OPPA韓國燒肉店

營業中

休息中

今晚同老公撐枱腳，旺角收工近近地食個飯，都好耐無食過燒肉啦！所以就揀左火車站附近間OPPA, 貪食完搭車方便。2個人坐張圓枱好鬆動，如果人多就迫D啦！一坐低就上左D韓式小碟同埋茶，好快手好服務！仲帶泡菜蛋，好好味，仲refill左多一round。因為懶得諗，叫左一個豬拼盆同牛拼盤，最後發現其實應該重手左，因為好多，食到好飽雖然有少少同張相唔同，五花腩都無切到好似花咁既😔，打卡效果差左DD，但其實好好味，可能因為豬比較難燒，所以侍應會逐樣幫我地燒，熟手係真係掂D，燒到D豬脆口又唔會燶，剪到一件件超方便食，牛就我地自己燒，和牛真係好好味呀無得輸超級正雖然埋單有D肉赤，但係抵俾既！

跟朋友約了出來 難得4個齊人好像是叫了個3-4人 還是4人套餐4個人吃 吃完都不飽不值得 東西普普 肉還行但太少環境不怎樣4人坐在一小小圓桌 食物都放不下去坐也坐不舒服只有服務還行後悔來這間

OPPA韓國燒肉店-地道韓式燒肉門面黑鐵框的落地玻璃配以霓虹燈光光管的招牌，內裡深木色的地板、一條條的獨立抽油煙機、鐵桶的梳化椅子，加上牆身的漫畫油畫，地道韓式的感覺。黑毛豬拼盤份量相當有誠意的拼盤，每種部位的黑先豬都大大件，有肉質腍身的西冷豬扒、見瘦肉梅花間竹的五花腩、肉質結實有咬勁的豬鞍，表面的豬皮燒得脆卜卜。A4日本和牛日本A4級的和牛，雪花靚，肥瘦比例非常平均，輕輕一燒後，油份不斷溢出，入口即溶，而且牛味相當濃烈。韓國部隊shake shake 飯泡菜、芽菜、紫菜、流漿煎蛋、韓國午餐肉、韓式甜辣醬，把所有配料和醬汁一起攪拌和搖勻，正宗地道的韓國鐵盒飯。有氣cider 、韓國雪梨汁冰凍的韓國汽水和果汁，消暑解膩。

宵夜烤肉好抵食！前菜仲可以不停refill仲有泡菜蛋可以食叫左幾款肉 全部都好juicy😂除左烤肉 仲有其他韓國野食我地叫左個泡菜湯同飯食完飽到死 一人都係$150大大班fd去食 可以食到唔同既肉下次會再幫襯😆

豬牛雞都死咸亦不新鮮。。豬牛橙色吃起來只有咸泡菜豆腐湯完全不是那一回事。我們幾個人過來一致認為不會再來！我絕對絕對不會再來。最後寧願丟掉都不吃！吃完超級口喝！！

同兩個食肉獸朋友約食飯 本來想 book另一間多啲好評既韓燒 但係 full左，咁見呢間都多好評 咪走去試下 ， 點知比好評呃左，同朋友一致認為係伏，仲要價錢唔平。我地一行三人叫左個$8**既套餐 有牛有豬有雞 有少量海鮮同魚扒， 首先啲前菜泡茶芽菜都正正常常，但啲燒物真係完全唔掂， 牛冇牛味 豬冇豬味 魚有腥味，最重要係冇調味! 仲要啲肉一上黎係暗紅色，似放左勁耐，同埋燒出黎乾爭爭 好難食，自問煮野食都唔差，真係巧婦難為焦米炊。乾都唔緊要，冇味都唔緊要，咁我咪點醬油囉，點知醬油都係冇咩味 我有錯覺以為食緊醫院啲健康餐。總之呢間店啲好評我地真係 r爆頭都諗唔明點黎。

途經旺角呢間韓燒，見價錢唔太貴即管一試，當時時間尚早，只係6點鐘所以無咩人。落左單好快就有得燒了 食物質素正常，無咩驚喜，不過不失啦!! 最中意就係銀雪魚, 但的確需要耐性先可以燒得夠熟!!  但座位就坐得不太舒服，overall都算係性價比高

嚟到旺角行到邊食到邊，今日食呢度OPPA KOREAN RESTAURANT叫咗個A4和牛拼盤，都幾多野食，又包飲品同雪糕，仲要係MOVENPICK,👍👍仲有加個泡菜炒牛小排先嚟前菜同凍茶，任飲任食服務亦都唔錯，侍應會講解個蛋應該點食，同可以加啲前菜落去一齊煮嚟食“海鮮泡菜湯”海鮮料足，湯底亦非常香同鮮味嘅鮮蝦湯底，盛意十足，飲落非常香口”A4和牛拼盤”份量十足，款式亦多，紅紅嘅肉色，証明非常新鮮，侍應亦會每款介紹係那一部份，同會講每一部份大約燒幾耐，務求令客人食到最好嘅效果，非常專業，和牛果然唔同，每一款都有入口溶化嘅感覺，油脂味香濃，亦不失牛肉嘅鮮味，可口非常”泡菜炒牛小排”亦係充滿雪花嘅牛肉，配上泡菜，香蒜，同醬汁可以跟自己口味去落蒜或醬汁，鐘意重味就多啲，無咁重就少啲，侍應亦會教我哋應該落邊款配料，服務真的十分好泡菜配合埋牛小排味道十分配合，香味十足，牛肉亦鬆軟，肉味唔會被搶過，加上少少蒜香韓國提子汁，唔太甜，幾好加上最後嘅甜品，MOVENPICK 雪糕，完美嘅作結

平時食開燒肉都係吃和牛/霜降牛 就算食普通醃嗰隻牛肉都一定會比哩個好食好多哩個價錢雖然係幾平，但真係認真冇下次未食過咁難食嘅和牛，大家可以仔細睇睇啲牛有勁多灰色，極不新鮮，唔知係放太耐定本來已經係唔新鮮的下欄貨是晚3個人叫左兩個拼盤，係食剩勁多唔想食唔係份量多，而係啲肉嘅質素真係會令你望到都飽哂，食落更加唔洗講圖一和牛拼盤4xx，9點半後8折圖二$308所謂的五花腩，雞肉，加牛柳粒五花腩，大家可見🤦🏻‍♀️ 五花肉是咁樣的嗎？？？🤦🏻‍♀️🤦🏻‍♀️🤦🏻‍♀️雞肉鞋都係正常，冇特別評語牛柳粒，都係雪到有灰色我真係從來未試過食韓燒嘅牛係全部都有灰色雪壞哂店員話係正常 總結:全部嘢俾我嘅感覺都係好唔新鮮，真係唔會再有下次

食物味道不錯，肉類嫩滑，小吃如泡菜可以無限添加，煎茶為餐水，工作人員態度好又主動幫忙烤肉，但種類不算多，價格略貴，坐位偏窄，而且套餐沒折扣優惠，但店方不提前告知

記得多年前係呢度食過，負評，但依家個名改左，雖然裝修一樣，但都比個機會佢。叫左幾款燒肉，我覺得都ok, 但蛋比較淡咪，建議自己另加泡菜一齊食，留意，佢同其他韓式燒肉唔同，蛋唔係任加，加一次要18蚊。另外叫左個石頭鍋飯，上面嘅肉勁多，但唔好食，成個飯都唔正宗，又濕，重點唔係配平時紅色個個辣醬，係比一個甜甜地嘅醬你🤷另外，衛生情況真係麻麻，差啲坐咗係張油林林嘅椅上。。。好彩咁啱摸一摸先坐，但隻手都痴立立😤

開業多年終於有機會去試試。當晚坐滿人，見到幾枱客人都點和牛併盤，我都忍不住試試。大約有10個部位既牛，推介牛舌同澳門牛，好滑，油脂分佈平均，入口即溶。配上少咸既醬汁，好味！韓燒必點豬五花，肉質彈牙而保留到水份，份量多，完全足夠兩人食。水冷麵係我成晚最推介既，食過香港咁多間水凍麵，呢間真心係最貼近韓式風味。麵質好彈牙，如果湯汁更酸一點會仲正！食完熱氣韓燒非常適合點呢款麵，完全另一個體驗。席間免費供應生菜同凍茶，好貼心，淨係呢樣都慳返唔少錢。

好耐都冇食過韓燒 結果揀咗依一間黎試吓 食完都冇令我同朋友覺得失望 覺得啲燒肉都算高質！😀我地三個人一共點左五樣嘢 包括一個和牛拼盤 一個泡菜湯 一個泡菜餅 一個五花腩 同一杯啤酒🍻首先講吓個和牛拼盤 佢包括左牛嘅身體所有部份 每部份大約有兩舊 你可以好全面咁樣試到牛嘅唔同身體部位😆 肉質口感都唔錯 雖然個拼盤都有啲貴 咁都值得可以試吓 食完個拼盤當然唔夠我哋飽啦😆依度嘅泡菜餅幾好食 小小酸酸地既味道好開胃 配埋個泡菜湯 感覺都幾特別 而個五花腩都唔會好un 整體所有食物都唔錯！

現時的韓國燒肉店已由傳統的只有韓式醃肉選擇，進化到連高級和牛韓牛也有供應，菜式亦變得多樣化起來。前陣子跟朋友來到了旺角洗衣一間韓式燒肉店，店子佔地不太大，裝潢充滿著韓流風格，枱櫈和擺設跟弘大的韓式燒肉店好像沒兩樣，入到去就像置身在首爾一般。甫入坐店員即奉上了3款前菜(泡菜、海帶、芽菜)和4款燒肉醬汁配料。打開餐牌，燒肉食材的選擇頗為豐富，讓人眼花繚亂，大家決定化繁為簡，點來了一客和牛拼盤，另加點了豬大腸、泡菜牛小排和醬油蟹。店員先在鐵板盤邊位放上泡菜粒，然後倒入雞蛋漿製作泡菜爐邊蛋。筆者較喜歡吃滑蛋，不消一刻見到蛋漿開始凝固再拌匀一下便可以， 入口香滑，蛋味濃厚，泡菜粒增加了脆口，滑嫩爽口。之後店員即席在我們面前炒製了泡菜牛小排，先將蒜片和牛小排略煎，再加入泡菜和韓式甜辣醬同炒，即時香氣四溢，牛小排鬆軟入味，佐上爽口的泡菜，微辣帶酸，濃香刺激，開胃醒神，難怪可列入人氣推介！目測當天差不多每枱都有點這道菜，就可以聯想得到有多受歡迎了。 生吃刺身一向是筆者的摯愛，唯獨醬油蟹就真的比較少吃，數數手指今次都只是第三趟享用這道聞名已久的神級刺身美食。這裏的醬油蟹不算太大隻，但以百多元一隻來說其實

好耐都冇食韓燒喇 今日朋友生日所以好早就黎到 入到去都唔使點等位 同埋最好都係book位先 叫左燒牛肉 跟住就有五花腩肉 肉都ok 都似係幾新鮮 食完都覺得幾飽下 同埋都算坐得舒服