😍但並非麻辣或者酸辣而係韓式嘅辛辣係我腦海入面慢慢咁浮現出嚟。既然心動就不如行動，😆去試吓而家都好出名嘅Outdark 尋回韓國嘅滋味。🧐Dark 除咗係解黑暗嘅意思之外另外佢嘅發音都好似韓文嘅雞，🥰所以呢一個名就可以話係一字多義。🤤雖然而家韓國餐廳主打嘅通常都係炸雞🤣但要食得出一間餐廳嘅質素相信就要從佢招牌菜以外嘅地方入手。😆就好似今次要咗芝士豬肋骨鍋，😍裏面包含嘅嘢除咗係豬肋骨之外仲有一大堆嘅水牛車打芝士🤩另外側邊當然會有爐邊蛋同埋紫菜飯。🥳作為燒烤同埋芝士腔嘅我當然唔可以錯過。🥸芝士份量未食已經睇得出有幾誇張，😊當然要同豬肋骨撈埋一齊食再配合辣醬先至係最正宗最享受最有口感嘅食法，😇本身已經有少少辣度喺度但如果自問又食得辣又想挑戰嘅話可以要求加辣㗎。😗朱立骨啖啖肉而且夠晒Juicy, 🤣一定一定要撈埋芝士一齊食咁就多一份口感，😂可以再配合一啖嘅紫菜飯同埋泡菜咁就所有嘢喺口入面綻放嗰種感覺真係滋味無窮！ 😤當然都唔少得店員悉心為我哋撈勻每一種材料另外都會睇住我哋嘅火候唔好出現燶嘅情況。😳第二個推介嘅就係炭豚飯卷，😏相信紫菜包飯亦都係喺韓劇亦都唔少得嘅一個又簡單又輕便但又集齊唔同口感嘅小食，特別係野餐嘅時候更加係不可缺少。😎諗到呢度就已經feel 🤓有幾清新。而呢一個炭豚飯卷🤓除咗有唔同嘅雜菜配料之外當然唔少得最外層充滿着麻油香嘅紫菜，😏而呢一樣亦都係同日式嘅手卷唔同嘅地方就係唔追求紫菜嘅香脆反而追求麻油嘅香😚配合埋蘿蔔以及其他蔬菜嘅鮮甜，😍另外當然仲有主角就係炭烤過嘅豬肉，😌頓時就好似食緊一個迷你豚肉丼，😗但係麻油嘅味道實在係腦海揮之不去，😌絕對係不可多得嘅一個功臣。🤪小食方面一定唔少得番薯芝士條，🤣尤其是當佢啱啱送上嚟嘅時候就係要即食嘅時候因為拉絲嘅效果就會隨着時間而消失，😇番薯因為係用咗紫薯蓉所以甜到亦都較高，😌香脆之餘芝士又夠視覺效果，😗份量啱啱好，😉作為入正題之前嘅小食絕對係不二之選。除咗炸雞，😌其他食物都可以帶嚟唔同嘅正面效果，🤪某程度上已經同正式嘅韓式餐廳係一樣咁正統，😎無論係慶祝節日或者生日甚至係情侶約會，🥳呢一度都會大髀你一個神秘而且難忘嘅用餐體驗😏🌕最後Moon Moon真係好滿意依間outdark呀，😌有留意我嘅朋友仔應該發現我每隔一排都食一次，😏有時候朋友聚會我都推介outdark，因為真係好高質素！！🌕
繼續閱讀
與妹妹逛尖沙咀 覓食時又想吃韓國菜想起這間環境正又方便 韓國的過江龍掛滿星星月亮燈 微暗燈光聊天很不錯座位也很闊落舒服 氣氛好所以挺旺場餐牌選擇不少服務可以 欣賞它不限時-⧫原祖炒年糕 海鮮⧫ $328主角鐵板辣炒年糕 加上大大隻炸魷魚年糕以特製辣醬及雜錦海鮮炒 好豐富店員來幫忙剪開大魷魚 甜心服務加分辣度剛好 以鐵盆火爐烘住食煙韌惹味旁邊小格有幾款配菜 炒泡菜正常味道粟米水牛車打芝士 配搭魷魚吃更邪惡紫菜飯有麻油香 撈埋辣炒年糕相當夾菠蘿粒是罐頭菠蘿 可以用來中和辣味整體不錯的 把街頭小食變身豪華版本-⧫甜辣炸雞⧫ $118 / half是啖啖肉的無骨炸雞 還附有很多配料炸薯條薯格薯塊很香口 傾計配酒一流炸雞調味並不算辣 整體偏甜容易入口還提供辣醬及蒜蓉醬 口味能自己調節愛炸物的妹妹 相當喜歡這碟特式炸雞-⧫Outdark Ade - Grapefruit⧫ $34賣相好靚的西柚梳打 價錢合理又解渴
繼續閱讀
拜年後無所事事，就同朋友去返呢間曾經食到我舔舔脷嘅韓國餐廳食early dinner🥰🇰🇷香蒜蜜糖炸雞（$118）除咗原味炸雞，就未食過其他，所以店員向我推薦呢款比較多人點嘅口味！炸雞炸得香脆又啖啖肉，淋上甜甜地嘅香蒜蜜糖醬幾惹味😋但朋友不好甜食，相比下會較喜歡原味！另外仲有薯條、薯角及薯格，配埋醃蘿蔔、茄汁及甜辣醬一齊食夠晒滋味😋🇰🇷豬肉炒粉絲（$88）粉絲加入麻油，連同韓國豬肉、冬菇、洋蔥及蘿蔔絲等一齊炒，粉絲及蔬菜吸收咗肉汁後好入味，麻油味夠香，面層嘅芝麻粒令香味更突出，真係幾好食😋🇰🇷東萊海鮮煎餅（$118）呢個煎餅真係每次必點🤩蔬菜及海鮮配料多得誇張，與粉漿比例唔成正比😆口感又夠豐富，暫時係我食過最好食嘅韓式煎餅😋真係極力推薦👍🏻🇰🇷炸蝦飯捲（$88）之前食過炭豚飯捲，所以今次就試吓炸蝦😋飯捲除咗主要嘅餡料有分別外，其餘餡料感覺上差不多，都係有青瓜、蛋、醃蘿蔔及菜等，味道同炭豚飯捲差不多，一樣咁好食😋但如果醬料多返啲會更好！🇰🇷Ice Peach（$34）飲品加入鮮檸檬片及薄荷葉，所以除咗有桃味外，仲有檸檬及薄荷味，味道甜咗啲，但呢杯飲品確係解渴嘅👍🏻最終又係份量多到要打包返屋企做宵夜😆
繼續閱讀
您可能會有興趣的...