OPPA韓國燒肉店

營業中

休息中

差唔多成年無食過韓燒 早兩日終於去左好耐無食過既Oppa做下食肉獸望住個餐牌 貪心仔樣樣都想食 所以最後決定叫兩個唔同既拼盤 食到夠為止和牛拼盤有9款世界各地唔同既和牛 美國既有上肩胛肉、牛小排、下肩胛日本A4和牛有背峰肉、上腹肉、牛肉眼澳洲既有和牛頸脊、和牛舌就連矜貴既韓牛肉眼都有得食全部都無可挑剔 超級好味呢個價錢 有咁多和牛食其實真係幾抵食 什錦海鮮拼盤就有兩隻勁大隻既虎蝦、帶子、鮑魚、八爪魚、仲有隻超級巨型既魷魚基本上全部都好新鮮 最好味係果兩隻大虎蝦 開邊燒一流

最近，韓劇魷魚遊戲掀起熱潮，放假去食韓國燒烤，仲食埋大大隻嘅原隻魷魚。🍳每枱都有泡菜、海苔同生菜，食完可以任添，唔少得泡菜蛋，蛋香滑，內裏有香辣泡菜，幾滋味。服務都唔錯，店員主動幫我哋清理鐵板。餐廳牆身係行簡單工業風，畫上多幅特色動物壁畫。座位係傳統圓檯櫈，通風系統都妥當，唔會太大油煙。🥓五花腩 $98喺店舖必叫嘅主角，五花腩肉同油脂層次分明，煎到金黃焦香，食落幾脆口，配上生菜、泡菜同海苔，減少油膩感覺。🥩M6和牛肩胛肉$228油花分佈均勻， 肉質鮮嫩，每人一塊再剪開食就啱啱好，好鍾意食牛嘅仲可以試埋和牛拼盤。🦑原隻魷魚 $95魷魚卷曲成花形，份量唔少，可以夠2 個人分享，入口爽口。 🍹特飲：$28/ 杯熱戀情人（蜜桃西柚梳打）甜過初戀（梨汁檸檬梳打）兩款都係清甜帶酸，幾開胃解膩。宜家用信用卡優惠會再抵啲，我朋友用咗匯豐信用卡，食品會有88折優惠。另外，店員話用大新信用卡正價Menu 有8折優惠，生啤買2送1。

叫了一盆牛肉和海鮮，牛盆包含了不同部分的牛肉，質素還可以，有些部分比較韌。海鮮盆質素一般，太多魷魚和魷魚頭。服裝真的一般，落單時，侍應生常常不回應，都不知他聽不聽到，完來他聽到的，食物和飲品最後都會送上。

不得不說嘅係佢啲座位真係偏窄，我地有訂位，所以有一次免費嘅爐邊蛋🥓OPPA歡聚4人餐 $798 另收加一佢個menu冇寫數量😵‍💫，食完我地4個人都唔飽，上枱嗰下佢話上完真係呆左😢，呢個根本係2人餐🥩頂級安格斯肉眼扒開頭我以為4人餐應該有4塊，點知得一塊，仲薄過大家樂嘅牛扒👅和牛牛舌牛舌有兩塊，每人分到半塊，味道正常🐷水飼黑毛豬一塊豬肉，4個人分，每人都唔知有冇一啖🥟韓國午餐肉併餃子午餐肉4塊，餃子4嚿，冇咩特別🥒什錦地瓜籃有4塊蓮藕、翠肉瓜、菇，有啲金菇同紅蘿蔔小片🐤蔘雞湯都好多雞肉而且幾好食同好飲嘅，啲雞唔會覺得好鞋🍚石鍋飯呢個最正常，似food court平時叫嘅石鍋飯，好食嘅，但四個人分一個咁囉🥤汽水4罐叫左可樂，正常啦

琴晚同朋友食飯，見呢間多好評，應該唔差就去咗食去到嗌咗個和牛拼盤、五花腩、韓式炸雞、泡菜煎餅首先，啲牛食落去勁韌。一開始以為係朋友燒耐咗所以韌，點知之後每邊燒幾十秒再食都係韌嘅，仲要無乜牛味…然後，食韓式炸雞，個賣相勁似kfc啲炸雞已經心知不妙，食落去勁乾，有啲位更加乾到硬晒…五花腩同泡菜煎餅就一般般，不過一提嘅係，我第一次食五花腩有少少黏黏立立嘅感覺，食過咁多次韓燒第一次有呢口感最後，賣單成800幾蚊…勁後悔去咗食😭以上純粹個人意見

之前黎食過韓燒，味道是不錯的🤔今日想食飯，就黎試下佢嘅熟食，叫左個辣海鮮湯，一個以為有飯跟埋嘅湯啦，點知原來係冇飯跟，算啦，我再叫個飯，諗住都正架啦，點知….海鮮又少，隻蝦好似浸左成個月腐爛左咁，點食吖🙄🙄仲要成88蚊，浪費金錢🤢🤢🤢🤮🤮總之個湯直路係難食到一個點…仲有叫左個泡菜煎飯，整到好似年糕咁，都係十分之一般!下次食韓燒先好黎😪

9月14日晚上去食，兩個人點左4樣野牛肉拼盤，多春魚，韓式炸雞，石鍋牛肉飯!牛肉拼盤大部分肉都醃到冇曬牛肉味，多春魚帶小小苦味，韓式炸雞炸到好似條柴甘，難聽d講句衰過麥記炸雞，石鍋牛肉飯最<驚喜>，完全係叉燒味!中伏!!

真係咁都得？先講牛肉拼盤，冇乜驚喜，冇人同我講唔同部位燒幾耐係最好，入到去個服務感覺就係放題，但係價錢係放題2倍。然後個爐燒左10分鐘就癡曬底，鍾意食鑊燶嘅真係唔好錯過，同埋冇職員會理你個爐係咪燶左，可能係我烹飪技術有問題，但係又再返去頭先個問題，服務係邊？鵝肝，牛肉，豬肉，海鮮，全部冇指引，真係憑感覺燒，最後食完原來仲有個雪糕，諗住起碼仲有點慰藉，掀開蓋睇，入面已經走曬樣，係融過再雪返硬嘅埋單食左766兩位，仲好意思收➕1，五星酒店嘅價錢，兆萬放題嘅質素，唔係黃店就大曬，完。

OPPA燒肉店係旺角東附近，位於洗衣街地下，係十分方便嘅位置。特登帶BB嚟食餐好嘅！我哋叫咗A4和牛、A4和牛肉眼同蜜桃西柚梳打。A4和牛肥瘦均勻，每一塊都有好靚嘅雪花，一咬落去油脂爆發，絕對稱得上係A4和牛，4大塊已經好夠食了。和牛肉眼就咁睇同$108無咩分別，但食落就知道，肉眼係無咁多油脂、反而肉味較出同埋再厚身啲，難怪要貴多$30！蜜桃西柚梳打夠哂解喝，配上燒肉十分唔錯。值得一讚嘅係啲生菜同配菜可以任FILL，食咁肥嘅肉，夾埋生菜同泡菜即刻中和返，感覺無咁邪惡HAHAHAAA，可以ENCORE！

已經好耐冇去過旅行，勁掛住韓國⋯⋯冇得去，唯有食韓燒頂住先。今日嚟到OPPA燒肉店，兩個人叫咗一個和牛拼盤。入面有上下肩胛肉、牛小排、日本A4肉眼、1＋＋韓牛肉眼同牛舌。一上枱我哋O咗嘴，原來咁大份，睇嚟我哋食呢個都夠了。份拼盤$458會唔會太過份，呢到仲要係旺角喎！普通肩胛肉肉味香濃，燒到半燒都唔會太U，食得出肉嘅新鮮。1＋＋韓牛肉眼非常肥美，韓牛無日本和牛咁油膩，既有牛味、唔UN、又夠滑，肥而不膩，食多幾舊都得！一個字：正！

黎到大埔呢間oppa，感覺好特別，天花掛左幾部播k pop既電視，牆上好多壁畫，佈置得好有韓式風格，仲有唔少工業風既元素，所以係門口就比佢吸引左黎食，見佢d食材又幾高級靚仔，價錢又合理，睇落性價比都幾高。不銹鋼枱面，又有申縮油煙管，食完又都唔會一身都油煙味，真係夠曬乾淨衞生。頭盤黎左一盤靚牛，仲有個牛形既盤裝住，等你一睇就大概知係牛既邊個部位，又長知識了。成盤睇落賣相好吸引，牛既色澤都唔錯，解凍得岩岩好，唔會話出曬血水，d牛係盤到燒幾秒就食得，油脂分佈好靚，食落入口既溶，果然係靚牛。本人就最鐘意佢個牛三角肌，脂肪比率高，分佈好均勻，入口即溶，而且牛味都幾重，又嫩口。熟食同配菜都幾多選擇，有大把鐘意既鵝肝，夠曬肥美。仲有燒鮑魚仔，入口彈牙，好有風味。韓式人參雞湯都好正，好重參味，隻雞夠曬大，個湯煲得好足料。

夜晚同朋友聚會尼到旺角嘅OPPA 韓國燒肉店！我地尼到已經好夜，真係好多謝員工唔介意而且等埋我地食完。店員嘅服務態度好好，會主動尼幫我地，同提醒我地食嘅時候要注意嘅事項！上面圖係我地點嘅黑毛豬拼盤再加一份五花肉，份量係好多，大部分嘅肉都非常juicy，但好可惜就係牛肉同五花腩燒完都比較韌, 有啲難咬！

之前係大埔都有試過呢間oppa，味道都唔錯，咁啱約左朋友去旺角食飯而佢又韓式燒肉癮起，我就提議試下呢間oppa旺角分店！——————————🔸泡菜豆腐湯/韓式部隊shake shake飯雖然oppa主打韓式燒烤，但原來佢地嘅料理亦都唔馬虎！泡菜豆腐湯份量非常多，豆腐夠滑，泡菜又唔會煮到無晒味，湯嘅調味啱啱好撈落飯食一流。shake shake飯有泡菜、紫菜、午餐肉等材料，撈勻後啖啖惹味！😋🔹牛氣沖天和牛拼盤一見到張poster已經比呢個拼盤吸引，order一份已經可以食到一隻牛不同部位，包括和牛舌、牛小排、肉眼、背峰肉等，個人特別鍾意日本A4牛背峰肉，肉嘅油脂花紋均勻，肉質嫩滑而且肉味香濃，如果可以食多幾舊就好啦！😭🔹熱戀情人蜜桃西柚梳打/甜過初戀梨汁檸檬梳打食燒烤野當然叫番兩杯酸酸甜甜梳打特飲，這兩杯梳打非常解膩！個人推介檸檬梳打多啲，因為佢甜酸度平衡得較好，而蜜桃西柚飲到最後有少少西柚嘅苦澀味，但大家可以試下！

呢日黎到旺角嘅oppa燒肉，一於黎嘆下正野！我地叫左個2人餐！入面有好多野食，包括有和牛拼盤，人參雞湯，帶子，鮑魚，黑毛豬，鵝肝，movenpick 雪糕同埋兩杯汽水/果汁！一定要讚下佢既和牛拼盤，d肉新鮮唔駛講，佢上碟既方式係用左一個木盤上，木盤係成隻牛個樣，超特別，你食既部位係邊個就跟番個盤，一目了然，真係超特別！牛肉充滿着油脂，油脂分布得好平均，食落去唔會有油膩嘅感覺！仲有生菜可以包住黎食添，減少個油膩感！黑毛豬都充滿着油香，仲有好香嘅豬味添！真係食到一件接一件停唔到口，連埋生菜一齊食簡直係Perfect！鵝肝同埋海鮮就夠哂鮮味，二人餐嘅呢個份量鵝肝啱啱好，食得太多就會略嫌太油膩但係呢個份量就食到恰到好處唔會太滯！再加埋呢個人蔘雞湯，食落去可以清一清頭先嘅油膩感，非常之唔錯！最後以movenpick既雪糕作結真係一流！

不能去旅行的日子，唯有再次去旺角oppa吃一個韓國燒烤來回味一下。入座後先來一些配菜。先點一份牛氣沖天和牛拼盤、a4和牛、韓或部隊shake shake飯和豬皮。牛肉拼盤裡面有美國上、下肩胛肉、澳洲和牛頸脊及牛舌、1++韓牛肉眼等。日本a4和牛油脂分佈非常均勻，入口即溶，超正。再用用生菜包泡菜、芽菜及牛肉、韓國風味出晒黎。豬皮的份量都幾多，烤完後口感帶一點脆口，個人十分喜歡，餐廳另外給你一個蓋，避免豬皮在烤的過程彈來彈去，相當窩心。淨食烤肉有點單調，吃一個shake shake 飯，增加韓國風之餘，也可減烤肉的油膩感。燒烤除了要喝一杯檸檬梳打，當然要喝一杯啤酒喇。