OPPA韓國燒肉店

營業中

休息中

第一次食到部隊鍋個麵係林到爛咁🙄水冷麵。問有冇醋係冇嘅🤔海鮮燒餅個質感好似年糕😥燒肉嗰啲肉算係肉嘅☹️服務態度就…難得的態度一致，但唔係好😐最有禮貌係見你未到，喺電話入面把聲係最好🥺

滿期待的燒肉店，場內甚有置身於韓國一樣，🤗 由於2人用餐，而且覺得叫套餐材料未必優勝，所以最終散點自己喜愛的😆「五花腩」肉質尚可，而且肥瘦隔著「牛肩肉」肉質好硬👎🏼👎🏼「A4和牛」正呀！☺️建議要剪開食「豆腐泡菜湯」😖😖只有辣味，沒有鮮甜，而且是淡的👎🏼 （好彩最終可退回）備註：店員態度👍🏻由於韓風甚廣，場內有點嘈😆椅子下可放個人物品，避免令到大油煙味蛋槳只可提供多一次添加（不是無限）

原本睇完食評而來的，但好失望，除左五花腩正常，其他豬皮，牛肉石頭飯，泡菜餅，都好難食⋯⋯豬皮淋baba，我地問員工豬皮要燒幾耐，佢竟然答豬皮本身熟左，吾怪得燒極都甘淋😖，石頭飯啲牛肉好似牛肉乾甘，泡菜餅你去超市買返去自己煎仲好食過佢，服務態度真心麻麻，現在因疫情，盤生菜放左好耐叫佢換都吾換，話係執枱時放上嚟，但我地未到已經放左喺枱面⋯⋯真心失望，冇下次吾係all you can eat，仲要限時。覺得要考慮清楚先嚟。

難得放假就想同女朋友食返餐好嘅，我哋傾去都好耐冇食過燒肉，喺OpenRice上面搵到呢一間都好多好平嘅燒肉店一於就去試一試。本來都擔心晚上去嘅時候要等位等好耐，好在去到嘅時候啱啱好有枱！我哋叫咗一個雜錦牛肉，同埋五花腩！ 先講個雜錦牛肉，食入口其實同我心目中都幾大落差 ，可能係因為佢嘅醬料實在太鹹太重，令到我食唔出個肉質係乜嘢味。有點失望！ 然後五花籃食落本身以為會好滑，點知真係好鞋口，總括而言兩個肉我都覺得普普通通！ 如果下次再嚟嘅話，我會想試吓佢嘅燒海鮮，俾多次機會佢！

今日朋友話想食燒肉就上openrice上面搵，最近果間就係oppa,當時1點堂食，當時入面只有一枱客，而我同朋友由門口登記記錄到安排坐位全程係侍應用手指指示態度超hea，侍應亦只有落完單問佢果支係咩野飲答“玄米茶”，我地先知佢唔係啞架。叫左雞肉，牛肉拼盤，牛舌，大腸，飯五樣野雞肉，食到係肉，燒之前見到係雞肉，燒完齋食你唔會估到係雞肉囉牛肉拼盤同牛舌，燒完仲有血水出緊，我諗我都算唔係燒到過哂火呀，唔知點解會咬唔開，剪都難，我d牙差定把鉸剪廢呢大腸，堅韌程度同牛肉可以難分高下飯，朋友話最好食嘅一樣囉燒板邊有個送嘅現燒”蛋餅”，個名係估嘅，冇問職員，不過味道都係一pat唔知咩野侍應講過野三次，第一次叫野食再問，”玄米茶”，第二次叫飯,”飯”,叫埋單，“好”中間問個侍應個抽氣有冇開，因為d煙係四散嘅。侍應直接拉低抽氣去到極近燒板位，跟手就走人。不過個抽氣程況冇改善囉。我估果個係緊係裝飾黎今餐2個人食左400,冇下次，垃圾，完

果然無希望就無失望，覺得試過就好了，不會Encore。·🥩什錦牛肉 (HKD 368/450g)呢set有牛排骨、牛肋肉、M6和牛肩胛肉和牛脷。整體只有牛脷係較為好食，口感爽滑，其他肉質一般，感覺只是靠醃料蓋過不新鮮的肉🥲份量對於二人都算多。·🥩五花腩 (HKD 98/150g)雖然五花腩脂肪比例均勻，理應有着較好的口感，但真係好鞋口，而且食落無咩香味，確實失望。首次蛋邊是免費，再加就要另加$18。店內的員工服務確實不錯，會不時主動清理爐面，亦會主動補充茶水。但食物質素真係一般，價錢亦不值，不推薦。

今次第二次黎食，覺得啲燒肉真係幾好食先再黎㗎，今日嚟到有個肥肥地既男店員著住oppa 5號衫既，態度真係差到不得了，好似得罪咗佢咁，十二點幾到，得我地一枱客兩位客人，好似唔願做咁，係後面禁電話，落單幾次先應，加單過到黎每一次都皺眉頭，好似阻住佢咁，陣得佢一個員工，我都唔想叫佢嫁，問簡單問題又要追問先答，黃店都係咁話啦，唔會再有下次！！！

秋冬天氣韓燒最舒服，見到咁多好評又黎試吓啦。店舖位置好細，只可以容納到六台客左右，兩點幾去都要排隊等位，帶位侍應話要等一個鐘叫我哋行陣街，所以我哋去咗朗豪坊行咗一個鐘再返嚟，3:00開始燒。上菜速度都好快，但係生菜同配菜泡菜個啲就食完叫咗幾次等好耐先有，肉類來講都唔錯，另外見堂食做緊折所以叫咗個牛set。個人幾欣賞佢個泡菜，醃得幾好又入味，如果食完再添加嘅速度可以快多少少就好啦。帶子好新鮮推介推介！牛嘅顏色睇落都唔錯，色澤均勻，口感軟熟，不過外賣自取就六折定七折抵好多，我見到有人自取兩套牛set走。生日飯埋單五百蚊內兩個人，下次會試其他餐廳。請問咩叫上傳原圖先可以post？呢啲唔係相係咩黎？

用餐時間：星期日1500今日叫左個2人份量套餐。包左3碟前菜，三樣都發揮正常。生菜任食，味道都係正常。呢隻茶係免費任飲既，我覺得凍凍地幾好飲。爐邊蛋每個set1份，每次加要比額外$18。蛋入面加左泡菜，發揮正常既。帶子(評分:4/5) : size都幾大粒，配埋檸檬汁幾夾。雞翼(2/5) : 呢個口味偏重，食唔到雞翼味。牛五花 (4/5) : 食落唔係好瘦，所以呢個價錢算合格既牛排骨 (1/5) : 雖然係大塊，不過口味太重，好鹹，完全食唔到牛味。五花腩(2/5) : size係大舊既，不過大半舊都好難咬，所以真係麻麻地。總括黎講兩個男人食完都只係啱啱好夠飽，份量唔係好夠。最後埋單免加一係$308，兩個人平均$154。呢度份量偏少，食物質素都係麻麻地。服務質素ok既。整體黎講性價比就一般啦。

冬日韓燒暖笠笠～ .有雞蛋泡菜，超鮮嫩～.🌸二人餐 $888.🌼 和牛拼盤 450g超大盤牛肉。入邊有美國上肩胛肉，美國牛小排，美國下肩胛肉，日本A4背峰肉，日本A4上腦肉，日本A4牛肉眼，1++韓牛肉眼，澳洲和牛頸脊和澳洲和牛舌。.超多肉肉肉，都分唔清楚邊d係邊d，只知道食食食。超鐘意生菜包住肉一齊食，生菜無限供應，其他配菜都可再拎。.🌼牛骨湯冬天飲牛骨湯，全身暖笠笠。牛骨煲左好耐，d精華都係湯入邊，蘿蔔好淋好好味。牛骨肉超級好食，好淋好入味。推介!!!!.🌼大帶子 + 鮑魚 （各兩個）新鮮帶子，燒幾分鐘就可以食得，鮮味十足。鮑魚要燒耐d先熟～.🌼黑毛豬好大塊黑毛豬肉，肉質嫩滑多汁，同生菜🥬一齊食，絕配～.🌼鵝肝 50g呢個必食！有三塊鵝肝，剛端上來時還在解凍中，要過一陣再煎。煎幾分鐘就得，煎太耐會縮水。鵝肝味超濃郁，就咁食或者配配菜都好正。.🌼雪糕🍦 有朱古力 雲尼拿同士多啤梨味。揀左士多啤梨～食完熱氣嘢再食雪糕，一物降一物。.體總來講，食物質素唔差，而且生菜同配菜都可以無限供應，上菜速度快👍

.一直都抵抗不了韓式燒肉 前日朋友突然想食我當然唔會say no😚叫左個2人餐有和牛拼盤 450g 帶子鮑魚各2隻黑毛豬 鵝肝 牛排骨湯同甜品-movinpick雪糕和牛拼盤絕對係我最愛😋有和牛多種唔同既部位份量十足 牛肩胛肉係最香濃肉味 油脂分布亦十分平均🤤無論係加泡菜蛋定係菜一齊食都十分一流 啖啖肉！.第一次自己燒鵝肝 外脆內軟😍好香好好食帶子同鮑魚都係自己燒 0失手 鮮味十足牛排骨湯好香濃 超多料 不會死咸 冬天飲就最好不過 暖胃之選最後當然唔少得雪糕～成餐大滿足

韓燒韓燒韓燒，我終於搵到比較啱我心水既韓燒啦😋😋😋唔係好鐘意任食，一來限時會食得好趕，二來成日食得好少野，其實好唔抵💛今次介紹下 💛OPPA Korean Restaurant OPPA韓國燒肉店其實已經係第二次去食。去到門口量完體溫入座，佢地會比個紙袋我地放口罩，真貼心。每一枱都會有一樽凍麥茶、前菜同埋生菜，呢啲係free，無哂可以加👍🏻個凍麥茶幾好飲，好啱食韓燒飲😋🐂主打既和牛拼盤真係無得輸，咩都有啲，啱哂我地，又好食🤤原本想追加多一盤，但大小姐話飽了，我地又驚食唔哂，所以放棄。🐐羊架都好抵食，一碟有4件，件件都好厚好大舊😋總結：抵食又好食，又同路💛，呢間韓燒值得再去第三次第四次......地址：旺角洗衣街117號建煌華廈地下而其實佢地大埔都有分店㗎#韓國菜 #韓燒 #旺角 #大埔#oppa韓國燒肉店

去唔到韓國，唯有食住韓燒先🙈呢間都係朋友介紹，性價比幾高既餐廳，有多款韓式燒肉同韓國料理，價錢唔算貴，絕對食到飽環境裝修都貼近韓國風格，有圓筒凳同埋抽風器，牆上既畫都好靚好可愛🥰1. 和牛拼盤 $458和牛用左牛牛形狀既木板裝載，非常吸睛🤤拼盤有美國上肩胛肉、牛小排、下肩胛、背峰肉、上腦肉、A4牛肉眼、1++韓牛肉眼、澳洲和牛舌、牛頸脊，放得好整齊👍🏻不過冇牌分別唔同既肉背峰肉極珍貴既部分，和牛紋理好靚，油花均勻，肉質柔軟細膩，唔洗咀嚼就化開，油脂感豐盈😋澳洲和牛舌帶點嚼勁，上腦肉外層紅白相間，韌性同牛舌相近，牛眼肉肉質細嫩同埋多汁，慢火烤都已經帶出肉汁的鮮味，牛肩肉質鮮嫩，包埋生菜一齊食完全唔覺得膩蔘雞湯 $108長期保持熱度，隔左一陣飲都是熱騰騰☺️雞內有糯米，湯仲用左紅棗、薑、人蔘去燉製，湯清而不濁，雞煮到非常腍，連骨都好腍，但肉唔算好嫩滑，味道偏淡

呢間燒肉黄店都開咗好幾年💛，晚飯時間通常都要排隊。食過2-3次感覺都唔錯，最近天氣開始凍🥶，韓燒癮起就一於去食番餐😆🤟🏻。.呢到嘅生菜籃喺無限Refill，食完店員就會幫手主動換籃新嘅🥬，另外仲有泡菜爐邊蛋食🐣。📍Oppa 4太子（$108/份）唔想淨係食肉就叫咗2款海鮮🌊。由於係自己燒🔥，帆立貝可以自行決定生熟程度，食落味鮮又夠嫰👍🏻，真係幾正，加咗少少牛油去燒🧈所以更加好食😆。. 📍南非鮮鮑魚（$168/4pcs)Abalone 鮑魚本身已經煮熟咗，只需要輕輕煎香表面就食得😆。雖然口感彈牙但冇鮮味👉🏻👈🏻，呢個價錢同質素唔抵食，不推薦🙅‍♀️🙅🏻‍♀️。.📍加拿大牛排骨（$148/250g)Canada Spare Rib牛排骨預先醃製好🙌🏻，卷成圓柱體睇落更吸引😍。塊肉較薄所以燒2下就食得，包埋生菜🥬、泡菜、芽菜仔同昆布一齊食，味道豐富🥳，如果可以厚切啲會更好。.📍韓國梨汁（$15）

OPPA韓國燒肉店係旺角洗衣街地下，門外有一排圓凳比客人等候時坐，個晚去都幾多人，下一張檯可能要等1個鐘後，相當受歡迎☺️檯上已經準備好前菜三碟、生菜同埋茶，仲有斜形鐵板，設計幾貼心🥰方便燒肉既油流出至板外，呢到泡菜幾好食，唔會太辣，清爽帶點脆口－－－－－－1. 五花腩 $98 150g 7.5/10一份有三大塊五花腩，肥瘦均勻，一放落鐵板上，豬油好快就滲出來，表面酥脆口感🤤真係好香，煎到金黃就可以煎成一口size2. 韓式素菜餃 $48 7/10素菜餃非常易煎👍🏻唔會痴底，煎完完整無缺，兩邊煎至金香，不過素菜餃既餡料唔多，味道可以再豐富一點3. 韓式炸雞 $88 6.5/10炸雞上菜時真係幾香，我覺得佢有點似美式炸雞多過韓式，皮偏厚一點，不過食落幾嫩，但油膩感較重