OPPA韓國燒肉店

營業中

休息中

幫襯良心經濟圈 諗住有好西食點知店員服務非常一般 啲肉上咗嚟但係配菜同菜同埋醬料都要提幾次先攞到嚟 環境有啲擠迫 張枱都唔夠放食物食物質素非常 up to standard肉嘅質素非常差 醃到啲肉係紅色 感覺醃料都係好重味精泡菜餅完全冇味 好厚粉 基本上淨係食到麵粉牛肋骨湯好重味精味 感覺係用粉開出嚟嗰啲湯咁樣 飲完好頸渴 總括來講我覺得性價比唔算好高 ，我諗我幫襯埋今次之後都唔會再揀嚟呢度韓燒 希望店舖睇到食評之後可以好好改善

疫情出唔到國，又掛住韓燒，但香港太多混左港風嘅燒肉店。係旺角經過好多次都想食，但偏偏唔岩時候，上星期終於都食左。一入去店員已經放好曬所有餐具同埋前菜， 揀好嘢食之後都好快上菜。 最鍾意佢啲配菜可以無限添加， 包括生菜都可以呀！ 韓式燒肉就係要有生菜包住嚟食先有feel！豬腩肉肥瘦均勻，個人覺得唔包菜色好食啲，食到個豬肉香，但係牛肉就要加菜一齊食，可能因為牛嘅肥油比較多，會好容易漏，加埋菜就多多都唔夠咁。泡菜煎餅同一般食嘅有啲唔同，無咩泡菜味，落左好多薯粉，要加埋佢個汁先好食，但完成唔係泡菜煎餅。後加左個「四太子」，好失望，又細隻又唔新鮮，但要$108，唔會再叫。但會再黎食，只係食肉。

今日跟朋友在新世紀逛完街，大家都好想食韓式韓燒，尋尋覓覓下發現這家oppa韓國燒肉店～就即刻決定好我們的晚餐嚕～首先餐牌上的肉類種類好多！令人花多眼亂，決定不到點哪款肉好的話，$458的和牛拼盆也是不錯的選擇，不過我們看到豬肉的選擇也不錯，就決定散叫，可以每樣試一試。飲品點了新推出的蜜桃西柚梳打及梨汁檸檬梳打。我更加偏愛蜜桃西柚梳打，味道比檸檬梳打甜，清清甜甜的幾開胃。前菜方面，好欣賞餐廳的泡菜！味道不會過酸，口感清爽，好好食～五花腩食韓燒必點五花腩！這份五花腩的脂肪比例不會過多，但充滿油香～爐邊蛋加了泡菜，嫩滑惹味～A4和牛有四大塊，肉身呈嫩紅色，油花細緻均勻，肉質細嫩，入口即溶，不用配醬汁已經好出色，食後齒頰留香。A4和牛肉眼色澤鮮紅，脂肪比例較少但分佈均勻，牛味比油香更濃更突出，口感柔嫩多汁！牛排骨有先醃味，所以味道較濃，包生菜食一流，而且牛肉的口感嫩滑，不錯！黑毛豬非常有驚喜，口感嫩滑但不失韌性，好彈牙，而且有好濃濃的肉香！好好味！炸醬麵比一般的炸醬麵不同之處就是餐廳有加香菇，撈麵時就傳來淡淡的香菇味。不錯！

今日又再次試吓啲新燒肉店呢間嘅地理位置都幾方便 系moko附近既事關我絕對係一個牛肉怪 所以有和牛嘅必須要試吓😂分別叫咗A4和牛同A4和牛肉眼雖然份量唔多 但係每一片都夠大塊入口之後發現和牛真係唔同啲油脂比例絕對令你口腔回味無窮🤣🤣鍾意食牛嘅朋友絕對要試吓呢度啲和牛好少呢啲燒肉餐廳係有啲特飲通常都係得啲韓國罐裝飲品所以就叫咗一杯梨汁檸檬梳打試吓佢唔係咁甜 所以如果食咗好多燒肉之後如果覺得油油地 飲一下呢個都幾好 另外呢度竟然有鵝肝有得燒～所以必定叫嚟試吓😝另外仲叫咗加拿大無骨牛肋肉雖然媲美和牛係比較遜色 但係佢啲肉質都一啲都唔銀而且佢嗰啲調味都好好食同埋佢兩片份量都好多 我覺得呢個都好抵食丫本身都好鍾意飲泡菜湯所以見到呢度都好似好推介呢個泡菜豆腐湯咁都叫咗嚟試吓超級野味 雖然好濃味好辣但係飲完又唔會覺得好口渴 不過我覺得佢比平時嘅泡菜湯真係還要辣啲所以都推介俾啲食得辣嘅朋友試吓😆另外必須讚下嘅就係呢度啲配菜佢3款配菜我都超級鍾意食丫分別係海帶、大豆芽同埋泡菜而且佢都係無限添食每次添侍應哥哥仔都會俾得超級多tim丫😆因為有陣時食呢啲配菜呢 系有啲係蒜頭 青瓜嗰啲但係今次呢啲都係好大眾口味

近排對韓燒嘅熱情未減，所以今日經過呢度再次勾起我對韓燒嘅慾望，所以就同朋友入咗去放低啲錢 😝 見門口推介和牛拼盤，不過因為個和牛拼盤都幾大盤，想試多幾樣食物所以選擇單點。三碟餐前小食一啲都唔孤寒。👍🏻A4 日本和牛，A4 日本和牛肉眼 : 軟嫩嘅肉質，濃郁嘅牛味，入口即溶嘅感覺，日本和牛真係無得頂 😋 加上定價算合理，重點推介。鵝肝 ($98) : 好邪惡嘅食物 😣 不過真係好正，三大件厚切嘅鵝肝，口感細膩絲滑，而且入口即化，真係頂唔順。🥰泡菜豆腐湯 ($75) : 呢個豆腐湯超級足料，食咁多間韓燒最足料係呢間，湯同料嘅比例各佔一半，而且份量都幾多，兩個人 Share 食啱啱好，味道方面就有點辣，可以話辣得惹味又好味。😋美國安格斯肉眼扒 ($178) : 上枱時已經有調味係扒上面，肉眼扒勁大塊又厚切，油花亦算豐富，口感同味道都唔錯。👍🏻加拿大無骨牛肋肉 ($138) : 同樣都係已醃味，醬汁完全滲入哂落啲肉裏面，味道濃郁多汁，肉質軟嫩。

很久沒有吃韓式烤肉，約了朋友去OPPA，曾到過大埔分店吃放題，今次想去旺角分店試試看。位置在洗衣街，地鐵站只需步行幾分鐘，十分方便。< 和牛拼盤 > $ 458 ，是適合2人份量的套餐。前菜份量頗多，包括泡菜、海帶、豆芽，味道不錯。生菜很新鮮，用以捲著烤肉吃，較清爽健康。每位一杯無酒精飲品，我選了提子梳打，低甜解膩。拼盤以牛形木板盛載著，很趣緻， 並以小紙條清楚標示每個部位的名稱。這拼盤相當豐富，有多個不同部位。和牛主要來自日本和澳洲兩地。包括: 澳洲和牛舌黑毛和牛三角腩日本和牛背峰肉黑毛豐西牛澳洲和牛頭脊A5 和牛西冷黑毛和牛肉眼澳洲和牛封門柳澳洲和牛肩胛肉雪花和牛片特别喜歡和牛舌、A5 和牛西冷、三角腩、雪花和牛片。澳洲和牛舌~香而不羶，腍中帶爽。黑毛和牛三角腩~軟嫩甘香，脂肪略有嚼勁。A5 和牛西冷~口感軟嫩，濕潤有肉汁，牛味濃郁。雪花和牛片~油花均勻，白滑有脂香，入口融化。拼盤很豐富，前菜和生菜還可免費追加。牆上有卡通牆畫，色彩繽紛。電視播放著韓星音樂歌曲節目，充滿韓潮動感，特別吸引年青人，所以年青顧客很多。OPPA韓國燒肉店旺角洗衣街117號建煌華廈地下+85

俾我上網見到依間人氣好高嘅餐廳，於是今日難得放假，做埋朋友過嚟同我一齊食，果然係食返韓國嘅味道，食物嘅味道好正宗😛首先一嚟到，依度嘅餐廳人氣好高，但係餐廳好乾淨，加上服務員嘅態度好友善，而且所有韓國食到嘅食物種類，依度都有得賣，我哋叫咗一個二人套餐，分量十足，食到勁飽！和牛拼盤 450g超級推介呢度嘅和牛，肉質好鮮嫩，絕對高質👅湯方面：有兩個嘅選擇，有蔘雞湯或者牛骨湯簡，我哋就要咗蔘雞湯，超級鮮甜！大帶子同埋鮑魚各兩隻，分量真係超大，而且好鮮甜，絕對抵💕😋黑毛豬、鵝肝 50g兩樣都好高質，味道好濃郁🤩雪糕兩杯，另外仲送汽水或者果汁🍹食咗咁多燒肉，食埋個甜品簡直係完美嘅一餐😋👍🏻

而家疫情嘅關係，冇得去韓國，朋友話好掛住韓國嘅嘢食，我就同佢講香港都有好多選擇，之後我就帶咗佢嚟依間oppa燒肉，食正宗嘅韓國和牛套餐，朋友食完之後都讚不絕口，因為嘢食真係好正宗，仲要超級高質，推介個朋友過嚟食😛叫咗一個二人套餐，份量極度豐富！和牛拼盤 450g超級推介依個和牛拼盤，肉質好鮮嫩，食得出同平時嗰啲牛肉有唔同，因為肉嘅味道好出，勁香嘅和牛味👅裏面有蔘雞湯或者牛骨湯簡，我哋就要咗蔘雞湯真係超級香嘅人蔘味，健康又開胃大帶子同埋鮑魚各兩隻超級推介呢度嘅海鮮，帶子同埋鮑魚都勁鮮甜，好juicy😋黑毛豬黑毛豬嘅味道都好新鮮！鵝肝 50g各位鵝肝迷唔好錯過，味道好濃郁💕雪糕兩杯另外仲送汽水或者果汁燒完肉之後仲有甜品送相，呢個價錢來講真係好抵食，嘢食仲要好高質，各位行過都唔好錯過呀😚

💛🧚🏻Oppa Korean Restaurant🧚🏻 #烤肉哥哥 #旺角 #韓國菜 #燒肉 #韓式便當尼間韓式燒肉店真係好好食！！坐底已經比左好多一大枝麥茶，小菜，有泡菜，芽菜，同埋白蘿蔔，款款到好好食！仲可以任添！我地兩個人就叫左一個燒肉二人套餐，有幾款牛、海鮮、豬肉同埋鵝肝食，有仲生菜同野飲（韓國青提子汁、梨汁或者汽水）比我地，肉就好好食，尤其是係五花肉，又唔會比左太多，好厚身，食落好滿足，正正正！不過海鮮就一般般，有蝦同扇貝，無咩特別，因為d肉太出色啦，大家想食多d肉就可以另外單點肉，我地就另外加左水冷麵同韓式shake shake便當，水冷麵係超級大碗，黎到我地都嚇親，仲好夠凍，食燒肉燒到熱辣辣，緊係要食番冷麵涼番啦！仲好足料同夠酸！好開胃！韓式便當就好cute cute，午餐肉好大件，加埋太陽蛋真係超級靚靚！！尼個便當係好似成個飯盒甘，之後係甘chock chock chock，mix好之後就搞點啦！都好好食，一個先58蚊，抵食！最後仲有一人一杯Movenpick雪糕送！今鋪都真係飽到上心口！total埋單兩個人$8xx，尼個肉既質素加埋尼個價錢真係抵食！我地係openri

OPPA韓國燒肉店 (旺角).A4和牛肉眼100g-A4和牛入口半化，牛香，肉味濃郁.牛排骨-事前醃製好整條排骨，醃得好入味，店員服務周到，一整條我倆比較難燒，店員燒得啱啱好剪好一小塊，非常好👍🏻.海鮮盤-原隻魷魚🦑八爪魚，帶子，鮑魚，全部都好新鮮，特別係魷魚同八爪魚，全部都好爽口又彈牙，鮑魚原來店員幫我地燒係要剪開佢先係最好食！.韓式冷麵- 可惜沒有白醋，但有自家酸甜汁，冷麵有碎冰保持溫度飲品方便分別叫咗蜜桃西柚以及梨檸檬，本來係想叫果汁但係冇晒，不過呢兩杯都非常之清新以及開胃，食燒肉配搭一流

呢間韓燒長時間都好多人 今次終於bk到枱試試去！成間舖頭裝修都好似地道韓燒店咁有feel🔥連櫈都係鐵桶改造架😳一入到去坐低 就已經有齊配菜招呼客人 亦都放好曬整齊嘅餐具個menu入面都勁多選擇 豬牛海鮮普通韓餐你諗得到既都包含係裡面🤤如果太多選擇又會有set等你唔洗揀咁多所以我同朋友就叫左一個韓牛套餐加少少海鮮都已經好夠飽😛因為佢既分量都超大份 尤其是係佢地推廣緊既韓牛餐👍🏾•和牛拼盤之牛氣沖天🥩•-呢個餐就包含左牛既唔同部位 有牛舌等 如果大家中意試曬唔同部位既真係值得推介😚而唔同位置都有唔同口感 雪花之類 但全部都易入口😌仲有樣睇落都好新鮮所以全部我地都會剪到五六成熟左右 如果想慢慢食仲可以放係爐邊唔太受熱既地方就唔驚overcook la另外仲有叫左啲海鮮 特別係想推介下個虎蝦 真係幾新鮮同大隻 廚房仲會幫客人開邊👏🏾令到大家食得方便唔洗整到成手都係 拎去燒真係一流😻整體黎講覺得店員服務態度都不錯 都會主動黎幫你check下個爐 整頓好令客人食得開心又放心🤡

OPPA韓國燒肉店 (旺角).之前食過大埔嗰間係任飲任食，今次呢一間位於旺角比較就腳，但並非任飲任食，但係我個人其實反而更加喜歡呢度.🔹A4和牛肉眼100g🔹.A4和牛入口好惗，雖然未至於入口即化但都好好食，幾香牛脂.🔹牛排骨🔹.呢個真係好好食，醃好左本身就好入味，完全唔需要額外醬料，包菜食一流(˶‾᷄ ⁻̫ ‾᷅˵).🔹雜錦海鮮盤🔹.呢個真係好抵食，勁大條魷魚🦑仲有啲八爪魚🐙另外兩隻鮑魚同兩隻帶子，而大蝦兩隻就幫你開埋邊，呢到店員好細心，見到咁大條好難燒會幫忙燒同剪好曬，好靚每件都燒得啱啱好！.🔹韓式冷麵🔹.水冷麵係我哋兩個食韓式料理嘅至愛，佢無白醋但又另外特別調配個汁，都係酸甜，不過我個人覺得白醋更加好味😋.兩杯特飲別係蜜桃西柚加梨檸檬梳打🍋食燒肉飲呢啲咁fresh嘅真係好正🥰—————————————————-環境：⭐️⭐️⭐️⭐️味道：⭐️⭐️⭐️⭐️⭐️服務：⭐️⭐️⭐️⭐️⭐️價錢：⭐️⭐️⭐️⭐️.📌 OPPA韓國燒肉店 (旺角)旺角洗衣街117號建煌華廈地下.—————————————————————-#hkig#hkigfood#hkfoodie#foodie#food#hkfoodblogger#foods

友人喜歡飲真露，得容易喝到醉米。這次就來到oppa喝真露吃韓國菜。點好菜，友人先品嚐泡菜及芽菜，而我只吃點紫菜。真露有多款口味，我們先點餐提子，大家都認為提子最好喝，之後點了柚子也比下去。多春魚都是友人喜歡的食物，外皮燒得香脆，鮮香濃郁的魚春，細緻的魚肉加上軟彈的脆骨，味道及口感都十分有層次。海鮮類還點了帶子及大蝦。帶子是刺身級的，大粒軟彈，燒到外香肉嫩，外層香口内裡鮮甜。大蝦上枱時已經開邊，方便易熟，但蒸發了水份後難免鮮香流失了。肉類點了豬及牛。美國Prime特級雪花牛肉充滿油香。醬腌豬肋肉則軟腍入味。

久違的聚會❣️疫情好返啲係時候出去搵食😉今日經過見到平日咁多人排隊食呢間😏見仲未開始多人排就即刻同朋友入去試試先❣️每張枱都配有配菜豆芽❣️泡菜同埋海帶👍🏻另外仲有生菜同玄米茶(解滯必備呀❣️味道甘甘地而且可以解熱氣❣️)最緊要係呢兩樣都可以任fill👍🏻開咗爐之後❣️有泡菜蛋附送😉正呀❣️當餐前/餐後小食都得😁睇下我哋叫咗啲咩👇🏻🔺腌牛五花🔺呢個係薄薄地嘅牛肉片🤓表面有啲燒汁同洋蔥絲🙈雖然醃咗但唔算太濃味😬燒幾下已經食得😽🔺牛脷🔺 呢個係原條上唔係切片🤣不過都處理得好好👍🏻無脷笞🤣最緊要係好juice同好有牛味而且一啲都唔蘇❣️最正係好爽脆❤️🔺五花腩🔺五分肥五分瘦🤩呢個一定要配生菜🥬食❣️我覺得係絕配😬因為連生菜食無咁油膩好似會健康啲嘅感覺🤣要燒到啲肥膏金黃色又脆脆地最好味👍🏻🔺黑毛豬🔺好大塊又好厚👍🏻要俾啲心機燒🤣幾有豬味👍🏻唔會好難咬👍🏻🔺熱戀情人❣️蜜桃🍑西柚梳打🔺酸甜酸甜好解渴❣️食完重口味嘅肉肉再飲條氣好順🤣🔺甜過初戀❣️梨汁檸檬🍋梳打🔺呢個都係酸酸甜甜好開胃❣️

今日同朋友相聚一下，出到旺角見到呢間鋪頭裝修好有韓風，決定食燒肉，入到去好快安排我哋坐低，見到好多選擇！花多眼亂！～和牛拼盤肉質好淋，牛既味道好濃郁，雖然有啲油，但和牛黎講都算唔錯。加上佢可以試唔同部位，滿足到我哋既每個部位都想食，份量岩岩好！$458價錢黎講都算親民！～韓式海鮮餅海鮮餅入面加左泡菜，魷魚洋蔥🧅，好煙韌唔會太乾，好好味😋～前菜有我最愛既大豆芽，海帶，泡菜，～爐邊蛋入面有材料除左蛋仲有洋蔥🧅，食好香口又脆內軟！