OPPA韓國燒肉店 (已結業)

好耐無黎過oppa燒肉，見到佢有$188放題就一於試下有三款前菜，味道正確，個人鐘意食海帶，雖然只有少少麻油味，略嫌調味唔夠，但都好食既仲叫左真露蜆湯感覺味道有少少似大醬湯，清清地咸咸地係唔錯既大腸有啲太腍，放試鐵板燒下再食會好啲蜆既份量都幾多，算新鮮成碗湯份量連埋配料都幾多另外仲叫左雪濃湯同韓國個啲雪濃湯無得比，但佢都奶得幾好飲而且入面同樣好多牛肉，炆到好腍，少少入口即溶成個湯調味係幾好，略嫌太油，好易滯主角燒肉出場牛小排係幾靚既，雪花都幾多，食落油脂都算豐富但都係有啲筋隔離既牛肋肉望落唔算新鮮，咬落口都偏韌但店員好好幫我地換左，新既都ok既！除左牛仲有兩款豬，分吃係 五花腩 同埋 豬頸肉兩款豬肉都幾有驚喜五花腩好大條好厚，食落啖啖肉又有肥膏，係唔錯豬頸肉雖然辣，但幾好食，算係最好食既一樣！總括而言，質素正常，呢個價錢都算抵既！

呢條街真係好多餐廳都未試過今日經過就見到7:30前離座$188一位左右烤肉放題咁抵忍唔住黎試下！配菜方面有泡菜、芽菜、海帶爐邊蛋都係任點通常燒肉當中，牛肉係比較吸引但今次我最愛既係五花腩！份量好大份！而且肉質好嫩，豬肉味十足！睇落好似好肥膩但食落口唔太油！必點！！牛小排同牛肋肉睇見個花紋就知質素唔錯🥳一邊燒一邊用生菜包住黎食，清新既感覺中和翻肉類既飽肚感😛翠玉瓜燒完之後完全鎖住水份，好食！不過最令我驚喜既係送既牛肋骨湯，好重好香牛味！雖然好飽但我同朋友都忍唔住飲哂成煲湯😂😂所有既牛肋精髓都係哂碗湯入面❤️以$188呢個價錢食到咁過質既韓燒，食肉獸一定唔可以錯過！值得一提既係佢抽煙系統真係好好！唔會好大浸油煙味！

🇭🇰#香港捐窿捐罅記韓國燒烤近年來都係港人嘅最愛 周圍都開咗唔少同類型嘅店舖 所以要發圍出真係發少啲心機都唔得🌝 今日去幫襯嗰間餐廳任何野都充滿韓式😂 連牆都打扮得好有特色 畫得好得意😂不過就係須在唔太就腳 離地鐵站比較遠 好彩我比較熟大埔 所以都唔係太大問題🙋🏻‍♂️-🐮和牛拼盤🐮（$458）我呢啲食肉獸梗係叫返個拼盤🥰 佢個拼盤就有成十款唔同既肉 🌝 最好食嘅係 黑毛和牛牛三角 一睇佢個油脂就覺得幾靚 食入口有好香嘅油香味 但係肉味就唔太重 不過呢啲都係和牛嘅通病 就係肉味唔太重 不過本身都好少食到咁重油香味嘅肉。所以都好鬼好食🙋🏻‍♂️之後我覺得第二好食係 黑毛和牛肉眼 肉眼嘅肉味道不嬲比較重 所以就好好食 再加上佢係和牛所以就幾好食 其他嘅肉類亦都不過不失☺️總結來說 佢仲有唔少任食嘅 大家方便就可以去

韓國回來，愛上韓燒，呢日住大埔的嘅朋友介紹咗大埔區幾出名，多人幫襯嘅『OPPA韓國燒肉店』，雖然離屋企有啲遠，但為咗Oppa，我來了……Oppa推介嘅M6澳州和牛，A4日本國產和牛和SPF美國和牛首先送上，一次過品嚐到三種不同口味的和牛，嗰種满足感難以形容，朋友話澳州M12和日本A5係同等級數，咁下次試邊樣好呢?人多嗌嘅嘢亦多，跟住仲叫咗两個湯，分别係參雞湯另一個係海鮮豆腐年糕湯;豬肉拼盤同埋海鮮類嘅帶子及鮑魚;四式什錦菜藍及四式凉麵，高質满足的一個夜晚。

同另外三個朋友去左食韓燒，呢間韓燒店好大間，環境好開揚！食韓國菜當然就有前菜啦！我地點左好多菜，落單既侍應好勁，唔洗抄低都可以準確無誤咁記得哂我地點既菜！我地點左個和牛set，入面有三款牛，包括係來自澳洲、日本同埋美國既牛。日本既牛質地好腍，而美國既牛味較濃，澳洲既就介乎兩者之間。我地點左個蔬菜拼盤。仲有大大隻既帶子同埋鮮鮑魚啊！呢個豬肉拼盤都好正，有齊唔同部位既肉，滿足多個願望！仲有呢個好有鮮味既海鮮豆腐年糕湯。我至愛既韓式四色冷麵，好refreshing!食韓國菜點可以冇炸雞呢！

呢間oppa 韓國燒肉之前已經食過旺角分店！今次同老媽子去大埔整眉，記得上次係op rice 見到原來大埔都有間分店，就帶老媽子食好野！事關老媽子養生，今晚食個early dinner,環境舒適寬敞，背景音樂k-pop 為主，老少咸宜！今次試下佢個早割燒肉放題，有4款烤肉任食，包每人一杯飲品。點餐後店員就會好快送上醬料同埋前菜，同旺角分店一樣都係有蒜片，海鹽，韓式辣醬，同埋燒肉汁。前菜就有海苔，泡菜同埋芽菜，泡菜微辣酸酸地好開胃！海苔可以撈埋落個湯度更顯鮮甜！然後就係泡菜爐邊蛋，my favourite！蛋漿喺爐邊慢慢以爐邊餘溫烤焙至熟，口感滑脫脫而且有淡淡嘅泡菜味，同埋d烤肉一齊食簡直無得彈！睇吓今日嘅主要菜式啦:我同老媽子都點左湯，因為佢習慣飯前一碗湯，所以我地各自都揀咗唔同款嘅湯，呢個係真露煮蜆，入面有魚腐，蘿蔔，蜆肉同埋粉絲，蜆肉通常係媽媽用嚟煲湯嘅材料，因為用蜆肉煲出嚟嘅湯唔需要加鹽都好鮮甜！鮮甜蜆肉配上魚腐同蘿蔔，再加上滑溜而有彈性嘅韓國粉絲！口感豐富而入味！另外一個就係牛肋湯！呢個勁勁勁勁勁好飲！奶白色好重牛骨味！而且入邊既牛腩每一舊都煮到勁淋勁好味！蘿蔔吸收晒湯嘅精華，

同朋友係大埔聚舊 鐘意黎呢間韓燒餐廳食因為可以邊飲邊食邊吹水有三款小碟可以refill昆布，芽菜同泡菜仲有爐邊泡菜蛋😍我地唔想食得過飽 所以無叫放題見到呢個滋味牛set唔錯，除番開都唔洗90蚊一件 價錢絕對唔貴，因為出面閒閒地食件扒都過百所以決定散叫試下再叫其他野食而且呢個set可以試到三個地方既牛-A4日本國產和牛-M6澳洲和牛-SPF 美國和牛左起：SPF 美國和牛、A4日本國產和牛及M6澳洲和牛紋理好分明，脂肪分佈平均美國和牛相對地脂肪無咁多每件牛厚度適中三件牛之中我最鐘意日本和牛油花豐富，牛濃又夠濃郁口應一點都唔韌我地仲叫左五花腩，是韓燒必食吧！每碟有兩大件，厚切五花腩，煎到兩邊微微金黃迫哂啲油花出黎就咁食會感覺滯膩，可加入生菜或泡菜去油膩感我地仲要咗白飯配燒肉唔覺唔覺又容易食多咗

今日同屋企人都好想食燒肉呢間都開左好耐，但一直冇黎食過，一於試下啦呢度既環境真係十足去左韓國，好地道又好colorful!我地5點半就黎左，諗住食早割燒肉放題，$188一位７點半前離座埋單～可以慢慢食前菜有泡菜，海苔，大豆芽＃牛肋骨湯好大碗既湯！入面有好多牛肉，湯既味道夠濃郁＃真露煮蜆呢個清清地好適合燒肉既時候飲，仲有淡淡既酒香重點係配料超豐富，有好多蜆肉，仲有蘿蔔，魚片＃豬頸肉食落好爽口，好好味！＃五花腩口感好豐富，好多肉汁，用黎包生菜食一流！＃美國牛小排、 無骨牛肋肉真係啖啖肉，燒起上黎好香～每位可以有一杯無酒精飲品，真係超級飽呀！５點半黎食真係岩岩好，可以飽足一晚～

**OPPA韓國燒肉店-大埔**上次同老公食過旺角分店覺得唔錯 ! 今次就同朋友黎食早割時段抵D丫嗎! 早D食又唔洗等位 , 最早就可以17:30坐低食 呢個燒肉放題只需要HKD 188 19:30離座前菜有 泡菜 , 海苔 , 大豆芽呢個價錢有4款肉可以REFILL ! 如果係芝士控既朋友仲可以點個芝士燒熔佢點肉食! 又或者燒到d芝士有少少痴底咁，成塊夾起食都好正😂😂（其實係我地over cook左）不過堅好食！我地最鐘意係五花腩 燒到脆卜卜 . 用黎包生菜食 而且每人包一罐無酒精飲品, 我地仲食左 真露煮蜆 同埋 牛肋骨湯 

今晚約咗好友食飯😎 大家住得咁近，梗係揀間近我地屋企嘅餐廳食啦❣️咁就可以吹水吹夜啲都唔怕🤟🏻 自上次同寶寶食咗八妹之後，發現好耐都冇嚟過隔離呢一間韓式燒肉店了，今晚就同朋友再次到訪☺️店入面非常colorful，一樣係用韓國燒肉店嗰種座位可以擺嘢嘅凳，個人來講超鍾意❤️ 因為咁樣冇咁易會沾到燒肉味🤓 裝修亦非常有韓國街頭燒肉店🍖風格❗️好有氣氛💕今晚我哋揀咗呢個 $188 早割/夜割燒肉放題套餐，可以任食四款烤肉：美國牛小排、無骨牛肋肉、五花腩、豬頸肉🤩，每人包一罐無酒精飲品（自己喺雪櫃拎），每兩位客人仲額外送多一款主食😳呢個價錢來講係超抵食呀❗️❗️❗仲有幾款前菜任食添❣️同其他韓式燒肉一樣，烤爐旁邊可以放我最鍾意嘅泡菜蛋+芝士粟米😍 牛肋骨湯店家抽走咗條骨，湯入面有好多肉😯 湯味濃郁，食燒肉食到有啲油膩的話，飲啖湯唔錯👍🏻真露蜆湯湯底好鮮甜，蜆肉多，仲有小蝦、魚片同蒟蒻條喺入面❣️配料好豐富🤩五花腩話明腩就梗係肥㗎啦🤣 不過五花腩先係韓式燒肉中最有傳統風味嘅肉，用塊生菜蘸D 醬汁包住食，口感豐富，肉汁四濺，非常滿足❣️豬頸肉肉質有彈性，咬落較爽口實在❗️美國牛小排比較有咬口，要啲力將啲肉扯斷，勝在肉

黎到oppa韓國燒肉，掙扎左一陣，三重和牛set ，定係任食燒肉好呢？知道自己任食一定失控，都係叫個高質淨和牛set 啦~枱面放左韓式前菜、調味料、包菜。成個場個格局都好韓國，有抽煙管，播住韓國mv，好期待！呢set 和牛set係黎自三個國家: 美國、澳洲同日本。每款兩片。我鍾意燒香之後剪開，一半沾醬就咁食，另一半加上配菜、鹽、蒜，用菜包住食，好滿足！和牛油脂分佈平均，入口軟淋，肉味香濃 👍🏻👍🏻食到咁上下個泡菜蛋都熟了，食韓式點可以冇佢呢~除左燒肉，仲有好多野選！另外叫左韓式炸雞，炸粉厚左少少，不過肉都幾嫩。點埋個韓式辣醬幾香口~呢排好想食炸醬麵。朋友仔話幾好味，不過我就覺得一般，個黑豆醬同平時食開既唔太似，食得唔慣😂燒完聞下件衫，冇油煙味，正~~btw如果下次想食多啲燒肉，點佢既任食燒肉套餐真係好抵！

依家無論食牛肉定豬肉，價錢都唔平今次難得搵到間抵食嘅韓燒，百幾蚊就可以飲食豬牛肉同蔬菜，就約埋朋友一齊嚟試下我哋夜晚六點就嚟食，所以如果七點半前埋單，都可以用$188/位優惠價食燒肉$188套餐有呢幾款肉蔬菜可以揀因為第一次食，店員將所有肉類嘅款式都拎咗嚟畀我哋試下先，如果有需要嘅再落單添加肉類睇落好新鮮，而且脂肪分佈平均，食落口感應該唔錯套餐包一款飲品，可以自己喺雪櫃度攞套餐每兩位包咗一個主食呢個係真露蜆湯湯底味道清新，而且蜆肉嘅份量都好多呢款係牛肋骨湯味道相對濃郁，有少少奶香味同肉味不得不讚賞下佢嘅烤肉盤，刻意擺放到有少少傾斜，等多餘嘅油分可以順著後面流出肉類油脂豐富，一路烤一路聞到好香嘅肉味牛肉嘅肉味好濃，咬落香軟無筋豬肉的味道好好，尤其五花腩油脂豐富，爽口嘅脂肪令豬肉口感更好，而且烤肉過程中將多餘油份迫出，食落唔會過份肥膩冇諗過只係百幾蚊價錢可以食到有質素嘅肉類，而且仲係任食下次同朋友食飯又多個好選擇

同朋友入大埔食飯，佢推介呢間任食韓燒，又來挑戰我個胃！店鋪由門面到內裡裝修都好年青化，好多彩色璧畫，加埋K POP的勁強節奏，立即感覺年輕幾年！座位是鐵桶型設計，可以將個人物品放裡面，安全方便！把握兩小時，我們當然極速剔嘢食，好快侍應已經棒上一盤牛肉，款式好多，例如無骨牛肋肉、澳洲和牛封門柳、A4黑毛和牛肩胛、加拿大牛排骨、澳洲和牛下腹腩、五花腩、A4黑毛和牛三角腩等，大部份肉都好腍，好味！比較特別係「封門柳」，我聽都未聽過呢個term，朋友話呢個係牛橫隔膜既肌肉，每隻牛只有一條，咁實係貴嘢啦！食落感覺爽口，肉味濃郁！另外，「A4黑毛和牛肩胛」以及「A4黑毛和牛三角腩」都係好吸引！睇到個樣、油脂分布已經令人流口水，嫩滑口感入口即溶，想起都好回味呢！除了多款牛肉，個餐仲包每人2隻帶子和鮑魚及4隻深海虎蝦，用牛油和蒜蓉調味，相當美味！蝦肉結實夠新鮮，鮑魚爽口好味，帶子也不差！我們也試了其他小食，包括雞腎、魷魚鬚、午餐肉等，而韓燒其中一個特點當然就是泡菜蛋，加埋粟米和卡邦尼芝士，超正！現場飲品亦有大量選擇，一般汽水及韓式飲品任君選擇，食到最後當然要食杯雪糕「清熱氣」啦！3大牌子總有一款啱你！

已有三年無去過Korea, 真係好掛住佢D韓燒，今晚和男友長途拔踄走入大埔，為的就是食韓燒，仲係任食呀！餐廳的裝修擺設色彩繽紛奪目,場上的漫畫畫得非常生動可愛， 鐵桶型座位揭開，還可以擺放手袋衣物 ，令衣物致沾染油煙味。 星期一至四$368, 星期五，六，日和假期$398,以這個價錢任食任燒2小時真係好抵！除了燒牛肉外，還有前菜， 海鮮，肉類，韓式料理，野菜等，飲品任飲。有3個大冰櫃飲品任飲，除了一般汽水外，Lotte 芒果，石榴汁，Mikis, Ceylon Lemon tea和西瓜汁等韓式飲品非常多，真係花多眼亂，樣樣都想試。店員首先送上一set牛拼盤，包括無骨牛肋肉，澳洲和牛封門柳，黑毛和牛肩肉，加拿大牛排骨，澳洲和牛下腹腩，黑毛和牛三角腩同在Korea食燒肉一樣，塊燒板一邊是泡菜蛋，另一邊有粟米和卡邦尼芝士，可以用來蘸五花腩，好正！加拿大牛排骨和黑毛和牛三角腩肉質好腍好軟滑，好好味！和牛下腹腩~幾有咬口，口味濃郁澳洲和牛封門柳~ 爽口，油脂比較多，肉味濃郁！黑毛和牛肩~又腍又軟，入口即溶無骨牛肋肉~比較爽口另外附送深海虎蝦4隻，鮑魚和帶子每人2隻。店員服務很週到，幫我們把牛油

喜歡吃韓式燒肉，這裡完全係一個極佳選擇，有唔同嘅選擇，而價錢都十分抵食，有弘大或江南兩種選擇，江南選擇較多，海鮮還有鮑魚、赤蝦、帶子還包埋任飲，不過今晚見唔係吃得太多，於是選了弘大，肉類同江南一樣，但有啲肉食完就唔可以重點，一來一份牛盛，有齊唔同嘅精選部份，同埋亦可用弘大嘅點菜紙加唔同嘅食物，有香脆嘅炸雞，炸醬麵，還有最愛嘅韓式午餐肉，落單轉頭就已經差不多不用等就上菜，個人較喜歡和牛金展，入口軟熟爽口，夠晒口感！而個傳統石鍋飯牛肉鍋，石鍋夠熱將飯身變成飯焦，入口香脆，而本身吸收埋啲牛肉汁，味道更加鮮味！最後還有最愛嘅Movenpick雪糕提供，真係十分滿足！