OPPA韓國燒肉店

營業中

休息中

成班同事一齊趕project，做到八點幾先收工，大家就決定一齊去食埋個晚飯，落咗旺角食就揀咗呢間韓燒，我地四個人啱啱好見到有個宵夜四人餐只需六百幾蚊，咁就決定要呢個。職員好快手就俾晒前菜我地，又有麥茶提供，好啱韓燒肉飲，因為麥茶有去油之用。前菜有海帶、芽菜同埋泡菜，本身我因為怕辣都無點食啲前菜，但因為同事一直話好好食就決定試下，泡菜真係好好食，我地添咗三次添，個泡菜小小辣，但慢慢嚟都可以食到。而韓燒有既芝士蛋佢地都有，入面有小小泡菜，加埋芝士好好食。每人有一枝飲品，可以揀韓國啤酒或啫一啲罐裝果汁，我就揀咗韓國啤酒，酒味都幾重。餐既嘢食包咗南瓜拼翠玉瓜~大虎蝦、帶子、多春魚安格斯肉眼扒牛柳粒和牛脷職員好好咁主動幫我地燒埋啲嘢食，牛脷超級好食，燒得啱啱好，好爽口。帶子燒完之後都好好味，而咁多肉入面我最鍾意呢個安格斯肉眼扒，職員好好咁幫我地分開晒一條條，而且一邊邊慢慢燒，燒完一啲都唔「銀」，加埋菜包住食啱啱好，罪惡感無咁重，不過就咁食都好好，唔算太肥。呢個都係職員幫我地燒埋蝦，仲幫我地開埋蝦殼，因為本身都好怕麻煩開蝦殼。本身叫呢個餐既時候都有啲怕好似唔係話太多嘢食會唔夠飽，但食完之後就覺得啱

燒肉真係會食上癮！但今次就比較注重燒肉既質素，見到旺角有間燒肉夜晚仲有夜割時段，鮮生宵夜餐 ($668/ 3-4人份量) 食物款式好多！主要有肉類同海鮮😻先食咗枱面上既頭盤先，有海苔，泡菜，芽菜，味道幾好，食完準備食主菜🙈先食和牛脷，呢個係牛之中既極品，肉汁鮮嫩，食落仲好彈牙！牛柳粒都好正，睇到肉粒上面既紋就知道，肥瘦比例啱啱好~然後就仲有安格斯肉眼扒，鮮甜肉嫩，呢度肉眼扒食落比牛柳粒口感更實在，都係好正既牛肉！食完肉類就係時候食海鮮喇🤤 先整咗帶子先，好甜好彈牙！又夠哂大粒，正！多春魚同虎蝦都係煎香咗再加少量檸檬汁，鮮味就更重~ 最後食埋牛油炒雜菜就完美結束呢餐宵夜🤤

有人突然說想吃燒肉，正身處旺角東站，從Openrice 找到了在附近的Oppa。這間分店比大埔分店面積小一點，我們早到，還不算太多人。格局和一般韓式燒肉也沒大分別。最喜歡這些吃不完的小碟和生菜。加拿大牛排骨 $128/250g肉醃得夠味又不會蓋過牛肉的原味，肉質有彈性又好咬。我真的很喜歡吃爐邊蛋，不過這裡只有一次免費。而這裡的職員也會幫手燒肉呢。五花腩 $98/150g吃韓燒五花腩幾乎時必點，燒到脂肪部分變香口，油香與肉香混在一起，口感不再油膩，再用生菜包著吃，更覺爽脆美味。豬皮 $78/100g這裡的豬皮是未經醃製的，更特別的是燒好後是沾上黃豆粉一起吃，膠原滿滿的口感下再加一點甜味，蠻有趣的。而這個以防豬皮在燒時會彈起的金屬罩也很讚，夠貼心。煎韓式海鮮餅 $88除了燒肉，這裡當然也有煎韓式海鮮餅其他韓食，像這個煎韓式海鮮餅。看起來很紅但其實沒有很辣，而煎餅不會太粉感，海鮮的份量不算少，分佈亦平均，邊位煎到脆口而中間部分煙韌。OPPA算是韓燒裡價錢算合理的，質素亦算不錯，想吃韓式燒烤可以考慮這裡。

自從喺首爾返黎香港後，我就好似比人開咗個韓國MODE咁，約親食飯都係㨂韓國嘢食。我真係唔抗拒，因為只要係好味既，就食多啲都無問題。我哋三個女仔都好肚餓，一口氣叫咗個牛鮮生宵夜餐四人餐。呢個牛鮮生宵夜餐入面都好豐富吓，有安格斯肉眼扒、和牛脷、大虎蝦、帶子、牛柳粒、多春魚、南瓜拼翠玉瓜菜籃，跟餐仲有韓啤4枝，食燒肉一邊又可以啤啤佢真係好爽，不過我哋都㨂返飲汽水算。一開爐就會有STAFF幫手喺爐邊加泡菜同落蛋漿，一邊燒肉一邊睇住個蛋慢慢變熟。安格斯肉眼扒份量十足的肉眼扒，肥瘦適中，肉眼扒上菜時面頭已附上香草跟海鹽，若你不是重口味人士，就唔需要點其他醬汁，就咁食最好，可以食到個扒本身既肉香，宜家睇住張相都流晒口水。和牛脷 切到細細塊既和牛脷，好處就係好容易燒熟，係咁二燒幾吓就食得，爽呀。大虎蝦 差不多同隻碟一樣長既虎蝦開邊，好鮮甜。帶子珍寶SIZE既帶子，煎完之後外表燒至金黃色，又一樣唔洗點醬汁都勁好味既。牛柳粒粒粒都好大，燒既時侯要留意，第一次燒時不識，個心未燒熟就拎黎食。多春魚考驗你燒野既功架，難道系數最高。南瓜拼翠玉瓜 菜籃翠玉瓜燒起黎估唔到咁好味，外皮香脆，內裡仲好多汁咁。相對黎講南瓜

愛吃韓國烤肉的朋友福音來了📣📣📣旺角oppa Korean Restaurant 好抵又好食😋😋😋3至4人套餐$668加埋1都係$735，有咩好食😁1)和牛脷- 勁好食，平時唔食牛脷都食唔停，肉質好彈牙👅2)牛柳粒 - 好香口入口即融，食得出係優質韓牛肉🐮3)安格斯肉眼扒 - 好大塊而且有少許肥膏，超嫩沒有渣，好美味啊～😇😇4)多春魚🐟魚不是我朋友，但好香有鮮味既😏5)帶子👍🏻好食好大粒好爽口6)虎蝦🦐好新鮮蝦味濃7)南瓜🎃配翠玉瓜🥒很不錯，是新鮮的8)鐵板上的泡菜蛋🥚大愛啊～很滑而且好夠味9)套餐包4枝啤酒或飲料Oppa你不單只俘虜了我的心💗而且仲俘虜埋我的胃😘😘😘Oppa你真係冇得輸😉😉😉 沙拉嘿喲❤❤❤我會再來幫襯的，等我呀～oppa🙆‍♀️🙆‍♀️🙆‍♀️

看見大家的食評大部分都讚，趁有時間專登出旺角去試下。見食評話好多人幫襯，所以預先訂定位，8點準時去到一半客都無，到我9點半走都未坐滿客，心想可能是平日關係吧！食物質素：叫了一客和牛拼盆$458，和牛無牛味，基本上係無味，味道強差人意。部隊鍋麵$58/$68(唔記得)，味道可以，有兩塊厚切午餐肉、一隻煎蛋、少許蔥絲泡菜和海帶。西瓜特飲$58，相片是用半個西瓜當杯，盛裝著西瓜冰，看見相片即被它的外形吸引，但當現實來到，原來是用一隻普通啤酒杯裝住西瓜冰，即時覺得原來相片只是參考。還有，泡菜、芽菜、生菜和海帶是任食的，無錯，但原來爐邊的泡菜蛋再添要$18/次，這泡菜蛋，好食嘅俾錢都無所謂，但這泡菜蛋，又係無味的，就算免費可再添也無興趣。食完後終於知道點解今日無乜客人，唔係平日的關係，係食過一次根本唔會想再去，真係唔明點解咁多好味嘅食評。

今日遲左收工, 好鬼肚餓, 同埋3個同事一齊放工諗住食埋宵夜先返屋企, 唔知點解會冇那那去左食燒肉!!!其實係比佢門口個宵夜套餐吸引左入去, 而且其中仄固同事話食過呢間OK。入到去唔算大味, 唔似一般燒肉店好大陣味, 裝修都幾得意, D牆全部都係搞笑油畫, 座位係可以開蓋裝袋個一種, 所以D袋同埋外套都唔會野到燒肉味, 每個爐都有一條大笨象鼻申落黎吸油煙, 所以整體唔會污煙X氣。=]一坐低未叫野食已經有前菜啦, 有泡菜,大豆芽, 紫菜。同埋爈邊有泡菜煎蛋, 好似係可以添食架, 不過我地最後都食到好飽冇問到係咪任添!! XD 我地叫左個牛鮮生宵夜餐 4人餐 $668安格斯肉眼扒好大塊, 肥瘦適中, 姐姐會過黎幫下手燒同剪, 所以唔會燶, 仲燒得好靚, 7成熟岩岩好。肉質好JUICY!!!超正!!!我眼見好多人就算唔係叫餐都叫呢個安格斯肉眼!!真心正!!和牛脷 已經幫我地剪好左, 仲醃埋味, 薄薄既牛舌, 好快熟同埋有陣’’SO’’味, 個人黎講係幾中意, 但牛舌我都係中意食厚切個隻多D, 有D咬感, 不過呢個個味道係唔錯既。大虎蝦 2隻佢開左邊變左4隻仔, 雖然好容易知道熟唔熟, 而且整

韓國料理、韓燒、烤雞我地都好捧場，間中又想食，而家都多左好多韓燒店，會供應韓牛，甚至和牛，咁變相俾左錢，都可以食得番相應嘅質素。OPPA位於洗衣街，過往亦都係生意很好，每次經過都滿座，加上餐廳唔係好大，我地都預先訂左位好在訂左，真係爆場。我地點左個二人餐，每位308蚊，主打食和牛，有不同部位，A4級數，交足功課。坐低少不了泡菜爐邊蛋、前菜三小碟：泡菜、芽菜、海帶，任添，另有醬料。鐘意呢度嘅烤爐，長方形，高低腳，變左燒肉嘅油份可以向下流，冇咁油膩。爐邊蛋距離火力較遠，冇咁容易烤老。套餐包括A4和牛拼盤：日本A4牛肉眼、A4黑毛和牛肩肉、A4黑毛和牛背峰、A4黑毛和牛三角腩、澳洲和牛舌、雪花腩、封門柳；另外可以喺海鮮泡菜湯、真露煮蜆中2選1，我地鐘意食辣，就揀左泡菜湯。飲品都包左葡萄汽酒兩杯，酒味唔強。最後仲有埋甜品，係movenpick雪糕兩杯，可以揀朱古力/草莓/雲呢拿味。海鮮泡菜湯：A4和牛拼盤：我地知識就較為缺乏，都分唔到邊款打邊款喇，都係睇隻牛嘅位置估估下。牛舌、背峰就一睇都知嘅。背峰油脂多，鐘意食油花嘅朋友肯定鐘意，又夠嫩滑。其他牛肩肉果D都夠腍身，唔洗燒好耐。我個人鐘意食和牛

講到韓國燒肉，我第一時間都係諗起呢間oppa，質素高又唔算貴. 新出menu 和牛拼盤實在太吸引，咁岩fd 最近想食韓燒，約埋佢黎到聚下.不得不講，客人眼睛係雪亮既. 呢度人氣愈來愈旺，比起第一次黎愈來愈爆場，除左full booking 坐滿店內，出面都仲有幾枱客排隊等緊. 我地平日夜晚book 位，都要等ard 15-20mins 先入得. 所以要黎真係記得記得記得預先預約，walk in 基本上要等1hr，peak day 可能更誇張.呢個就係我講既新menu, 每位308，包左和牛拼盤，湯一個，汽水酒同movenpick 雪糕.選左apple cider，同韓燒絕配. 好像係韓國汽酒？感覺酒精濃度比起平時飲開既apple cider 高.前菜有泡菜，荳菜同紫菜，都可以refill. 其中最愛當然係最惹味泡菜啦，就咁食或者包生菜同肉食都好正.黎到店員仲會落材料倒煱邊蛋，泡菜洋蔥碎等，加上剛煮得大半熟，嫩嫩雞蛋完全絕配. 印象中之前好像仲有cheese 不過今次無. 登登登登，主角入場. 多款和牛見到都已經流哂口水其中包括日本A4牛肉眼、A4黑毛和牛肩肉、A4黑毛和牛背峰、A4黑毛

呢間oppa韓燒成日都行過，今次一位好鍾意食牛嘅朋友生日，終於都有機會試下。我覺得無論鍾意韓燒定係熱愛牛肉嘅朋友都應該會好鍾意呢度！呢盤牛真係好吸引，要起碼2人先可以叫，一開始睇落覺得唔係好多，但食落就知勁滿足！由於得番一杯雪糕，所以老闆俾左一隻帶子代替，算係不過不失啦…啲side dish 好足，食晒唔夠仲可以免費再添。有份胡椒魚片豬肚粉絲湯，真係好夠味，好正呀！呢條煎蛋都係亮點，倒蛋液之前加左少少泡菜碎，趁佢仲未完全熟晒就食左先，好滑溜好正呀！

超想吃燒肉啦！！聽說這間有和牛拼盤，當然馬上就來了。小菜是任食的喔～吃不夠的話可以再添～烤肉新手不用怕喔～店員都很好人如果發現你不會烤的話會主動來幫你烤喔～如果只有2個人的話又想吃到不同部位的牛的話拼盤就很適合喔～首先肉非常新鮮，烤半熟也可以很安心地吃。每一塊肉都肉咪很濃很多肉汁。個人比較喜歡吃牛舌，沒有什麼油份又很好吃，完全是減肥女孩的好朋友～蛋也是任添的喔～因為是慢慢烤熟的所以很嫰，中間有泡菜，酸酸辣辣的蠻開胃的～

韓燒店越開越多，要揾一間有質素既韓國燒烤店唔容易，前兩日去旺角行完街，行到去近新世紀廣場水務署對面有一間叫“OPPA"既韓燒，尼間有質素既韓燒絕對推介。打開menu選擇多，免得煩我地就點左個“海鮮和牛二人餐”，套餐包括海鮮、和牛、湯、飲品同埋甜品，竟然仲有鹅肝，真係樣樣都有，一次過滿足曬唔同既胃口。海鮮有帶子、鮑魚、大蝦，帶子大大隻，只需要兩邊燒一陣已經食得，帶子夠晒新鮮彈牙，個人覺得燒到七乘熟已經夠，燒太熟會變得乾。原隻鮑魚每人一隻，因為鮑魚肉厚又夠實，所以要燒耐d，店員好細心敢幫我地處理，仲剪開小塊，容易d熟，鮑魚同樣新鮮彈牙，但比較起來帶子會好味d。大蝦已經開邊，方便煎熟，海蝦夠大隻又夠鮮，每人一隻食完都好似唔夠喉。海鮮材料夠新鮮，完全唔洗加調味料，原汁原味好正。尼個餐我覺得最正係鵝肝，估佢唔到原來簡單煎香已經好味到爆，鵝肝肥美，一煎已經出好多油，兩面煎到金黃香脆，外脆內軟，原來材料靚自己煎已經有高級西餐廳水準，尼個真係必食。另外餐有包一鍋湯，我地揀左泡菜海鮮鍋，海鮮湯料唔算多，味道泡菜辣，令到更加開胃，但略為咸左少少。到主角和牛出場，和牛由一塊和牛型既木盆盛戴，分別好不同牛肉既

傳說中韓國人落雨會特別想食炸雞，因為雨聲令佢地聯想到油炸聲。 今晚落住毛毛雨，我腦中亦響起鐵板既渣渣聲，於是老屈朋友陪我去韓燒。坐低就見到台面放左大麥茶、生菜同三款泡菜。 雖然可以無限refill但都冇交頹貨，大麥茶好夠凍、生菜夠新鮮，一見唔係普通既冰水已經暗中加左分。前菜有芽菜、泡菜同海帶，正常質素。 可能食開炑八既醋漬海帶，個種水潤滑溜既質感正到可以狂啪幾碟，而呢度既海帶就比較乾身，有少少失望。全個menu最吸睛一定係成隻牛放哂出黎既和牛拼盤，見Oppa和牛二人餐包左拼盤同Movenpick雪糕，就抱住未必夠飽要再加單既心態叫住先。Oppa和牛二人餐 ($308/位)A4和牛拼盤有日本A4牛肉眼、A4黑毛和牛肩肉、A4黑毛和牛背峰、A4黑毛和牛三角腩、澳洲和牛舌、雪花腩同封門柳。 睇完一次都唔知係咩黎，不過好貼心地以全牛托盤上台，牛肉屬於咩部位已經一目了然。一共七款牛肉色澤鮮明、油脂分佈平均，迫不及待放上鐵板，三兩下手勢幾秒內就食得。 牛肉係幾新鮮嫩滑既，不過韓式包菜配惹味豆醬既食法令牛味唔太突出。我自己就最鐘意較肥膩既雪花腩同三角腩，其餘部位就切得比較薄同埋多瘦肉，未有太大驚喜。

難得朋友開口話想食燒肉，之前都食過呢間覺得唔錯～就帶左佢黎試下😆👉🏿✨oppa 和牛二人餐 Hkd 308 💸📌入面包左一個和牛拼盤，海鮮泡菜湯/清酒煮蜆，2杯野飲同2杯雪糕😀因爲個日雪糕冇晒，所以就轉左2隻帶子俾我地👌🏽📌和牛拼盤基本上牛既位置都有齊晒，每個部位3-4塊，都好夠食😈啲和牛非常快熟～唔識點燒已經好快食得👍🏿📌泡菜湯入面確實有好多海鮮～不過就略嫌咸左些小，如果有碗飯倒落去食就一流！📌野飲方面同朋友都唔想飲酒🤢所以叫左普通野飲，之前飲過梨汁，原來提子汁都一樣咁好飲，推薦喔！

朋友話好想食韓國燒肉 咁啱係旺角附近行街 見到呢間oppa燒肉就入咗去食舊燒肉泡菜坐底咗之後店員就送上各種伴菜 有泡菜、豆芽、海帶 仲有包肉食嘅生菜 呢啲全部都可以無限refill 我地之後就嗌咗什錦牛肉、豬頸肉、小八爪魚、韓式部隊飯呢個韓式部隊飯係食之前要上下咁搖下 入面有啲豆芽、午餐肉、荷包蛋等等雖然有啲辣醬係入面 但食落口都唔會辣到食唔到 反而會有啲甜甜地嘅感覺 而且加埋其他伴菜一齊食 口感都好豐富而呢個小八爪魚睇落好似冇乜味 點知燒完食落口係有啲咸味 感覺都幾新鮮之後仲有一個什錦牛肉 入面有幾種不同牛嘅部位 比你一次過可以滿足哂 而且份量剛剛好食個時店員會好貼心咁幫你燒 仲會剪好啱啱好大小比你食 用生菜包住啲泡菜同肉一齊食會冇咁油膩 肉都可以食多幾舊！！Oppa呢度啲店員都好好 周不時都會主動咁幫我地燒下啲肉 而且又會主動加返啲伴菜比我地 服務態度一流！未去到韓國旅行就去oppa燒肉度體驗下置身韓國嘅感覺都不錯 味道環境都同韓國分別不大